Epesese 1:21 - Panake Pi La: Ula: Buka pita: Kine Pieke Buka

²¹ Ketisoma꞉ta꞉ oli hepeni kilu tumbuao hata꞉ koto nane haleme you haliweki make biki ula꞉ haliweki make wele pita꞉la꞉ ekimanu make teke haliweki make paeyao ipikana꞉ma꞉ lu tombuao pila꞉me. Do kenke ya yaapo pa꞉ta꞉ biki tieke ula꞉ haliweki paeyao mandata꞉ ame make wetepena꞉ make Ketiso homeke pila꞉me.

Epesese 1:21 ပူးပေါင်းရင်းမြစ်များ

Ma꞉tiu 12:32

Mandali epita꞉ mo Wanda꞉halina꞉ Eiyekena꞉ biki pa꞉ta꞉ pi lea꞉ka꞉na꞉ta꞉ kota꞉ koto hoke pi aleme ekita꞉ Koda꞉ma꞉ ana꞉na꞉ paeyaapeke ya꞉la꞉pate pa mo Holi Sipitidi hoeyaaluekema꞉ pi ma꞉nda꞉ lea꞉ka꞉na꞉ta꞉ kota꞉ ipika꞉ ekita꞉ Koda꞉ma꞉ ame do make wetepe make ota꞉ na paeyawalieke.

Aposolo 4:12

Kutupa niki mea detemono pa꞉ta꞉la꞉la꞉ hali ma꞉nda꞉ na hala꞉me. Oli ya oto pa꞉ta꞉ta꞉ mo wanda꞉hali mea da꞉taasa꞉ halina꞉ biki ma꞉nda꞉ dia꞉ya꞉leke loa꞉me leekeme.

Epesese 2:2

Koto pita꞉ta꞉ ikana꞉ma꞉ do kenkena꞉ hoke hau pita꞉la꞉eki telia꞉ mea pu haota꞉ ya nane haleme wele pita꞉la꞉ temoko manuna꞉ teke halina꞉ pi opu haemekeme. Koto temokoma꞉ta꞉ Koda꞉na꞉ pi na opu haleme wanda꞉halita꞉ ipikana꞉ma꞉ handeteke hala꞉me.

Epesese 3:10

Do ekina꞉yeke piekeme. Dupae. Oli hepeni nane haleme enisolo you haliwekima꞉ make wele pita꞉la꞉ haliwekima꞉ make mo hande siosi wanda꞉hali handolo hata꞉ Koda꞉ ipika꞉ ta꞉ta꞉ ta꞉ta꞉ piki epeke hone wita꞉la꞉eki ame do handa hone wina꞉yeke piekeme.

Epesese 6:12

Do ekina꞉yeke loa꞉me. Nikana꞉ma꞉ kenke haliweki pa꞉ta꞉ a꞉nda꞉ na litoloma꞉pate oli ya nanema꞉ haleme hoke temokomanu ame̱le̱ make do timba꞉ lo pamba꞉la꞉ ekina꞉ you hali ame̱le̱ make teke hali pa꞉ta꞉manu make mo wele pita꞉la꞉eki pa꞉ta꞉manu make a꞉nda꞉ litoloma꞉me.

Kolosi 2:10

Kutupa ipiki pa꞉ta꞉ ta꞉ma꞉ni peleme ekima꞉ta꞉ ikita꞉ da꞉ta꞉la꞉eki tumbao melememe. Ketisota꞉ kenke ya paeyao pa꞉ta꞉ ula꞉ welemanu paeyao make handeteke hala꞉ ekimanu paeyaona꞉ you hali hala꞉me.

Kolosi 2:15

Kutupa kenke ya paeyao pa꞉ta꞉ ula꞉ welemanu make handeteke hala꞉ ekimanu make Ketisoma꞉ta꞉ ipika꞉ kone mo a꞉ka꞉tei wapepiki tina꞉ta꞉ ika꞉ honkopumanu ipila꞉mepi pa꞉la꞉me. Kutupa make ipikana꞉ma꞉ ikita꞉ bepolao wanda꞉halina꞉ leke popelekena꞉ yaala꞉ma꞉ homena꞉ dipula haliweki tupa꞉ endu yola a꞉pa꞉la꞉me.

Hibulu 1:4

Koda꞉na꞉ Eiyeke ipika꞉ bikita꞉ mo enisolo tonuna꞉ biki lombei piki biki mieke tupa꞉ ipiki make mo enisolo tonu lombei pao hayekeme.

Hibulu 2:5

Do ipilieke lo haloma꞉ kenke panakeeki handeteke haena꞉ta꞉ Koda꞉ma꞉ enisolomanu na mea haena꞉ la꞉la꞉me.

Hibulu 4:14

Koto pa꞉leke handaata꞉ mo nika꞉ Yeni peao hala꞉ You hali tieketa꞉ Koda꞉na꞉ eiyeke Yesuta꞉ mo hepeni da tukiki pa꞉ta꞉ ota꞉ honda꞉ pambeeke yeke handaata꞉ kota꞉ nikana꞉ma꞉ make mo nika꞉ hone tulaaloma꞉eki wopu handeteke hao hamana꞉e.

1 Pida 3:22

Koto Ketisota꞉ ame hepeni tukiki pa꞉ta꞉ pua Koda꞉na꞉ popeke nane hata꞉ mo enisolo haliweki make hepeni nane haleme you haliweki make mo wele pita꞉la꞉ ekimanu make iki paeyao ipikana꞉ma꞉ handeteke hala꞉me.