Epesese 2:10 - Panake Pi La: Ula: Buka pita: Kine Pieke Buka

¹⁰ Koda꞉ta꞉ niki wepia hamono la꞉la꞉ Halie. Ipikana꞉ma꞉ta꞉ nikita꞉ Yesu Ketiso yaapo ta꞉ma꞉ni pea hata꞉ epeke haumanu pu hamonoyeke nikita꞉ panake wanda꞉hali wepia hamono la꞉la꞉me. Nikana꞉ma꞉ kutupiki hau peomonoyeke Koda꞉ma꞉ amba꞉ kone pota꞉ pilao pa꞉la꞉me.

Epesese 2:10 ပူးပေါင်းရင်းမြစ်များ

Ma꞉tiu 5:16

Koto tupa꞉ kone wanda꞉halima꞉ ika꞉ epeke haumanu handolo hata꞉ ika꞉ hepeni hala꞉ Apa꞉ pa꞉ta꞉ yeiya꞉ lawaena꞉ma꞉ paeyaoma꞉ handena꞉ ika꞉ pa̱a̱ peapeke haumanu pu hapa꞉peke.

Dioni 3:21

Kutu pa꞉la꞉pate hali epima꞉ ota꞉ hau pu hala꞉ halima꞉ mo pa̱a̱ pa꞉la꞉eki pa꞉ta꞉ ipilieke. Kutupa mo pa̱a̱ pa꞉la꞉ ekima꞉ ipika꞉ piekeeki manuta꞉ Koda꞉ yaapo hata꞉ pieke ekimanu peneme yao walena꞉yeke ipilieke.

Aposolo 9:31

Kutu pieketa꞉ mo Diudia nane make Ka꞉lili nane make Sametia nane make koto kenke paeyao pa꞉ta꞉ haemeke siosi wanda꞉halita꞉ a꞉nda꞉ pelia haemekeme. Koto siosi wanda꞉halita꞉ Holi Sipitidima꞉ tamba꞉ minolo haena꞉ honkopu hao hata꞉ daeyatiki pimikime. Tekehali pa꞉ta꞉ panda꞉puniao hata꞉ pimikime.

Aposolo 9:36

Mo Diopa da pa꞉ta꞉ta꞉ disaipolo wanda꞉ homeke Ta꞉bida hayekeme. Koto bikita꞉ pa mo Kitiki pi laata꞉ Dokasi laa la꞉la꞉me. Koto wanda꞉ma꞉ta꞉ hoto paeyao epeke hau pu hata꞉ mo ala꞉ta꞉ ma꞉nda꞉ dia꞉yeke mesiolo hali wanda꞉hali tamba꞉ mu hayekeme.

Loma꞉ 8:1

Koto ekina꞉ Yesu Ketiso ame̱le̱ ta꞉ma꞉ni pea haloma꞉ wanda꞉hali pa꞉ta꞉ta꞉ ma꞉nda꞉ma꞉ hoke yenki kia꞉peke na ya꞉la꞉me.

Loma꞉ 8:29

Koda꞉ma꞉ amba꞉ talopu mea haena꞉ la꞉la꞉ wanda꞉halita꞉ ipika꞉ Eiyeke leke haena꞉yeke amba꞉ handa꞉ mea ta꞉ta꞉ haena꞉ la꞉la꞉me. Koto pa꞉la꞉ ekita꞉ ipika꞉ Eiyeketa꞉ ipika꞉ kamemanu paeyao ame̱le̱ hata꞉ta꞉ ipikita꞉ titina꞉ hali haena꞉yeke pa꞉la꞉me.

1 Kotindi 3:9

Dikita꞉ mandake pa꞉ta꞉ hata꞉ Koda꞉na꞉ e pokaasoma꞉ haliweki halopa꞉me. Kutupa ikita꞉ Koda꞉na꞉ e kone halememe. Kutupa ikita꞉ Koda꞉na꞉ da make halememe.

2 Kotindi 5:17

Ma꞉nda꞉ epita꞉ Ketiso pa꞉ta꞉ tunaeya꞉ka꞉na꞉ta꞉ kota꞉ ipikita꞉ panake some hala꞉me. Amba꞉ ekita꞉ pulu hata꞉ panakeeki a꞉pa꞉la꞉me.

2 Kotindi 5:5

Dupiki topo pulu pa꞉la꞉ ekina꞉ta꞉ Koda꞉ma꞉ niki tikitiki yaasa꞉me. Kutupa ipika꞉ Sipitidita꞉ mo wetepena꞉ niki kulu pa꞉la꞉ alena꞉ peneme yaasa꞉ tombo ula꞉eki ka꞉la꞉me.

2 Kotindi 9:8

Kutupa Koda꞉ma꞉ta꞉ ika꞉ dia꞉ya꞉ tupa꞉ta꞉ ota꞉ haka꞉ta꞉pao wopu kuluekema꞉ aneke hali hala꞉me. Pa ekipeke iki dia꞉ya꞉la꞉ ale ana꞉na꞉ wia hamena꞉yeke make mo mandane epeke haumanu pa꞉ta꞉la꞉la꞉eki ota꞉ haka꞉ta꞉pao wia hamena꞉yeke make loa꞉me.

Ka꞉leisia 6:15

Sekemesaisi hau pita꞉ sekemesaisi na pita꞉la꞉ hau yaapota꞉ pa manda hau yaapoe. Ota꞉ hau tieketa꞉ Koda꞉ma꞉ niki panake wanda꞉hali mea haasa꞉eki homeke ota꞉ tumikiekie.

Epesese 1:1

I̱ Polota꞉ Koda꞉ ipika꞉ hone pa꞉la꞉ ekina꞉ Yesu Ketiso ipika꞉ aposolo hali halome. I̱ma꞉ do wape pitolo ekita꞉ ikita꞉ Koda꞉ ipika꞉ wanda꞉hali pa꞉ta꞉ pitolome. Ikita꞉ Yesu Ketiso pa꞉ta꞉ hone tulao hata꞉ Epesese da pa꞉ta꞉ halememe.

Epesese 1:4

Koda꞉ma꞉ do kenke na wepia wina꞉ leeke natena꞉ta꞉ nikita꞉ Ketiso yaapo hata꞉ ipika꞉eki hamono niki amba꞉ talopu ma꞉la꞉me. Nikita꞉ ipika꞉ leke popeleke nane hata꞉ta꞉ yako pea hata꞉ ekia꞉nda꞉ na piki wanda꞉hali hamonoyeke ma꞉la꞉me.

Epesese 2:13

Koto tupa꞉ pa haemekepate ameta꞉ Yesu Ketiso yaapo ta꞉ma꞉ni pea hata꞉ta꞉ ika꞉ ta꞉ta꞉ papate haemeke wanda꞉hali kone Ketiso ipika꞉ we lopeeke ekina꞉ iki mea a꞉pa Koda꞉ teke pa꞉ta꞉ hamina꞉ la꞉la꞉me.

Epesese 2:15

Ipikana꞉ma꞉ta꞉ hande Diu wanda꞉halina꞉ Lo Pimanu hande tombo tombo wimiki pimanu tonka꞉na꞉ paeyaeyekeme. Dupieke ekita꞉ mo tapake yaapo pa꞉ta꞉ tapake homeke hata꞉ panake wanda꞉hali ipiki yaapo ta꞉ma꞉ni pea hata꞉ta꞉ ipikana꞉ma꞉ wepia haena꞉ loluekema꞉ piekeme. Kutu pieke ekina꞉ a꞉nda꞉ peliaowaeyekeme.

Epesese 2:2

Koto pita꞉ta꞉ ikana꞉ma꞉ do kenkena꞉ hoke hau pita꞉la꞉eki telia꞉ mea pu haota꞉ ya nane haleme wele pita꞉la꞉ temoko manuna꞉ teke halina꞉ pi opu haemekeme. Koto temokoma꞉ta꞉ Koda꞉na꞉ pi na opu haleme wanda꞉halita꞉ ipikana꞉ma꞉ handeteke hala꞉me.

Epesese 2:6

Nikita꞉ Ketiso yaapo ta꞉ma꞉ni pea haloma꞉ ekina꞉ Koda꞉ma꞉ nikita꞉ Ketiso ame̱le̱ mea tiaota꞉ oli hepeni nane Ketiso ame̱le̱ lu tombuao pitomono la꞉la꞉me.

Epesese 4:1

I̱ta꞉ Poloma꞉ Tekehalina꞉ e pokaaso ekita꞉ dipula pita꞉ kone iki pa꞉ta꞉ hone wotu witolo hata꞉ doeki alome. Koda꞉ma꞉ wi la꞉la꞉ ekina꞉ iki do tupa꞉ tikitiki yao hapa꞉peke.

Epesese 4:24

hande panake hau teke mea꞉pa꞉peke. Koda꞉ma꞉ do hande panake hau teke wepa꞉leke handa do panake hau teketa꞉ Koda꞉na꞉ hau kone ana꞉ pa꞉la꞉me. Mo hande panake hau tekema꞉ hali ma꞉nda꞉ pa꞉ta꞉ pita꞉ mo halita꞉ tikitiki yao hata꞉ yakopiki hau piki hali haena꞉ lelieke.

Pilipai 1:6

Koto ekina꞉ Koda꞉ma꞉ iki pa꞉ta꞉ kini pia꞉ eta꞉ Yesu Ketiso ipilie natena꞉ poko paeyaaluekema꞉ ota꞉ pa pokolo ombu halieke hone ulume. Koto pa꞉la꞉ ekina꞉ta꞉ ya pukima꞉ iki pa꞉ta꞉ ta꞉na꞉ma꞉ homolo hata꞉ iki hone u halome.

Pilipai 2:13

Kota꞉ pa ekipeke Koda꞉ma꞉ta꞉ ikana꞉ma꞉ ipika꞉ hone pa꞉la꞉ hau pulu pa꞉la꞉eki peawaluekema꞉ ika꞉ hone pina꞉yeke ika꞉ tukiki pa꞉ta꞉ e pokolo ombu hala꞉me.

Kolosi 1:10

Kutu pia꞉ka꞉na꞉ta꞉ ikita꞉ mo Koda꞉ ipika꞉ hone pa꞉la꞉ tupa꞉ hata꞉ hoto paeyao ipiki ta꞉na꞉ma꞉ homa꞉tiaasa꞉ hau homeke pu halimikie. Ika꞉ halimi pa꞉ta꞉ta꞉ epeke haumanu opolo ipulu hata꞉ ikita꞉ Koda꞉ hone wopu witelemeeki pa꞉ta꞉ daelimikie.

Kolosi 3:10

mo panake hau mea yamelememe. Kutupa panake hau wa꞉pa꞉la꞉ hali Koda꞉ma꞉ta꞉ do panake ekita꞉ ipikima꞉ handeke nono pina꞉yeke hoto paeyao panakeeki au laatiki pita꞉la꞉me. Dupita꞉la꞉ ekita꞉ ikana꞉ma꞉ ipiki hone wopu uemena꞉yeke pita꞉la꞉me.

2 Desalonaika 2:17

Kutupa ipikana꞉ma꞉ make nika꞉ Tekehali Yesu Ketisoma꞉ make ipilikana꞉ma꞉ aela꞉ baasa꞉ hauma꞉ ika꞉ puki tumbaena꞉ lapa꞉peke aloma꞉me. Kutupa ika꞉ epeke hau paeyao pulu peleme ekina꞉ make ika꞉ epeke pi paeyao lolo peleme ekina꞉ make ipilikana꞉ma꞉ iki wele peawapa꞉peke aloma꞉me.

1 Timodi 2:10

Koto hau na pikita꞉ ikana꞉ma꞉ Koda꞉na꞉ wandiki haluekema꞉ hone wimika꞉na꞉ta꞉ kota꞉ ikana꞉ma꞉ ota꞉ epeke haumanu pu hapa꞉peke. Kutu piteleme hauta꞉ ota꞉ ika꞉ au seliapoe.

1 Timodi 5:10

wanda꞉halima꞉ epeke hau pia꞉ wanda꞉e aleme wanda꞉ make ipika꞉ wekiwandiki epeke tupa꞉ handeteke haya꞉ wanda꞉ make na handeke da ma꞉nda꞉ wanda꞉hali epemeke handa꞉mea wamo pia꞉tiki pieke wanda꞉ make Ketiso yankeketonu oto nane hata꞉ tamba꞉ mieke wanda꞉ make ka꞉nda꞉ mina꞉la꞉ wanda꞉hali petelea꞉ wanda꞉ make epeke haumanu puluekema꞉ hone wopu u hayeke wanda꞉ make kosa꞉piki wanda꞉ homekema꞉ koto hau paeyao tonka꞉na꞉ apa꞉tao pea꞉tiki pieki handemeka꞉na꞉ta꞉ kota꞉ ipika꞉ biki wape pea꞉peke.

1 Timodi 5:25

Mandane epeke haumanu make koto tupa꞉ kone peneme peneme yao ula꞉me. Kutaata꞉ mo ota꞉ peneme na ula꞉ epeke hau mandane ekimanu maketa꞉ a꞉mbao wia꞉peke na ya꞉la꞉me.

1 Timodi 6:18

Koto wanda꞉hali ikana꞉ma꞉ mandane wanda꞉hali pa꞉ta꞉ epeke hau pipe laata꞉ mo ika꞉ tamba꞉ mina꞉la꞉ hau piteme ekima꞉ hamoko hapa꞉peke laa lapeke. Ikana꞉ma꞉ epeke moke pita꞉la꞉ wanda꞉hali hata꞉ ika꞉ hamoko ale manuta꞉ mandane wanda꞉hali pa꞉ta꞉ pa teli pealuekema꞉ tikitiki yao hapa꞉peke lapeke.

2 Timodi 2:21

Hali ma꞉nda꞉ epima꞉ mo hoke hau paeyaona꞉ ha̱i̱ a꞉nda꞉ ipiki pa꞉ta꞉ na ta̱le̱na꞉ lea꞉ka꞉na꞉ta꞉ kota꞉ ipikita꞉ ipika꞉ Tekehalima꞉ ta꞉ta꞉ piki hau tieke ma꞉nda꞉ peaena꞉ mea haena꞉ lelieke. Pa ekipeke. Mo somema꞉ ipika꞉ Tekehalima꞉ hala꞉la꞉ epeke emanu pokaaluekema꞉ tikitiki yao ula꞉ ale manuma꞉ handa hala꞉me.

2 Timodi 3:17

Kutu peaapeke ya꞉la꞉ ekima꞉ta꞉ mo Koda꞉na꞉ e pokaasa꞉ somema꞉ epeke hau paeyao ana꞉na꞉ peaena꞉ tikitiki yao haena꞉ lelieke.

Taitasi 2:14

Ketiso ipikita꞉ nikina꞉ homeekeme. Kutu pieke ekima꞉ta꞉ nikita꞉ mo hoke hau pa꞉ta꞉ haomeke yoka꞉ muluekema꞉ make ipika꞉ epeke hauna꞉ puawee hone pa꞉la꞉ yako piki wanda꞉hali homeke hamono yeke piekeme.

Taitasi 2:7

Naka꞉ kone naka꞉ pilipi hau paeyaota꞉ wanda꞉halima꞉ handaa honda꞉mea pu haena꞉ epeke hau seliapomanu pu hapeke. Naka꞉ pi wala꞉la꞉ hauna꞉ hone wopu wia mo hapeke pitiki pimanu homeke walo hapeke.

Taitasi 3:1

Nakana꞉ma꞉ mo naka꞉ wanda꞉halina꞉ hone u tiatiki pika꞉na꞉ta꞉ ikana꞉ma꞉ mo ika꞉ kapomani haliweki oto nane make ikana꞉ma꞉ telipaala꞉ e handeteke haleme haliweki oto nane make hao hapa꞉peke lapeke. Mo haliwekina꞉ kakema꞉ homo hata꞉ hau paeyao epeke tupa꞉ puluekema꞉ tikitiki yao hapa꞉peke lapeke.

Taitasi 3:14

Nika꞉ Ketiso tapakema꞉ a꞉pa꞉la꞉ haumanu puluekema꞉ ikana꞉ma꞉ mo ika꞉ nate leke epeke tupa꞉ handeteke hata꞉ pina꞉ moka꞉la꞉ tiatiki pea꞉pa꞉peke alee. Kutupa make mo wanda꞉halina꞉ ka꞉nda꞉ma꞉ homa꞉la꞉eki handa꞉ peteluekema꞉ ikana꞉ma꞉ mo napeke na pitiki epe na piki haumanu leke na pea꞉peke ya꞉la꞉me.

Taitasi 3:8

Koda꞉ pa꞉ta꞉ hone tulaaseme wanda꞉halima꞉ta꞉ mo ika꞉ epeke piteme hau manuma꞉ mo mandane wanda꞉hali tamba꞉ muluekema꞉ hone witolo hata꞉ waleke hala꞉tiki pina꞉ma꞉ nakana꞉ma꞉ do wapena꞉ alo pimanu iki pa꞉ta꞉ ota꞉ wopu la꞉ moneao hapeke.

Hibulu 10:24

Niki paeyaoma꞉ nika꞉ nika꞉ kone pukima꞉ homa꞉ alualu pita꞉la꞉eki puluekema꞉ make epeke tamba꞉ mina꞉la꞉ hau pu alualu puluekema꞉ make ekipa sa꞉tia alualu pea hata꞉ pea꞉peke ya꞉la꞉pe hone umana꞉e.

1 Pida 2:12

Ikana꞉ma꞉ pi na ma꞉la꞉ wanda꞉hali taapuna꞉ ota꞉ epeke hau pu hapa꞉peke. Kutu pimikina꞉ta꞉ hande pi na ma꞉la꞉ wanda꞉halima꞉ iki biki hoeyaaluekema꞉ taapilimipate ika꞉ epeke piteleme ekimanu pa꞉ta꞉ handilimikie. Koto ekina꞉ koto wanda꞉halima꞉ta꞉ hande la꞉ ula꞉ nate epea꞉ka꞉na꞉ta꞉ Koda꞉na꞉ biki a꞉meiyalimikie.

1 Dioni 1:7

Pate mo ipikita꞉ pa̱a̱ pa꞉la꞉eki pa꞉ta꞉ hala꞉ tupa꞉ niki make mo pa̱a̱ pa꞉la꞉eki pa꞉ta꞉ hao poluma꞉ka꞉na꞉ta꞉ kota꞉ nikita꞉ mandakena꞉ hone homeke u alualu poloma꞉me. Kutupa ipika꞉ Eiyeke Yesuna꞉ wema꞉ta꞉ nika꞉ hokeeki paeyao wamo peaasa꞉me.

1 Dioni 2:6

Ma꞉nda꞉ epima꞉ Koda꞉ yaapo ta꞉ma꞉ni pea halome lea꞉ka꞉na꞉ta꞉ kota꞉ ipikita꞉ mo Yesu Ketisoma꞉ pieke tupa꞉ kone hao pelia꞉peke ya꞉la꞉me.