Epesese 6:18 - Panake Pi La: Ula: Buka pita: Kine Pieke Buka

¹⁸ Do haumanu paeyaota꞉ Koda꞉ma꞉ tamba꞉ mina꞉yeke pitolo hata꞉ yeni pea꞉tiki pu hapa꞉peke. Koto mo Sipitidima꞉ walolo haena꞉ hoto paeyao yeni pea꞉pa꞉peke. Koto ekina꞉ wotu handeteke hata꞉ soka꞉la꞉ma꞉ na homeke Koda꞉na꞉ wanda꞉hali paeyao pa꞉ta꞉ hone witolo hata꞉ hoto paeyao yeni pea꞉tiki pu hapa꞉peke.

Epesese 6:18 ပူးပေါင်းရင်းမြစ်များ

Ma꞉tiu 17:21

[Pate dupiki hoke temoko toluekema꞉ta꞉ pota꞉ ma꞉nda꞉ dia꞉ ya꞉la꞉pate pa mo nee pi wia hata꞉ yeni pita꞉la꞉eki homekema꞉ ana꞉ pa꞉la꞉me.]

Ma꞉tiu 26:41

Handeteke hata꞉ yeni pu hapa꞉peke. La handa꞉la꞉eki a꞉paama꞉na꞉ loa꞉me. Ika꞉ pukima꞉ hone pa꞉la꞉pate ika꞉ loke mindikima꞉ta꞉ soka꞉la꞉ma꞉ homaa ada꞉ ada꞉ pea witelememe leekeme.

Maka 13:33

Ikita꞉ u̱ na peliki yu wia hapa꞉peke. Mo epolo pa꞉la꞉ dita꞉ iki mateleme.

Maka 14:38

Handeteke hata꞉ yeni pu hapa꞉peke. La handa꞉la꞉eki a꞉paama꞉na꞉ loa꞉me. Pukima꞉ hone pa꞉la꞉pate lokema꞉ soka꞉la꞉ma꞉ homa adaada꞉ pea wita꞉la꞉me leekeme.

Luku 21:36

Koto ekina꞉ leke leke lo hata꞉ hoto paeyao yeni pu hapa꞉peke. Pa ekipeke ikana꞉ma꞉ dupiki haumanu tukiki pa꞉ta꞉ kone honkopu hau epeke tupa꞉ opolo pua mo Wanda꞉halina꞉ Eiyekena꞉ leke popelekena꞉ hamena꞉yeke loa꞉me leekeme.

Luku 22:46

Kutupa mo haliweki pa꞉ta꞉ alota꞉ Ekipeke u pa꞉liake wilimipe. Tiao. La handa꞉la꞉ ekima꞉ iki mea lopaama꞉na꞉ yeni wopu pu hapa꞉peke leekeme.

Luku 3:26

Nakaita꞉ Maadina꞉ eiyeke hayekeme. Maadita꞉ Mataatiasina꞉ eiyeke hayekeme. Mataatiasita꞉ Semenina꞉ eiyeke hayekeme. Semenita꞉ Diosekina꞉ eiyeke hayekeme. Diosekita꞉ Diodana꞉ eiyeke hayekeme.

Luku 3:37

Lameketa꞉ Madiuselana꞉ eiyeke hayekeme. Madiuselata꞉ Inokana꞉ eiyeke hayekeme. Inokata꞉ Dia꞉tedina꞉ eiyeke hayekeme. Dia꞉tedita꞉ Mahalalielina꞉ eiyeke hayekeme. Mahalalielita꞉ Kenanina꞉ eiyeke hayekeme.

Aposolo 1:14

Koto haliweki paeyao mo wanda꞉weki tonka꞉na꞉ Yesuna꞉ ama꞉ Meti make ipika꞉ hameketiti make mandake pa꞉ta꞉ momba꞉la pita꞉ yeni pu pitimikime.

Aposolo 10:2

Hande halita꞉ Koda꞉ pa꞉ta꞉ hone wotu u hao ipika꞉ weteke weki wandikima꞉ Koda꞉ pa꞉ta꞉ paala꞉ma꞉ wotu homa꞉tiki pu haemekeme. Kutupa ipika꞉ kiki tindipao mani dia꞉yeke wanda꞉hali pa꞉ta꞉ halo haota꞉ Koda꞉ pa꞉ta꞉ yeni pia꞉tiki pu hayekeme.

Aposolo 12:5

Koto ekina꞉ Pidata꞉ dipula da pa꞉ta꞉ pa pitina꞉ leekepate mo siosi tapake wanda꞉halima꞉ Koda꞉ pa꞉ta꞉ Pida yeni wopu pea꞉tiki pimikime.

Aposolo 6:4

Kutupa nikana꞉ma꞉ta꞉ Koda꞉na꞉ pi paa walolo ombu halumeke lemekeme.

Loma꞉ 12:12

Tekehalima꞉ pulu pa꞉la꞉ ekina꞉ handeteke hata꞉ ta꞉na꞉ma꞉ homa hapa꞉peke. Ka꞉nda꞉piki haumanu iki pa꞉ta꞉ epea꞉ka꞉na꞉ta꞉ kota꞉ honkopu hao hata꞉ handeteke hapa꞉peke. Hoto paeyao yeni pea꞉tiki pu hapa꞉peke.

Loma꞉ 8:15

Koda꞉ma꞉ iki ka꞉la꞉ Sipitidima꞉ta꞉ iki paala꞉ tiao pa hameke e pokaasa꞉ hali leke na hamina꞉ la꞉la꞉me. Dia꞉me. Koto hau na pita꞉la꞉me. Hande Sipitidima꞉ ikita꞉ Koda꞉ ipika꞉ wekiwandiki hamina꞉ la꞉la꞉me. Koto pa꞉la꞉ ekina꞉ Sipitidi ipika꞉ wele pita꞉la꞉ ekina꞉ nikana꞉ma꞉ Koda꞉ pa꞉ta꞉ wi alo alota꞉ Apa꞉o. Yaka Apa꞉o lo haloma꞉me.

Ka꞉leisia 4:6

Ikita꞉ Koda꞉na꞉ wekiwandiki haleme ekina꞉ta꞉ Koda꞉ma꞉ ipika꞉ wekina꞉ Sipitidita꞉ nika꞉ puki pa꞉ta꞉ pitina꞉ tapaeya꞉me. Mo Apa꞉o. Ya Apa꞉o lo hala꞉ Sipitidita꞉ niki pa꞉ta꞉ tapaeya꞉me.

Epesese 1:16

iki pa꞉ta꞉ hone witolo hata꞉ Koda꞉ pa꞉ta꞉ keiyae pi alo ekita꞉ I̱ma꞉ na mina꞉pa꞉laake la꞉tiki pu halome. I̱ma꞉ iki pa꞉ta꞉ hone witolo hata꞉ yeni pu halo ekita꞉ dupa pu halome.

Epesese 2:22

Ikita꞉ Yesu Ketiso yaapo ta꞉ma꞉ni pea hamina꞉ make mo mandane Ketiso wanda꞉hali paeyao make mea apa꞉tao Koda꞉ma꞉ ikita꞉ ipika꞉ da haena꞉ loluekema꞉ a꞉eta꞉la꞉me. Koto da tukiki pa꞉ta꞉ Koda꞉ ipika꞉ Sipitidi hao halieke.

Epesese 3:18

Koda꞉na꞉ wanda꞉hali paeyao ame̱le̱ ikana꞉ma꞉ Ketiso ipika꞉ pukima꞉ homa꞉la꞉eki tombomanu wala꞉la꞉ ekita꞉ petipeke make hokulu make manda make oto nane make handoemena꞉yeke I̱ma꞉ yeni pitolome.

Epesese 3:8

Koda꞉na꞉ wanda꞉hali paeyao titina꞉ haena꞉ I̱ta꞉ ota꞉ wetepe nane halopate Koda꞉ma꞉ta꞉ mo Diendaili wanda꞉hali pa꞉ta꞉ hande Pi Seliapo I̱ma꞉ walo ponoyeke I̱ pa꞉ta꞉ kia꞉me. Hande Pi Seliapo pa꞉ta꞉ta꞉ Ketiso ipika꞉ paelo pua꞉peke na ya꞉la꞉ hamoko hala꞉eki pila꞉me.

Epesese 6:19

Kutupa yaka biki make yeni pitolo hata꞉ Koda꞉ pa꞉ta꞉ hala꞉tiki pea꞉pa꞉peke. I̱ma꞉ta꞉ tikitiki yao hata꞉ mo hande Pi Seliapo a꞉mbao ula꞉ ekimanu handa꞉ wia honkopu hao wala꞉tiki pionoyeke Koda꞉ma꞉ kotoeki kina꞉ yeni pea꞉tiki pea꞉pa꞉peke.

Pilipai 1:4

Kutupa ikina꞉ Koda꞉ pa꞉ta꞉ I̱ma꞉ yeni peaaso pita꞉ma꞉ta꞉ ta꞉na꞉ pita꞉ hata꞉ peatiki pu halome.

Pilipai 4:6

Ala꞉ta꞉ ala꞉ta꞉ paeyao pa꞉ta꞉ hone witeleme ekina꞉ ka꞉nda꞉ma꞉ homolo na yoko hapa꞉peke. Kotoeki na pikita꞉ hoto ma꞉nda꞉ a꞉nda꞉ Koda꞉ pa꞉ta꞉ yeni pimika꞉na꞉ta꞉ ika꞉ mia꞉peke ya꞉la꞉ alemanu kina꞉ keiyae alo hata꞉ honke lo hapa꞉peke.

Kolosi 1:3

Nikana꞉ma꞉ ikina꞉ yeni peaasota꞉ nika꞉ Tekehali Yesu Ketisona꞉ Ateke Koda꞉ pa꞉ta꞉ hoto paeyao keiyae lo haloma꞉me.

Kolosi 1:4

Pa ekipeke. Ikana꞉ma꞉ Yesu Ketiso pa꞉ta꞉ hone tulalemeeki make mo Koda꞉na꞉ wanda꞉hali paeyao pa꞉ta꞉ pukima꞉ homo halemeeki opu hao loma꞉me.

Kolosi 4:2

Hoto paeyao yeni putia pulu ombu hapa꞉peke. Kutupa Koda꞉ pa꞉ta꞉ keiyae laa yeni pitolo hata꞉ wopu handeteke hapa꞉peke.

1 Desalonaika 5:17

Hoto paeyao make yeni pu hapa꞉peke.

1 Timodi 2:1

Ya sutiaaso titina꞉ pita꞉ dupa. Ikana꞉ma꞉ Koda꞉ pa꞉ta꞉ yeni pimika꞉na꞉ta꞉ wanda꞉hali paeyao make ika꞉ kini haliweki make kapomani e poka꞉la꞉ haliweki make Koda꞉ma꞉ tamba꞉ mina꞉ honke lo hapa꞉peke. Kutaa make ikina꞉ keiyae lo hapa꞉peke. Koto yeni pulu peleme ekina꞉ teketa꞉ do ekina꞉ alome. Iki niki paeyao yopu hao polumana꞉ make Koda꞉na꞉ tikitiki piki hau mumana꞉ alome.

2 Timodi 1:3

Ya apa꞉na꞉ atekena꞉ atekema꞉ Koda꞉ pa꞉ta꞉ hone tulao hao haemeke tupa꞉ I̱ make ya hone tekema꞉ ala꞉ta꞉ ma꞉nda꞉ na ta̱le̱na꞉ leke koto tupa꞉ kone hone tulao halome. I̱ma꞉ timba make natena꞉ make neke hone na yonka꞉lake Koda꞉ pa꞉ta꞉ yeni pitolo keiyae pi lo halome.

Pailimono 1:5

Kutu piki hauta꞉ mo nakana꞉ma꞉ Koda꞉na꞉ wanda꞉hali paeyao pa꞉ta꞉ pukima꞉ homo make kutaa mo Tekehali Yesu pa꞉ta꞉ hone tulao haleeki make opitolo hata꞉ alome.

Hibulu 5:7

Yesuma꞉ do kenkena꞉ hata꞉ta꞉ mo hande homa꞉la꞉ ekima꞉ ipiki meaama꞉na꞉ mo ipika꞉ pa꞉ta꞉la꞉peke yeke Koda꞉ pa꞉ta꞉ ipika꞉ yeni pieke ekima꞉ make honke leeke ekima꞉ make e̱ wi tieke laa e̱ pankeke lopolo haena꞉ yeni piekeme. Koto yenita꞉ homu pikima꞉ pieke handaa Koda꞉ma꞉ ota꞉ opiekeme.

1 Pida 4:7

Ala꞉ta꞉ ala꞉ta꞉ paeyaona꞉ paeyolo pa꞉la꞉ nateta꞉ nuna꞉ ya꞉la꞉me. Koda꞉ pa꞉ta꞉ yeni (ana꞉na꞉) puluekema꞉ leke leke lo hata꞉ ika꞉ hone wopu wia hapa꞉peke.

Diudi 1:20

Koto pa꞉la꞉pate ya yankeke tonuo. Ikana꞉ma꞉ta꞉ ika꞉ mo hande wataapeke na ya꞉la꞉ ta꞉ta꞉ putupa ula꞉ hone tulaasa꞉eki pa꞉ta꞉ puki hana꞉ noka꞉pa꞉tiki pu hapa꞉peke. Holi Sipitidina꞉ honkopuma꞉ yeni pu hapa꞉peke.