Epesese 4:19 - Panake Pi La: Ula: Buka pita: Kine Pieke Buka

¹⁹ Kutu piteleme wanda꞉halima꞉ta꞉ yaala꞉ma꞉ na homeke hoke ekimanu puluekema꞉ taapolo hata꞉ pamba꞉ na piki haumanu pitolo hata꞉ paa putia pulimime.

Epesese 4:19 ပူးပေါင်းရင်းမြစ်များ

Maka 7:22

tooli ka꞉taasa꞉ hau make we pamba꞉la꞉ hau make hoke hoke hau make yayapiki hau make pamba꞉ na piki hau make ne tunkula꞉la꞉ hau make pi lala pu handaena꞉ hau make hone na wiki hau make

Epesese 4:17

Koto ekina꞉ Tekehalina꞉ bikina꞉ I̱ma꞉ iki pa꞉ta꞉ do pi tieke wotu alome. Hande pi na miki wanda꞉hali haleme tupa꞉ na hapa꞉peke.

Kolosi 3:5

Koto ekina꞉ta꞉ do kenkena꞉ ekina꞉ hone pa꞉la꞉eki manuta꞉ yola꞉la꞉ hau make ha̱i̱piki hau pita꞉la꞉eki make we pamba꞉la꞉eki make hoke hauna꞉ hone tulaa pelia hala꞉eki make pasa꞉tei pita꞉la꞉ hauta꞉ mo toopi ti wepia ula꞉ ale pa꞉ta꞉ honke honke ala꞉ pasa꞉tei pita꞉la꞉ hauma꞉ handekeeki make doeki paeyaota꞉ ota꞉ homena꞉ lapa꞉peke.

1 Timodi 4:2

Koto wala꞉la꞉eki manuta꞉ mo makeaaso yayapiki pi lo haleme wanda꞉halima꞉ peo lalememe. Mo talo talo hake toopi wepikima꞉ ala꞉ta꞉ ma꞉nda꞉ to tokula꞉la꞉ tupa꞉ koto wanda꞉halina꞉ ika꞉ hone teketa꞉ to tokula꞉la꞉me.

1 Pida 4:3

Amba꞉ta꞉ ikana꞉ma꞉ mo pi na miki wanda꞉halima꞉ ika꞉ hone pa꞉la꞉ hau pu haleme hau pimime. Koto hauna꞉ta꞉ nate ana꞉na꞉ paeyaememe. Mo yola꞉la꞉ hau pita꞉la꞉eki make leke pola꞉paasa꞉eki make hoke ikali naa keaasa꞉eki make (ne hoke ikali tieke pamba naa keao) siaka꞉ hake hau pita꞉la꞉eki make mo yeni hau pita꞉la꞉ alemanu pa꞉ta꞉ handa꞉peke na yo moka꞉laapeke na yo piki yeni hau pita꞉la꞉eki make koto hau manuna꞉ ika꞉ nate paeyaememe.

2 Pida 2:22

Ikina꞉ pa mo wanda꞉halima꞉ amba꞉ hande lo haemeke pi ma꞉nda꞉ta꞉ ota꞉ekie laa dupa wala꞉la꞉me. Kikama꞉ta꞉ ipika꞉ amba꞉ hande tolu wieke moku pa꞉ta꞉ta꞉ paa la꞉ka꞉la pu hala꞉me laa make paa pi ma꞉nda꞉ta꞉ Mo ikali peiyao ula꞉ ma꞉na꞉ma꞉ta꞉ mo kenke pa꞉ta꞉ paa peke lulu pu hala꞉me laa lo halememe.

Diudi 1:11

A꞉pa꞉e. Iki pa꞉ta꞉ epolo pa꞉la꞉eki I̱ paala꞉e. Ikana꞉ma꞉ta꞉ mo hande Keinima꞉ mieke pota꞉ ta꞉elememe. Kutupa manina꞉ hauna꞉ mo hande Beilamema꞉ ata꞉ka꞉ peaeyeke tupa꞉ ikana꞉ma꞉ make ika꞉ kone koto pelememe. Ikana꞉ma꞉ta꞉ hande Kotaama꞉ pi na opiki ipika꞉ hone pa꞉la꞉ hau pea homeeke tupa꞉ iki make homeke hau kone pea homelememe.

Peneme Yaeyekeeki 18:3

Pa ekipeke mo kapomani ta꞉ta꞉ ta꞉ta꞉ma꞉ handeteke hala꞉ tapake paeyaoma꞉ta꞉ ipika꞉ waini ikali nememe. Mo honkopu wopu hake waini ikali ipika꞉ loke hoeyaasa꞉ na꞉na꞉ pa꞉la꞉ hauna꞉ loa꞉me. Do kenkena꞉ kini manuma꞉ta꞉ mo wanda꞉ ame̱le̱ loke hoeyaasa꞉ hau pu ombu haememe. Kutupa do kenkena꞉ bisinisi haliwekita꞉ mo wanda꞉na꞉ kikana꞉ hau leke pia꞉ hoke hau pa꞉ta꞉ yama꞉ hamoko haememe lea꞉me.