Epesese 5:18 - Panake Pi La: Ula: Buka pita: Kine Pieke Buka

¹⁸ Kutupa hoke ikali naa keaasa꞉ ekima꞉ iki hoeyaapa꞉na꞉ kotoeki na piki Koda꞉na꞉ Holi Sipitidima꞉ iki tumbaatiki pita꞉la꞉eki muemena꞉ ota꞉ pea꞉pa꞉peke.

Epesese 5:18 ပူးပေါင်းရင်းမြစ်များ

Kini Pieke 9:21

Ipikana꞉ma꞉ mo waini ikali naa keaaso hata꞉ta꞉ ipika꞉ aka꞉manu holo bao pa tu mea hata꞉ ipika꞉ palai da pa꞉ta꞉ pumbuniao wiekeme.

Ma꞉tiu 23:25

Iki mo Lo Pi ula꞉eki walo haleme haliweki make Pa꞉tisi haliweki make iki paeyaona꞉ hoke yenki tieke ipuleke handolo ekina꞉ I̱ paala꞉e. Ikita꞉ hoke makeaaso yayapiki hau pu haleme haliwekie. Ikana꞉ma꞉ ika꞉ kawasomanu pita꞉ kapomanu yaapona꞉ hama꞉ naneta꞉ epeke tupa꞉ tandepa witolo kone tukiki yaapo pa꞉ta꞉ta꞉ lokena꞉ hone pa꞉la꞉ haumanu pita꞉ pasa꞉tei pita꞉la꞉ haumanu paeyaoma꞉ tumbulu bao ula꞉me.

Ma꞉tiu 24:49

ipika꞉ e mandake pokaaseme haliweki lu yombua꞉tiki pu make hoke ikali nemeke tapake ame̱le̱ apa꞉tao ne ikali naa kea꞉tiki pu haya꞉ka꞉na꞉ta꞉

Luku 1:15

mo weki daeya hata꞉ta꞉ Koda꞉na꞉ leke popelekena꞉ hata꞉ hali tieke halieke laata꞉ Ipikana꞉ma꞉ta꞉ mo waini ikali make mo hoke ikali make na nelieke. Kutupa ipikita꞉ inkikina꞉ weleke pa꞉ta꞉ pitina꞉ kone mo Holi Sipitidi tumbaalieke.

Luku 11:13

Ikita꞉ hoke haliweki halemepate kone ika꞉ weki wandiki pa꞉ta꞉ta꞉ epeke epeke alemanu halo halememe. Koto hau ota꞉ lombei peaaso hata꞉ta꞉ oli ya nane hala꞉ Apa꞉ma꞉ta꞉ mo Holi Sipitidi honke aleme wanda꞉hali pa꞉ta꞉ta꞉ ota꞉ halieke laa leekeme.

Luku 12:45

Kutu pulu pa꞉la꞉pate mo e pokaasa꞉ halima꞉ta꞉ ipika꞉ kone alota꞉ Yaka you someta꞉ di hokulu hokulu pitolo hata꞉ a̱i̱ na ipula꞉me laa mo mandane e pokaasa꞉ wanda꞉ pita꞉ hali yaapo kini pea hali lu yombitolo hata꞉ ikali ne nalo keaaso hata꞉

Luku 21:34

Ika꞉ kone wopu handeteke hapa꞉peke. Ne tieke pamba make honkopu hake hoke ikali wopu na make do kenkena꞉ hone pa꞉la꞉ ekina꞉ we pamba꞉la꞉ ekima꞉ iki ota꞉ na tumbaena꞉ lapa꞉peke. Pa ekipeke mo Tekehalina꞉ Natema꞉ ikita꞉ wisakema꞉ pita꞉la꞉ tupa꞉ koto kone

Dioni 2:10

ipiki pa꞉ta꞉ alota꞉ Haliweki paeyaoma꞉ waini ikali ota꞉ epekeeki amba꞉la hale hale pea kutupa mo ne nolo epo laa epemeke wanda꞉halima꞉ waini ikali wopu nemeke hoki naneta꞉ mo hosiki metoko piki waini ikali hale hale pilieke. Pate nakana꞉ma꞉ mo ota꞉ epeke waini ikalita꞉ hosiki sa꞉sa꞉ pea wia hao ame kone hale hale pina꞉ aleme leekeme.

Aposolo 11:24

Banabasita꞉ ipikita꞉ epeke hali hata꞉ Koda꞉na꞉ pi wopu miniki hayeketa꞉ Holi Sipitidima꞉ ipiki tumbaeyekeme. Kutupa wanda꞉hali wopu Tekehali pa꞉ta꞉ apa꞉tao ta꞉ma꞉ni pea haemekeme.

Loma꞉ 13:13

Nikita꞉ natena꞉ pominoloma꞉ wanda꞉hali leke hata꞉ta꞉ popeke pa꞉la꞉ haumanu pumana꞉e. Hoke ikali naa keaaso hata꞉ yaala꞉ma꞉ na homeke haumanu make suseke haasa꞉ hau pamba na piki haumanu make a꞉nda꞉ pita꞉la꞉eki honditi pita꞉la꞉eki make kutupiki haumanu ikana꞉ma꞉ pea꞉peke na ya꞉la꞉me.

1 Kotindi 11:21

Do ekina꞉yeke loa꞉me. Iki homeke homeke loma꞉ ika꞉ ne kone a̱i̱ nolueke laa pitolo hamina꞉ kone mo some homeke ma꞉nda꞉ tea꞉ma꞉ homa haena꞉ laata꞉ ma꞉nda꞉ma꞉ta꞉ hoke ikali naa keaasa꞉me.

1 Kotindi 5:11

I̱ma꞉ loa꞉ ekita꞉ do ekina꞉ yeke loa꞉me. Hali ma꞉nda꞉ma꞉ iki pa꞉ta꞉ alota꞉ I̱ta꞉ ika꞉ Ketiso kamee la ala꞉pate ipikana꞉ma꞉ tooli ka꞉taasa꞉ hau o honumake hau o toopi tima꞉ wepia ula꞉ ale pa꞉ta꞉ panda꞉ puniaasa꞉ hau o pi la la pita꞉la꞉ hau o hoke ikali naa keaasa꞉ hau o pi ula꞉ ekimanu yamba꞉la꞉la꞉ hau pa pulu ombu haya꞉ka꞉na꞉ta꞉ kota꞉ kutupiki hali ame̱le̱ na hapa꞉peke loa꞉me. Kutu piki hali ame̱le̱ mandake pa꞉ta꞉ pua pita꞉ kone ne na napa꞉peke.

1 Kotindi 6:10

mo pake no haleme wanda꞉hali make pasa꞉tei hau pu haleme wanda꞉hali make kutupa hoke ikali naa keao haleme wanda꞉hali make pi la la pu haleme wanda꞉hali make dupiki hau pu haleme wanda꞉hali homeke a꞉nda꞉ ota꞉ Koda꞉na꞉ Kilu Tombuao Hala꞉eki pa꞉ta꞉ na pelieke.

1 Desalonaika 5:7

Timbata꞉ wanda꞉halina꞉ u̱ pelieleme die. Kutupa timba kone wanda꞉halima꞉ hoke ikali naa keaaseme die.

Taitasi 1:6

Mo handeteke halo pa꞉la꞉ halita꞉ moeki a꞉nda꞉ na pa꞉la꞉ hali make wanda꞉ homeke ma꞉la꞉ halima꞉ hapeke yelieke. Kutupa make ipika꞉ wekiwandikita꞉ mo pi miniki hata꞉ ikita꞉ ti teke yoka꞉la꞉ wekiwandikie o ateke inkikina꞉ pi yoka꞉la꞉ wekiwandikie laa ika꞉ biki na wia꞉ka꞉na꞉ta꞉ hapa꞉peke yelimikie.