Epesese 5:16 - Panake Pi La: Ula: Buka pita: Kine Pieke Buka

¹⁶ Nate ma꞉nda꞉ pa na mina꞉pa꞉laake nate paeyao wotu weiya handa꞉tiki pia꞉pa꞉peke. Ame do nate manuna꞉ta꞉ hokeeki wotu pitelemeke handa loa꞉me.

Epesese 5:16 ပူးပေါင်းရင်းမြစ်များ

Kini Pieke 29:7

Koto lemeke Dieikopema꞉ alota꞉ Nate pa hala꞉ ekina꞉ mo sipisipimanu mea a꞉pa꞉peke nate a̱i̱ dia꞉ma꞉ ikali hala ambumanu nena꞉ paa na hatuku pulimipe leekeme.

Ma꞉tiu 25:17

Koto mandake tupa꞉ kone mo 2 daoseni mieke e pokaasa꞉ halima꞉ koto manima꞉ e pokaata꞉ 2 daoseni ma꞉nda꞉ apa꞉tao wiekeme.

Dioni 12:35

Yesuma꞉ iki pa꞉ta꞉ alota꞉ Mo hande pa̱a̱ pa꞉la꞉ ekita꞉ iki ame̱le̱ hosiki halimikie. Timba꞉ la꞉la꞉ ekima꞉ iki mea tombuaama꞉na꞉ pa̱a̱ pa꞉la꞉ pita꞉ kone pua꞉pa꞉peke. Timba꞉ la꞉pa pa꞉la꞉ pa꞉ta꞉ pula꞉ halima꞉ta꞉ Dota꞉ hando pa꞉ta꞉ pulupe lelieke.

Loma꞉ 13:11

Do hau pulu peleme ekita꞉ do ekina꞉ yeke loa꞉me. Ame do haloma꞉ nateta꞉ ikana꞉ma꞉ hone wilimime. Ame ikita꞉ u̱ na peliki tiao hapeke nate amba꞉ epa꞉la꞉me. Amba꞉ nikita꞉ Ketiso pa꞉ta꞉ hone tulao haoma꞉ ekita꞉ hokulu pia꞉me. Kutu puma꞉pate ameta꞉ niki mea tiaalo pa꞉la꞉ nateta꞉ hosiki teke pa꞉ta꞉ ya꞉la꞉me.

1 Kotindi 7:26

I̱ma꞉ dupa alome. Do hande ka꞉nda꞉ pa꞉la꞉ nate hala꞉ ekina꞉ yaka honema꞉ta꞉ mo epeke ekita꞉ dupa. Homekema꞉ ipika꞉ ame do haleme tupa꞉ paa haena꞉ lapeke ya꞉la꞉me laa hone witolome.

Ka꞉leisia 1:4

Ketisoma꞉ nika꞉ Apa꞉ Koda꞉na꞉ hone pa꞉la꞉ ekina꞉ ipika꞉ kakena꞉ homolo hata꞉ nika꞉ hoke hauna꞉ yenkita꞉ ipika꞉ lokema꞉ mina꞉ homeekeme. Kutu pieke ekita꞉ do hoke natena꞉ haloma꞉eki pa꞉ta꞉ niki peteluekema꞉ piekeme.

Ka꞉leisia 6:10

Wanda꞉hali paeyao pa꞉ta꞉ epeke hau pia꞉peke ekina꞉ waleke a꞉nda꞉ opolo epea꞉ka꞉na꞉ta꞉ kota꞉ iki pa꞉ta꞉ epeke hau ota꞉ pia꞉peke ya꞉la꞉me. Kutu pia꞉peke yolo pa꞉la꞉pate mo nika꞉ Ketiso tapakena꞉ haleme wanda꞉hali pa꞉ta꞉ta꞉ hone ota꞉ wopu witolo hata꞉ tamba꞉ mea꞉tiki pea꞉peke ya꞉la꞉me.

Epesese 6:13

Koto ekina꞉ Koda꞉ma꞉ ika꞉ loke a꞉mbaamena꞉ kita꞉la꞉ alemanu ame kone mea pambao hapa꞉peke. Kutupa hande hoke natemanu ipilie dina꞉ta꞉ ika꞉ a꞉nda꞉ tunkuliki haliwekima꞉ iki hoeyaaluekema꞉ limi ala꞉ta꞉ ikana꞉ma꞉ ana꞉na꞉ a꞉mbao hata꞉ tombona꞉ opolo puata꞉ ika꞉ halimi alena꞉ kone pa tiao hao halimikie.

Epesese 6:15

Kutupa ika꞉ anke dake pambaaseme ekita꞉ hande Koda꞉ma꞉ ika꞉ a꞉nda꞉ peliaasa꞉ Pi Seliapota꞉ a̱i̱ la haluekema꞉ tikitiki yaasa꞉eki pambaapa꞉peke.

Kolosi 4:5

Mo hone na tulaaleme wanda꞉hali pa꞉ta꞉ta꞉ ika꞉ piteleme hau manuta꞉ hone wopu u lenkena꞉ pea pea꞉pa꞉peke. Iki pa꞉ta꞉ waleke wita꞉la꞉eki paeyao epea꞉ka꞉na꞉ta꞉ iki na pakalaena꞉ leke epeke tupa꞉ mina꞉pa꞉peke.