Epesese 1:3 - Panake Pi La: Ula: Buka pita: Kine Pieke Buka

³ Tekehali Yesu Ketiso ipika꞉ Apa꞉ Koda꞉na꞉ pi nikana꞉ma꞉ laamana꞉e. Nikita꞉ Ketiso yaapo hamonota꞉ Koda꞉ma꞉ niki ota꞉ epeaala꞉ ekina꞉ loa꞉me. Hepeni nane hala꞉ ekimanu paeyaota꞉ nika꞉ temoko tamba꞉ mina꞉yeke amba꞉ ka꞉la꞉me.

Epesese 1:3 ပူးပေါင်းရင်းမြစ်များ

Kini Pieke 14:20

Mo naka꞉ a꞉nda꞉ tunkuliki haliweki bepolaena꞉ lea꞉ Manda Hala꞉ Koda꞉na꞉ biki mina꞉liamana꞉e leekeme. Kutupa Eipola꞉ma꞉ma꞉ta꞉ mo mia꞉ ala꞉ta꞉ ala꞉ta꞉ paeyao telipa kiki yaapo yeketa꞉ homeke ma꞉nda꞉ta꞉ Melekisedeke pa꞉ta꞉ haleekeme.

Kini Pieke 22:18

Mo nakana꞉ma꞉ yaka pi opele ekina꞉ I̱ma꞉ naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ yama꞉ta꞉ mo tutu paeyao sikita꞉ epeaasa꞉eki mina꞉ lolueke leekeme.

Luku 2:28

Simionima꞉ mo weki meata꞉ Koda꞉ pa꞉ta꞉ keiyae pi alo hata꞉ alota꞉

Dioni 14:20

Kutupa koto dina꞉ta꞉ I̱ta꞉ yaka Apa꞉ tukiki pa꞉ta꞉ haloeki make ikita꞉ I̱ tukiki pa꞉ta꞉ halemeeki make iki tukiki pa꞉ta꞉ I̱ haloeki make handilimikie laa leekeme.

Dioni 17:21

Paeyaota꞉ homekeeki haena꞉yeke yeni pitolome. Apa꞉o. Neketa꞉ I̱ yaapo haleeki make I̱ neke yaapo haloeki make iki make koto tupa꞉ diki ame̱le̱ haemeka꞉na꞉ta꞉ epelieke. Kenke wanda꞉halima꞉ nakana꞉ma꞉ I̱ tapaaleeki hone wina꞉yeke ikita꞉ homekeeki haemeka꞉na꞉ta꞉ epelieke.

Dioni 20:17

Yesuma꞉ ipiki pa꞉ta꞉ alota꞉ I̱ na mina꞉pe. Yaka Apa꞉ pa꞉ta꞉ a̱i̱ na la꞉ka꞉la a꞉meilo ekina꞉ loa꞉me. Yaka kametiti pa꞉ta꞉ yaka pi lawaalo pua꞉peke. Yaka Apa꞉ ika꞉ Apa꞉ make yaka Koda꞉ ika꞉ Koda꞉ make ipiki pa꞉ta꞉ paa la꞉ka꞉la a꞉meinolome lapeke leekeme.

Loma꞉ 12:5

Koto tupa꞉ niki make wanda꞉hali wopu haloma꞉pate Ketiso yaapo ta꞉ma꞉ni pea hata꞉ homeke loke tupa꞉ haloma꞉me. Kutupa hata꞉ta꞉ koto lokena꞉ tuna tuna pa꞉la꞉ ekimanu ya꞉leke handaata꞉ niki make tuna alualu pea haloma꞉me.

Loma꞉ 15:6

Iki paeyaoma꞉ta꞉ apa꞉tao hata꞉ kake mandakena꞉ wia hata꞉ Tekehali Yesu Ketiso ipika꞉ Apa꞉ Koda꞉na꞉ pi laamina꞉yeke loa꞉me.

1 Kotindi 1:30

Koda꞉ma꞉ iki mea Yesu Ketiso yaapo ta꞉ma꞉ni peala꞉me. Kutupa ipikana꞉ma꞉ Ketisota꞉ nika꞉ hone wopu wita꞉la꞉eki haena꞉ la꞉la꞉me. Kutupa make Ketisoma꞉ nikita꞉ Koda꞉ yaapo tikitiki yao hamono laata꞉ nikita꞉ yakopiki wanda꞉hali hamono la꞉la꞉me. Kutupa ipikana꞉ma꞉ make niki pa ka꞉la꞉pa꞉ tapaala꞉me.

1 Kotindi 12:12

Ketisota꞉ loke homeke tupa꞉ kiki ankemanu tuna tuna pea hala꞉me. Hande kiki anke lokena꞉ tunaala꞉ alemanu ta꞉ta꞉ ta꞉ta꞉ ya꞉la꞉pate loketa꞉ homeke kone hala꞉me.

2 Kotindi 1:3

Niki paeyaoma꞉ mo Koda꞉ nika꞉ Tekehali Yesu Ketisona꞉ Apa꞉ pa꞉ta꞉ keiyae lomana꞉e. Ipikita꞉ pa hameke a꞉ta꞉ma꞉ homa꞉la꞉ Apa꞉ hata꞉ mo tamba꞉ mina꞉la꞉ ekita꞉ ipiki pa꞉ta꞉ yama꞉ ipu hala꞉me.

2 Kotindi 11:31

Koda꞉ mo Tekehali Yesu Ketisona꞉ Atekema꞉ta꞉ I̱ma꞉ta꞉ yayapiki pi na alome laa hone wita꞉la꞉me. Ipika꞉ bikita꞉ hoto paeyao mea a꞉meiyamana꞉e.

2 Kotindi 5:17

Ma꞉nda꞉ epita꞉ Ketiso pa꞉ta꞉ tunaeya꞉ka꞉na꞉ta꞉ kota꞉ ipikita꞉ panake some hala꞉me. Amba꞉ ekita꞉ pulu hata꞉ panakeeki a꞉pa꞉la꞉me.

2 Kotindi 5:21

Ketiso pa꞉ta꞉ hoke hau ma꞉nda꞉ na wia꞉pate kone nika꞉ epeke hau peaaso hata꞉ Koda꞉ma꞉ ipikita꞉ nika꞉ hoke hau putupa꞉ mina꞉ leekeme. Pa ekipeke nikana꞉ma꞉ ipiki ame̱le̱ tunaasota꞉ mo Koda꞉na꞉ tikitiki pa꞉la꞉eki putu pomono yeke pa꞉la꞉me.

Ka꞉leisia 3:9

Eipoloha꞉ma꞉ma꞉ opua hone tulao hayeke handaata꞉ Koda꞉na꞉ wamo piekeeki miekeme. Koto ekina꞉ta꞉ Koda꞉ pa꞉ta꞉ hone tulaleme wanda꞉hali paeyaota꞉ Eipoloha꞉ma꞉ma꞉ Koda꞉na꞉ wamo pita꞉la꞉eki mieke tupa꞉ iki make wamo pea halememe.

Epesese 1:10

Koda꞉ma꞉ ipika꞉ hone u hala꞉ ekita꞉ dupae. Kenke ya yaapo nane ula꞉ ale hala꞉ ekimanu paeyaota꞉ hande Koda꞉ma꞉ wepia haena꞉ la꞉la꞉ ekimanu paeyao ipikana꞉ma꞉ mea momba꞉laota꞉ kutupa Ketisota꞉ you haena꞉ lelieke. Ipika꞉ di tunkulia꞉ka꞉na꞉ta꞉ Koda꞉ma꞉ koto hau pu paeyaalieke.

Epesese 1:17

Hande nika꞉ Tekehali Yesu Ketiso ipika꞉ Koda꞉ta꞉ hande pa̱a̱ pa꞉la꞉ Atekema꞉ Sipitidi iki kina꞉yeke pu halome. Kutupa koto Sipitidima꞉ epeke hone wita꞉la꞉eki iki kiaata꞉ Koda꞉ hala꞉eki wopu handoemena꞉yeke Sipitidima꞉ la kina꞉yeke yeni pu halome.

Epesese 1:20

hande Koda꞉ma꞉ wele wotu pitolo hata꞉ Ketisota꞉ homa wieke lapa꞉ pa꞉ta꞉ kone mea tiaota꞉ oli hepeni nane ipika꞉ popeke kiki nane mea pitaeyekeeki kotoeki kone niki tukiki pa꞉ta꞉ pila꞉me.

Epesese 2:6

Nikita꞉ Ketiso yaapo ta꞉ma꞉ni pea haloma꞉ ekina꞉ Koda꞉ma꞉ nikita꞉ Ketiso ame̱le̱ mea tiaota꞉ oli hepeni nane Ketiso ame̱le̱ lu tombuao pitomono la꞉la꞉me.

Epesese 3:10

Do ekina꞉yeke piekeme. Dupae. Oli hepeni nane haleme enisolo you haliwekima꞉ make wele pita꞉la꞉ haliwekima꞉ make mo hande siosi wanda꞉hali handolo hata꞉ Koda꞉ ipika꞉ ta꞉ta꞉ ta꞉ta꞉ piki epeke hone wita꞉la꞉eki ame do handa hone wina꞉yeke piekeme.

Epesese 6:12

Do ekina꞉yeke loa꞉me. Nikana꞉ma꞉ kenke haliweki pa꞉ta꞉ a꞉nda꞉ na litoloma꞉pate oli ya nanema꞉ haleme hoke temokomanu ame̱le̱ make do timba꞉ lo pamba꞉la꞉ ekina꞉ you hali ame̱le̱ make teke hali pa꞉ta꞉manu make mo wele pita꞉la꞉eki pa꞉ta꞉manu make a꞉nda꞉ litoloma꞉me.

Pilipai 2:11

Kutupa mo Ateke hala꞉ Koda꞉na꞉ biki yeiya꞉ laaluekema꞉ iki paeyaoma꞉ paeyao opina꞉ peneme yaaso hata꞉ Yesu Ketiso ipiki homeketa꞉ ota꞉ Tekehalie laa lelimikie.

Hibulu 8:5

Ikana꞉ma꞉ oli hepeni nane hala꞉ ota꞉ yeni dana꞉ manda꞉ mea pitemepate pa do kenkena꞉ alu pulu pa꞉la꞉ yeni da pa꞉ta꞉ e pokaasememe. Koto yeni data꞉ mo hepeni hala꞉ ota꞉ dana꞉ su̱a̱ su̱a̱ma꞉ handa꞉la꞉eki homeke hala꞉me. Mo hande Mosesi haena꞉ pieke tupa꞉ kone pa pa꞉la꞉me. Mosesima꞉ mo hande palai da a꞉eluekema꞉ haena꞉ Koda꞉ma꞉ ipiki pa꞉ta꞉ alota꞉ Mo dana꞉ pulu pa꞉la꞉ hau paeyaota꞉ mo hande pote pa꞉ta꞉ waloa꞉ tupa꞉ kone ota꞉ hone wopu wia pea꞉peke.

Hibulu 9:23

Mo hande palai da make mo yeni puluekema꞉ mu haleme alemanu paeyao make oli hepeni nane ula꞉ alemanu manda꞉na꞉ uleke handaa mo hande hoteke lia we kitaasa꞉ hauma꞉ta꞉ yako peaasa꞉pate pa mo hepeni nane ula꞉ ale manuta꞉ mo lia hala꞉la꞉ hau ota꞉ lombei piki ekima꞉ homeke peaapeke ya꞉la꞉me.

1 Pida 1:3

Nika꞉ Tekehali Yesu Ketisona꞉ Apa꞉ Koda꞉ pa꞉ta꞉ keiyae pi lomana꞉e. Ipikana꞉ma꞉ a꞉ta꞉ma꞉ homa tamba꞉ mieke handa Yesu Ketiso homa paa tiaeyeke ekima꞉ta꞉ niki pa꞉ta꞉ panake da꞉ta꞉la꞉eki kia꞉me. Koto pa꞉la꞉ ekima꞉ta꞉ nika꞉ hone pa꞉ta꞉ deto hala꞉ hone ti laasa꞉eki tumbao hala꞉me.