Epesese 6:23 - Panake Pi La: Ula: Buka pita: Kine Pieke Buka

²³ Nika꞉ Apa꞉ Koda꞉ma꞉ make Tekehali Yesu Ketisoma꞉ make iki pa꞉ta꞉ puki lopa꞉niaasa꞉eki make pukima꞉ homa꞉la꞉eki make hone tulaasa꞉eki tonka꞉na꞉ kia꞉ka꞉na꞉ta꞉ epelieke.

Epesese 6:23 ပူးပေါင်းရင်းမြစ်များ

Kini Pieke 43:23

Mo e pokaeyeke somema꞉ alota꞉ Hone ti yokolo hata꞉ paala꞉ma꞉ na homa꞉pa꞉peke. Ika꞉ Koda꞉ mo ika꞉ apa꞉na꞉ Koda꞉ma꞉ kone ika꞉ numanu pa꞉ta꞉ mo mani paa mendiao pa꞉la꞉mee. Ika꞉ yenki manuta꞉ ana꞉na꞉ mua꞉me leekeme. Kutupa ipikana꞉ma꞉ Simiono iki pa꞉ta꞉ hatuku epeekeme.

Dioni 14:27

I̱ma꞉ iki mina꞉pa꞉lao pulupate puki lopa꞉niaasa꞉ ekita꞉ iki pa꞉ta꞉ pa wina꞉ laa pulume. Yaka puki lopa꞉niaasa꞉eki kone iki pa꞉ta꞉ kitolome. Kutupa mo kenke wanda꞉halima꞉ iki pa꞉ta꞉ kita꞉la꞉ tupa꞉ pa na kitolome. Koto ekina꞉ hone eleke eleke na wiki paala꞉ma꞉ na homa꞉pa꞉peke laa leekeme.

Loma꞉ 1:7

Koto pa꞉la꞉ ekina꞉ Koda꞉ma꞉ pukima꞉ homaata꞉ ota꞉ ipika꞉ wanda꞉hali hamina꞉ wi la꞉la꞉ Loma꞉ wanda꞉halio. Iki paeyao pa꞉ta꞉ wape do pitolome. Nika꞉ Apa꞉ Koda꞉ma꞉ make pa Tekehali Yesu Ketisoma꞉ make iki pa꞉ta꞉ a꞉ta꞉ma꞉ homolo hata꞉ ika꞉ puki lopao hamina꞉ lepeka꞉na꞉ta꞉ epelieke.

Loma꞉ 15:33

Mo hande puki lopa꞉niaasa꞉eki pu tiaasa꞉ teke hali Koda꞉ma꞉ iki paeyao ame̱le̱ mandakena꞉ haya꞉ka꞉na꞉ta꞉ kota꞉ epelieke. Kutu pina꞉e.

1 Kotindi 1:3

Nika꞉ Apa꞉ Koda꞉ma꞉ pita꞉ Tekehali Yesu Ketiso yaapoma꞉ iki pa꞉ta꞉ pa hameke a꞉ta꞉ma꞉ homolo hata꞉ ika꞉ puki lopa꞉niawaena꞉e laa alopa꞉me.

2 Kotindi 13:11

Koto ekina꞉ ameta꞉ yaka kame tonuo iki pa꞉ta꞉ a꞉taloe alome. Eki a꞉nda꞉ ota꞉ na piki wanda꞉hali hamena꞉ iki ota꞉ honkopu hao hapa꞉peke. Yaka loa꞉ honke pimanu opu hapa꞉peke. Ma꞉nda꞉ ma꞉nda꞉ ame̱le̱ homeke hone u alualu pea꞉pa꞉peke. Puki lopaniaasa꞉eki pa꞉ta꞉ hapa꞉peke. Kutupa mo pukima꞉ homa꞉la꞉eki make puki lopaniaasa꞉ ekina꞉ Koda꞉ta꞉ iki ame̱le̱ halieke.

Ka꞉leisia 5:6

Niki Yesu Ketiso pa꞉ta꞉ tunao haoma꞉ka꞉na꞉ta꞉ sekemesaisi hau pita꞉la꞉eki make sekemesaisi hau na pita꞉la꞉eki make koto hau telipina꞉ta꞉ pa pa alema꞉ handa꞉la꞉me. Pate hone tulaaso hata꞉ pukima꞉ homa꞉ alualu pu haemeka꞉na꞉ta꞉ kota꞉ koto hauta꞉ ota꞉ekie.

Ka꞉leisia 6:16

Do hau telieleme wanda꞉hali iki pa꞉ta꞉ Koda꞉na꞉ puki lopaasa꞉eki pita꞉ ipika꞉ a꞉ta꞉ma꞉ homa꞉la꞉eki yaapota꞉ iki ame̱le̱ hao haena꞉e. Iki ame̱le̱ make mo mandane Koda꞉na꞉ wanda꞉hali paeyao ame̱le̱ make hao haena꞉e.

Epesese 6:24

Kutupa Tekehali Yesu Ketiso pa꞉ta꞉ hoto paeyao pukima꞉ homo haleme wanda꞉hali pa꞉ta꞉ Koda꞉ma꞉ ipika꞉ pa a꞉ta꞉ma꞉ homa꞉la꞉eki kia꞉ka꞉na꞉ta꞉ epelieke.

1 Desalonaika 5:8

Kutu pu halemepate nikita꞉ pa̱a̱ pita꞉la꞉ ekina꞉ wanda꞉hali haloma꞉me. Koto ekina꞉ta꞉ epeke hone wia hamana꞉ pea꞉pa꞉peke aleo. Nika꞉ hone tulaasoma꞉eki pita꞉ pukima꞉ homoloma꞉ ekita꞉ hakoko a꞉mbaasa꞉ hanka꞉ leke pambaota꞉ Koda꞉ma꞉ niki mea da꞉taalo pa꞉la꞉ ekina꞉ hone puaasoma꞉ ekita꞉ nika꞉ a꞉nda꞉ pita꞉la꞉ you aka꞉ leke pambamana꞉e.

2 Desalonaika 1:3

Nika꞉ kametonuo. Iki pa꞉ta꞉ hone witolo hata꞉ Koda꞉ pa꞉ta꞉ keiyae pi lo hamonoe. Ota꞉ dupiki pi lo haloma꞉ ekina꞉ teketa꞉ ika꞉ hone tulaleme ekita꞉ ota꞉ anekema꞉ daela꞉me. Kutupa mo ika꞉ pukima꞉ homa꞉ alualu pelemeeki make daeya tieke ya꞉la꞉me.

2 Desalonaika 3:16

Mo Tekehali ipikana꞉ma꞉ kone nika꞉ a꞉nda꞉ peliaasa꞉ ekina꞉ teke hata꞉ ika꞉ pota꞉ paeyao pa꞉ta꞉ hoto paeyao a꞉nda꞉ peliaasa꞉eki ku haena꞉e. Tekehali iki paeyao ame̱le̱ mandakena꞉ haena꞉e.

1 Timodi 1:14

Nika꞉ Tekehalima꞉ ipika꞉ a꞉ta꞉ma꞉ homa tamba꞉ mina꞉la꞉eki I̱ pa꞉ta꞉ wopu kua꞉niaeyekeme. Kutupa make mo nika꞉ Ketiso Yesu ame̱le̱ molome hone tulaasa꞉eki pita꞉ pukima꞉ homa꞉la꞉eki yaapo I̱ pa꞉ta꞉ make kia꞉me.

1 Timodi 1:3

I̱ma꞉ mo hande Ma꞉sedonia nane pulu hata꞉ loa꞉ tupa꞉ ame make neketa꞉ mo Epesese nane pa hao hapeke alome. Koto pa꞉ta꞉ haleme mandane haliwekima꞉ iki makeaasa꞉ haumanu walo halemeeki na walepepee loelena꞉yeke loa꞉me.

1 Timodi 5:8

Kutu pilipipate ma꞉nda꞉ hali epima꞉ ipika꞉ tapakemanu o ota꞉ ipika꞉ wekiwanda꞉ epeke tupa꞉ na handeteke haya꞉ka꞉na꞉ta꞉ kota꞉ koto someta꞉ mo Ketiso hau kiaaso toopi mea baasa꞉me. Kutu piki somena꞉ hoke hauma꞉ta꞉ mo pi na miki wanda꞉halina꞉ hoke hau lombei pea ota꞉ hoela꞉me.

1 Pida 5:14

Ikana꞉ma꞉ Ketiso hata꞉ta꞉ mo pukima꞉ homa꞉la꞉ ekina꞉ kiki mina꞉ alualu pita꞉la꞉ hau pu hapa꞉peke. Iki paeyao Ketisona꞉ tapakema꞉ a꞉nda꞉ peliaasa꞉eki muemena꞉e.

3 Dioni 1:14

Yaka honema꞉ta꞉ neke koto kone handolo ipulu hata꞉ pimanu lopana꞉e.

Peneme Yaeyekeeki 1:4

I̱ta꞉ Dionima꞉ mo Eisia kenke nane hala꞉ watake hata꞉ a꞉ta꞉ alome. Ame do make hala꞉ amba꞉ make hayeke wetepena꞉ make epolo pa꞉la꞉ Koda꞉ma꞉ a꞉ta꞉ma꞉ homolo tamba꞉ mina꞉la꞉eki pita꞉ puki lopa꞉niaasa꞉eki yaapota꞉ iki pa꞉ta꞉ kina꞉e. Koto tupa꞉ mo Koda꞉na꞉ handeteke pila꞉ sea tikitikina꞉ haleme watake hata꞉ sipitidi manuma꞉ make kina꞉e.