Epesese 4:27 - Panake Pi La: Ula: Buka pita: Kine Pieke Buka

²⁷ Sadanina꞉ pota꞉ ma꞉nda꞉ na pilaapa꞉peke.

Epesese 4:27 ပူးပေါင်းရင်းမြစ်များ

Aposolo 5:3

Kutu piekepate Pidama꞉ alota꞉ A꞉na꞉naisio. Ekipeke Holi Sipitidi pa꞉ta꞉ yayapiki pi alepe leekeme. Sadani naka꞉ you pa꞉ta꞉ a꞉pa pita꞉ka꞉na꞉ mo naka꞉ kenkena꞉ mele manita꞉ pa ekipeke mandaneeki panka꞉ wina꞉ laa pipe leekeme.

Loma꞉ 12:19

Ya yankeke titio. Ma꞉nda꞉ma꞉ iki pa꞉ta꞉ hokeeki pia꞉ka꞉na꞉ta꞉ kota꞉ yenki mulu peleme hone na wia꞉pa꞉peke. Ika꞉ yenki meaake hauta꞉ Koda꞉ma꞉ mineke panka꞉la꞉ ekima꞉ peaowaena꞉ lapa꞉peke. Hande Baibolo bukana꞉ wape pa꞉la꞉ ekita꞉ dupa Tekehalima꞉ alota꞉ Yenki meaake hauta꞉ I̱ma꞉ pulueke laa wape pa꞉la꞉me.

Epesese 6:11

Sadanima꞉ iki makeaasa꞉ ekimanu ikana꞉ma꞉ da̱o̱la hata꞉ bepolaluekema꞉ta꞉ ika꞉ loke a꞉mbaamena꞉ mo Koda꞉ma꞉ kita꞉la꞉ alemanu paeyao mea pambaapa꞉peke.

Epesese 6:16

Hanka꞉ta꞉ hoto paeyao mina pominolo hata꞉ hone tulaasa꞉eki mina pomua꞉pa꞉peke. Kotoeki mina꞉ hata꞉ta꞉ mo hoke Sadanima꞉ ipika꞉ ti tala꞉ a꞉ndelimanu pila꞉la꞉ ekita꞉ ana꞉na꞉ a꞉mbaalimikie.

Dia꞉mesi 4:7

Koto ekina꞉ Koda꞉ pa꞉ta꞉ homu pea hata꞉ Sadani pa꞉ta꞉ a꞉nda꞉ lia hapa꞉peke. Kutu pimika꞉na꞉ta꞉ Sadanita꞉ iki mina꞉pa꞉lao pindipa pelieke.

1 Pida 5:8

Leke leke lo hata꞉ a꞉nda꞉ ipula꞉eki handoemena꞉ pota꞉ pua tunkulu hapa꞉peke. Ika꞉ a꞉nda꞉ tunkiliki hali Sadanima꞉ mo sayale hali ma꞉na꞉ tiekema꞉ handa wanda꞉hali lia noluekema꞉ wei mea pomu hala꞉me.