Epesese 4:12 - Panake Pi La: Ula: Buka pita: Kine Pieke Buka

¹² Kutupieke ekima꞉ Koda꞉na꞉ wanda꞉hali paeyao ana꞉na꞉ kone hata꞉ ipika꞉ e pokaena꞉yeke piekeme. Kutu pita꞉la꞉ ekima꞉ Ketiso tapake wanda꞉halita꞉ daeya꞉ tia pena꞉yeke pa꞉la꞉me.

Epesese 4:12 ပူးပေါင်းရင်းမြစ်များ

Luku 22:32

Koto pa꞉la꞉pate I̱ma꞉ Saimono neke pa꞉ta꞉ yeni pealo ekita꞉ naka꞉ hone tulale ekita꞉ na lopena꞉yeke polome. Kutupa nakana꞉ma꞉ I̱ pa꞉ta꞉ paa la꞉ka꞉la epeka꞉na꞉ta꞉ kota꞉ naka꞉ kametonu wele pu tiaapeke leekeme.

Aposolo 1:17

Yesuma꞉ Diudasi make niki ame̱le̱ mandakena꞉ e pokomonoyeke talopu mea haena꞉ leeke handaata꞉ niki ame̱le̱ pomu haya꞉me leekeme.

Aposolo 11:23

Banabasita꞉ oli da opolo puaata꞉ Koda꞉ma꞉ epeaeyekeeki handaata꞉ ta꞉na꞉ma꞉ wopu homeekeme. Kutupa paeyao pa꞉ta꞉ Tekehalina꞉ pi da̱o̱la hata꞉ wopu miniki hao hapa꞉peke laa pi waleekeme.

Aposolo 20:24

Kutu pa꞉la꞉pate ya lokena꞉ hau hone na witolome laa tombona꞉ opolo puaata꞉ ya Tekehali Yesuma꞉ walea꞉ hau amba꞉la paeyaalueke lea꞉me. Hande Koda꞉na꞉ pa hameke a꞉ta꞉ma꞉ homo hala꞉ Pi Seliapo la kitoloeki loa꞉me lea꞉me.

Aposolo 20:28

Holi Sipitidima꞉ ikita꞉ handeteke halo peleme haliweki mea hamina꞉ leeke handa ika꞉ kone handeteke hao mo ma꞉na꞉titi paeyao make handeteke hapa꞉peke lea꞉me. Tekehalima꞉ ipika꞉ Eiyekena꞉ wema꞉ kone mieke tapake wanda꞉halita꞉ ikana꞉ma꞉ handeteke hapa꞉peke lea꞉me.

Aposolo 9:31

Kutu pieketa꞉ mo Diudia nane make Ka꞉lili nane make Sametia nane make koto kenke paeyao pa꞉ta꞉ haemeke siosi wanda꞉halita꞉ a꞉nda꞉ pelia haemekeme. Koto siosi wanda꞉halita꞉ Holi Sipitidima꞉ tamba꞉ minolo haena꞉ honkopu hao hata꞉ daeyatiki pimikime. Tekehali pa꞉ta꞉ panda꞉puniao hata꞉ pimikime.

Loma꞉ 12:5

Koto tupa꞉ niki make wanda꞉hali wopu haloma꞉pate Ketiso yaapo ta꞉ma꞉ni pea hata꞉ homeke loke tupa꞉ haloma꞉me. Kutupa hata꞉ta꞉ koto lokena꞉ tuna tuna pa꞉la꞉ ekimanu ya꞉leke handaata꞉ niki make tuna alualu pea haloma꞉me.

Loma꞉ 12:7

Koda꞉ma꞉ta꞉ mo Ketiso wanda꞉hali tamba꞉ mea꞉peke ekita꞉ niki kia꞉ka꞉na꞉ta꞉ kota꞉ nikana꞉ma꞉ tamba꞉ mea꞉peke ya꞉la꞉me. Koda꞉ma꞉ta꞉ mo pi wala꞉la꞉ ekita꞉ niki pa꞉ta꞉ kia꞉ka꞉na꞉ta꞉ kota꞉ nikana꞉ma꞉ ipika꞉ pi wala꞉peke ya꞉la꞉me.

Loma꞉ 14:19

Koto pa꞉la꞉ ekina꞉ nikana꞉ma꞉ta꞉ a꞉nda꞉ pelia pata꞉ pea halo poloma꞉eki make nika꞉ nika꞉ kone honkopu hatia alualu pea halo poloma꞉eki koto hau manuta꞉ ota꞉ pumana꞉e.

Loma꞉ 15:14

Yaka kame titio. Ikana꞉ma꞉ epeke haumanu putia pulu hata꞉ mo piteleme ekimanu make wotu handelememe. Kutupa ika꞉ ika꞉ kone mana꞉ la alualu pea꞉pa꞉peke ekita꞉ I̱ma꞉ ota꞉ handa꞉ ulume.

Loma꞉ 15:2

Dia꞉me. Nika꞉ Ketiso yankeke ipika꞉ hone tulaasa꞉eki sutialuekema꞉ kota꞉ niki paeyao homeke homekema꞉ ipiki epeaaso ta꞉na꞉ma꞉ homa꞉tiamana꞉e.

Loma꞉ 15:29

I̱ epoa꞉ka꞉na꞉ta꞉ kota꞉ Ketisoma꞉ iki ota꞉ wotu epeaena꞉yeke ipuluekema꞉ loa꞉me.

1 Kotindi 12:27

Koto ekina꞉ iki paeyaota꞉ Ketisona꞉ loke kone hata꞉ hande tunaala꞉ alemanu homeke homeke lo halememe.

1 Kotindi 12:7

Wanda꞉hali paeyao epeaaluekema꞉ mo Sipitidima꞉ niki paeyao homeke homeke pa꞉ta꞉ ipika꞉ pitaasa꞉eki wala꞉la꞉me.

1 Kotindi 14:12

Koto ekina꞉ ikana꞉ma꞉ mo Sipitidima꞉ kita꞉la꞉ ekimanu muluekema꞉ hone wopu peleme ekina꞉yeke kota꞉ mo hande siosi wanda꞉hali daena꞉ lapeke ekimanu ota꞉ titina꞉ epeke tupa꞉ mea puluekema꞉ honkopu hao hapa꞉peke.

1 Kotindi 14:14

Do ekina꞉yeke loa꞉me. I̱ma꞉ mo da ta꞉ta꞉ piki pima꞉ yeni pua꞉ka꞉na꞉ta꞉ kota꞉ yaka temokoma꞉ kone yeni pitolopate yaka honema꞉ na pitolome.

1 Kotindi 14:26

Ya kametitio. Eki haumanu pea꞉peke ya꞉la꞉pe. Koda꞉ pa꞉ta꞉ yeni puluekema꞉ mombelemeka꞉na꞉ta꞉ kota꞉ hali homekema꞉ emeli lelieke. Kutupa hali ma꞉nda꞉ma꞉ pi walelieke. Kutupa hali ma꞉nda꞉ma꞉ Koda꞉ma꞉ ipiki pa꞉ta꞉ la hala꞉la꞉eki iki pa꞉ta꞉ la kilieke. Kutupa hali ma꞉nda꞉ma꞉ da ta꞉ta꞉ ta꞉ta꞉ pi laa leliepate hali ma꞉nda꞉ma꞉ koto ala꞉ pi lekelieke. Kutu pea꞉peke ya꞉la꞉pate mo hau paeyaoma꞉ mo siosi wanda꞉hali epeaaluekema꞉ pimika꞉na꞉ta꞉ epelieke.

2 Kotindi 12:19

Mata꞉la꞉me. Hoto paeyaota꞉ ika꞉ leke popelekena꞉ nikana꞉ma꞉ nika꞉ kone tamba꞉ muluekema꞉ pitoloma꞉me hone witolo pitelememe. Dia꞉me. Nikana꞉ma꞉ta꞉ Koda꞉na꞉ leke popelekena꞉ hata꞉ Ketisoma꞉ niki pi lomono lolo pa꞉la꞉ tupa꞉ aloma꞉me. Kutupa nika꞉ puki piki yankeke tonuo nikana꞉ma꞉ pitoloma꞉ hau paeyaota꞉ iki tamba꞉ muluekema꞉ pitoloma꞉me.

2 Kotindi 13:11

Koto ekina꞉ ameta꞉ yaka kame tonuo iki pa꞉ta꞉ a꞉taloe alome. Eki a꞉nda꞉ ota꞉ na piki wanda꞉hali hamena꞉ iki ota꞉ honkopu hao hapa꞉peke. Yaka loa꞉ honke pimanu opu hapa꞉peke. Ma꞉nda꞉ ma꞉nda꞉ ame̱le̱ homeke hone u alualu pea꞉pa꞉peke. Puki lopaniaasa꞉eki pa꞉ta꞉ hapa꞉peke. Kutupa mo pukima꞉ homa꞉la꞉eki make puki lopaniaasa꞉ ekina꞉ Koda꞉ta꞉ iki ame̱le̱ halieke.

2 Kotindi 13:9

Niki damako poloma꞉ dina꞉ta꞉ iki honkopu hao haleme ekima꞉ nikita꞉ ta꞉na꞉ wopu pa꞉la꞉me. Koto ekina꞉ta꞉ iki ota꞉eki a꞉nda꞉ na piki wanda꞉hali hamena꞉ nikana꞉ma꞉ yeni pea꞉tiki pu haloma꞉me.

2 Kotindi 3:8

kota꞉ mo Sipitidina꞉ pita꞉la꞉ haumanu pa꞉ta꞉ ipula꞉ pa̱a̱ta꞉ ekipiki pa̱a̱ tieke pa꞉la꞉pe hone umana꞉e.

2 Kotindi 4:1

Koda꞉ma꞉ a꞉ta꞉ma꞉ homa tamba꞉ mina꞉la꞉ hali hata꞉ niki do e pokomono ka꞉la꞉me. Koto ekina꞉ta꞉ do e pa꞉ta꞉ta꞉ ka꞉nda꞉manu ipula꞉pate niki ki hone na uluma꞉me.

2 Kotindi 5:18

Doeki paeyaota꞉ Koda꞉ma꞉ peala꞉me. Kotota꞉ ipikana꞉ma꞉ Ketiso pa꞉ta꞉ yama꞉ nikita꞉ ipika꞉ a꞉nda꞉ tunkuliki wanda꞉hali topo pea yankekemanu hamono la꞉la꞉me. Kutupa nikana꞉ma꞉ mandane wanda꞉hali ipika꞉ yankeke au laamono koto e tieke ka꞉la꞉me.

2 Kotindi 6:3

Nikana꞉ma꞉ta꞉ ma꞉nda꞉ma꞉ nika꞉ pokoloma꞉ ena꞉ ata꞉ka꞉ pa꞉la꞉eki ma꞉nda꞉ na handa꞉ wina꞉e hone uluma꞉me. Koto ekina꞉ nikana꞉ma꞉ta꞉ mandane wanda꞉halina꞉ pota꞉na꞉ ma꞉nda꞉ ha̱la̱꞉mba꞉ liaena꞉ ala꞉ta꞉ ma꞉nda꞉ uluekema꞉ na taapo haloma꞉me.

2 Kotindi 7:1

Yaka pukipiki yankeke tonuo do la꞉ ula꞉ pi manuta꞉ niki pa꞉ta꞉ la꞉la꞉me. Koto ekina꞉ta꞉ mo nika꞉ loke puki yaapo ha̱i̱ peaapeke ekimanu pa꞉ta꞉ta꞉ yako pea hamana꞉e. Kutupa nika꞉ Koda꞉ pa꞉ta꞉ paala꞉ma꞉ homa꞉la꞉ hauma꞉ ota꞉ niki yako pea hamana꞉e.

Epesese 1:23

Hande siosita꞉ Ketiso ipika꞉ loke haloma꞉me. Ketisoma꞉ta꞉ ala꞉ta꞉ ala꞉ta꞉ paeyao tukiki pa꞉ta꞉ pita꞉ tumba ula꞉me. Kutupa siosi wanda꞉hali tukiki pa꞉ta꞉ pita꞉ta꞉ tumba pila꞉me.

Epesese 4:16

Kutupa nika꞉ lokena꞉ kiki anke paeyao ipiki pa꞉ta꞉ tunaaloma꞉me. Mo lokena꞉ hala꞉ alemanu paeyao tuna tuna pea ika꞉ kaukata pea꞉peke ekimanu pitolo hata꞉ hande loke paeyao daeya tia pulu hata꞉ ipika꞉ kone pukima꞉ homolo epeke tupa꞉ daeta꞉la꞉me.

Epesese 4:29

Hoke pi homeke a꞉nda꞉ ika꞉ kakema꞉ na leke wanda꞉hali epeaalo peleme pimanu lapa꞉peke. Kutupa ika꞉ pita꞉ wanda꞉halima꞉ opitolo hata꞉ Koda꞉ ipika꞉ pa a꞉ta꞉ma꞉ homa꞉la꞉eki mina꞉yeke loa꞉me.

Epesese 4:4

Loke homeke kone halememe. Kutupa Sipitidi make homeke hala꞉me. Koda꞉ma꞉ iki wi la꞉la꞉ ekina꞉ homeke kone handeteke halememe.

Kolosi 1:24

Koto ekina꞉ ameta꞉ I̱ta꞉ mo ikina꞉ tanda minolo ekina꞉ ta꞉na꞉ma꞉ homolome. Yaka lokema꞉ tanda minolo ekita꞉ mo hande Ketisoma꞉ ipika꞉ loke mo siosina꞉eki peaaso mieke tanda putupiliki u pelia hala꞉ ekita꞉ I̱ma꞉ paeyaaluekema꞉ tamba꞉ minolo loa꞉me.

Kolosi 1:28

Doeki tekena꞉ta꞉ nikana꞉ma꞉ta꞉ paeyao pa꞉ta꞉ Ketiso walo haloma꞉me. Nika꞉ hone u lenkena꞉ pea witoloma꞉eki manuma꞉ta꞉ mo wanda꞉hali pa꞉ta꞉ kinki pitolo hata꞉ walo haloma꞉me. Dupuluekema꞉ yeketa꞉ nikana꞉ma꞉ta꞉ iki paeyao siki homeke homeke lo ku hata꞉ Ketiso yaapo ta꞉ma꞉ni pea Koda꞉na꞉ leke popelekena꞉ hatuku ipuluekema꞉ pitoloma꞉me.

Kolosi 4:17

Kutupa Akipasi pa꞉ta꞉ta꞉ Hande Koda꞉na꞉ e pa꞉ta꞉ kia꞉ eta꞉ ota꞉ pu paeyapekee lapa꞉peke.

1 Timodi 1:12

Ya e pokono wele peaasa꞉ Ketiso Yesu nika꞉ Tekehali pa꞉ta꞉ keiyae pi alome. Ipika꞉ e I̱ma꞉ ana꞉na꞉ pokaalieke hone wia I̱ ma̱leke lieke ekina꞉ keiyae alome.

2 Timodi 4:11

Luku homeke homeke I̱ yaapo halopa꞉me. Neke ipulu hata꞉ta꞉ Maka handa꞉ mua꞉tiki a꞉pa꞉peke. Ipikana꞉ma꞉ I̱ tamba꞉ mina꞉ yeke loa꞉me.

2 Timodi 4:5

Kutu pina꞉ kone neke pa꞉ta꞉ ekipiki haumanu epena꞉ kone kota꞉ koto ekima꞉ neke hoeyaama꞉na꞉ naka꞉ hone lu tombua tombua pitolo hata꞉ hapeke. Ka꞉nda꞉manu epena꞉ kone da̱o̱la hata꞉ka꞉na꞉ mo Pi Seliapo wala꞉la꞉ hali hata꞉ e poko hapeke. Kutupa neketa꞉ Koda꞉na꞉ e pokaasa꞉ hali hata꞉ naka꞉ ka꞉la꞉ e poko hapeke.

Hibulu 13:17

Mo ika꞉ siosi you haliweki pa꞉ta꞉ homu pea hata꞉ ika꞉ kakena꞉ homo hapa꞉peke. Ikana꞉ma꞉ ika꞉ siosi wanda꞉hali tukiki pa꞉ta꞉ e poka꞉la꞉eki paeyao Koda꞉ma꞉ handena꞉ ipiki pa꞉ta꞉ peneme yao waluekema꞉ta꞉ timba꞉ nate yaapona꞉ u na peliki hata꞉ mo siosi wanda꞉hali ika꞉ temokomanu wopu handeteke hao halememe. Ika꞉ kakena꞉ homa telia pu haemeka꞉na꞉ta꞉ kota꞉ ta꞉na꞉ lulu hata꞉ ika꞉ e epeke tupa꞉ pokolo pelemepate pa ikana꞉ma꞉ ika꞉ kakena꞉ na homemeka꞉na꞉ta꞉ kota꞉ ika꞉ e poka꞉la꞉eki ka꞉nda꞉ pealieke. Ikana꞉ma꞉ ka꞉nda꞉ma꞉ homemeka꞉na꞉ta꞉ kota꞉ koto ka꞉nda꞉ peaasa꞉ ekima꞉ mo siosi wanda꞉hali iki na tamba꞉ milieke.

Hibulu 6:1

Mo hande titi panake pa꞉ta꞉ opuma꞉ Ketisona꞉ pi manuna꞉ homeke na ambula u hake pa wina꞉ ipika꞉ pi mandane ekimanu make handa꞉tia pomana꞉e. Da a꞉eyoma꞉ka꞉na꞉ta꞉ oni hande amba꞉ nokopoma꞉ da ka꞉ta꞉ta꞉ pa yoka noka꞉pa꞉tiki noka꞉pa꞉tiki pea꞉peke na ya꞉la꞉me. Koto tupa꞉ kone nikana꞉ma꞉ make mo Koda꞉ pa꞉ta꞉ hone tulaasa꞉ titina꞉ pimanu make mo teke na wiki hau pita꞉la꞉ ekimanu mina꞉pa꞉lao hone la꞉ka꞉la꞉la꞉ ekina꞉ pimanu make