Epesese 4:10 - Panake Pi La: Ula: Buka pita: Kine Pieke Buka

¹⁰ Kutupa hande hola꞉pa꞉niaeyeke hali kone ota꞉ oli manda hepeni pa꞉ta꞉ a꞉meiya puata꞉ oli ya kenke yaapo ipika꞉ hala꞉ ekima꞉ tumbaaluekema꞉ peekeme.

Epesese 4:10 ပူးပေါင်းရင်းမြစ်များ

Ma꞉tiu 24:34

Iki pa꞉ta꞉ ota꞉ pi alome. Do haleme wanda꞉hali paeyao na homeke halimi pita꞉ I̱ma꞉ loa꞉ alemanu paeyao amba꞉ ipilieke leekeme.

Luku 24:44

Kutupa Yesuma꞉ iki pa꞉ta꞉ alota꞉ Do hau manuta꞉ hande I̱ ame̱le̱ haeme dina꞉ la kua꞉ ekimanue. Mo hande Mosesina꞉ Lo Pi wape pea ula꞉ ekina꞉ make hande potopede haliwekima꞉ wape pea ula꞉ ekina꞉ make hande Emeli bukana꞉ wape pea ula꞉ ekina꞉ make I̱na꞉ lao ula꞉eki manuta꞉ ota꞉ yaapeke ya꞉la꞉me leekeme.

Dioni 1:16

Ipika꞉ pa a꞉ta꞉ma꞉ homa꞉la꞉eki tumba hala꞉eki mea niki kia꞉tiki kia꞉tiki peaata꞉ niki paeyao amba꞉ epeaala꞉me.

Dioni 19:24

mo haliwekima꞉ ika꞉ ika꞉ kone alota꞉ Na sinkipiki pa mo mina꞉la꞉ hali handomana꞉ laki pumana꞉e lemekeme. Hande Baibolo bukana꞉ wape pa꞉la꞉eki yaaluekema꞉ pimikime. Wape pa꞉la꞉ ekita꞉ dupa Yaka dau manuta꞉ ika꞉ telipa meaata꞉ yaka hokulupeke dau muluekema꞉ laki pimikime laa wape pa꞉la꞉me. Kota꞉ mo a꞉ndeli miniki haliwekima꞉ kutu pimikime.

Dioni 19:28

Yesuma꞉ta꞉ I̱ma꞉ pea꞉peke ekita꞉ amba꞉ pu paeyaalome hone wiaata꞉ mo Baibolo bukana꞉ wape pa꞉la꞉eki yaaluekema꞉ ipikana꞉ma꞉ alota꞉ I̱ ikali na꞉na꞉ pa꞉la꞉me leekeme.

Dioni 19:36

Koto hau pieke ekima꞉ mo Baibolo bukana꞉ wape pa꞉la꞉eki yaeyekeme. Mo wape pa꞉la꞉ ekita꞉ dupae. Ipika꞉ hoka꞉ta꞉ma꞉ homeke ma꞉nda꞉ na tonda꞉pa꞉ limikie wape pa꞉la꞉me.

Aposolo 1:11

Ka꞉lili haliwekio. Do pa꞉ta꞉ hata꞉ ya pa꞉ta꞉ ombu ekipeke handa꞉liao halemepe lepekeme. Do iki mina꞉pa꞉lao ya nane pula꞉ Yesuta꞉ paa ipulu make do ya nane puleke handa handeleme tupa꞉ kone paa ipilia꞉eki make koto tupa꞉ kone ipiliekee lepekeme.

Aposolo 1:9

Kotoeki lo paeyaota꞉ mo haliwekima꞉ handa꞉ poto poto la haena꞉ kone opa꞉liao peekeme. Kutupa ya hapi homekema꞉ a꞉pa ipiki a꞉mbaeyekeme.

Aposolo 2:33

Ipika꞉ Apa꞉ Koda꞉ma꞉ la꞉ wieke tupa꞉ Yesuta꞉ mea tiao ipika꞉ popeke kiki nane mea pitaota꞉ ipiki pa꞉ta꞉ Holi Sipitidi haleekeme. Kutupa nikana꞉ma꞉ ame do handoloma꞉ ekimanu make do opitoloma꞉ ekimanu tonka꞉na꞉ ipiki pa꞉ta꞉ ipula꞉me.

Aposolo 3:18

Amba꞉ kiaake Koda꞉ma꞉ta꞉ ipika꞉ Ketisona꞉ tanda mulu pa꞉la꞉eki mo potopede haliweki paeyaoma꞉ la hale hale pina꞉ leekeme. Kutupa hande Koda꞉ma꞉ la꞉ wiekeeki kone ota꞉ yao ikana꞉ma꞉ do pimime.

2 Kotindi 12:2

I̱ma꞉ hone uluta꞉ amba꞉ paeya꞉ bapi 14 haowa꞉ dina꞉ta꞉ Ketiso hali ma꞉nda꞉ta꞉ oli ota꞉ manda hala꞉ hepeni nane pa꞉ta꞉la꞉ mea pea꞉eki hone ulume. Do ekita꞉ ota꞉ pia꞉pe o pa upama꞉ leke handea꞉pe laa I̱ hone na ulupate Koda꞉ma꞉ homeke hone ula꞉me.

Epesese 3:19

Ketiso ipika꞉ pukima꞉ homa꞉la꞉ ekita꞉ hando paeyaapeke na ya꞉la꞉eki kone ikana꞉ma꞉ handemeka꞉na꞉ta꞉ epelieke. Kutupa mo hande epeke epeke ale paeyao Koda꞉ ipiki pa꞉ta꞉ tumbulu bao hala꞉eki kone iki pa꞉ta꞉ make tumbulu bao halieke.

Kolosi 1:19

Koda꞉ ipika꞉ hone pieke ekina꞉ kone mo Eiyeketa꞉ ota꞉ Koda꞉ ipikima꞉ kone handena꞉ leekeme.

Kolosi 2:9

Pa ekipeke Ketiso pa꞉ta꞉ta꞉ Koda꞉ ipika꞉ hala꞉eki paeya tapao kenke loke tupa꞉ hala꞉me.

1 Timodi 3:16

Mo nika꞉ Ketiso hauna꞉ teketa꞉ ota꞉ hau tieke dia꞉me pita꞉ ma꞉nda꞉ma꞉ lapeke na ya꞉la꞉me. Do ekina꞉ alome. Ipikita꞉ ota꞉ halina꞉ loke kone mea opolo epeekeme. Mo hande Sipitidima꞉ ipika꞉ yako pa꞉la꞉ ekita꞉ ota꞉ ekie laa peneme waleekeme. Kutupa ipikita꞉ enisoloma꞉ make handeekeme. Ipika꞉ bikita꞉ mo tutu ma꞉nda꞉ ma꞉nda꞉ paeyao pa꞉ta꞉manu make walemekeme. Kutu pieketa꞉ mo kenke paeyao pa꞉ta꞉ haemeke wanda꞉halima꞉ ipiki pa꞉ta꞉ hone tulaemekeme. Kutaa ipikita꞉ Koda꞉ma꞉ oli ya nane hatuku mea peekeme.

Hibulu 4:14

Koto pa꞉leke handaata꞉ mo nika꞉ Yeni peao hala꞉ You hali tieketa꞉ Koda꞉na꞉ eiyeke Yesuta꞉ mo hepeni da tukiki pa꞉ta꞉ ota꞉ honda꞉ pambeeke yeke handaata꞉ kota꞉ nikana꞉ma꞉ make mo nika꞉ hone tulaaloma꞉eki wopu handeteke hao hamana꞉e.

Hibulu 7:26

Koto ekina꞉ Yesuta꞉ Yeni Peao Hala꞉ You Hali hata꞉ nika꞉ ka꞉nda꞉manu ana꞉na꞉ tamba꞉ mea꞉peke ya꞉la꞉me. Ipikita꞉ yako piki hali hala꞉me. Kutupata꞉ ipiki pa꞉ta꞉ eki a꞉nda꞉ ma꞉nda꞉ o hoke hau ma꞉nda꞉ ota꞉ na ula꞉me. Ipika꞉ hauta꞉ hoke hau pu haleme wanda꞉halina꞉ hau leke na pieke handaa Koda꞉ma꞉ Neketa꞉ ota꞉ ta꞉ta꞉ pa꞉la꞉ halie laa ota꞉ oli hepeni manda nane mini liao haena꞉ la꞉la꞉me.

Hibulu 8:1

Ameta꞉ kota꞉ do nikana꞉ma꞉ aloma꞉ pina꞉ teketa꞉ dupae. Yeni Peaasa꞉ You Halita꞉ oli hepeni nane hala꞉ Kini Hali Tiekena꞉ pita꞉la꞉ ale tieke popeke nanema꞉ pila꞉me.