Epesese 1:15 - Panake Pi La: Ula: Buka pita: Kine Pieke Buka

¹⁵ Ikana꞉ma꞉ Tekehali Yesu pa꞉ta꞉ hone tulaalemeeki make Koda꞉na꞉ wanda꞉hali paeyao pa꞉ta꞉ pukima꞉ homelemeeki make I̱ma꞉ opu haota꞉

Epesese 1:15 ပူးပေါင်းရင်းမြစ်များ

Aposolo 20:21

Kutupa Diu wanda꞉hali pa꞉ta꞉ make Kitiki wanda꞉hali pa꞉ta꞉ make ika꞉ Koda꞉ pa꞉ta꞉ hone ma꞉nda꞉ la꞉ka꞉la꞉ mina꞉ wiaata꞉ nika꞉ Tekehali Yesu Ketisona꞉ pi miniki haena꞉yeke walo haowa꞉ ekita꞉ handememe lea꞉me.

Loma꞉ 1:8

Do pi kini pitolo hata꞉ doeki alome. Ika꞉ Yesu Ketiso pa꞉ta꞉ hone tulaasemeeki kenke wanda꞉hali paeyaoma꞉ opiteleme ekina꞉ I̱ma꞉ iki paeyao pa꞉ta꞉ hone wia Yesu Ketisona꞉ bikina꞉ yaka Koda꞉ pa꞉ta꞉ keiyae pi alome.

Ka꞉leisia 5:6

Niki Yesu Ketiso pa꞉ta꞉ tunao haoma꞉ka꞉na꞉ta꞉ sekemesaisi hau pita꞉la꞉eki make sekemesaisi hau na pita꞉la꞉eki make koto hau telipina꞉ta꞉ pa pa alema꞉ handa꞉la꞉me. Pate hone tulaaso hata꞉ pukima꞉ homa꞉ alualu pu haemeka꞉na꞉ta꞉ kota꞉ koto hauta꞉ ota꞉ekie.

Epesese 1:1

I̱ Polota꞉ Koda꞉ ipika꞉ hone pa꞉la꞉ ekina꞉ Yesu Ketiso ipika꞉ aposolo hali halome. I̱ma꞉ do wape pitolo ekita꞉ ikita꞉ Koda꞉ ipika꞉ wanda꞉hali pa꞉ta꞉ pitolome. Ikita꞉ Yesu Ketiso pa꞉ta꞉ hone tulao hata꞉ Epesese da pa꞉ta꞉ halememe.

Epesese 3:18

Koda꞉na꞉ wanda꞉hali paeyao ame̱le̱ ikana꞉ma꞉ Ketiso ipika꞉ pukima꞉ homa꞉la꞉eki tombomanu wala꞉la꞉ ekita꞉ petipeke make hokulu make manda make oto nane make handoemena꞉yeke I̱ma꞉ yeni pitolome.

1 Desalonaika 1:3

Ikana꞉ma꞉ hone tulao hata꞉ epeke hau pimieki make ika꞉ pukima꞉ homa hata꞉ e wotu pokemeeki make nika꞉ Tekehali Yesu Ketiso handeteke hata꞉ puki hana꞉ noka꞉pa haemeeki make nikana꞉ma꞉ hone u haloma꞉ ekina꞉ loa꞉me.

1 Desalonaika 4:9

Ika꞉ Ketiso yankeketiti pa꞉ta꞉ pukima꞉ homolo peleme ekina꞉ I̱ma꞉ wape ma꞉nda꞉ na pitolome. Pa ekipeke. Do hau pulu pimi ekita꞉ Koda꞉ma꞉ iki pa꞉ta꞉ amba꞉ walea꞉me.

2 Desalonaika 1:3

Nika꞉ kametonuo. Iki pa꞉ta꞉ hone witolo hata꞉ Koda꞉ pa꞉ta꞉ keiyae pi lo hamonoe. Ota꞉ dupiki pi lo haloma꞉ ekina꞉ teketa꞉ ika꞉ hone tulaleme ekita꞉ ota꞉ anekema꞉ daela꞉me. Kutupa mo ika꞉ pukima꞉ homa꞉ alualu pelemeeki make daeya tieke ya꞉la꞉me.

1 Timodi 1:14

Nika꞉ Tekehalima꞉ ipika꞉ a꞉ta꞉ma꞉ homa tamba꞉ mina꞉la꞉eki I̱ pa꞉ta꞉ wopu kua꞉niaeyekeme. Kutupa make mo nika꞉ Ketiso Yesu ame̱le̱ molome hone tulaasa꞉eki pita꞉ pukima꞉ homa꞉la꞉eki yaapo I̱ pa꞉ta꞉ make kia꞉me.

1 Timodi 1:5

Mo iki pa꞉ta꞉ na lapepee lapeke alo ekina꞉ teketa꞉ kota꞉ mo wanda꞉hali ika꞉ hone teke yako pea make ika꞉ puki lopao make ika꞉ Yesu pa꞉ta꞉ ota꞉ hone tulao halimi ekima꞉ make koto haumanu pilimi ekima꞉ ika꞉ ika꞉ kone pukima꞉ homa꞉ alualu pea haena꞉yeke loa꞉me.

Pailimono 1:5

Kutu piki hauta꞉ mo nakana꞉ma꞉ Koda꞉na꞉ wanda꞉hali paeyao pa꞉ta꞉ pukima꞉ homo make kutaa mo Tekehali Yesu pa꞉ta꞉ hone tulao haleeki make opitolo hata꞉ alome.

Hibulu 6:10

Koda꞉ta꞉ homeke pa꞉ta꞉ homeke hone ula꞉ Koda꞉ dia꞉me. Ipikana꞉ma꞉ mo ika꞉ epeke e poka꞉lemekeeki make ika꞉ Ketiso kame tonu tamba꞉ mimieki make ame do pa tamba꞉ mu haleme ekima꞉ make koto hau pa꞉ta꞉ yama꞉ta꞉ ika꞉ Koda꞉ pa꞉ta꞉ pukima꞉ homelemeeki peneme yaasa꞉me. Koto piteme ekita꞉ Koda꞉ma꞉ hone na yonka꞉lapeke ya꞉la꞉me.

1 Pida 1:22

Koda꞉na꞉ ota꞉ pi opua pu haleme ekima꞉ta꞉ ika꞉ temoko yako pina꞉ lelememe. Ame ika꞉ Ketiso yankeke ota꞉ pukima꞉ homa halememe. Koto pelemepate ika꞉ puki paeyaoma꞉ pukima꞉ ota꞉ homa꞉ alualu pu hapa꞉peke.

1 Dioni 3:17

Mo hamoko halima꞉ ipika꞉ hameke ala꞉ta꞉ ma꞉nda꞉ dia꞉ ya꞉la꞉eki handolo hata꞉ kone hameke pa꞉ta꞉ ipika꞉ puki na halea꞉ka꞉na꞉ta꞉ pa ekieki pea ipikana꞉ma꞉ Koda꞉ pa꞉ta꞉ pukima꞉ homolome laa leliepe.

1 Dioni 4:21

Mo hande Ketisoma꞉ niki pa꞉ta꞉ ka꞉la꞉ pi ula꞉ ekita꞉ dupae. Ma꞉nda꞉ epima꞉ Koda꞉ pa꞉ta꞉ pukima꞉ homea꞉ka꞉na꞉ta꞉ kota꞉ ipikita꞉ mo ipika꞉ kame pa꞉ta꞉ make pukima꞉ homa꞉peke ya꞉la꞉me la la꞉la꞉me.