Epesese 4:21 - Panake Pi La: Ula: Buka pita: Kine Pieke Buka

²¹ Yaka honema꞉ta꞉ do hande Yesuna꞉ hau ota꞉ ekimanu waleeke ekita꞉ amba꞉ opitolo pelememe.

Epesese 4:21 ပူးပေါင်းရင်းမြစ်များ

Ma꞉tiu 17:5

Kutu piki pi alo haena꞉ta꞉ mo pa̱a̱ piki koa ma꞉nda꞉ma꞉ iki a꞉pa tu peaaso haena꞉ mo koa tukiki pa꞉ta꞉ pi ho̱la̱꞉makema꞉ alota꞉ I̱ma꞉ koto yaka puki piki weki pa꞉ta꞉ ta꞉na꞉ wopu homolome. Ipika꞉ pi opua꞉pa꞉pekee la꞉niaeyekeme.

Luku 10:16

Yesuma꞉ ipika꞉ disaipolo haliweki pa꞉ta꞉ alota꞉ Ma꞉nda꞉ epima꞉ ika꞉ pi opia꞉ka꞉na꞉ta꞉ kota꞉ yaka pi kone opita꞉la꞉me. Ma꞉nda꞉ epima꞉ iki kiaeya꞉ka꞉na꞉ta꞉ ota꞉ I̱ kone kiaasa꞉me. Kutupa make hali epima꞉ I̱ kiaeya꞉ka꞉na꞉ta꞉ mo I̱ tapaeya꞉ hali kone kiaasa꞉me leekeme.

Dioni 1:17

Koda꞉ma꞉ta꞉ mo hande Lo Pimanu niki pa꞉ta꞉ la kina꞉yeke Mosesi pa꞉ta꞉ la haleekeme. Kutu piekepate pa a꞉ta꞉ma꞉ homa꞉la꞉eki make ota꞉ hau pita꞉la꞉eki make Yesu Ketisoma꞉ mea a꞉paeyekeme.

Dioni 10:27

Yaka sipisipi ma꞉na꞉ manuma꞉ yaka pi ho̱la̱꞉make minelememe. I̱ma꞉ make iki handolome. Kutupa yaka hoki nane telia꞉ mea ipulimime.

Dioni 14:6

Yesuma꞉ ipika꞉ pi hombo peaaso alota꞉ I̱ta꞉ hande pota꞉e. I̱ ota꞉ekie laa I̱ta꞉ da꞉ta꞉la꞉ekie. Hali epima꞉ yaka Apa꞉ pa꞉ta꞉ polueke hone wia꞉ka꞉na꞉ta꞉ pota꞉ ma꞉nda꞉ dia꞉me. I̱ pa꞉ta꞉ homeke epena꞉e leekeme.

Loma꞉ 10:14

Kutu pulu pelemepate ikana꞉ma꞉ta꞉ hone na tulaake hata꞉ta꞉ ekipa ipika꞉ biki alo hata꞉ honke lelimikipe. Kutupa make hande la꞉la꞉ pita꞉ na opiki hata꞉ta꞉ ekipa hone tulaalimikipe. Kutupa hali ma꞉nda꞉ma꞉ hande pi na walea꞉ka꞉na꞉ta꞉ kota꞉ ekipa opilimikipe.

2 Kotindi 1:20

Pa ekipeke Koda꞉na꞉ pi la꞉ ula꞉ ekimanu paeyaota꞉ ipiki pa꞉ta꞉ yama꞉ Aowe la꞉la꞉me. Koto ekina꞉ta꞉ Koda꞉na꞉ biki tieke wina꞉ loluekema꞉ta꞉ nika꞉ Kutu pina꞉e. Keiyae pita꞉ Yesu Ketiso pa꞉ta꞉ yama꞉ aloma꞉me.

2 Kotindi 11:10

Ketisona꞉ ota꞉ pi I̱ pa꞉ta꞉ pila꞉eki yalota꞉ I̱ma꞉ do yaka hakoko litolo pita꞉ ota꞉ koto Akaya kenke paeyao pa꞉ta꞉ta꞉ na palueke laa pi la꞉ witolome.

Epesese 1:13

Koto ekita꞉ iki pa꞉ta꞉ make pa꞉la꞉me. Ikana꞉ma꞉ta꞉ hande iki mea da꞉taalo pieke Pi Seliapo opuata꞉ Ketiso pa꞉ta꞉ hone tulaememe. Kutu pimiki handata꞉ Koda꞉ma꞉ ipika꞉ la꞉ wieke Holi Sipitidi iki kitolo hata꞉ta꞉ ikita꞉ ipika꞉ekie laa ti wia꞉me.

Epesese 2:17

Koto ekina꞉ Ketisoma꞉ a꞉pata꞉ hande a꞉nda꞉ peliaasa꞉ Pi Seliapo paeyao pa꞉ta꞉ waleekeme. Diendaili wanda꞉halio Koda꞉ teke pa꞉ta꞉ na hake ta꞉ta꞉ papate hamina꞉ kone iki pa꞉ta꞉ waleekeme. Diu wanda꞉halio Koda꞉ teke pa꞉ta꞉ hamina꞉ kone iki pa꞉ta꞉ make waleekeme.

Kolosi 1:5

Mo hande ota꞉ pita꞉ hande Epeke Pi Seliapo iki pa꞉ta꞉ titina꞉ epea꞉ dina꞉ kone mo pima꞉ kulu pa꞉la꞉ hone ti laala꞉ ekita꞉ opimime. Koto ekina꞉ta꞉ ika꞉ hone tulaalemeeki pita꞉ pukima꞉ homelemeeki yaapona꞉ teketa꞉ mo ika꞉ hone ti laalemeeki pa꞉ta꞉ ula꞉me. Kutupa do ika꞉ hone ti laaleme ekita꞉ oli hepeni nane amu pea wiawala꞉me.

Kolosi 1:6

Mo Pi Seliapoma꞉ta꞉ mo kenke honiki honiki paeyao pa꞉ta꞉ putupolo hata꞉ kiliki a꞉etolo ombu hala꞉me. Do homeke Pi Seliapota꞉ ikana꞉ma꞉ Koda꞉na꞉ a꞉ta꞉ma꞉ homolo tamba꞉ mina꞉la꞉eki titina꞉ opimi natena꞉ pia꞉ tupa꞉ kone kini pea a꞉pa ame do teke handa꞉ wilimi natena꞉ make pa a꞉etolo ombu hala꞉me.

Kolosi 2:7

Ika꞉ piki manuta꞉ ota꞉ onina꞉ toluma꞉ ipiki pa꞉ta꞉ pena꞉ lapa꞉peke. Ika꞉ haleme ekita꞉ ipiki manda a꞉eya꞉pa꞉peke. Kutupa mo iki walea꞉ tupa꞉ ika꞉ hone tulaaleme ekita꞉ ota꞉ honkopu wopu hapa꞉peke. Kutupa keiyae ala꞉ ekima꞉ iki pa꞉ta꞉ tumbina꞉ lapa꞉peke.

1 Dioni 5:20

Nika꞉ hone uluma꞉ ekita꞉ mo Koda꞉na꞉ Eiyeketa꞉ niki hone lenkipa wita꞉la꞉eki kulu a꞉pa꞉la꞉me. Pa ekipeke nikana꞉ma꞉ mo ota꞉ Koda꞉ hone ulu poloma꞉ tupa꞉ pa꞉la꞉me. Ipiki ame̱le̱ hone homeke witolo hata꞉ pa ipika꞉ Eiyeke Yesu Ketiso kone hone homeke wia haloma꞉me. Ipikita꞉ mo ota꞉ Koda꞉e. Kutupa ipikita꞉ deto hala꞉ ekina꞉ tekee.