Epesese 4:29 - Panake Pi La: Ula: Buka pita: Kine Pieke Buka

²⁹ Hoke pi homeke a꞉nda꞉ ika꞉ kakema꞉ na leke wanda꞉hali epeaalo peleme pimanu lapa꞉peke. Kutupa ika꞉ pita꞉ wanda꞉halima꞉ opitolo hata꞉ Koda꞉ ipika꞉ pa a꞉ta꞉ma꞉ homa꞉la꞉eki mina꞉yeke loa꞉me.

Epesese 4:29 ပူးပေါင်းရင်းမြစ်များ

Ma꞉tiu 5:16

Koto tupa꞉ kone wanda꞉halima꞉ ika꞉ epeke haumanu handolo hata꞉ ika꞉ hepeni hala꞉ Apa꞉ pa꞉ta꞉ yeiya꞉ lawaena꞉ma꞉ paeyaoma꞉ handena꞉ ika꞉ pa̱a̱ peapeke haumanu pu hapa꞉peke.

Luku 4:22

Ipika꞉ leeke pi manuma꞉ tende pieke handaa iki paeyao siki leke opa penkiliputia pominolo hata꞉ make haleke lomba mo ikana꞉ma꞉ ipikina꞉ do pi lemekeme. Ipikita꞉ Diosepena꞉ eiyeke dia꞉yekea laa ika꞉ ika꞉ kone lota꞉ pu alu alu pimikime.

Dioni 1:37

Mo hande disaipolo hali yaapoma꞉ koto leeke pi opuaata꞉ Yesu ame̱le̱ mandakena꞉ pemekeme.

Loma꞉ 14:19

Koto pa꞉la꞉ ekina꞉ nikana꞉ma꞉ta꞉ a꞉nda꞉ pelia pata꞉ pea halo poloma꞉eki make nika꞉ nika꞉ kone honkopu hatia alualu pea halo poloma꞉eki koto hau manuta꞉ ota꞉ pumana꞉e.

Loma꞉ 15:2

Dia꞉me. Nika꞉ Ketiso yankeke ipika꞉ hone tulaasa꞉eki sutialuekema꞉ kota꞉ niki paeyao homeke homekema꞉ ipiki epeaaso ta꞉na꞉ma꞉ homa꞉tiamana꞉e.

1 Kotindi 14:19

Pate hande siosi wanda꞉hali mombeleme ekina꞉ hata꞉ mo wanda꞉hali pa꞉ta꞉ pi waluekema꞉ mo iki opua꞉peke ya꞉la꞉ pi doka꞉tiki yunki hata꞉manu homeke loluekema꞉ waleke wia꞉ka꞉na꞉ta꞉ kota꞉ mo da ta꞉ta꞉ ta꞉ta꞉ pima꞉ ota꞉ hokulupeke 10 daoseni pimanu waluekema꞉ hone na wiki kiaalueke.

Epesese 4:12

Kutupieke ekima꞉ Koda꞉na꞉ wanda꞉hali paeyao ana꞉na꞉ kone hata꞉ ipika꞉ e pokaena꞉yeke piekeme. Kutu pita꞉la꞉ ekima꞉ Ketiso tapake wanda꞉halita꞉ daeya꞉ tia pena꞉yeke pa꞉la꞉me.

Epesese 4:16

Kutupa nika꞉ lokena꞉ kiki anke paeyao ipiki pa꞉ta꞉ tunaaloma꞉me. Mo lokena꞉ hala꞉ alemanu paeyao tuna tuna pea ika꞉ kaukata pea꞉peke ekimanu pitolo hata꞉ hande loke paeyao daeya tia pulu hata꞉ ipika꞉ kone pukima꞉ homolo epeke tupa꞉ daeta꞉la꞉me.

Kolosi 4:6

Ika꞉ aleme pi manuta꞉ tende peao make ta꞉na꞉ma꞉ homa꞉tiake tupa꞉ lapa꞉peke. Kutupa ikana꞉ma꞉ paeyao pa꞉ta꞉ epeke hombo peaasa꞉eki hala꞉la꞉ ekita꞉ hone wopu wia꞉peke ya꞉la꞉me.

1 Desalonaika 5:11

Koto ekina꞉ta꞉ ame do piteleme tupa꞉ ika꞉ ika꞉ kone sa꞉tia alualu pea tamba꞉ mu alualu pitolo hapa꞉peke.

1 Pida 2:12

Ikana꞉ma꞉ pi na ma꞉la꞉ wanda꞉hali taapuna꞉ ota꞉ epeke hau pu hapa꞉peke. Kutu pimikina꞉ta꞉ hande pi na ma꞉la꞉ wanda꞉halima꞉ iki biki hoeyaaluekema꞉ taapilimipate ika꞉ epeke piteleme ekimanu pa꞉ta꞉ handilimikie. Koto ekina꞉ koto wanda꞉halima꞉ta꞉ hande la꞉ ula꞉ nate epea꞉ka꞉na꞉ta꞉ Koda꞉na꞉ biki a꞉meiyalimikie.

1 Pida 3:1

Koto tupa꞉ kone weteke tonu ikita꞉ ika꞉ haliki tonu pa꞉ta꞉ homu pea hao hapa꞉peke. Mandane haliki tonuma꞉ Koda꞉na꞉ pi na miki haemeka꞉na꞉ta꞉ kota꞉ ika꞉ epeke hau pilimi ekima꞉ta꞉ mo haliweki pi mina꞉ yola꞉ milimikie.

2 Pida 2:18

Ikana꞉ma꞉ta꞉ hakoko lia teke na wiki pimanu wepu halememe. Kutupa make mo hokeeki pa꞉ta꞉ haleme wanda꞉hali paka꞉lao poluekema꞉ kini piteleme wanda꞉hali tamuluekema꞉ta꞉ ika꞉ lokena꞉ na꞉na꞉ma꞉ homa꞉la꞉ ekima꞉ pu halememe.