Epesese 4:17 - Panake Pi La: Ula: Buka pita: Kine Pieke Buka

¹⁷ Koto ekina꞉ Tekehalina꞉ bikina꞉ I̱ma꞉ iki pa꞉ta꞉ do pi tieke wotu alome. Hande pi na miki wanda꞉hali haleme tupa꞉ na hapa꞉peke.

Epesese 4:17 ပူးပေါင်းရင်းမြစ်များ

Luku 16:28

Koto pa꞉ta꞉ta꞉ yaka kame tonu yunki hata꞉ halemema꞉ iki make do tanda pu hala꞉ alena꞉ a꞉paama꞉na꞉yeke La꞉satesima꞉ kinki pulu pena꞉yeke loa꞉me leekeme.

Aposolo 14:15

Haliwekio. Ekipeke koto hau pitelemepe lepekeme. Diki make ikima꞉ handeke kenke hali yaapoe lepekeme. Do pitelemeeki manuta꞉ paekie lepekeme. Ikana꞉ma꞉ do hau mina꞉pa꞉lamina꞉yeke dikita꞉ Pi Seliapo mea a꞉pa pupa꞉me lepekeme. Do hau pao do ya kenke dawala ikali make tukiki pa꞉ta꞉ ula꞉ alemanu paeyao make wepia haena꞉ la꞉la꞉ deto hala꞉ Koda꞉ pa꞉ta꞉ la꞉ka꞉la epoemena꞉yeke a꞉pa pupa꞉me lepekeme.

Aposolo 18:5

Kutupa Sailasi Timodi yaapo Ma꞉sedonia nane hao opolo epepeke pita꞉ta꞉ Poloma꞉ mo Diu haliweki pa꞉ta꞉ Yesuta꞉ Ketisoe la waluekema꞉ hone wotu wia wala꞉tiki pu hayekeme.

Aposolo 2:40

Pidama꞉ koto tupa꞉ pi walaata꞉ pa mandane pimanu make mea a꞉meiyao alota꞉ Do hoke wanda꞉hali hoeyaaluekema꞉ ipilie panisima꞉ iki tonka꞉na꞉ hoeyaapa꞉na꞉ ota꞉ paapa꞉peke.

Aposolo 20:21

Kutupa Diu wanda꞉hali pa꞉ta꞉ make Kitiki wanda꞉hali pa꞉ta꞉ make ika꞉ Koda꞉ pa꞉ta꞉ hone ma꞉nda꞉ la꞉ka꞉la꞉ mina꞉ wiaata꞉ nika꞉ Tekehali Yesu Ketisona꞉ pi miniki haena꞉yeke walo haowa꞉ ekita꞉ handememe lea꞉me.

Loma꞉ 1:21

Iki paeyaoma꞉ta꞉ Koda꞉ hala꞉eki hone witelemepate ipiki pa꞉ta꞉ Neketa꞉ ota꞉ Koda꞉ haleme pi na leke ipika꞉ pi laaluekema꞉ make kiao halememe. Kutupa ipiki pa꞉ta꞉ keiyae pi make na lo halememe. Kutu pu haleme ekina꞉ iki hone wopu na wiki hata꞉ ika꞉ hone teke pa꞉ta꞉ timba꞉ lo pamba꞉la꞉eki tumbulu baena꞉ halememe.

1 Kotindi 1:12

I̱ma꞉ta꞉ do ekina꞉ alome. Iki paeyao homeke homekema꞉ la la pu alota꞉ I̱ta꞉ Polona꞉ halie o I̱ta꞉ Apolosina꞉ halie o I̱ta꞉ Pidana꞉ halie o I̱ta꞉ Ketisona꞉ halie laa la alualu pitelememe.

1 Kotindi 15:50

Kametitio. Do ekina꞉ alome. Loke mindiki wema꞉ wa꞉pa꞉la꞉ ekita꞉ Koda꞉na꞉ Kilu Tombuao Hala꞉eki pa꞉ta꞉ pua hapeke na ya꞉la꞉me. Kutupa homa꞉peke ya꞉la꞉ ekita꞉ deto hala꞉eki mea꞉peke na ya꞉la꞉me.

2 Kotindi 9:6

Hone wipee. Mo hande wae alemanu wopu na noka꞉pa꞉la꞉ halima꞉ta꞉ napeke hosiki siki mu hala꞉pate mo wae ale aneke hapu noka꞉pa꞉la꞉ halima꞉ta꞉ napeke tieke mu hala꞉me.

Ka꞉leisia 3:17

I̱ma꞉ do alo pina꞉ teketa꞉ Koda꞉ma꞉ Eipoloha꞉ma꞉ yaapo homeke hone witolo hata꞉ ota꞉ handeteke halueke laa Eipoloha꞉ma꞉ pa꞉ta꞉ pi la꞉ wiekeme. Koto ekina꞉ mo hande 430 bapi wetepeta꞉ Koda꞉ma꞉ Mosesi pa꞉ta꞉ haleeke pi ula꞉eki manuma꞉ mo amba꞉ Eipoloha꞉ma꞉ pa꞉ta꞉ la꞉ wieke pita꞉ ota꞉ na yambolo na paeyao pea꞉peke yeekeme.

Ka꞉leisia 5:3

Hoto yaapo peao paa kinki pitolo I̱ma꞉ alota꞉ Hali ma꞉nda꞉ epima꞉ ma꞉nda꞉ma꞉ ipiki sekemesaisi hau pina꞉ lea꞉ka꞉na꞉ta꞉ kota꞉ koto halita꞉ mo hande Lo Pi ula꞉eki paeyaona꞉ oto pa꞉ta꞉ homeke hao halieke.

Epesese 1:22

Koda꞉ma꞉ ala꞉ta꞉ ala꞉ta꞉ paeyao Ketisona꞉ anke oto pa꞉ta꞉ mea wiaata꞉ Ketisota꞉ ala꞉ta꞉ ala꞉ta꞉ paeyao manda Tumiki Tekehali haena꞉ laata꞉ ipikita꞉ siosi wanda꞉hali pa꞉ta꞉ ka꞉la꞉me.

Epesese 4:22

Do ota꞉eki manuta꞉ dupae. Ika꞉ amba꞉ hata꞉ pimi hau teketa꞉ ota꞉ baapa꞉peke. Koto ekima꞉ta꞉ iki hao hoeyaaso hata꞉ mo hande amba꞉ hau teketa꞉ ipika꞉ makeaasa꞉ hone pa꞉la꞉ haumanu pu tiaaso hata꞉ ipiki kone hao hoeyaaso make iki make hao hoeyaatiki piekeme.

Kolosi 2:18

Ma꞉nda꞉ma꞉ ipiki ta꞉ta꞉ piki upamanu pa꞉la꞉ ekima꞉ ipikita꞉ ota꞉ handa ulu somee ala꞉ ekima꞉ iki bepolaena꞉ waleke na hala꞉pa꞉peke. Mo makeaaso homupiki hau pitolo hata꞉ enisolomanu pa꞉ta꞉ yeni pu hapa꞉peke lo hala꞉ somena꞉ loa꞉me. Dupiki someta꞉ teke na wiki ekina꞉ ipika꞉ kenke hauna꞉ hone ula꞉ ekima꞉ pa hameke pombei yaala꞉me.

Kolosi 2:4

Koto ekina꞉ I̱ma꞉ iki la kitolo ekita꞉ ma꞉nda꞉ma꞉ yayapiki puki napeke pi manuma꞉ iki na makeaena꞉ lapa꞉peke. Koto pi manuta꞉ ota꞉ epeke nonopiki pina꞉ kone loa꞉me.

1 Desalonaika 4:6

Do ekina꞉ta꞉ hali ma꞉nda꞉ma꞉ ipika꞉ Ketiso yankeke tekipuleke lao hoke hau ma꞉nda꞉ na pea꞉pa꞉peke aleo. Koto pita꞉ iki pa꞉ta꞉ kinki wopu pitolo hata꞉ loma꞉ ekita꞉ dupa. Kutupiki hau pu haleme wanda꞉halita꞉ Tekehalima꞉ wape walieke laa loma꞉me.

1 Timodi 5:21

Mo Koda꞉ make Ketiso Yesu make mo ma̱leke lila꞉ enisolomanu make iki paeyaona꞉ leke potopoto hata꞉ I̱ma꞉ neke pa꞉ta꞉ la꞉ witolo pita꞉ dupa alome. Nakana꞉ma꞉ homeke pa꞉ta꞉ homeke puki wita꞉la꞉ hau na pu make mandane tapake homeke na petolo pikita꞉ do ya pea꞉peke alo ekita꞉ ota꞉ paeyao pa꞉ta꞉ hone witolo hata꞉ pea꞉peke.

1 Timodi 6:13

Mo ala꞉ta꞉ ala꞉ta꞉ paeyao da꞉taa wina꞉ la꞉la꞉ Koda꞉na꞉ leke popelekena꞉ hata꞉ make mo hande Pontiasi Pailedi pa꞉ta꞉ ota꞉ pi leeke Ketiso Yesu ipika꞉ leke popelekena꞉ hata꞉ make I̱ma꞉ neke pa꞉ta꞉ dupa alome.

2 Timodi 4:1

Mo pa haleme wanda꞉hali pita꞉ amba꞉ homemeke wanda꞉hali pea telipulu pa꞉la꞉ Ketiso Yesu pita꞉ Koda꞉ yaapona꞉ leke popelekena꞉ telepo pi na alopate Ketisota꞉ mo wanda꞉halina꞉ handeteke hao halo pa꞉la꞉ Kini hali ipiliekeyeke ya pukima꞉ ka꞉nda꞉ma꞉ homolo haena꞉ I̱ma꞉ neke pa꞉ta꞉ dupa꞉pekee alome.

1 Pida 1:18

Ika꞉ atekena꞉ atekema꞉ kieke mimi napeke na pitu epe na piki hau manuna꞉ta꞉ Koda꞉ma꞉ iki ka꞉la꞉pa꞉ tapaala꞉ yenki haleeke ekita꞉ iki hone wilimime. Mo yenkita꞉ manimanu silipa o kolo hoeyaapeke ya꞉la꞉ mani ula꞉ tupa꞉ta꞉ dia꞉me.

2 Pida 2:18

Ikana꞉ma꞉ta꞉ hakoko lia teke na wiki pimanu wepu halememe. Kutupa make mo hokeeki pa꞉ta꞉ haleme wanda꞉hali paka꞉lao poluekema꞉ kini piteleme wanda꞉hali tamuluekema꞉ta꞉ ika꞉ lokena꞉ na꞉na꞉ma꞉ homa꞉la꞉ ekima꞉ pu halememe.