Epesese 1:5 - Panake Pi La: Ula: Buka pita: Kine Pieke Buka

⁵ Koda꞉ma꞉ pukima꞉ homolo hata꞉ta꞉ Yesu Ketisoma꞉ nikita꞉ Koda꞉ ipika꞉ eiyekemanu hamono ipiki pa꞉ta꞉ hatuku epena꞉yeke hone amba꞉ wiekeme. Koto ekita꞉ Koda꞉ma꞉ hone pieke ekina꞉ hone wiekeme.

Epesese 1:5 ပူးပေါင်းရင်းမြစ်များ

Ma꞉tiu 1:25

Kutu piekepate mo weki pa pita꞉ paleke haena꞉ta꞉ loke na apa꞉taepekeme. Mo weki hamba꞉ mieketa꞉ Diosepema꞉ ipika꞉ bikita꞉ Yesue leekeme.

Ma꞉tiu 11:26

Aowe Apa꞉o. Koto ekita꞉ naka꞉ hone piekeyeke eki yaena꞉yeke pina꞉ aleme laa leekeme.

Luku 10:21

Koto natena꞉ta꞉ mo Holi Sipitidima꞉ Yesu pa꞉ta꞉ epeke ta꞉na꞉ pita꞉la꞉ ekima꞉ tumbieketa꞉ Yesuma꞉ alota꞉ Apa꞉o. Oli ya do kenke yaapona꞉ Tekehalio. I̱ma꞉ neke pa꞉ta꞉ Ta꞉na꞉e alome. Ekipeke nakana꞉ma꞉ mo hande hone wotu u tekele peleme wanda꞉hali make mo sukulu wotu peleme wanda꞉hali ameda pa꞉ta꞉ a꞉mbao wina꞉ le hau manuta꞉ pa mo panake wekiwandiki sunu pa꞉ta꞉ wala꞉leke handa alome. Aowe Apa꞉o. Koto ekita꞉ naka꞉ hone pieke yekeeki yaena꞉yeke pina꞉ aleme leekeme.

Luku 11:32

Mo hande pi yokaalu pulu pa꞉la꞉ nate opolo epea꞉ka꞉na꞉ta꞉ Ninipa wanda꞉halima꞉ tiao hata꞉ ika꞉ hoke hauna꞉ ma̱leke lilimikie. Ekipeke. Dionama꞉ pi waleeke dina꞉ta꞉ koto wanda꞉halima꞉ ika꞉ hoke hoke haumanu hoki walemekeme. Koto pa꞉la꞉ ekina꞉ I̱ma꞉ iki pa꞉ta꞉ alome. Ameta꞉ Diona ankulala꞉ ale ma꞉nda꞉ a꞉pa꞉la꞉me leekeme.

Luku 12:32

Yaka sipisipi ma꞉na꞉ tapake sikio. Paala꞉ma꞉ na homa꞉pa꞉peke. Pa ekipeke ika꞉ Apa꞉ma꞉ta꞉ oli hande Kilu Tombuao Hala꞉ ekita꞉ iki pa꞉ta꞉ kuluekema꞉ta꞉ ta꞉na꞉ma꞉ homo hala꞉me.

Dioni 1:12

Kutu pimikipate mandane wanda꞉halima꞉ta꞉ ipiki handa꞉ meata꞉ ipiki pa꞉ta꞉ hone tulao hatiki pimikime. Kutu pimiki handaata꞉ koto wanda꞉halita꞉ Koda꞉na꞉ weki wandiki haena꞉ leekeme.

Dioni 11:52

Kutupa make mo Diu wanda꞉hali pa꞉ta꞉ homeke na homeke mo Koda꞉na꞉ weki wandikita꞉ pa hata꞉ pepi pea haena꞉ kone paeyao handa꞉ mea homeke tapake kone apa꞉tao haena꞉yeke Yesu homolo pa꞉la꞉eki la halolo hata꞉ leekeme.

Dioni 20:17

Yesuma꞉ ipiki pa꞉ta꞉ alota꞉ I̱ na mina꞉pe. Yaka Apa꞉ pa꞉ta꞉ a̱i̱ na la꞉ka꞉la a꞉meilo ekina꞉ loa꞉me. Yaka kametiti pa꞉ta꞉ yaka pi lawaalo pua꞉peke. Yaka Apa꞉ ika꞉ Apa꞉ make yaka Koda꞉ ika꞉ Koda꞉ make ipiki pa꞉ta꞉ paa la꞉ka꞉la a꞉meinolome lapeke leekeme.

Aposolo 13:48

Kutupa mo Diendaili wanda꞉halima꞉ koto pi opuaata꞉ ta꞉na꞉ma꞉ homolo hata꞉ mo Koda꞉na꞉ pi laemekeme. Kutupa deto hala꞉eki mulu pimiki wanda꞉halima꞉ pi mimikime.

Loma꞉ 8:23

Koto wa꞉pa꞉la꞉eki manuma꞉ homeke na alemepate niki make hande Koda꞉ma꞉ titina꞉ amba꞉la ka꞉la꞉ Sipitidi mea hata꞉ta꞉ nikana꞉ma꞉ make niki tukiki pa꞉ta꞉ keme lo haloma꞉me. Koda꞉ma꞉ niki ipika꞉ wekitonu hamono laata꞉ nika꞉ loke tieke paeyao ka꞉la꞉pa꞉ tapaowaena꞉yeke handeteke hao hata꞉ lo haloma꞉me.

1 Kotindi 1:1

Koda꞉ma꞉ ipika꞉ hone pa꞉la꞉eki pitolo hata꞉ I̱ta꞉ Yesu Ketisona꞉ aposolo hali hano la꞉la꞉me. I̱ Poloma꞉ make nika꞉ kame Sosenisima꞉ make dikana꞉ma꞉ tapaasopa꞉ wape doe.

1 Kotindi 1:21

Koda꞉ma꞉ ipika꞉ hone wotu wita꞉la꞉ ekima꞉ta꞉ do kenkena꞉ hone wotu witeleme wanda꞉halima꞉ ipiki handaapa꞉na꞉ yeke sa꞉sa꞉ piekeme. Kutupa mo wanda꞉halima꞉ do nikana꞉ma꞉ walo haloma꞉ pi pa꞉ta꞉ Pa ekie alemepate pa mo opiteleme wanda꞉halita꞉ Koda꞉ma꞉ mea da꞉taasa꞉me.

2 Kotindi 6:18

I̱ta꞉ ika꞉ Apa꞉ halueke. Kutupa ikita꞉ yaka wekiwandiki halimikie. Dota꞉ Aneke Tekehalima꞉ alome la꞉la꞉me.

Ka꞉leisia 3:26

Iki paeyaota꞉ hone tulaasa꞉eki pa꞉ta꞉ yama꞉ Yesu Ketiso ame̱le̱ apa꞉tao Koda꞉na꞉ wekiwandiki halememe.

Epesese 1:11

Hau paeyao pita꞉la꞉ ekita꞉ Koda꞉ ipika꞉ hone wia leeke ekina꞉ kone pita꞉la꞉me. Amba꞉ titi panake pa꞉ta꞉ kone Koda꞉ma꞉ hone wieke handata꞉ ipika꞉ hone wiekeeki pitolo hata꞉ niki talopu meata꞉ Ketiso yaapo ta꞉ma꞉ni pea hata꞉ ota꞉ ipika꞉ wanda꞉hali hamono la꞉la꞉me.

Epesese 1:9

amba꞉ ipikana꞉ma꞉ do hau pulueke hone wiekeeki pa꞉la꞉me. Kutupata꞉ hande amba꞉ ipika꞉ a꞉mbao wieke honeta꞉ Ketisoma꞉ yaena꞉yeke koto make ame niki pa꞉ta꞉ peneme yaala꞉me.

Pilipai 2:13

Kota꞉ pa ekipeke Koda꞉ma꞉ta꞉ ikana꞉ma꞉ ipika꞉ hone pa꞉la꞉ hau pulu pa꞉la꞉eki peawaluekema꞉ ika꞉ hone pina꞉yeke ika꞉ tukiki pa꞉ta꞉ e pokolo ombu hala꞉me.

Kolosi 1:19

Koda꞉ ipika꞉ hone pieke ekina꞉ kone mo Eiyeketa꞉ ota꞉ Koda꞉ ipikima꞉ kone handena꞉ leekeme.

2 Desalonaika 1:11

Nikana꞉ma꞉ koto ekina꞉ hone witolo hata꞉ Koda꞉ pa꞉ta꞉ ikina꞉ yeni peawao haloma꞉me. Koda꞉ma꞉ ipika꞉ hau ikana꞉ma꞉ puemena꞉ wi lea꞉ ekina꞉ ikana꞉ma꞉ koto tupa꞉ ota꞉ ana꞉na꞉ hamena꞉ lena꞉ Koda꞉ pa꞉ta꞉ meme pea yeni peawao haloma꞉me. Koda꞉ma꞉ ikana꞉ma꞉ epeke haumanu puluekema꞉ witeleme hone paeyao ipika꞉ welema꞉ puemena꞉ lena꞉ kutupa make ika꞉ hone tulaaso pitelemeeki pu paeyawaena꞉ yeni peawao haloma꞉me.

Hibulu 2:4

Kutaa make koto ikana꞉ma꞉ la kimi pi manuta꞉ ota꞉ pie hone wiomono yeketa꞉ Koda꞉ma꞉ na handeke haumanu make ta꞉ta꞉ piki haumanu make piekeme. Kutupa make ipika꞉ hone pieke ekina꞉ mo Holi Sipitidina꞉ peaasa꞉ haumanu pa hameke haka꞉ta꞉pao telipatiki pu hayekeme.

1 Dioni 3:1

Mo Apa꞉ma꞉ niki pa꞉ta꞉ pukima꞉ homa꞉la꞉eki tieke handa꞉pe. Ipika꞉ pukima꞉ homa꞉la꞉ ekita꞉ ota꞉ tieke aneke yalo hata꞉ta꞉ nikita꞉ Koda꞉na꞉ wekiwandiki lelememe. Kota꞉ koto ekina꞉ nikita꞉ ota꞉ ipika꞉ wekiwandikie. Doeki tekena꞉ta꞉ do kenke wanda꞉halima꞉ta꞉ Koda꞉ na handelemeeki yalo niki make na handelememe.

Peneme Yaeyekeeki 21:7

Ma꞉nda꞉ epima꞉ a꞉nda꞉ peaa bepolaasa꞉ hali haya꞉ka꞉na꞉ta꞉ I̱ pa꞉ta꞉ doeki mina꞉e. I̱ta꞉ ipika꞉ Koda꞉ halueke. Kutupa ipikita꞉ yaka weki au lalueke.