Epesese 5:21 - Panake Pi La: Ula: Buka pita: Kine Pieke Buka

²¹ Ikana꞉ma꞉ Ketiso pa꞉ta꞉ paala꞉ma꞉ homa haleme ekina꞉ ika꞉ kone homu pu alu alu pea hapa꞉peke.

Epesese 5:21 ပူးပေါင်းရင်းမြစ်များ

Kini Pieke 16:9

Mo enisoloma꞉ alota꞉ Pao la꞉ka꞉la pua ipika꞉ pa hameke e pokaasa꞉ wanda꞉ hapeke leekeme.

1 Kotindi 16:16

Ikana꞉ma꞉ koto tapake make mo ika꞉ mandake e pokaaseme wanda꞉hali make iki oto pa꞉ta꞉ homu pea hao hapa꞉peke.

2 Kotindi 5:11

Koda꞉ paala꞉ma꞉ homa꞉peke ya꞉la꞉ ekita꞉ nikana꞉ma꞉ hone uluma꞉me. Koto ekina꞉ta꞉ nikana꞉ma꞉ta꞉ mandane wanda꞉hali hone la꞉ka꞉laluekema꞉ taapo haloma꞉me. Koda꞉ma꞉ta꞉ nika꞉ hau paeyaosiki hone wopu ula꞉eki yalo yaka honema꞉ta꞉ ikana꞉ma꞉ make ika꞉ temokoma꞉ I̱ make hone witolo pelememe.

2 Kotindi 7:1

Yaka pukipiki yankeke tonuo do la꞉ ula꞉ pi manuta꞉ niki pa꞉ta꞉ la꞉la꞉me. Koto ekina꞉ta꞉ mo nika꞉ loke puki yaapo ha̱i̱ peaapeke ekimanu pa꞉ta꞉ta꞉ yako pea hamana꞉e. Kutupa nika꞉ Koda꞉ pa꞉ta꞉ paala꞉ma꞉ homa꞉la꞉ hauma꞉ ota꞉ niki yako pea hamana꞉e.

Ka꞉leisia 5:13

Ya kame tonuo. Ameta꞉ ikina꞉ do tupa꞉ alome. Ikita꞉ ka꞉la꞉pa꞉ tapao haleme haliweki hamena꞉ Koda꞉ma꞉ wi la꞉la꞉me. Koto pa꞉la꞉pate ika꞉ honema꞉ nikita꞉ ka꞉la꞉pa꞉ tapao haloma꞉me hone witolo pa mo hande lokena꞉ hone pa꞉la꞉ amba꞉ hau manuma꞉ neke na handeteke haena꞉ lapa꞉peke. Kotoeki na pikita꞉ pa ika꞉ kametonu ame̱le̱ pukima꞉ homeleme ekima꞉ ika꞉ ika꞉ kone tamba꞉ mu alualu puemena꞉ lena꞉ lapa꞉peke.

Epesese 5:22

Wanda꞉wekio hande ika꞉ Tekehali pa꞉ta꞉ homu pea haleme tupa꞉ ika꞉ haliki titi pa꞉ta꞉ make homu pea hapa꞉peke.

Epesese 5:24

Koto ekina꞉ hande siosi wanda꞉halima꞉ Ketiso pa꞉ta꞉ homu pea haleme tupa꞉ wanda꞉wekima꞉ make ika꞉ haliki titi pa꞉ta꞉ homu pea hapa꞉peke ya꞉la꞉me.

Pilipai 2:3

Kutupa make naka꞉ honumake homeke hone witolo o honumake hau o handaena꞉ hau ma꞉nda꞉ na pea꞉pa꞉peke. Kotoeki na pikita꞉ iki paeyao homu pu alualu pea hata꞉ ma꞉nda꞉ pa꞉ta꞉ ika꞉ hauma꞉ta꞉ nika꞉ hau lombei pa꞉la꞉me laa hone u hapa꞉peke.

1 Timodi 2:11

Wanda꞉wekima꞉ ika꞉ kone mina꞉niao yopu siki pita꞉ mo pimanu opua꞉pa꞉peke ya꞉la꞉me.

1 Timodi 3:4

Ipikana꞉ma꞉ ipika꞉ wekiwanda꞉ wopu handeteke hata꞉ make ipika꞉ wekiwandikima꞉ ipiki pa꞉ta꞉ epeke hone wia ipika꞉ pi opina꞉ lelieke.

Hibulu 13:17

Mo ika꞉ siosi you haliweki pa꞉ta꞉ homu pea hata꞉ ika꞉ kakena꞉ homo hapa꞉peke. Ikana꞉ma꞉ ika꞉ siosi wanda꞉hali tukiki pa꞉ta꞉ e poka꞉la꞉eki paeyao Koda꞉ma꞉ handena꞉ ipiki pa꞉ta꞉ peneme yao waluekema꞉ta꞉ timba꞉ nate yaapona꞉ u na peliki hata꞉ mo siosi wanda꞉hali ika꞉ temokomanu wopu handeteke hao halememe. Ika꞉ kakena꞉ homa telia pu haemeka꞉na꞉ta꞉ kota꞉ ta꞉na꞉ lulu hata꞉ ika꞉ e epeke tupa꞉ pokolo pelemepate pa ikana꞉ma꞉ ika꞉ kakena꞉ na homemeka꞉na꞉ta꞉ kota꞉ ika꞉ e poka꞉la꞉eki ka꞉nda꞉ pealieke. Ikana꞉ma꞉ ka꞉nda꞉ma꞉ homemeka꞉na꞉ta꞉ kota꞉ koto ka꞉nda꞉ peaasa꞉ ekima꞉ mo siosi wanda꞉hali iki na tamba꞉ milieke.

1 Pida 2:13

Ika꞉ Tekehali pa꞉ta꞉ hone witolo hata꞉ Kapomanina꞉ pi ula꞉eki paeyao opua homu pea hata꞉ mo Kini you hali haya꞉ka꞉na꞉ta꞉ ipiki pa꞉ta꞉ make

1 Pida 2:17

Wanda꞉hali paeyao pa꞉ta꞉ epeke hone u ika꞉ Ketiso yankeke tonu pa꞉ta꞉ pukima꞉ homo kutupa Koda꞉ pa꞉ta꞉ paala꞉ma꞉ homo kutupa mo Kini you hali pa꞉ta꞉ make epeke hone u hapa꞉peke.

1 Pida 5:5

Koto mandake tupa꞉ kone iki panake panake haliwekima꞉ make mo keileke haliweki pa꞉ta꞉ homu pea hao hapa꞉peke. Kutu pa꞉ta꞉ iki paeyaoma꞉ homu pea ha alualu pita꞉la꞉ hau manuta꞉ ika꞉ aka꞉ leke yama hao hapa꞉peke. Kota꞉ Baiboloma꞉ alota꞉ Koda꞉ma꞉ mo hakoko lita꞉la꞉ wanda꞉halita꞉ kiao hala꞉pate mo homu pea hala꞉ wanda꞉hali pa꞉ta꞉ ipika꞉ a꞉ta꞉ma꞉ homa tamba꞉ mina꞉la꞉eki halo hala꞉me.