Epesese 1:1 - Panake Pi La: Ula: Buka pita: Kine Pieke Buka

¹ I̱ Polota꞉ Koda꞉ ipika꞉ hone pa꞉la꞉ ekina꞉ Yesu Ketiso ipika꞉ aposolo hali halome. I̱ma꞉ do wape pitolo ekita꞉ ikita꞉ Koda꞉ ipika꞉ wanda꞉hali pa꞉ta꞉ pitolome. Ikita꞉ Yesu Ketiso pa꞉ta꞉ hone tulao hata꞉ Epesese da pa꞉ta꞉ halememe.

Epesese 1:1 ပူးပေါင်းရင်းမြစ်များ

Luku 16:10

Kutupa hali epima꞉ hosiki e sunu epeke tupa꞉ tikitikina꞉ handeteke haya꞉ka꞉na꞉ta꞉ kota꞉ aneke emanu make epeke tupa꞉ tikitikina꞉ handeteke halieke. Kutupa make hali epima꞉ hosiki e sunu a꞉mba a꞉mba pea poko pu hoeyaeya꞉ka꞉na꞉ta꞉ kota꞉ aneke e make a꞉mba a꞉mba pea poko pu hoeyaalieke.

Aposolo 16:15

Kutupa ipika꞉ tapake ame̱le̱ bapitaisi pea hata꞉ niki pa꞉ta꞉ honke alo hata꞉ alota꞉ Ikana꞉ma꞉ta꞉ I̱ta꞉ pi na tunkuliki Tekehali pa꞉ta꞉ epeke halome hone wimika꞉na꞉ta꞉ kota꞉ ya da pa꞉ta꞉ a꞉pa hao hapa꞉peke lea꞉me. Kutupa honke wopu leeke handa poma꞉me.

Aposolo 18:19

Kutupa Epesese opolo a꞉paata꞉ ipiliki koto pa꞉ta꞉ haena꞉ laata꞉ ipika꞉ kone mo pi hotu haemeke da pa꞉ta꞉ honda꞉ pamba pua Diu haliweki ame̱le̱ pi yokaalu pimikime.

Aposolo 18:21

mo haliweki mina꞉pa꞉lao pulu hata꞉ alota꞉ Koda꞉ma꞉ hone pia꞉ka꞉na꞉ta꞉ iki pa꞉ta꞉ pa ipulueke leekeme. Kutupa palai kawasona꞉ pita Epesese da mina꞉pa꞉lao peekeme.

Aposolo 9:13

A꞉na꞉naisima꞉ alota꞉ Tekehalio. Do halita꞉ naka꞉ Diutuseleme wanda꞉hali pa꞉ta꞉ tanda tanda hala꞉la꞉eki ma꞉nda꞉ ma꞉nda꞉ma꞉ a꞉pa la꞉tiki pu haleke opu halome leekeme.

Loma꞉ 1:1

Do wapeta꞉ I̱ Poloma꞉ pua꞉me. Yesu Ketiso ipika꞉ e pokaaso hali halome. Koda꞉ ipika꞉ Pi Seliapo walonoyeke ipikana꞉ma꞉ I̱ wi la꞉ meaata꞉ aposolo hali hano la꞉la꞉me.

Loma꞉ 1:7

Koto pa꞉la꞉ ekina꞉ Koda꞉ma꞉ pukima꞉ homaata꞉ ota꞉ ipika꞉ wanda꞉hali hamina꞉ wi la꞉la꞉ Loma꞉ wanda꞉halio. Iki paeyao pa꞉ta꞉ wape do pitolome. Nika꞉ Apa꞉ Koda꞉ma꞉ make pa Tekehali Yesu Ketisoma꞉ make iki pa꞉ta꞉ a꞉ta꞉ma꞉ homolo hata꞉ ika꞉ puki lopao hamina꞉ lepeka꞉na꞉ta꞉ epelieke.

Loma꞉ 8:1

Koto ekina꞉ Yesu Ketiso ame̱le̱ ta꞉ma꞉ni pea haloma꞉ wanda꞉hali pa꞉ta꞉ta꞉ ma꞉nda꞉ma꞉ hoke yenki kia꞉peke na ya꞉la꞉me.

1 Kotindi 4:12

nika꞉ kikima꞉ kone mo ka꞉nda꞉piki e wotu poka꞉tiki pu haloma꞉me. Kutupa niki kitaaseme wanda꞉hali pa꞉ta꞉ epeke wamopiki pima꞉ kone epeaasoma꞉me. Tanda pita꞉la꞉ haumanu ku halemeeki make pa meatiao pu haloma꞉me.

1 Kotindi 4:17

Koto ekina꞉yeke hande Timodita꞉ iki pa꞉ta꞉ tapaasome. Ipikita꞉ yaka pukima꞉ homolo weki hata꞉ta꞉ ipika꞉ Ketiso hala꞉eki make ota꞉eki hala꞉me. I̱ma꞉ Ketiso hata꞉ hau pu haloeki make mo siosi paeyaona꞉ wanda꞉hali paeyao pa꞉ta꞉ walo haloeki make Timodima꞉ ika꞉ hone paa u tiaalieke.

2 Kotindi 1:1

Koda꞉na꞉ hone pa꞉la꞉ ekina꞉ I̱ta꞉ Yesu Ketisona꞉ aposolo hali hano la꞉la꞉ hali I̱ Poloma꞉ make nika꞉ kame Timodima꞉ make tapaasopa꞉ wape doe. Mo Kotindi da pa꞉ta꞉ Koda꞉na꞉ siosi pa꞉ta꞉ make mo Akaya kenke pa꞉ta꞉ hala꞉ Koda꞉na꞉ wanda꞉hali pa꞉ta꞉ alopa꞉me.

Ka꞉leisia 1:1

I̱ Polo I̱ma꞉ aposolo hano wi la꞉la꞉ ekita꞉ halima꞉ o hali pa꞉ta꞉ yama꞉ wi na lea꞉pate mo Yesu Ketisoma꞉ make mo naku pa꞉ta꞉ ipiki mea da꞉taeyeke Apa꞉ Koda꞉ma꞉ make ipiliki telipina꞉ma꞉ I̱ wi la꞉la꞉me.

Ka꞉leisia 3:26

Iki paeyaota꞉ hone tulaasa꞉eki pa꞉ta꞉ yama꞉ Yesu Ketiso ame̱le̱ apa꞉tao Koda꞉na꞉ wekiwandiki halememe.

Ka꞉leisia 3:28

Koto pa꞉la꞉ ekima꞉ta꞉ kota꞉ mo Diu tapake pita꞉ Diendaili tapake yaapo make ata꞉ka꞉ na pu mo e handeteke hala꞉ haliweki pita꞉ e pokaasa꞉ haliweki yaapo make ata꞉ka꞉ na pu mo wanda꞉ pita꞉ hali yaapo make ata꞉ka꞉ na pu piki iki paeyaota꞉ Yesu Ketiso ame̱le̱ apa꞉tao ota꞉ homeke tapake halememe.

Ka꞉leisia 3:9

Eipoloha꞉ma꞉ma꞉ opua hone tulao hayeke handaata꞉ Koda꞉na꞉ wamo piekeeki miekeme. Koto ekina꞉ta꞉ Koda꞉ pa꞉ta꞉ hone tulaleme wanda꞉hali paeyaota꞉ Eipoloha꞉ma꞉ma꞉ Koda꞉na꞉ wamo pita꞉la꞉eki mieke tupa꞉ iki make wamo pea halememe.

Epesese 1:15

Ikana꞉ma꞉ Tekehali Yesu pa꞉ta꞉ hone tulaalemeeki make Koda꞉na꞉ wanda꞉hali paeyao pa꞉ta꞉ pukima꞉ homelemeeki make I̱ma꞉ opu haota꞉

Epesese 2:10

Koda꞉ta꞉ niki wepia hamono la꞉la꞉ Halie. Ipikana꞉ma꞉ta꞉ nikita꞉ Yesu Ketiso yaapo ta꞉ma꞉ni pea hata꞉ epeke haumanu pu hamonoyeke nikita꞉ panake wanda꞉hali wepia hamono la꞉la꞉me. Nikana꞉ma꞉ kutupiki hau peomonoyeke Koda꞉ma꞉ amba꞉ kone pota꞉ pilao pa꞉la꞉me.

Epesese 2:13

Koto tupa꞉ pa haemekepate ameta꞉ Yesu Ketiso yaapo ta꞉ma꞉ni pea hata꞉ta꞉ ika꞉ ta꞉ta꞉ papate haemeke wanda꞉hali kone Ketiso ipika꞉ we lopeeke ekina꞉ iki mea a꞉pa Koda꞉ teke pa꞉ta꞉ hamina꞉ la꞉la꞉me.

Epesese 2:6

Nikita꞉ Ketiso yaapo ta꞉ma꞉ni pea haloma꞉ ekina꞉ Koda꞉ma꞉ nikita꞉ Ketiso ame̱le̱ mea tiaota꞉ oli hepeni nane Ketiso ame̱le̱ lu tombuao pitomono la꞉la꞉me.

Epesese 6:21

Nika꞉ kame hande Tekehalina꞉ e epeke tupa꞉ pokaasa꞉ hali Tikikasima꞉ta꞉ I̱ haloeki make I̱ma꞉ pitoloeki iki pa꞉ta꞉ la kilieke.

Kolosi 1:2

Mo Kolosi nane haleme Koda꞉na꞉ wanda꞉hali Ketiso pa꞉ta꞉ hata꞉ ki hone na wiki pa putia pu haleme kametonu iki pa꞉ta꞉ tapaasopa꞉me. Nika꞉ Apa꞉ Koda꞉ma꞉ iki pa꞉ta꞉ a꞉ta꞉ma꞉ homolo tamba꞉ mina꞉la꞉eki make puki lopa꞉niaasa꞉eki make kina꞉e.

Peneme Yaeyekeeki 17:14

Ikana꞉ma꞉ta꞉ mo Sipisipi Ma꞉na꞉ Ikiki ame̱le̱ a꞉nda꞉ pilimikie. Pate mo Sipisipi Ma꞉na꞉ Ikikita꞉ ipika꞉ wi laa yata꞉pa꞉ ma꞉la꞉ hone tulao haleme hoki nane tolu haleme tapake ame̱le̱ hata꞉ mo tapake bepolalimikie. Pa ekipeke ipikita꞉ tekehali paeyaona꞉ Tekehali make kini paeyaona꞉ Kinie lea꞉me.

Peneme Yaeyekeeki 2:10

Mo mulu peleme tanda manuna꞉ paala꞉ma꞉ na homa꞉pa꞉peke. Opia꞉pe. Mo Sadanima꞉ta꞉ iki la handolo hata꞉ iki ma꞉nda꞉ hondo dipula mea lopaalieke. Kutupa ika꞉ ka꞉nda꞉ma꞉ homelemeeki manuta꞉ kiki yaapo natena꞉ pua paelieke. Homa꞉la꞉eki epena꞉ kone I̱ pa꞉ta꞉ hone tulaa pelia hapa꞉peke. Kutu pimika꞉na꞉ta꞉ ika꞉ a꞉nda꞉ pea bepolaaseme ekina꞉ ta꞉na꞉ma꞉ homolo peleme yenkita꞉ da꞉ta꞉la꞉eki kulueke.

Peneme Yaeyekeeki 2:13

Ika꞉ haleme pa꞉ta꞉ta꞉ I̱ma꞉ hone ulume. Mo Sadanima꞉ ipika꞉ kilu tombuao hala꞉eki ula꞉ alena꞉e. Ikita꞉ I̱ pa꞉ta꞉ ota꞉ hau pu halememe. Kutupa mo Sadani hala꞉ alena꞉ yaka hande hone tulao hao hata꞉ e pokawao haya꞉ hali A꞉ntipa꞉si lu homaeya꞉ nate nina꞉ kone I̱ pa꞉ta꞉ hone tulao halemeeki hoki na walememe.