Epesese 3:14 - Panake Pi La: Ula: Buka pita: Kine Pieke Buka

¹⁴ Koto pa꞉la꞉ ekina꞉ I̱ma꞉ Apa꞉ pa꞉ta꞉ tumiki yotuao panda꞉puniao pilume.

Epesese 3:14 ပူးပေါင်းရင်းမြစ်များ

Luku 22:41

Koto laa Yesuta꞉ iki mina꞉pa꞉lao mo toopi baasa꞉ tupa꞉ leke mopate pua tumiki yotuao pita꞉ yeni piekeme.

Aposolo 20:36

Koto pi laaka꞉na꞉ tumiki yotuao iki paeyao ame̱le̱ homeke pa꞉ta꞉ pita꞉ yeni pia꞉me.

Aposolo 21:5

Koto lemepate nikita꞉ koto da pa꞉ta꞉ iki ame̱le̱ haoma꞉ di paeyeketa꞉ iki mina꞉pa꞉lao poma꞉me. Koto haliweki paeyaoma꞉ ika꞉ weki wanda꞉ paeyao ame̱le̱ make daoni nane niki hatuku tapaalo epememe. Kutupa niki paeyaoma꞉ koto dawala ikali tea꞉na꞉ tumiki yotuao pita꞉ yeni puma꞉me.

Aposolo 7:60

Kutupa pa tumiki yotuao pita꞉ anekema꞉ e̱ alo hata꞉ alota꞉ Tekehalio. Do haliwekima꞉ hoke hau piteleme ekita꞉ pa na wina꞉ leke nakana꞉ma꞉ paeyaapeke leekeme. Kotoeki lo paeyaota꞉ homeekeme.

Aposolo 9:40

Pidama꞉ mo wanda꞉sunu paeyao hama꞉ nane pupe laata꞉ tumiki yotuao yeni peaata꞉ mo wanda꞉ toko handa꞉moneaaso alota꞉ Ta꞉bida. Tiae laa leekeme. Mo wanda꞉ma꞉ leke kila Pida handaata꞉ tiao pitiekeme.

Epesese 1:3

Tekehali Yesu Ketiso ipika꞉ Apa꞉ Koda꞉na꞉ pi nikana꞉ma꞉ laamana꞉e. Nikita꞉ Ketiso yaapo hamonota꞉ Koda꞉ma꞉ niki ota꞉ epeaala꞉ ekina꞉ loa꞉me. Hepeni nane hala꞉ ekimanu paeyaota꞉ nika꞉ temoko tamba꞉ mina꞉yeke amba꞉ ka꞉la꞉me.

Epesese 3:15

Oli hepeni do kenke yaapo pa꞉ta꞉ haloma꞉ tapake wanda꞉hali paeyaoma꞉ta꞉ nika꞉ ota꞉ bikimanu paeyaota꞉ ipiki pa꞉ta꞉ minoloma꞉me.

Pilipai 2:10

Koto ekina꞉ta꞉ Yesu yeiya꞉ laaluekema꞉ta꞉ hepeni nane haleme ale manuma꞉ make do kenke nane haleme ale manuma꞉ make o kenke oto nane haleme ale manuma꞉ make kotoeki paeyaoma꞉ta꞉ ipiki pa꞉ta꞉ tumiki yotu hao panda꞉ pilimikie.