Epesese 5:11 - Panake Pi La: Ula: Buka pita: Kine Pieke Buka

¹¹ Mo timba꞉ lo pamba꞉la꞉ pa꞉ta꞉ hata꞉ napeke na wita꞉la꞉ alema꞉ handeke haumanu pu haleme wanda꞉hali ame̱le̱ na ta꞉ma꞉ni pea na hake kutupiki haumanu mo hande pa̱a̱ peaasa꞉ ekima꞉ kone peneme yaena꞉ lapa꞉peke.

Epesese 5:11 ပူးပေါင်းရင်းမြစ်များ

Kini Pieke 20:16

Kutupa Seta pa꞉ta꞉ alota꞉ Mo neke ame̱le̱ haleme wanda꞉halima꞉ neketa꞉ hokeeki na ula꞉me laa waloelena꞉ make hokeeki ma꞉nda꞉ na peleme hone wina꞉ I̱ma꞉ naka꞉ ana꞉ pa꞉ta꞉ mo silipa manimanu 1 daoseni do halolo handa꞉e leekeme.

Ma꞉tiu 18:15

Naka꞉ kamema꞉ neke hoeyaasa꞉ hoke hau pia꞉ka꞉na꞉ta꞉ kota꞉ ipiki teke pa꞉ta꞉ puaata꞉ ipika꞉ pia꞉ hokeeki wala꞉peke. Pate peneme na piki ipilika꞉ honema꞉ pea꞉pa꞉peke. Ipikana꞉ma꞉ naka꞉ pi opua telia pia꞉ka꞉na꞉ta꞉ kota꞉ mo kameta꞉ neke nane epena꞉ lelipikie.

Luku 3:19

Koto pa꞉la꞉pate Dionima꞉ mo kapomani hali tieke Hetodi pa꞉ta꞉ la halolo hata꞉ alota꞉ Neketa꞉ hoke haumanu peleme laa la haleekeme. Ekipeke. Hetodi ipika꞉ hamekena꞉ weteke Hetodiasi pa ipika꞉ handa꞉mea make ipikana꞉ma꞉ ti teke wotu yoka꞉tiki pomieke handa leekeme.

Aposolo 26:18

Ika꞉ leke kilaowalena꞉ yeke neke tapaasome lea꞉me. Ikana꞉ma꞉ timba꞉ lo pamba꞉la꞉eki la꞉ka꞉la mina꞉pa꞉lao pa̱a̱na꞉ epoemena꞉yeke pua꞉me. Hande Sadanina꞉ wele pa꞉la꞉eki la꞉ka꞉la mina꞉pa꞉lao Koda꞉na꞉eki hamina꞉yeke pua꞉me. Koto ekina꞉ ika꞉ hoke hau pita꞉la꞉ ekimanu Koda꞉ma꞉ pa tombuao hala꞉eki muemena꞉yeke pua꞉me. Kutupa ikana꞉ma꞉ yaka pi mina꞉leke handa talopu mea haena꞉ lolo wanda꞉hali ame̱le̱ tukiki pa꞉ta꞉ a꞉pa hamina꞉yeke pua꞉me lea꞉me.

Loma꞉ 13:12

Da kelepuluekema꞉ yeke timba꞉ la꞉la꞉ ekita꞉ paelieke. Timba hata꞉ pu haloma꞉ ekimanu mina꞉pa꞉laota꞉ pa̱a̱na꞉ hata꞉ a꞉nda꞉ pea꞉peke ya꞉la꞉ alemanu mea miniki hamana꞉e.

Loma꞉ 16:17

Yaka Ketiso kame titio. I̱ma꞉ iki sutiaaso hata꞉ dupiki pi alome. Mo wanda꞉halina꞉ hone tulaasemeeki hoeyaasa꞉eki make wanda꞉hali ka꞉ta꞉ alualu peaasa꞉eki make kutupiki hau piteleme wanda꞉halima꞉ iki hoeyaama꞉na꞉ma꞉ wotu handeteke hapa꞉peke. Amba꞉ titina꞉ iki pa꞉ta꞉ walemeke handa ikana꞉ma꞉ opimiki pi manuta꞉ ame mo wanda꞉halima꞉ tombualuekema꞉ taapelememe. Koto wanda꞉halita꞉ iki ame̱le̱ mandake pa꞉ta꞉ na momba꞉la꞉pa꞉peke.

Loma꞉ 6:21

Kutupu haeme hau manuma꞉ ameta꞉ iki yaala꞉ma꞉ homelemepate iki epeaaso na pia꞉me. Kutu piki hau manuma꞉ta꞉ wanda꞉hali homao halememe.

Ka꞉leisia 6:8

Mo somema꞉ ipika꞉ lokena꞉ namonamo pa꞉la꞉ ekina꞉ waemanu ti lao noka꞉pea꞉ka꞉na꞉ta꞉ kota꞉ koto namo namona꞉ kilikita꞉ homa꞉la꞉eki milieke. Pate ipika꞉ waeta꞉ mo Holi Sipitidima꞉ kilu tombuao hala꞉ pa꞉ta꞉ wae noko pea꞉ka꞉na꞉ta꞉ kota꞉ mo ipika꞉ tala꞉la꞉ ekita꞉ mo hande Holi Sipitidima꞉ kita꞉la꞉ deto hala꞉eki milieke.

Epesese 4:22

Do ota꞉eki manuta꞉ dupae. Ika꞉ amba꞉ hata꞉ pimi hau teketa꞉ ota꞉ baapa꞉peke. Koto ekima꞉ta꞉ iki hao hoeyaaso hata꞉ mo hande amba꞉ hau teketa꞉ ipika꞉ makeaasa꞉ hone pa꞉la꞉ haumanu pu tiaaso hata꞉ ipiki kone hao hoeyaaso make iki make hao hoeyaatiki piekeme.

Epesese 5:12

Ika꞉ a꞉mbao pitelemeeki manuta꞉ wanda꞉hali yaala꞉ma꞉ homaapa꞉na꞉ pi hotia꞉pa꞉peke na ya꞉la꞉me.

Epesese 5:7

Koto ekina꞉ kutupiki wanda꞉hali ame̱le̱ ta꞉ma꞉ni pea na hapa꞉peke.

1 Desalonaika 5:7

Timbata꞉ wanda꞉halina꞉ u̱ pelieleme die. Kutupa timba kone wanda꞉halima꞉ hoke ikali naa keaaseme die.

2 Desalonaika 3:14

Mata꞉la꞉ do tameiya꞉na꞉ wape poloma꞉ pita꞉ iki homeke ma꞉nda꞉ma꞉ na opilieke. Kutu pia꞉ka꞉na꞉ta꞉ koto ipika꞉ hau handolo hata꞉ta꞉ ipikana꞉ma꞉ yaaloma꞉ homaena꞉ mandakena꞉ na apa꞉tao hapa꞉peke.

2 Desalonaika 3:6

Kametonuo. Tekehali Yesu Ketisona꞉ bikina꞉ dupa꞉pe aloma꞉me. Mo nikana꞉ma꞉ loma꞉ mana꞉ pimanu opua na piki soka꞉la꞉ pambeke kametiti pa꞉ta꞉ apa꞉tao na hake ta꞉ta꞉ hapa꞉peke.

1 Timodi 5:20

You halima꞉ a꞉nda꞉ hoke hau pia꞉ka꞉na꞉ta꞉ kota꞉ mandane you haliwekima꞉ handolo hata꞉ hone wina꞉ ika꞉ leke potopoto kone ipika꞉ hoke hau pa꞉la꞉eki laa la halaata꞉ sa꞉sa꞉ pea꞉peke.

1 Timodi 5:22

Hali ma꞉nda꞉ma꞉ siosi pa꞉ta꞉ Koda꞉na꞉ e pokaena꞉ta꞉ na hondoma꞉ tiake hata꞉ kiki wita꞉la꞉ hau a̱i̱ na pea꞉peke. Mandane wanda꞉halina꞉ hoke hau neke pa꞉ta꞉ na mundilina꞉ leke naka꞉ hauta꞉ yako pea hapeke.

1 Timodi 6:5

kima꞉ na homeke pi yokaalu alu pita꞉la꞉ ekimanu make kota꞉ hao paeyao mo wanda꞉hali tukiki pa꞉ta꞉ wala꞉ tiao hala꞉me. Kutu piki wanda꞉halima꞉ta꞉ mo hande ota꞉ pimanu mina꞉pa꞉laaso hata꞉ta꞉ pa mo Koda꞉na꞉ hau pita꞉la꞉ ekita꞉ hamoko hapeke pota꞉e hone u halememe.

2 Timodi 3:5

Ikana꞉ma꞉ mo Koda꞉ pa꞉ta꞉ yeni pita꞉la꞉ hauta꞉ pa pea꞉tiki pea꞉tiki pu halemepate mo yenina꞉ wele pita꞉la꞉ ekita꞉ hoki walaa kiaaso halememe. Kutu piki wanda꞉hali ame̱le̱ apa꞉tao na hapeke.

2 Timodi 4:2

Koda꞉na꞉ pi walo hapeke. Kutu polo halena꞉ wanda꞉halima꞉ opuluekema꞉ ta꞉na꞉ma꞉ na homolo haena꞉ make o ta꞉na꞉ma꞉ homa opitolo haena꞉ make na kiaake pa walolo walolo ombu hapeke. Nakana꞉ma꞉ mo puki nala꞉ pima꞉ make mineke pima꞉ make kutupa mo hone u tiaasa꞉ pima꞉ make koto pi manuma꞉ ikana꞉ma꞉ epeke honemanu wina꞉ loluekema꞉ ta꞉na꞉ma꞉ homa꞉ tiaaso handeteke hao hapeke.

Taitasi 2:15

Do mana꞉ pimanu walo hapeke. Kutu puluekema꞉ta꞉ naka꞉ pi opita꞉la꞉ wanda꞉halina꞉ hone u tia tia puluekema꞉ make hoke haumanu peaama꞉na꞉ sa꞉sa꞉ pulu pika꞉na꞉ make naka꞉ biki ula꞉ ekina꞉ hata꞉ pea꞉peke.

Peneme Yaeyekeeki 18:4

Kutupa I̱ma꞉ opua꞉pate oli hepeni nanema꞉ pi ho̱la̱꞉make ma꞉nda꞉ma꞉ alota꞉ Ya wanda꞉halio. Opolu bao ipupee. Koto wanda꞉ mina꞉pa꞉lao ipupee. Ikana꞉ma꞉ta꞉ ipika꞉ hoke haumanu pa꞉ta꞉ na apa꞉taapa꞉pee. Ipika꞉ hoke yenki mina꞉la꞉eki na telipa mia꞉pa꞉pee.