Epesese 3:20 - Panake Pi La: Ula: Buka pita: Kine Pieke Buka

²⁰ Koda꞉ma꞉ nika꞉ puki pa꞉ta꞉ pita꞉ta꞉ wele pu tiaaso hata꞉ta꞉ nikana꞉ma꞉ honke lolo poloma꞉eki paeyao make nikana꞉ma꞉ hone ulu poloma꞉eki paeyao make ota꞉ paeyao ta꞉pao ipikana꞉ma꞉ lu ankulao hata꞉ peaapeke ya꞉la꞉me.

Epesese 3:20 ပူးပေါင်းရင်းမြစ်များ

Kini Pieke 17:1

Eipola꞉ma꞉ 99 bapi mieketa꞉ mo Tekehali opolo pua alota꞉ I̱ta꞉ Aneke Wele wopupiki Koda꞉ halome. I̱ma꞉ alo pi opua hoto paeyao tikitiki hau homeke pea꞉peke.

Kini Pieke 18:4

Koto ekina꞉ ika꞉ ankemanu tanda꞉pa do ti teke pa꞉ta꞉ hoto pitomena꞉ ikali mealo ponoe.

Ma꞉tiu 3:9

Eipoloha꞉ma꞉ta꞉ nika꞉ meie lomeka꞉na꞉ta꞉ mo Koda꞉ma꞉ kulu pa꞉la꞉ hoke yenkita꞉ wendulumekee hone na wia꞉pa꞉peke. Lono opie. Koda꞉ma꞉ta꞉ do ula꞉ toopimanu mea Eipoloha꞉ma꞉na꞉ wekiwandiki au lapeke ya꞉la꞉me alome.

Dioni 10:10

Pake nala꞉ halima꞉ta꞉ mo sipisipi ma꞉na꞉manu pake meata꞉ lia hoeyaaluekema꞉ ipilimipateta꞉ I̱ epolo ekita꞉ ikana꞉ma꞉ da꞉ta꞉la꞉eki muemena꞉yeke epolome. Tumba ula꞉ da꞉ta꞉la꞉eki kone muemena꞉yeke epolome.

Loma꞉ 16:25

Nikana꞉ma꞉ Koda꞉na꞉ pi laamana꞉e. Koda꞉ma꞉ mo amba꞉ kiake kone a꞉mbao wieke pa ame I̱ma꞉ walolo hande Yesu Ketisona꞉ Pi Seliapo pa꞉ta꞉ yama꞉ Koda꞉ma꞉ ika꞉ hone tulao haleme ekita꞉ ana꞉na꞉ taka꞉lao hamina꞉ lelieke. Koto walolo pita꞉ mo amba꞉ kiaake kone a꞉mbao wieke ota꞉ pie.

Loma꞉ 4:21

Eipoloha꞉ma꞉ ipikana꞉ma꞉ hone lenkene pa witolota꞉ Koda꞉ma꞉ la꞉ ula꞉ pita꞉ ota꞉ yaapeke ya꞉la꞉me hone wiekeme.

1 Kotindi 2:9

Koto pa꞉la꞉pate hande Baibolo bukana꞉ wape pa꞉la꞉ tupa꞉ta꞉ Wanda꞉hali homeke a꞉nda꞉ma꞉ na handeekeeki make na opiekeeki make honema꞉ na niminaeyekeeki make kotoeki kone Koda꞉ma꞉ mo ipiki pa꞉ta꞉ pukima꞉ homa꞉la꞉ wanda꞉hali pa꞉ta꞉ peaeyekeme laa wape pa꞉la꞉me.

2 Kotindi 9:8

Kutupa Koda꞉ma꞉ta꞉ ika꞉ dia꞉ya꞉ tupa꞉ta꞉ ota꞉ haka꞉ta꞉pao wopu kuluekema꞉ aneke hali hala꞉me. Pa ekipeke iki dia꞉ya꞉la꞉ ale ana꞉na꞉ wia hamena꞉yeke make mo mandane epeke haumanu pa꞉ta꞉la꞉la꞉eki ota꞉ haka꞉ta꞉pao wia hamena꞉yeke make loa꞉me.

Epesese 1:19

Kutupa make niki hone tulao haloma꞉ wanda꞉hali niki tukiki pa꞉ta꞉ pita꞉ ipika꞉ wele pita꞉la꞉eki daeyaatiki pua꞉pekeeki hone wilimikie. Do hande niki tukiki pa꞉ta꞉ pila꞉ wele pita꞉la꞉ ekita꞉

Epesese 3:7

I̱ma꞉ta꞉ hande Pi Seliapo walolo e pokaaso ekita꞉ Koda꞉ma꞉ wele pitolo hata꞉ I̱ pa꞉ta꞉ kia꞉me.

Kolosi 1:29

Doeki pu paeyaaluekema꞉ a꞉ yeketa꞉ do I̱ pa꞉ta꞉ e poka꞉la꞉ Ketisoma꞉ kita꞉la꞉ wele wopu piki honkopuma꞉ta꞉ kima꞉ na homeke a꞉ka꞉li apa꞉la꞉ mea baatia pulu honkopu hao e poko halome.

1 Timodi 1:14

Nika꞉ Tekehalima꞉ ipika꞉ a꞉ta꞉ma꞉ homa tamba꞉ mina꞉la꞉eki I̱ pa꞉ta꞉ wopu kua꞉niaeyekeme. Kutupa make mo nika꞉ Ketiso Yesu ame̱le̱ molome hone tulaasa꞉eki pita꞉ pukima꞉ homa꞉la꞉eki yaapo I̱ pa꞉ta꞉ make kia꞉me.

Hibulu 11:19

Kutupa Eipoloha꞉ma꞉ ipika꞉ honema꞉ta꞉ Aisa꞉ke lua꞉ka꞉na꞉ta꞉ kota꞉ Koda꞉ma꞉ paa mea tiaapeke ya꞉la꞉me hone wiekeme. Kutu pieke ekima꞉ta꞉ ipika꞉ amba꞉ homeeke weki paa handa꞉ miki nono piekeme.

Hibulu 7:25

Koto pa꞉la꞉ ekima꞉ta꞉ wetepe make ame do make mo ipiki pa꞉ta꞉ yama꞉ Koda꞉ pa꞉ta꞉ ipilimi wanda꞉halita꞉ ota꞉ da꞉taapeke ya꞉la꞉me. Pa ekipeke ipikana꞉ma꞉ ikina꞉ Koda꞉ pa꞉ta꞉ honke latiki puluekema꞉ hao hala꞉me.

Dia꞉mesi 4:12

Mo hande Lo pimanu ula꞉ Hali Koda꞉ homekema꞉ kone pi yokaalu pita꞉la꞉eki make pita꞉la꞉me. Kutupa ipikana꞉ma꞉ta꞉ da꞉taasa꞉eki make hoeyaasa꞉eki make ana꞉na꞉ pea꞉peke ya꞉la꞉me. Koto ekina꞉ nakana꞉ma꞉ hali ma꞉nda꞉ pa꞉ta꞉ laake hauta꞉ neketa꞉ aleke pa꞉ta꞉ hone wia hata꞉ alepe. Koto ekina꞉ nakana꞉ma꞉ hali ma꞉nda꞉na꞉ pita꞉la꞉ ekina꞉ pi yokaalu piki hauta꞉ neketa꞉ aleke pa꞉ta꞉ hone wia hata꞉ pitelepe.

2 Pida 1:11

Dupimika꞉na꞉ta꞉ ikita꞉ mo nika꞉ Pa꞉ta꞉la꞉la꞉ Tekehali Yesu Ketisona꞉ na paelo pa꞉la꞉ Kilu Tombuao hala꞉eki pa꞉ta꞉ honda꞉ pamboemena꞉ waleke tieke kilieke.

Diudi 1:24

Koda꞉ma꞉ta꞉ iki lopaama꞉na꞉yeke ana꞉na꞉ handeteke hala꞉me. Kutupa mo ipika꞉ pa̱a̱ pu hala꞉ alena꞉ pua hamena꞉ yeke ipikana꞉ma꞉ iki ana꞉na꞉ hatuku pua꞉peke ya꞉la꞉me. Koto pa꞉ta꞉ta꞉ ikita꞉ ata꞉ka꞉ ma꞉nda꞉ na piki ta꞉na꞉ pita꞉la꞉ ekina꞉ tumbulu bao halimikie.