Epesese 4:31 - Panake Pi La: Ula: Buka pita: Kine Pieke Buka

³¹ Ikana꞉ma꞉ honema꞉ yawa꞉la꞉eki make titipu pikieki kuta kone a꞉mina꞉la꞉eki make mineke panka꞉la꞉eki make tandapiki pi alemeeki make pi la la pitelemeeki make do hande hoke hone witeleme ekimanu paeyo baota꞉

Epesese 4:31 ပူးပေါင်းရင်းမြစ်များ

Kini Pieke 27:41

Atekema꞉ mo hande epeaasa꞉eki hameke pa꞉ta꞉ haleeke handaa Isoma꞉ta꞉ Dieikope honditi piekeme. Ipika꞉ honema꞉ alota꞉ Yaka apa꞉ta꞉ teke pa꞉ta꞉ homolo pa꞉la꞉ ekina꞉ ipika꞉ homa꞉ da pitulu polo ekita꞉ teke pa꞉ta꞉ ya꞉la꞉ma꞉ Dieikope homena꞉ lulueke hone wiekeme.

Kini Pieke 37:21

Lubenima꞉ mo lemekeeki opu hao Diosepe tamba꞉ muluekema꞉ yeke alota꞉ Na lumana꞉ pipe.

Kini Pieke 37:4

Kutupa mo ipika꞉ hameke tonuma꞉ ika꞉ atekema꞉ Diosepe pa꞉ta꞉ homeke puki tiekema꞉ wopu homeekeeki hando haota꞉ kota꞉ ika꞉ kame pa꞉ta꞉ta꞉ honditi pitolo hata꞉ homu piki pi manuma꞉ na la halemekeme.

Kini Pieke 4:8

Kutupa Keinima꞉ ipika꞉ kame Eipolo pa꞉ta꞉ alota꞉ Oni e pa꞉ta꞉ pana꞉ epoe leekeme. Kutupa mo hama̱la̱꞉ oni ena꞉ pua haepe dina꞉ta꞉ Keinima꞉ la꞉ka꞉la꞉ moneao ipika꞉ hameke siki kone homena꞉ liekeme.

Aposolo 21:30

Kutupa mo daoni wanda꞉hali paeyao tiao anke hao pua homeke pa꞉ta꞉ momba꞉la hata꞉ Polo da꞉ka꞉pa꞉ mina mo tembolo da hama꞉ nane yola꞉ mea pua kutupa kuta kone mo pota꞉manu hambemekeme.

Loma꞉ 3:14

Ika꞉ kake manuta꞉ hali tetoma꞉ homaasa꞉ma꞉ pi manuma꞉ tumba halememe.

1 Kotindi 14:20

Kametitio. Ikana꞉ma꞉ wekisunuma꞉ witeleme hone leke wia na hapa꞉peke. Hoke hau pita꞉la꞉ ekina꞉ta꞉ wekisunu leke hapeke ya꞉la꞉pate pa ika꞉ hone witeleme ekina꞉ta꞉ keileke wanda꞉hali hata꞉ witeleme hone leke wia꞉pa꞉peke.

1 Kotindi 5:8

Koto ekina꞉ nikana꞉ma꞉ hande nika꞉ Lombei Pupa Yapeeke ekina꞉ ne pambuluekema꞉ hande amba꞉ pombei yaala꞉ hoke hau pita꞉la꞉ ekimanu pita꞉ hoeyaapeke ekimanu yaapona꞉ yisiti ula꞉ palaowa na mumana꞉ pea꞉pa꞉peke. Pate mo hande na pombei yaake palaowa mumana꞉ pea꞉pa꞉peke aleo. Koto palaowata꞉ ota꞉eki yalo hokeeki taapuna꞉ dia꞉me.

2 Kotindi 12:20

I̱ koto pa꞉ta꞉ opolo epoa꞉ka꞉na꞉ta꞉ ikita꞉ dupiki wanda꞉hali a꞉pa handulueke hone wia ipulua꞉pate pa ikita꞉ ta꞉ta꞉piki wanda꞉hali handulueke laa I̱ta꞉ paala꞉ pita꞉la꞉me. Kutupa make ikana꞉ma꞉ I̱ta꞉ dupiki some handulumeke hone wilimipate I̱ta꞉ pa ta꞉ta꞉ piki some handilimikie. I̱ paala꞉ pita꞉la꞉ ekita꞉ iki tukiki pa꞉ta꞉ta꞉ ape ala꞉ haumanu make ne tunkula꞉la꞉ haumanu make mineke tieke panka꞉la꞉ haumanu make pasa꞉tei pita꞉la꞉ haumanu make yaala꞉ peake haumanu make la la piki pimanu make manda꞉ meaasa꞉ haumanu make mamataasa꞉ haumanu make paeyao handa꞉ ulueke.

Ka꞉leisia 5:20

o toopi ti wepia ula꞉ ale pa꞉ta꞉ yeni pita꞉la꞉ hau o peteke peteke hau o a꞉nda꞉ tunkula꞉la꞉ hau o mineke panka꞉la꞉ hau o ma꞉nda꞉ tombualuekema꞉ hoke hone wita꞉la꞉eki make o ma꞉nda꞉na꞉ ale pa꞉ta꞉ we pamba꞉la꞉eki make o ti teke yoka꞉la꞉ hau o ape ape lo tapake tekili pita꞉la꞉ hau

Epesese 4:22

Do ota꞉eki manuta꞉ dupae. Ika꞉ amba꞉ hata꞉ pimi hau teketa꞉ ota꞉ baapa꞉peke. Koto ekima꞉ta꞉ iki hao hoeyaaso hata꞉ mo hande amba꞉ hau teketa꞉ ipika꞉ makeaasa꞉ hone pa꞉la꞉ haumanu pu tiaaso hata꞉ ipiki kone hao hoeyaaso make iki make hao hoeyaatiki piekeme.

Epesese 4:25

Koto ekina꞉ yayapiki pi ala꞉eki paapa꞉peke. Nikita꞉ Ketiso ipika꞉ lokena꞉ tunao homekeeki yolo hata꞉ nika꞉ kame pa꞉ta꞉ ota꞉ pi la꞉tiki pulumeke.

Epesese 4:26

Kutupa make mineke pankemeka꞉na꞉ta꞉ kota꞉ pa hoke hau pilimina꞉ yopu handeteke hapa꞉peke. Nate pambolo haena꞉ mineke panka꞉la꞉eki na pitina꞉ lapa꞉peke.

Kolosi 3:19

Haliwekio. Ika꞉ wanda꞉weki pukima꞉ homolo hata꞉ tetopiki pi na lapa꞉peke.

Kolosi 3:8

Kutu pu haemepate ameta꞉ dupiki haumanu paeyao mea baapa꞉peke. Mineke panka꞉la꞉eki make titipu a꞉meinolo mineke panka꞉la꞉eki make honema꞉ yawa꞉la꞉eki make loa꞉me. Kutupa yala꞉ peake pimanu make kake na miniki pimanu make ika꞉ kake pa꞉ta꞉ ota꞉ na lapa꞉peke.

1 Timodi 3:11

Koto haliwekina꞉ wanda꞉wekima꞉ make ika꞉ta꞉ epeke hone manuma꞉ tekele tekele pea hata꞉ pi la la na piki wanda꞉weki halimikie. Epeke hone wia hoto paeyao ika꞉ hau pita꞉ pi yaapoma꞉ ota꞉ hau homeke pu hapeke yeke wanda꞉weki halimikie.

1 Timodi 3:3

Hoke ikali naa lu keaasa꞉ hali o tekipuleke laasa꞉ hali dia꞉ya꞉la꞉pate ipikita꞉ yopu hata꞉ a꞉nda꞉ a̱i̱ puluekema꞉ na taapa꞉la꞉ halie. Kutupa ipikita꞉ mani pa꞉ta꞉ we na pambeke hala꞉ halie.

1 Timodi 5:13

Kutaa make kutupiki kosa꞉piki wanda꞉wekima꞉ da yalayala pu pominolo hata꞉ ika꞉ e poka꞉peke natemanu hoeyaalememe. Koto hau homeke dia꞉pate ikana꞉ma꞉ kotoeki ota꞉ lombeipiki hoke hau ma꞉nda꞉ta꞉ dupa. Mandane wanda꞉halina꞉ hau hotiata꞉ la꞉ mundula mundula pitolo hata꞉ mo ota꞉ lapeke na ya꞉la꞉ ekimanu la꞉ tiatia pu halememe.

2 Timodi 2:23

Mo teke na wiki o teke na handeke pi yokaalu alu pita꞉la꞉eki manuta꞉ hoki wala pua꞉peke. Pa ekipeke. Koto hau manuma꞉ta꞉ ape ape mea la꞉tialiekeyeke loa꞉me.

2 Timodi 3:3

Ikana꞉ma꞉ a꞉ta꞉ma꞉ homa tamba꞉ na mu make pa paeyaaluekema꞉ hone na u make hoki nane laasa꞉ wanda꞉hali hata꞉ make hone mata꞉pa pua hata꞉ wanda꞉hali hoeyaasa꞉ hau pu make kika ma꞉na꞉na꞉ hau leke pita꞉la꞉ hau make pu halimikie. Mo wanda꞉halima꞉ epeke haumanu honditi pu halimikie.

Taitasi 1:7

Ipikana꞉ma꞉ta꞉ Koda꞉na꞉ hau handeteke hapeke ekina꞉ ipikita꞉ ota꞉eki a꞉nda꞉ na piki hali hapeke yelieke. Ipikita꞉ wanda꞉hali lu pambaake pi lo o mineke a̱i̱ koto kone panka꞉la꞉ o hoke ikali naa keao o wanda꞉hali make ala꞉ta꞉ ala꞉ta꞉ hoeyao tekipuleke lao o I̱ I̱ laa pasa꞉tei pu o dupiki haumanu pu halia꞉ halita꞉ hapeke na yelieke.

Taitasi 2:3

Mo keileke wanda꞉weki pa꞉ta꞉ make koto tupa꞉ kone alota꞉ Iki make yako piki wanda꞉weki hapeke ya꞉la꞉ tupa꞉ hapa꞉peke la alota꞉ mo hande keileke wanda꞉weki pa꞉ta꞉ ikana꞉ma꞉ laasa꞉ hau na pu make mo waini ikalima꞉ ika꞉ hone hoeyaama꞉na꞉ wopu na neke hata꞉ make ikana꞉ma꞉ mo panake wanda꞉weki pa꞉ta꞉ epeke hau pita꞉la꞉ ekimanu wala꞉ tiaapa꞉peke la wala꞉peke.

Dia꞉mesi 1:19

Ota꞉ ya kametitio. Do pimanu hone wipe. Iki paeyao pi opuluekema꞉ tikitiki yao hapeke ya꞉la꞉pate pa pi pi a̱i̱ na leke make mineke a̱i̱ na panka꞉pa꞉peke. Do alo pi manuta꞉ do ekina꞉yeke loa꞉me.

Dia꞉mesi 3:14

Kutu piliepate honditi wotu pita꞉la꞉eki make pasa꞉tei hau puluekema꞉ taapa꞉la꞉eki make ika꞉ puki pa꞉ta꞉ pitaemeka꞉na꞉ta꞉ kota꞉ ika꞉ pi ika꞉ kone na laake yayapiki hau na pea꞉pa꞉peke.

Dia꞉mesi 4:11

Ya kametitio. Ikana꞉ma꞉ ika꞉ kame ma꞉nda꞉ pa꞉ta꞉ hoke hone witolo hata꞉ la la pita꞉la꞉ pi na lapa꞉peke. Hali epima꞉ ipika꞉ kame pa꞉ta꞉ hoke hone witolo hata꞉ pi lao pi yokaalu pita꞉la꞉ halima꞉ handa haya꞉ka꞉na꞉ta꞉ mo hali homeke pa꞉ta꞉ na pita꞉la꞉pate mo hande Lo pimanu pa꞉ta꞉ kone pita꞉la꞉me. Nakana꞉ma꞉ kutu pika꞉na꞉ta꞉ mo hande Lo Pimanu hone na wiki neketa꞉ mo Lo Pi manuna꞉ pi yokaalu pitele hali halipikie.

1 Pida 2:1

Hoke hau paeyao baapa꞉peke. Yayapiki pi na lo makeaasa꞉ hau na pu ma꞉nda꞉na꞉ epeke hau pita꞉la꞉eki handa꞉peke yeke honditi pita꞉la꞉ hau na pu kutupa make kake neli pita꞉la꞉ pi na lapa꞉peke.

1 Dioni 3:12

Nikita꞉ mo hande Keinima꞉ na hando hapa꞉peke ya꞉la꞉me. Ipikita꞉ mo Hoke Temokona꞉eki hata꞉ ipika꞉ hameke Eipolo kone lu homaeyekeme. Pa ekipeke lu homaeyekepe. Do ekina꞉yeke loa꞉me. Mo ipika꞉ pieke hau manuta꞉ tikitiki na pitolo haena꞉ ipika꞉ hamekena꞉ hau manuta꞉ tikitiki pikieki yaalo piekeme.

1 Dioni 3:15

Ma꞉nda꞉ epima꞉ ipika꞉ hameke honditi pia꞉ka꞉na꞉ta꞉ kota꞉ koto someta꞉ hali lu homaasa꞉ somee. Kutupa ika꞉ hone wilimima꞉ mo hali lu homaasa꞉ someta꞉ da꞉ta꞉la꞉eki ipiki pa꞉ta꞉ na ula꞉me.

Peneme Yaeyekeeki 12:10

Kutupa oli hepeni nane pi ho̱la̱꞉make tiekema꞉ alota꞉ Ameta꞉ niki da꞉ta꞉monoyeke Koda꞉na꞉ pa꞉ta꞉la꞉la꞉eki ta a꞉pa꞉la꞉ handa꞉e. Ameta꞉ Koda꞉ ipiki kini hata꞉ ipika꞉ weleta꞉ peneme yaasa꞉ handa꞉e. Ameta꞉ ipika꞉ ma̱leke lila꞉ Ketisoma꞉ ipika꞉ handeteke hala꞉eki peneme yao wala꞉la꞉ handa꞉e. Pa ekipeke nika꞉ Koda꞉na꞉ puki tikitikina꞉ hata꞉ peliolo da kelepolo nika꞉ kamemanu ma̱leke lia hokeeki pa꞉la꞉me lo haya꞉ halita꞉ oli hepeni mina꞉pa꞉lao tolu lopaala꞉me.