Ka꞉leisia 1:21 - Panake Pi La: Ula: Buka pita: Kine Pieke Buka

²¹ Wetepena꞉ta꞉ Sitia Silisia kenke yaapo pa꞉ta꞉ hayeke damanu pa꞉ta꞉ poa꞉me.

Ka꞉leisia 1:21 ပူးပေါင်းရင်းမြစ်များ

Aposolo 15:41

Kutupa puata꞉ Sitia Silisia yaapo nane siosi wanda꞉hali honkopu haena꞉ alo hata꞉ pomu haepekeme.

Aposolo 9:30

Mo hameke titima꞉ kotoeki opu haota꞉ Solota꞉ Sesatia nane hatuku pua Tasa꞉si nane pena꞉ tapaemekeme.

Aposolo 6:9

Kutu piekepate mo ka꞉nda꞉ pikieki mina꞉pa꞉lao pi hotu haemeke da pa꞉ta꞉ haemeke haliweki mandaneeki make kutupa Saitini haliweki make A꞉lekesa꞉ndia haliweki make kutupa mandane Silisia haliweki make Eisia haliweki make mandake pa꞉ta꞉ momba꞉la hata꞉ Sidipeni ame̱le̱ pi yoka꞉ alu pimikime.

Aposolo 15:23

Kutupa do wapeta꞉ mo haliwekima꞉ mea pena꞉ lemekeme. Koto pase tukiki pa꞉ta꞉ do pi wiekeme. Nikita꞉ aposolo haliwekima꞉ mo siosina꞉ handeteke haloma꞉ tondiki haliwekima꞉ tonka꞉na꞉ ika꞉ kametonu hata꞉ do wapema꞉ nika꞉ oli A꞉ndioko Sitia Silisia nane haleme Diendaili kametiti pa꞉ta꞉ keiyae aloma꞉me.

Aposolo 13:1

Mo A꞉ndioko siosi tapake pa꞉ta꞉ mandane potopede haliweki make pi walo haemeke haliweki make haemekeme. Koda꞉na꞉ pi lao hayeke Banabasi make Simioni biki ma꞉nda꞉ Naidia make Saitini hali Lusiasi make hande you hali Hetodina꞉ yankeke hali homeke Maneini make Solo make haemekeme.

Aposolo 23:34

Kutupa mo kapomani you halima꞉ hande pase yata꞉paka꞉na꞉ Polo pa꞉ta꞉ lota꞉ pea alota꞉ Neketa꞉ hando potopinisi halipe leekeme. Kutupa Polota꞉ Silisia nane halie leekeeki opua

Aposolo 22:3

I̱ta꞉ Diu hali mo hande Silisia nane hala꞉ da Tasa꞉si da pa꞉ta꞉ I̱ mendiekepate do daoni tukiki pa꞉ta꞉ daeya polome. Kutupa Kamalielena꞉ sukulu da pita nika꞉ apa꞉ amedana꞉ Lo haumanu sukulu wotu peaka꞉na꞉ ikana꞉ma꞉ Koda꞉ pa꞉ta꞉ ame hone wotu witeleme tupa꞉ I̱ma꞉ make hone u halome.

Aposolo 21:39

Poloma꞉ alota꞉ I̱ta꞉ Diu halie. Mo Silisia nane Tasa꞉si teke da tiekena꞉ da hali hao epoa꞉me leekeme. Wanda꞉hali pa꞉ta꞉ pi loluekema꞉ neke pa꞉ta꞉ honke alome leekeme.

Aposolo 21:3

Koto pulu hata꞉ta꞉ Saipotasi hoki handoma꞉pate koto hoki nepoko nane pua mo Sitia nane poma꞉me. Taiya da pa꞉ta꞉ opolo puata꞉ kenkena꞉ hola꞉pa poma꞉me. Koto Taiya da pa꞉ta꞉ mo kawasona꞉ mea wia pemeke alemanu londolo wimime.

Aposolo 18:18

Polota꞉ nate mandane ekimanu koto pa꞉ta꞉ haota꞉ mo Ketiso wanda꞉hali mina꞉pa꞉lao hande Pisila Akuila tooli ame̱le̱ palai kawasona꞉ pita Sitia nane pemekeme. Senkitia da nane hata꞉ pi la꞉ wiekeeki loluekema꞉ ipika꞉ itiki tunkuliekeme.

Ma꞉tiu 4:24

Koto ipika꞉ pieke hau manuna꞉ta꞉ Sitia kenke paeyao pa꞉ta꞉ kende tupa꞉ wiekeme. Koto pi opuaata꞉ wanda꞉halima꞉ yeni ta꞉ta꞉ ta꞉ta꞉ hake tanda mu haemeke wanda꞉hali make hoke temokomanu pitu make lu keaaso hata꞉ lopo haemeke wanda꞉hali make kiki anke lupa wiki wanda꞉hali make ota꞉ paeyao ipiki pa꞉ta꞉ mea epemekeme.