Epesese 6:14 - Panake Pi La: Ula: Buka pita: Kine Pieke Buka

¹⁴ Koto ekina꞉ tiao hata꞉ tikitiki yao hapa꞉peke. Ika꞉ hako yameleme ekita꞉ ota꞉ hau pita꞉la꞉eki yama꞉pa꞉peke. Ika꞉ hakoko a꞉mbaasa꞉ hanka꞉ta꞉ tikitiki hau pita꞉la꞉ ekima꞉ a꞉mbaapa꞉peke.

Epesese 6:14 ပူးပေါင်းရင်းမြစ်များ

Luku 12:35

Ikana꞉ma꞉ta꞉ mo e pokaasa꞉ haliweki tupa꞉ hata꞉ta꞉ ika꞉ you halita꞉ hali ma꞉nda꞉ma꞉ wanda꞉ panake mea ne pamba꞉la꞉ ekina꞉ pa꞉leke handaa paa epena꞉ yu wia haleme tupa꞉ ikana꞉ma꞉ta꞉ ika꞉ aka꞉manu wotu soto la꞉tia haena꞉ yama ika꞉ ola꞉pakemanu ka꞉watia hata꞉ta꞉ anemone ipilia꞉ ekimanu lekema꞉ lekema꞉ pitolo hata꞉ hao hapa꞉peke. Koto ekina꞉ta꞉ mo you halima꞉ a꞉pa pota꞉ lia꞉ka꞉na꞉ta꞉ kota꞉ koto kone lombilimikie.

Loma꞉ 13:12

Da kelepuluekema꞉ yeke timba꞉ la꞉la꞉ ekita꞉ paelieke. Timba hata꞉ pu haloma꞉ ekimanu mina꞉pa꞉laota꞉ pa̱a̱na꞉ hata꞉ a꞉nda꞉ pea꞉peke ya꞉la꞉ alemanu mea miniki hamana꞉e.

2 Kotindi 6:7

mo ota꞉ pi waloma꞉ ekima꞉ make Koda꞉na꞉ honkopuma꞉ make paeyaoma꞉ puma꞉me. Nikana꞉ma꞉ta꞉ nika꞉ tikitiki piki hau pita꞉la꞉ ekita꞉ mo a꞉nda꞉ pita꞉la꞉ kolepe a꞉ndeli pita꞉ hanka꞉ yaapoma꞉ handa꞉la꞉me.

Epesese 5:9

Mo hande pa̱a̱ pita꞉la꞉ ekima꞉ peaasa꞉ hau manuta꞉ dupae. Epeke hau pita꞉la꞉ ekimanu make tikitiki hau pita꞉la꞉ ekimanu make ota꞉ hau pita꞉la꞉ ekimanu make peaasa꞉me.

Epesese 6:13

Koto ekina꞉ Koda꞉ma꞉ ika꞉ loke a꞉mbaamena꞉ kita꞉la꞉ alemanu ame kone mea pambao hapa꞉peke. Kutupa hande hoke natemanu ipilie dina꞉ta꞉ ika꞉ a꞉nda꞉ tunkuliki haliwekima꞉ iki hoeyaaluekema꞉ limi ala꞉ta꞉ ikana꞉ma꞉ ana꞉na꞉ a꞉mbao hata꞉ tombona꞉ opolo puata꞉ ika꞉ halimi alena꞉ kone pa tiao hao halimikie.

1 Desalonaika 5:8

Kutu pu halemepate nikita꞉ pa̱a̱ pita꞉la꞉ ekina꞉ wanda꞉hali haloma꞉me. Koto ekina꞉ta꞉ epeke hone wia hamana꞉ pea꞉pa꞉peke aleo. Nika꞉ hone tulaasoma꞉eki pita꞉ pukima꞉ homoloma꞉ ekita꞉ hakoko a꞉mbaasa꞉ hanka꞉ leke pambaota꞉ Koda꞉ma꞉ niki mea da꞉taalo pa꞉la꞉ ekina꞉ hone puaasoma꞉ ekita꞉ nika꞉ a꞉nda꞉ pita꞉la꞉ you aka꞉ leke pambamana꞉e.

1 Pida 1:13

Ika꞉ honema꞉ pea꞉peke hau hone hone u hapa꞉peke. Kutupa leke leke lo hapa꞉peke. Yesu Ketiso opolo epea꞉ka꞉na꞉ta꞉ iki pa꞉ta꞉ a꞉ta꞉ma꞉ homa tamba꞉ mina꞉la꞉eki kilieke. Kotoeki homekena꞉ ika꞉ hone ti lao hao hapa꞉peke.

Peneme Yaeyekeeki 9:17

Kutupa yaka upama꞉ leke handoa꞉ ekina꞉ta꞉ mo hosi ma꞉na꞉ make ika꞉ hokina꞉ pitimi haliweki handoa꞉me. Kutupa mo haliwekina꞉ hakokona꞉ yameleme alena꞉ au la꞉la꞉eki manuta꞉ mo ti lankakema꞉ handa we pupa pua make oli ya punupa꞉la꞉ ekima꞉ handeke toopi sa꞉paeyana꞉ au lekeeki make mo hami pupapeke toopi solopana꞉ au lekeeki make au lea꞉me. Mo hosi ma꞉na꞉ manuna꞉ amboketa꞉ laeonona꞉ ambokema꞉ handaa ika꞉ kake pa꞉ta꞉ta꞉ ti uleke make lumu make ti na honi papeke lankake biki solopa opolu baeya꞉me.

Peneme Yaeyekeeki 9:9

Ika꞉ hakokota꞉ ayenima꞉ wepiki hakokona꞉ yama꞉la꞉ alema꞉ handeke ekima꞉ tote pea kutupa ika꞉ popakema꞉ laeme e̱ma꞉ta꞉ mo a꞉nda꞉na꞉ polukuma꞉ ipupula yopula꞉ hosi ma꞉na꞉na꞉ aiela꞉ da꞉ta꞉ka mendekemanu yopulu leke nono pia꞉me.