Epesese 3:21 - Panake Pi La: Ula: Buka pita: Kine Pieke Buka

²¹ Kutupiki Koda꞉ta꞉ siosi wanda꞉hali paeyaoma꞉ Yesu Ketiso yaapo ta꞉ma꞉ni pea hata꞉ta꞉ ipika꞉ biki nate paeyao mea a꞉meiyatiki pa pulu pulu hamana꞉ pea꞉pa꞉peke aleo. Kutu pina꞉e.

Epesese 3:21 ပူးပေါင်းရင်းမြစ်များ

Ma꞉tiu 6:13

Ka꞉nda꞉piki ekima꞉ niki na la handa꞉peke. Kotoeki na pikita꞉ hoke Sadanima꞉ niki hoeyaama꞉na꞉ma꞉ nakana꞉ma꞉ niki epeke tupa꞉ handeteke hapeke laa yeni pea꞉pa꞉peke ya꞉la꞉me.

Luku 2:14

Oli ya manda hala꞉ Koda꞉na꞉ pi lapa꞉peke. Ipikana꞉ma꞉ ta꞉na꞉ma꞉ homolo hata꞉ kenkena꞉ haleme haliwekina꞉ puki lopaala꞉me laa lemekeme.

Loma꞉ 11:36

Koda꞉ma꞉ta꞉ ala꞉ta꞉ ala꞉ta꞉ paeyao ipikana꞉ma꞉ wepia wina꞉ la꞉la꞉me. Kutupa ala꞉ta꞉ ala꞉ta꞉ paeyao ipikana꞉ma꞉ kone pa putia pulu pulu haena꞉ ala꞉me. Kutu pa꞉la꞉ ekita꞉ ala꞉ta꞉ ala꞉ta꞉ paeyao ipika꞉eki kone wina꞉ loluekema꞉ pa꞉la꞉me. Nikana꞉ma꞉ta꞉ Koda꞉na꞉ pita꞉ hoto paeyao laatiki pu hamana꞉e. Kutu pina꞉e.

Loma꞉ 16:27

Nikana꞉ma꞉ Yesu Ketiso pa꞉ta꞉ yama꞉ mo hande hau paeyao wotu handa ula꞉ Koda꞉ homeke homekena꞉ pi hoto paeyao laatiki pu hamana꞉e. Kutu pumana꞉e.

Ka꞉leisia 1:5

Koto ekina꞉ta꞉ Koda꞉ ipika꞉ biki tieke wina꞉ yeiya꞉ latiki latiki pu hamana꞉e. Kutu pina꞉e.

Epesese 1:6

Koda꞉ma꞉ niki pa꞉ta꞉ pa hameke a꞉ta꞉ma꞉ wotu homa꞉la꞉ ekina꞉ make ipika꞉ hone pieke Eiyeke niki kitolo pa hameke kita꞉la꞉ ale tonka꞉na꞉ ka꞉la꞉ ekina꞉ make Koda꞉na꞉ pi laamana꞉e.

Epesese 2:7

Koto hande Koda꞉ma꞉ pieke hauta꞉ ipikana꞉ma꞉ pukima꞉ homolo hata꞉ Yesu Ketiso niki pa꞉ta꞉ ka꞉la꞉ ekima꞉ wetepena꞉ halo peleme wanda꞉halima꞉ ipikana꞉ma꞉ ota꞉ pa hameke a꞉ta꞉ma꞉ wopu homo hala꞉eki nate paeyao handa꞉tiki pina꞉ piekeme.

Epesese 4:1

I̱ta꞉ Poloma꞉ Tekehalina꞉ e pokaaso ekita꞉ dipula pita꞉ kone iki pa꞉ta꞉ hone wotu witolo hata꞉ doeki alome. Koda꞉ma꞉ wi la꞉la꞉ ekina꞉ iki do tupa꞉ tikitiki yao hapa꞉peke.

Pilipai 1:11

Kutu pilie ekima꞉ta꞉ ika꞉ halemeeki tukiki pa꞉ta꞉ta꞉ mo Yesu Ketiso homekema꞉ puemena꞉ lapeke ya꞉la꞉ hau manuma꞉ iki tukiki pa꞉ta꞉ tumbaalieke. Iki tumbaeya꞉ka꞉na꞉ta꞉ kota꞉ koto hauma꞉ta꞉ Koda꞉na꞉ pi lao yeiya꞉ laalieke.

Pilipai 2:11

Kutupa mo Ateke hala꞉ Koda꞉na꞉ biki yeiya꞉ laaluekema꞉ iki paeyaoma꞉ paeyao opina꞉ peneme yaaso hata꞉ Yesu Ketiso ipiki homeketa꞉ ota꞉ Tekehalie laa lelimikie.

Pilipai 4:20

Nate paeyao nika꞉ Apa꞉ Koda꞉ yeiya꞉ yeiya꞉ lao hamana꞉e. Kutu pina꞉e.

2 Timodi 4:18

Mo Tekehalima꞉ mo hande hoke hau paeyao pa꞉ta꞉ I̱ yoka꞉ mea ipika꞉ hepeni nane Kilu Tombuao Hala꞉ ekina꞉ epeke tupa꞉ opolo a꞉pono lelieke. Mo biki yeiya꞉ laasa꞉eki paeyao ipiki pa꞉ta꞉ na paeyeke pa u haena꞉e. Kutu pina꞉e.

1 Pida 2:5

Iki make da꞉ta hala꞉ toopi ula꞉ tupa꞉ halememe. Kutupa ikana꞉ma꞉ Koda꞉ma꞉ ikita꞉ mea ipika꞉ yakopiki temokona꞉ da a꞉ena꞉ lapa꞉peke. Do da tukiki pa꞉ta꞉ ikana꞉ma꞉ yako piki yeni peao hala꞉ haliweki hata꞉ Koda꞉ ta꞉na꞉ma꞉ homolo hata꞉ mina꞉ ika꞉ temoko Yesu Ketiso pa꞉ta꞉ yama꞉ Koda꞉ pa꞉ta꞉ halo hapa꞉peke.

1 Pida 5:11

Mo Kilu Tombuao Hala꞉ weleta꞉ hoto paeyao Koda꞉ pa꞉ta꞉ pu haena꞉e. Aowe ota꞉e.

2 Pida 3:18

Kotoeki na pikita꞉ nika꞉ Pa꞉ta꞉la꞉la꞉ Tekehali Yesu Ketisona꞉ hone ula꞉eki make a꞉ta꞉ma꞉ homolo tamba꞉ mina꞉la꞉eki pa꞉ta꞉ daeyatia pu hapa꞉peke. Ipiki pa꞉ta꞉ pa̱a̱ pa꞉la꞉eki ame make wetepe nina꞉ make wina꞉e. Kutu pina꞉e.

Diudi 1:25

Do Koda꞉ homekema꞉ta꞉ nika꞉ Tekehali Yesu Ketiso pa꞉ta꞉ yama꞉ niki pa꞉ta꞉la꞉la꞉me. Koto ekina꞉ nikana꞉ma꞉ta꞉ ipika꞉ biki yeiya꞉ laamana꞉e. Ipikita꞉ titina꞉ kini hata꞉ honkopu tieke haena꞉e. Kutupa ipikita꞉ ala꞉ta꞉ ala꞉ta꞉ paeyaona꞉ you hali haena꞉e. Ipikita꞉ amba꞉ make ame make wetepe nina꞉ make do tupa꞉ kone hao haena꞉e. Kutu pina꞉e