Epesese 2:15 - Panake Pi La: Ula: Buka pita: Kine Pieke Buka

¹⁵ Ipikana꞉ma꞉ta꞉ hande Diu wanda꞉halina꞉ Lo Pimanu hande tombo tombo wimiki pimanu tonka꞉na꞉ paeyaeyekeme. Dupieke ekita꞉ mo tapake yaapo pa꞉ta꞉ tapake homeke hata꞉ panake wanda꞉hali ipiki yaapo ta꞉ma꞉ni pea hata꞉ta꞉ ipikana꞉ma꞉ wepia haena꞉ loluekema꞉ piekeme. Kutu pieke ekina꞉ a꞉nda꞉ peliaowaeyekeme.

Epesese 2:15 ပူးပေါင်းရင်းမြစ်များ

2 Kotindi 5:17

Ma꞉nda꞉ epita꞉ Ketiso pa꞉ta꞉ tunaeya꞉ka꞉na꞉ta꞉ kota꞉ ipikita꞉ panake some hala꞉me. Amba꞉ ekita꞉ pulu hata꞉ panakeeki a꞉pa꞉la꞉me.

Ka꞉leisia 3:10

Epi amedama꞉ mo Lo Pi ula꞉eki pitolo ekima꞉ta꞉ I̱ ana꞉na꞉ epeaalieke laa hone ti laeya꞉ka꞉na꞉ta꞉ kota꞉ ipikita꞉ mo Koda꞉na꞉ esihou pi oto pa꞉ta꞉ hala꞉me. Kota꞉ mo Baiboloma꞉ alota꞉ Epima꞉ mo wape pea ula꞉ pi ula꞉eki paeyao ota꞉ tana꞉ paeyaona꞉ opua na pu haya꞉ka꞉na꞉ta꞉ kota꞉ koto some epita꞉ Koda꞉ ipika꞉ esihou pi yu wia hala꞉eki oto pa꞉ta꞉ hala꞉me ala꞉me.

Ka꞉leisia 3:28

Koto pa꞉la꞉ ekima꞉ta꞉ kota꞉ mo Diu tapake pita꞉ Diendaili tapake yaapo make ata꞉ka꞉ na pu mo e handeteke hala꞉ haliweki pita꞉ e pokaasa꞉ haliweki yaapo make ata꞉ka꞉ na pu mo wanda꞉ pita꞉ hali yaapo make ata꞉ka꞉ na pu piki iki paeyaota꞉ Yesu Ketiso ame̱le̱ apa꞉tao ota꞉ homeke tapake halememe.

Ka꞉leisia 6:15

Sekemesaisi hau pita꞉ sekemesaisi na pita꞉la꞉ hau yaapota꞉ pa manda hau yaapoe. Ota꞉ hau tieketa꞉ Koda꞉ma꞉ niki panake wanda꞉hali mea haasa꞉eki homeke ota꞉ tumikiekie.

Epesese 2:10

Koda꞉ta꞉ niki wepia hamono la꞉la꞉ Halie. Ipikana꞉ma꞉ta꞉ nikita꞉ Yesu Ketiso yaapo ta꞉ma꞉ni pea hata꞉ epeke haumanu pu hamonoyeke nikita꞉ panake wanda꞉hali wepia hamono la꞉la꞉me. Nikana꞉ma꞉ kutupiki hau peomonoyeke Koda꞉ma꞉ amba꞉ kone pota꞉ pilao pa꞉la꞉me.

Epesese 2:14

Ketiso ipikana꞉ma꞉ kone Diu wanda꞉hali make Diendaili wanda꞉hali make mea apa꞉tao homeke tapake wanda꞉hali hamono la꞉la꞉ ekima꞉ nika꞉ a꞉nda꞉ ipikana꞉ma꞉ peliaowala꞉me. Mo hande a꞉nda꞉ tunkula꞉ alu alu pea ta꞉ta꞉ ta꞉ta꞉ pea haena꞉ tupele hayeke ekita꞉ Ketiso ipika꞉ lokena꞉ kone londa꞉la baeyekeme.

Epesese 2:16

Ketisota꞉ hande a꞉ka꞉tei wape piki tina꞉ homeeke ekima꞉ a꞉nda꞉ tunkula alu alu pitelemeeki leke tankema꞉ handa꞉la꞉eki ipikana꞉ma꞉ bepolao homaeyekeme. Kutu pieke ekima꞉ make ipikana꞉ma꞉ mo tapake yaapo pa꞉ta꞉ tapake homeke apa꞉tao haena꞉ laata꞉ Koda꞉ pa꞉ta꞉ paa hatuku epeekeme.

Epesese 4:16

Kutupa nika꞉ lokena꞉ kiki anke paeyao ipiki pa꞉ta꞉ tunaaloma꞉me. Mo lokena꞉ hala꞉ alemanu paeyao tuna tuna pea ika꞉ kaukata pea꞉peke ekimanu pitolo hata꞉ hande loke paeyao daeya tia pulu hata꞉ ipika꞉ kone pukima꞉ homolo epeke tupa꞉ daeta꞉la꞉me.

Kolosi 2:14

Ipikana꞉ma꞉ta꞉ mo niki li lu tumbaena꞉yeke wape pea ula꞉ lo pimanu ika꞉ tombo ula꞉ pimanu tonka꞉na꞉ ota꞉ paeyaala꞉me. Do hauta꞉ ipikana꞉ma꞉ mo a꞉ka꞉tei wape piki tina꞉ tamendiao lu paeyaala꞉me.

Kolosi 2:20

Ikita꞉ Ketiso yaapo homaata꞉ do kenkena꞉ teke na wiki mana꞉ pimanu pa꞉ta꞉ ka꞉la꞉pa꞉ tapao halememe. Koto ekina꞉ta꞉ pa ekipeke ikita꞉ do kenkena꞉ tapake hake nono pitelemepe.

Kolosi 3:10

mo panake hau mea yamelememe. Kutupa panake hau wa꞉pa꞉la꞉ hali Koda꞉ma꞉ta꞉ do panake ekita꞉ ipikima꞉ handeke nono pina꞉yeke hoto paeyao panakeeki au laatiki pita꞉la꞉me. Dupita꞉la꞉ ekita꞉ ikana꞉ma꞉ ipiki hone wopu uemena꞉yeke pita꞉la꞉me.

Kolosi 3:11

Kotoeki tekena꞉ta꞉ mo Diendaili pita꞉ Diu yaapota꞉ ameta꞉ tukikina꞉ tekili pea꞉peke na ya꞉la꞉me. Sekemesaisi na pa꞉la꞉ wanda꞉hali make sekemesaisi pa꞉la꞉ wanda꞉hali make mo Kitiki pi na opimiki wanda꞉hali make mo yeti sayalema꞉ handeke wanda꞉hali make ka꞉la꞉pa꞉ tapao haleme wanda꞉hali make pa hameke e pokaaseme wanda꞉hali make iki paeyao pa na tekili pea꞉peke ya꞉la꞉me. Pate Ketisota꞉ do hauna꞉ teke make ipikita꞉ paeyao pa꞉ta꞉ hala꞉me.

Kolosi 3:15

Kutupa Ketisoma꞉ kita꞉la꞉ puki lopa꞉niaasa꞉ ekima꞉ta꞉ ika꞉ wepilimi pimanu handeteke haena꞉ pita꞉la꞉me. Do puki lopa꞉niaasa꞉eki muemena꞉ yeke Koda꞉ma꞉ iki homeke loke apa꞉taemena꞉ wi la꞉la꞉me. Kutupa keiyae lo hapa꞉peke.

Hibulu 7:16

Koto ipiki yeni peaasa꞉ hali haena꞉ leeke ekita꞉ pa wekima꞉ atekena꞉ anketeke mina꞉la꞉ tupa꞉ o mana꞉ pimanu wiekeeki mieke ekima꞉ na miekeme. Dia꞉me mo da꞉ta hao hala꞉ ekina꞉ wele pita꞉la꞉eki homekema꞉ ipiki yeni peaasa꞉ hali mea haena꞉ leekeme.

Hibulu 8:13

Koda꞉ma꞉ mo panake pi la꞉ wita꞉la꞉ pi la꞉ wieke pita꞉ma꞉ta꞉ mo hande titina꞉ wieke pita꞉ amba꞉eki ya꞉na꞉ leekeme. Ala꞉ta꞉ ma꞉nda꞉ a꞉nda꞉ pitiki yaalo kukutu pia꞉ka꞉na꞉ta꞉ kota꞉ hosiki wetepena꞉ta꞉ ota꞉ alupilieke.

Hibulu 9:23

Mo hande palai da make mo yeni puluekema꞉ mu haleme alemanu paeyao make oli hepeni nane ula꞉ alemanu manda꞉na꞉ uleke handaa mo hande hoteke lia we kitaasa꞉ hauma꞉ta꞉ yako peaasa꞉pate pa mo hepeni nane ula꞉ ale manuta꞉ mo lia hala꞉la꞉ hau ota꞉ lombei piki ekima꞉ homeke peaapeke ya꞉la꞉me.