Epesese 6:19 - Panake Pi La: Ula: Buka pita: Kine Pieke Buka

¹⁹ Kutupa yaka biki make yeni pitolo hata꞉ Koda꞉ pa꞉ta꞉ hala꞉tiki pea꞉pa꞉peke. I̱ma꞉ta꞉ tikitiki yao hata꞉ mo hande Pi Seliapo a꞉mbao ula꞉ ekimanu handa꞉ wia honkopu hao wala꞉tiki pionoyeke Koda꞉ma꞉ kotoeki kina꞉ yeni pea꞉tiki pea꞉pa꞉peke.

Epesese 6:19 ပူးပေါင်းရင်းမြစ်များ

Aposolo 13:46

Kutupa Solo pita꞉ Banabasi yaapoma꞉ paala꞉ma꞉ na homeke hata꞉ pi alo alota꞉ Iki pa꞉ta꞉ amba꞉la Koda꞉na꞉ pi ale wala꞉peke ya꞉la꞉pateo. Ikana꞉ma꞉ kiaaso hata꞉ Nikita꞉ deto hala꞉eki mea꞉peke na ya꞉la꞉me alemeke handaata꞉ kota꞉ handa꞉pe. Mo Diendaili wanda꞉hali pa꞉ta꞉ walo pulupa꞉me lepekeme.

Aposolo 14:3

Kutupa Polo Banabasi yaapoma꞉ koto pa꞉ta꞉ hao hata꞉ paala꞉ma꞉ na homeke Tekehali Koda꞉na꞉ pi wala꞉tiki pipikime. Kutupa Tekehalima꞉ ipika꞉ pa a꞉ta꞉ma꞉ homa꞉la꞉ pi wanda꞉hali pa꞉ta꞉ peneme yaaluekema꞉ mo hali yaapoma꞉ wele peaaso hata꞉ na hando haemeke ekimanu pina꞉ leekeme.

Aposolo 18:26

Mo pi hotu haemeke da pa꞉ta꞉ ipikana꞉ma꞉ taka꞉lao hata꞉ pi honda꞉ mea waleekepate Pisila Akuila toolima꞉ ipika꞉ pi opuaata꞉ ipiki hatuku mea pua Koda꞉na꞉ hau wopu walepekeme.

Aposolo 19:8

Kutupa mo pi hotu haemeke da pa꞉ta꞉ puata꞉ sumba꞉ tepona꞉ hata꞉ Koda꞉na꞉ Kilu Tombuao Hala꞉ ekina꞉ paala꞉ma꞉ na homeke pi yokaalu pea꞉tiki pea honke alo hata꞉ pi la꞉tiki piekeme.

Aposolo 2:4

Kutupa mo Holi Sipitidima꞉ iki paeyao tumba pitina꞉ mo wanda꞉hali paeyaoma꞉ pi ta꞉ta꞉ ta꞉ta꞉ lena꞉ leekeme.

Aposolo 28:31

ma꞉nda꞉ma꞉ sa꞉sa꞉ na pitolo haena꞉ ipikana꞉ma꞉ honkopu haaso hata꞉ Koda꞉na꞉ Kilu Tombuao Hala꞉ ekina꞉ make mo Tekehali Yesu Ketisona꞉eki make pi wala꞉tiki pu hayekeme.

Aposolo 4:13

Mo haliwekima꞉ Pida Dioni yaapoma꞉ paala꞉ na homepekeeki handolo hata꞉ koto hali yaapoma꞉ sukuluna꞉ make na pepeke ota꞉ pa da haepeke hali yaapoe laata꞉ kota꞉ ikana꞉ma꞉ leke opa꞉ alu alu pea kutupa hone witolota꞉ Yesu ame̱le̱ pomu hata꞉ pa꞉la꞉ma꞉ hone wimikime.

Aposolo 4:29

Kutupa Tekehalio. Ameta꞉ niki paala꞉ma꞉ homomono alemeeki nakana꞉ma꞉ opuaata꞉ niki naka꞉ e pokaasoma꞉ haliwekima꞉ naka꞉ pita꞉ puki taka꞉lao hata꞉ lamono lapeke laata꞉

Aposolo 4:31

Yeni pu paeyeketa꞉ ika꞉ mo hande mombelemeke da kone la꞉ma꞉ la꞉ma꞉ piekeme. Koto pa꞉ta꞉ pitimiki wanda꞉hali paeyaota꞉ Holi Sipitidi tumba pituma꞉ pituma꞉ piekeme. Kutupa Koda꞉na꞉ pita꞉ ikana꞉ma꞉ puki taka꞉lao hata꞉ lemekeme.

Aposolo 9:27

Kutupa Banabasima꞉ Solota꞉ mo aposolo haliweki pa꞉ta꞉ hatuku pua mo Tekehalima꞉ pota꞉na꞉ Solo pa꞉ta꞉ peneme yaeya꞉eki make pi leekeeki make la haleekeme. Kutupa oli Damasikasi da hata꞉ Soloma꞉ Yesuna꞉ biki a꞉mbao na leke pi waleekeeki make mo haliweki pa꞉ta꞉ la haleekeme.

Aposolo 9:29

Solota꞉ mo wanda꞉hali paala꞉ma꞉ na homeke mo Tekehalina꞉ biki laa pi wala꞉tiki piekeme. Kutupa pi pi la꞉tiki pitolo hata꞉ mo Kitiki pi lo haemeke Diu wanda꞉hali ame̱le̱ make pi la alu alu pua꞉tiki pomiekepate mo wanda꞉halima꞉ta꞉ Solo lu pie hone wimikime.

Loma꞉ 15:30

Ya kame titio. Nikana꞉ma꞉ Tekehali Yesu Ketiso pa꞉ta꞉ hone tulao haloma꞉ ekina꞉ make mo Holi Sipitidima꞉ hande pukima꞉ homa꞉la꞉eki niki pa꞉ta꞉ ka꞉la꞉ ekina꞉ make ikana꞉ma꞉ make I̱ma꞉ make honkopu hao mandake dina꞉ Koda꞉ pa꞉ta꞉ ya yeni peaama꞉na꞉yeke I̱ma꞉ iki sutiaaso loa꞉me.

Loma꞉ 16:25

Nikana꞉ma꞉ Koda꞉na꞉ pi laamana꞉e. Koda꞉ma꞉ mo amba꞉ kiake kone a꞉mbao wieke pa ame I̱ma꞉ walolo hande Yesu Ketisona꞉ Pi Seliapo pa꞉ta꞉ yama꞉ Koda꞉ma꞉ ika꞉ hone tulao haleme ekita꞉ ana꞉na꞉ taka꞉lao hamina꞉ lelieke. Koto walolo pita꞉ mo amba꞉ kiaake kone a꞉mbao wieke ota꞉ pie.

1 Kotindi 1:5

Ikana꞉ma꞉ Ketiso yaapo ta꞉ma꞉ni pea hata꞉ ala꞉ta꞉ ala꞉ta꞉ paeyaoma꞉ hamoko halememe. Pi alemeeki paeyao make hone witelemeeki paeyao make apa꞉taaso hata꞉ paeyaona꞉ hamoko halememe.

1 Kotindi 2:7

Kutu pilia꞉pate I̱ma꞉ hande hone wotu witolo hata꞉ lo halo ekita꞉ mo Koda꞉na꞉ hone wotu wita꞉la꞉eki kone alopate pa do kenkena꞉ wanda꞉hali pa꞉ta꞉ta꞉ pa panka꞉ ala꞉ ekie. Amba꞉ do kenke ala꞉ta꞉ ala꞉ta꞉ paeyao a̱i̱ na wepiki hata꞉ kone Koda꞉ma꞉ mo ipika꞉ pa̱a̱ pa꞉la꞉ ekita꞉ niki handa꞉ mea poluekema꞉ do hande hone wotu wita꞉la꞉ ekita꞉ ipikana꞉ma꞉ amba꞉ hone wiekeme.

1 Kotindi 4:1

Ikana꞉ma꞉ niki pa꞉ta꞉ hone witolo hata꞉ hone dupa wia꞉pa꞉peke. Ikita꞉ Ketisona꞉ e pokaasoma꞉ haliweki hata꞉ta꞉ mo hande Koda꞉na꞉ a꞉mbao ula꞉ haumanu handeteke haleme haliwekie laa hone wia꞉pa꞉peke.

2 Kotindi 1:11

Kutupa make niki tamba꞉ minolo yeni peaasome ekima꞉ta꞉ ipikana꞉ma꞉ niki pa tamba꞉ mina꞉ lelimikie. Koto ekina꞉ta꞉ nikina꞉ piteleme yeni paeyaota꞉ hombo pealieke. Kutupa Koda꞉ma꞉ niki epeaalieke. Koto ekina꞉ wopuma꞉ nikina꞉ Koda꞉ pa꞉ta꞉ keiyae lelimikie.

2 Kotindi 3:12

Nikita꞉ do hone tulao handeteke haloma꞉eki wia haloma꞉ ekima꞉ta꞉ nikita꞉ honkopu wopu haloma꞉me.

2 Kotindi 6:11

Kotindi haleme yankeke tonuo. Nikana꞉ma꞉ nikina꞉ iki pa꞉ta꞉ pa ka꞉la꞉pa꞉ tapao ota꞉ la kuma꞉me. Nikana꞉ma꞉ta꞉ nika꞉ puki manuta꞉ iki pa꞉ta꞉ anekema꞉ ku haloma꞉me.

2 Kotindi 7:4

I̱ma꞉ta꞉ ikita꞉ ana꞉ pa꞉la꞉me hone ulume. I̱ma꞉ta꞉ ika꞉ piteleme hauna꞉ ta꞉na꞉ma꞉ homa꞉la꞉eki minolome. Nika꞉ ka꞉nda꞉ma꞉ homoloma꞉ ekimanu pa꞉ta꞉ta꞉ I̱ta꞉ hali au la hata꞉ honkopu haasa꞉ ekima꞉ tumbu hala꞉me. I̱ta꞉ ta꞉na꞉ pa꞉la꞉ ekima꞉ tumbaa ankou ala꞉me.

2 Kotindi 8:7

Ikita꞉ ika꞉ wia halemeeki paeyao pa꞉ta꞉ta꞉ hamoko halememe. Ika꞉ hone tulaasemeeki pa꞉ta꞉ make pi aleme pa꞉ta꞉ make hone witelemeeki pa꞉ta꞉ make ika꞉ a̱i̱ koto kone tamba꞉ muluekema꞉ hone witeleme pa꞉ta꞉ make kutupa niki pa꞉ta꞉ pukima꞉ homeleme ekima꞉ make loa꞉me. Koto ekina꞉ta꞉ nika꞉ hone pa꞉la꞉ ekita꞉ ikana꞉ma꞉ do pukima꞉ homa꞉la꞉ ekina꞉ e poka꞉la꞉ pa꞉ta꞉ ta꞉na꞉ma꞉ homolo hata꞉ haka꞉ta꞉pao mandaneeki pa haloemena꞉yeke loa꞉me

Epesese 1:9

amba꞉ ipikana꞉ma꞉ do hau pulueke hone wiekeeki pa꞉la꞉me. Kutupata꞉ hande amba꞉ ipika꞉ a꞉mbao wieke honeta꞉ Ketisoma꞉ yaena꞉yeke koto make ame niki pa꞉ta꞉ peneme yaala꞉me.

Epesese 3:9

Kutupa wanda꞉hali paeyaoma꞉ Koda꞉ma꞉ a꞉mbao u hayeke hone peneme yao yaalo pa꞉la꞉eki make handena꞉yeke I̱ma꞉ walo ponoyeke I̱ pa꞉ta꞉ kia꞉me. Hande ala꞉ta꞉ ala꞉ta꞉ paeyao wepia wina꞉ la꞉la꞉ Koda꞉ma꞉ta꞉ amba꞉ kiaake hatiki epemeke pa꞉ta꞉ kone ipika꞉ u hayeke hone a꞉mbao wia hao hayekeme.

Kolosi 2:2

I̱ma꞉ doeki pitolo ekita꞉ mo wanda꞉halima꞉ pukima꞉ homa꞉ alualu pitolo hata꞉ puki hana꞉ noka꞉pa꞉la꞉ ekima꞉ tumbina꞉ lena꞉ loluekema꞉ pitolome. Do pitolo ekita꞉ ikana꞉ma꞉ ota꞉ tikitiki piki hone wita꞉la꞉eki pa꞉ta꞉ yama꞉ a꞉pa꞉la꞉ hone tulaaseme honkopu muemena꞉ loa꞉me. Do hau pimika꞉na꞉ta꞉ Koda꞉na꞉ a꞉mbao ula꞉eki handilimikie. Do ekita꞉ Ketiso ipiki konee.

Kolosi 4:3

Kutu pitolo hata꞉ta꞉ Koda꞉ma꞉ mo hande Ketisona꞉ a꞉mbaala꞉ ekina꞉ pimanu walamono epeke walekemanu kina꞉ yeni pu hapa꞉peke. Kotoeki tekena꞉ I̱ta꞉ ameta꞉ dipula pilume.

1 Desalonaika 2:2

Desalonaika nane ipuluekema꞉ hamonota꞉ mo Pilipai da nane hata꞉ niki yaala꞉ma꞉ homaaso hata꞉ niki tanda kimieki make ikita꞉ opimime. Kutu pimipate nika꞉ Koda꞉ma꞉ nika꞉ puki hana꞉ noka꞉paeyeke handaata꞉ niki ame̱le̱ a꞉nda꞉ litolo haena꞉ kone iki pa꞉ta꞉ Koda꞉na꞉ Pi Seliapo a꞉pa waloma꞉me.

1 Desalonaika 5:25

Kametitio. Niki pa꞉ta꞉ tonka꞉na꞉ yeni peao hapa꞉peke.

2 Desalonaika 3:1

Kametonuo. Paeyaaso pita꞉ dupa. Tekehalina꞉ pita꞉ hande iki pa꞉ta꞉ peo la꞉pa wia꞉ tupa꞉ mo mandane wanda꞉hali pa꞉ta꞉ make a̱i̱ peo lena꞉e. Kutupa ikana꞉ma꞉ do pita꞉ seliapoe la kende tupa꞉ wina꞉ lena꞉ nika꞉na꞉ yeni peao hapa꞉peke.

1 Timodi 3:16

Mo nika꞉ Ketiso hauna꞉ teketa꞉ ota꞉ hau tieke dia꞉me pita꞉ ma꞉nda꞉ma꞉ lapeke na ya꞉la꞉me. Do ekina꞉ alome. Ipikita꞉ ota꞉ halina꞉ loke kone mea opolo epeekeme. Mo hande Sipitidima꞉ ipika꞉ yako pa꞉la꞉ ekita꞉ ota꞉ ekie laa peneme waleekeme. Kutupa ipikita꞉ enisoloma꞉ make handeekeme. Ipika꞉ bikita꞉ mo tutu ma꞉nda꞉ ma꞉nda꞉ paeyao pa꞉ta꞉manu make walemekeme. Kutu pieketa꞉ mo kenke paeyao pa꞉ta꞉ haemeke wanda꞉halima꞉ ipiki pa꞉ta꞉ hone tulaemekeme. Kutaa ipikita꞉ Koda꞉ma꞉ oli ya nane hatuku mea peekeme.

Pailimono 1:22

Pi ma꞉nda꞉ta꞉ dupae. Ya honema꞉ta꞉ iki paeyaoma꞉ Koda꞉ pa꞉ta꞉ yeni pu haleme ekina꞉ hombo peaaso I̱ta꞉ neke pa꞉ta꞉ a꞉pono lelieke. Koto ekina꞉ta꞉ I̱ hapeke da panda꞉ ma꞉nda꞉ tikitiki yao wia꞉peke.

Hibulu 13:18

Koda꞉ma꞉ niki tamba꞉ mina꞉ yeni na mina꞉pa꞉lake wopu peao hapa꞉peke. Nikana꞉ma꞉ hoto paeyao ota꞉ tikitiki piki hau puluekema꞉ taapo haloma꞉me. Koto ekina꞉ nika꞉ hone teketa꞉ Koda꞉na꞉ leke popelekena꞉ ota꞉ tikitiki pa꞉la꞉me hone witoloma꞉me.