Diudi 1:7 - Panake Pi La: Ula: Buka pita: Kine Pieke Buka

⁷ Hande Sodomo Komoto daoni yaapo make teke pa꞉ta꞉ hayeke daoni sunu tonka꞉na꞉ hone wopu wipee. Koto wanda꞉halima꞉ta꞉ mo hande enisolo manuma꞉ pieke tupa꞉ kone loke apa꞉taasa꞉ haumanu make yankeke yaapo kone loke apa꞉taasa꞉ haumanu pa꞉ta꞉ ika꞉ loke hala꞉ moneaemekeme. Ikita꞉ wanda꞉hali paeyao pa꞉ta꞉ kinki pitolo mo hande hoto paeyao pa to hala꞉ ti ulekena꞉ tanda leke melememe.

Diudi 1:7 ပူးပေါင်းရင်းမြစ်များ

Kini Pieke 13:13

Koto pa꞉ta꞉ haemeke wanda꞉halita꞉ hoke wanda꞉hali hata꞉ make mo Tekehali pa꞉ta꞉ hoke hau pu haemekeme.

Kini Pieke 18:20

Koto hone wia mo Tekehalima꞉ Eipoloha꞉ma꞉ pa꞉ta꞉ alota꞉ Mo Sodomo Komoto da yaapona꞉ pi laasa꞉eki manuta꞉ ota꞉ hokeeki laaloendi pita꞉la꞉me. Kutupa ipilika꞉ hoke hauta꞉ ota꞉ tiekee.

Kini Pieke 19:5

Ikana꞉ma꞉ mo Loda pa꞉ta꞉ wi alo alota꞉ Mo neke ame̱le̱ ame timba polu epeme haliwekita꞉ hando ya꞉ka꞉ta꞉pe. Niki pa꞉ta꞉ hatuku epoe lemekeme. Mo Sodomo haliwekima꞉ta꞉ mo hali yaapo ame̱le̱ loke apa꞉taasa꞉ hau puluekema꞉ lemekeme.

Ma꞉tiu 10:15

I̱ma꞉ iki pa꞉ta꞉ ota꞉ ota꞉ pi alome. Mo Koda꞉na꞉ pi yokaalu pulu pa꞉la꞉ nate tieke ipilia꞉ dina꞉ta꞉ mo hande Sodomo da pita꞉ Komoto da yaapo pa꞉ta꞉ halo pa꞉la꞉ hoke yenkita꞉ ota꞉ tieke mulu pelepepate pa koto ikana꞉ma꞉ walimi pi kiaalimi wanda꞉hali ikana꞉ma꞉ mulu peleme yenkita꞉ Koda꞉ma꞉ ota꞉ haka꞉ta꞉pao halieke alome leekeme.

Ma꞉tiu 11:24

I̱ma꞉ neke pa꞉ta꞉ ota꞉ ota꞉ pi alome. Mo pi yokaalu pulu pa꞉la꞉ nate opolo epea꞉ka꞉na꞉ta꞉ kota꞉ Koda꞉ma꞉ mo Sodomo halo pa꞉la꞉ a꞉ta꞉ma꞉ homa꞉la꞉ ekita꞉ mo neke Kapeneami pa꞉ta꞉ kulu pa꞉la꞉eki ota꞉ haka꞉ta꞉ pao halieke.

Ma꞉tiu 25:41

Kota꞉ mo ipika꞉ hoe nanema꞉ halimi wanda꞉hali iki pa꞉ta꞉ta꞉ dupa lelieke. Ikita꞉ Koda꞉na꞉ hoeyaalo pa꞉la꞉ wanda꞉hali yeleme ekina꞉ I̱ ame̱le̱ na hake mina꞉pa꞉lao pupe laa Ikita꞉ mo Sadani ipika꞉ enisolo tonka꞉na꞉ mina꞉yeke Koda꞉ma꞉ wepia ula꞉ na paelo pa꞉la꞉ ti to hala꞉ ale pa꞉ta꞉ pupe laa lelieke.

Luku 17:29

Kutu pimikipate Lodama꞉ mo Sodomo da mina꞉pa꞉layeke natena꞉ta꞉ ti uleke make talo talo hake lanka꞉ ma꞉nda꞉ biki solopa oli ya pa꞉ta꞉ yama꞉ lopa꞉niaeyeke ekima꞉ wanda꞉hali paeyaosiki lu homaeyekeme.

1 Kotindi 6:9

Hande hoke hau pu haleme wanda꞉halima꞉ Koda꞉na꞉ Kilu Tombuao Hala꞉ ekina꞉ pua꞉peke na ya꞉la꞉ ekita꞉ hone na witelemepe. Ika꞉ kone na makeaapa꞉peke. Mo wanda꞉halina꞉ loke hoeyao haleme wanda꞉hali make toopi tima꞉ wepia ula꞉ ale pa꞉ta꞉ panda꞉ puniao haleme wanda꞉hali make tooli ka꞉tao haleme wanda꞉hali make mo wanda꞉ pa꞉ta꞉ pita꞉la꞉eki hali ma꞉nda꞉ pa꞉ta꞉ kone pu haleme haliweki make kutupu haleme wanda꞉weki make

2 Desalonaika 1:7

Kutupa iki niki paeyaona꞉ ka꞉nda꞉ pa꞉la꞉eki ipikana꞉ma꞉ yoka꞉ mea baalieke. Koda꞉ma꞉ kutu piki hauta꞉ Tekehali Yesu ipika꞉ honkopu tieke haasa꞉ enisolomanu tonka꞉na꞉ hepeni mina꞉pa꞉lao opolo epemeka꞉na꞉ kutu pilieke.

2 Desalonaika 1:8

Kota꞉ ikana꞉ma꞉ta꞉ Koda꞉ hone na pa꞉la꞉ wanda꞉hali make Tekehali Yesuna꞉ Pi Seliapo na opiki wanda꞉hali make ika꞉ hoke yenki haluekema꞉ ti uleke talo talo haena꞉ ipilimikie.

2 Pida 2:2

Kutu pitolo kone wanda꞉hali wopuma꞉ta꞉ ika꞉ yaala꞉piki hoke haumanu tolu halimikie. Kutu piteleme ekima꞉ta꞉ mandane wanda꞉halima꞉ta꞉ mo ota꞉ tikitiki piki pota꞉na꞉ta꞉ pa hoke ha̱i̱ piki pimanu lalimikie.

2 Pida 2:6

Koda꞉ma꞉ta꞉ mo Sodomo Komoto daoni yaapo ma̱leke lia ti ulekema꞉ hoeyaeyeke ekita꞉ ipiki hoki walo peleme wanda꞉hali pa꞉ta꞉ pulu pa꞉la꞉ tupa꞉ waleekeme.

2 Pida 3:7

Koto tupa꞉ Koda꞉ma꞉ mo hande la꞉ wieke homeke pima꞉ kone ame do ula꞉ kenke ya yaapota꞉ ti ulekema꞉ hoeyaena꞉yeke amu pea ula꞉me. Koda꞉ matao haleme wanda꞉hali pi yokaalu pea hoeyaalo pa꞉la꞉ nate yu wia haena꞉ la꞉la꞉me.