Diudi 1:16 - Panake Pi La: Ula: Buka pita: Kine Pieke Buka

¹⁶ Do wanda꞉halita꞉ hoto paeyao hambilikima꞉ hambilikima꞉ pea ma꞉nda꞉ la꞉mea tiao halememe. Kutupa ikana꞉ma꞉ta꞉ ika꞉ lokena꞉ hone pa꞉la꞉ ekimanu tolu hata꞉ ika꞉ kone hakoko lu halememe. Kutupa ika꞉ pota꞉ pilaluekema꞉ ma꞉nda꞉ pa꞉ta꞉ pukineke pimanu lo halememe.

Diudi 1:16 ပူးပေါင်းရင်းမြစ်များ

Luku 15:2

hande Pa꞉tisi haliwekima꞉ make mo hande Lo Pi walo haemeke haliwekima꞉ make kotoeki handaata꞉ pi la la pitolo hata꞉ ika꞉ kone alota꞉ Do halima꞉ta꞉ mo hoke haliweki handa꞉ mea꞉tiki pea ne kone homeke pa꞉ta꞉ netiki pitelememe laa lemeke handa

Luku 19:7

Wanda꞉hali paeyaoma꞉ Kutu piekeeki hando haota꞉ hambilikima꞉ hambilikima꞉ pitolo alota꞉ Do halita꞉ mo hande hoke hau pa꞉la꞉ halina꞉ da pa꞉ta꞉ kimisu pula꞉me lemekeme.

Luku 5:30

Kutupa mandane Pa꞉tisi haliweki manuma꞉ make iki ame̱le̱ apa꞉taemeke mandane Lo Pi wala꞉la꞉ haliwekima꞉ make Yesuna꞉ disaipolo haliweki pa꞉ta꞉ ka꞉nda꞉ piki pimanu lota꞉ pitolo hata꞉ alota꞉ Mo dakisi mani mu haleme haliweki make mo hoke hauma꞉ ha̱i̱ pieke handaa mina꞉pa꞉laemeke wanda꞉hali ame̱le̱ mandake pa꞉ta꞉ pita꞉ ne ikalimanu ekipeke nalemepe laa lota꞉ pimikime.

Dioni 6:41

Yesuma꞉ mo hepeni nane hao hola꞉pa꞉niao epoa꞉ da꞉ta꞉la꞉ palaowata꞉ I̱ konee leeke ekina꞉ mo wanda꞉halima꞉ ipiki pa꞉ta꞉ tulu tulu leekeme.

Dioni 6:61

Koto haliwekima꞉ ipika꞉ leeke ekina꞉ tulu tulu lemekeeki Yesuma꞉ hone wia kone mo haliweki pa꞉ta꞉ alota꞉ Do alo pina꞉ ki hone witelemepe.

1 Kotindi 10:10

Kutupa nikana꞉ma꞉ Koda꞉ pa꞉ta꞉ pi la la na pumana꞉ pea꞉pa꞉peke. Mo hande mandane wanda꞉halima꞉ kutupiki hau pimiki handaata꞉ mo lu homaasa꞉ enisoloma꞉ iki liekeme.

Ka꞉leisia 5:16

I̱ma꞉ta꞉ dupiki pi alome. Mo Sipitidima꞉ ika꞉ pu haleme haumanu kilu tombuao handeteke hata꞉ tikitiki yawaena꞉ lapa꞉peke. Kutu pimika꞉na꞉ta꞉ kota꞉ ikana꞉ma꞉ mo ika꞉ lokema꞉ na꞉na꞉ pa꞉la꞉ hau manuta꞉ na telia pilimikie.

Ka꞉leisia 5:24

Mo Yesu Ketisona꞉ wanda꞉halima꞉ta꞉ ika꞉ lokena꞉ hau make koto loke ipika꞉ namonamo hata꞉ na꞉na꞉ na꞉na꞉ pitolo loke tiaasa꞉eki make koto hau paeyaota꞉ Ketiso yaapo apa꞉tao mo a꞉ka꞉tei wape piki tina꞉ lia endialememe.

Pilipai 2:14

Do kenkena꞉ hoihoi piki hoke hau pu haleme wanda꞉hali tukiki pa꞉ta꞉ hata꞉ ikita꞉ hoke haumanu na talo yako pea Koda꞉na꞉ tikitiki piki wekiwandiki haluekema꞉ta꞉ ika꞉ hau paeyaona꞉ la la pu ape ape na leke hao hapa꞉peke. Mo hande hoihoi piki wanda꞉hali pa꞉ta꞉ mo hande deto hala꞉ pi la halolo hata꞉ta꞉ ikita꞉ oli hande hombulanka꞉ to hala꞉ tupa꞉ hapa꞉peke alee.

1 Desalonaika 4:5

Hande pi na miki hata꞉ Koda꞉na꞉ hau na handeke haliwekima꞉ ika꞉ hoke hone pa꞉la꞉eki tumbaaluekema꞉ wanda꞉ mineleme tupa꞉ koto hau na pea꞉pa꞉peke aleo.

1 Timodi 6:5

kima꞉ na homeke pi yokaalu alu pita꞉la꞉ ekimanu make kota꞉ hao paeyao mo wanda꞉hali tukiki pa꞉ta꞉ wala꞉ tiao hala꞉me. Kutu piki wanda꞉halima꞉ta꞉ mo hande ota꞉ pimanu mina꞉pa꞉laaso hata꞉ta꞉ pa mo Koda꞉na꞉ hau pita꞉la꞉ ekita꞉ hamoko hapeke pota꞉e hone u halememe.

2 Timodi 4:3

Wanda꞉halima꞉ mo epeke mana꞉ pi wopu na opulu pa꞉la꞉ nate make ipilieke. Kutaa make wanda꞉halima꞉ ika꞉ hone pa꞉la꞉ ekimanu pitolo hata꞉ ika꞉ opulueke hone peleme pimanu la hala꞉peke yolo pa꞉la꞉ haliwekima꞉ iki handeteke haena꞉ handa꞉ mea꞉tiki pilimikie.

1 Pida 1:14

Koda꞉na꞉ pi opua pu hapa꞉peke. Kutupa iki mateya꞉ di nina꞉ hone tiaemeeki manuma꞉ ameta꞉ ika꞉ halemeeki na handeteke haena꞉ lapa꞉peke.

1 Pida 2:11

Ya yankeke tonuo. Iki do kenkena꞉ta꞉ ta꞉eileke epeleme na handeke wanda꞉hali leke hamena꞉ I̱ma꞉ honke alo ekita꞉ dupa Ika꞉ temoko a꞉nda꞉ lu tiaasa꞉ lokena꞉ hone pa꞉la꞉ ekimanu pa꞉ta꞉ waleke na wiao hapa꞉peke.

1 Pida 4:2

Koto ekina꞉ ame do aneta꞉ ikana꞉ma꞉ do kenkena꞉ hata꞉ ika꞉ hone tiaaseme ekima꞉ iki na handeteke haena꞉ leketa꞉ Koda꞉na꞉ hone pa꞉la꞉ ekima꞉ iki handeteke haena꞉ lo hapa꞉peke.

2 Pida 2:10

Ota꞉ mo ika꞉ ha̱i̱ piki lokena꞉ na꞉na꞉ma꞉ homa꞉la꞉eki pita꞉ Koda꞉na꞉ handeteke hala꞉ ekita꞉ pa pina꞉ma꞉ hone u haleme wanda꞉hali pa꞉ta꞉ loa꞉me. Do yayapikieki wala꞉la꞉ haliwekima꞉ta꞉ ma꞉nda꞉ pa꞉ta꞉ homu na piki ika꞉ homeke hone u hata꞉ oli manda hala꞉ seliapo piki enisolo titita꞉ na handomo tiao halememe. Kotoeki na pikita꞉ pa iki kitao halememe.

2 Pida 2:18

Ikana꞉ma꞉ta꞉ hakoko lia teke na wiki pimanu wepu halememe. Kutupa make mo hokeeki pa꞉ta꞉ haleme wanda꞉hali paka꞉lao poluekema꞉ kini piteleme wanda꞉hali tamuluekema꞉ta꞉ ika꞉ lokena꞉ na꞉na꞉ma꞉ homa꞉la꞉ ekima꞉ pu halememe.

2 Pida 3:3

Titina꞉ amba꞉la do hone wopu wia꞉peke. Mo hande paetolo nate manuna꞉ta꞉ mandane kitao hala꞉ wanda꞉hali ipilimikie. Koto wanda꞉hali ika꞉ hau manuta꞉ ika꞉ hone pa꞉la꞉ ekima꞉ handeteke haena꞉ lelimikie. Ikana꞉ma꞉ta꞉ iki kitaaso hata꞉ lota꞉ pitolo alota꞉

Diudi 1:15

wanda꞉hali paeyao pa꞉ta꞉ pi yokaalu pita꞉la꞉eki mea ipilieke. Koto natena꞉ta꞉ mo hande Koda꞉ hoki walo haleme wanda꞉halina꞉ Koda꞉ kiake haumanu pu haleme ekina꞉ ipikana꞉ma꞉ yenki haluekema꞉ ma̱leke lilieke. Koto tupa꞉ kone mo Koda꞉ hoki wala hoke hau pu haleme wanda꞉halima꞉ ipiki pa꞉ta꞉ keke pimanu lo haleme ekina꞉ homeke hau kone pilieke laa leekeme.

Diudi 1:18

Ikana꞉ma꞉ iki pa꞉ta꞉ alota꞉ Hande paetolo natemanu epea꞉ka꞉na꞉ta꞉ iki ki taataa pea ika꞉ Koda꞉ kiaaseme hone pa꞉la꞉ haumanu tolu haleme wanda꞉hali opolo ipilimikie laa lemekeme.