Diudi 1:15 - Panake Pi La: Ula: Buka pita: Kine Pieke Buka

¹⁵ wanda꞉hali paeyao pa꞉ta꞉ pi yokaalu pita꞉la꞉eki mea ipilieke. Koto natena꞉ta꞉ mo hande Koda꞉ hoki walo haleme wanda꞉halina꞉ Koda꞉ kiake haumanu pu haleme ekina꞉ ipikana꞉ma꞉ yenki haluekema꞉ ma̱leke lilieke. Koto tupa꞉ kone mo Koda꞉ hoki wala hoke hau pu haleme wanda꞉halima꞉ ipiki pa꞉ta꞉ keke pimanu lo haleme ekina꞉ homeke hau kone pilieke laa leekeme.

Diudi 1:15 ပူးပေါင်းရင်းမြစ်များ

Dioni 5:27

Kutupa ipikita꞉ Wanda꞉halina꞉ Eiyeke haleke handaata꞉ Eiyekema꞉ pi yokaalu peaalo pa꞉la꞉ hali ipika꞉ Atekema꞉ haena꞉ la꞉la꞉me.

Aposolo 17:31

Pa ekipeke ipikana꞉ma꞉ nate amba꞉ wiaeyeke handa ala꞉me. Koto natena꞉ ipika꞉ haena꞉ la꞉la꞉ hali homekema꞉ kenke wanda꞉hali paeyao pa꞉ta꞉ pi yokaalu tikitikina꞉ pina꞉ lelieke leekeme. Kutu pulu pa꞉la꞉ ekita꞉ wanda꞉hali paeyaoma꞉ opua Ota꞉ekie hone wina꞉yeke mo hande halita꞉ homa peneme yao paa mea tiaeyekeme laa leekeme.

Loma꞉ 14:10

Koto pa꞉la꞉pate pa nakana꞉ma꞉ naka꞉ Ketiso yankeke hala꞉eki handaata꞉ ekipeke hone u hoeyaasepe. Kutupa nakana꞉ma꞉ make naka꞉ Ketiso yankeke pa꞉ta꞉ ekipeke la la pitelepe. Koda꞉ma꞉ niki ame̱le̱ pi yokaalu pina꞉yeke ipika꞉ leke popelekena꞉ niki paeyao pua halumeke.

Loma꞉ 2:16

Koto ekina꞉ Koda꞉ma꞉ta꞉ hande Natena꞉ pi yokaalu pia꞉ka꞉na꞉ta꞉ I̱ma꞉ hande Pi Seliapo loa꞉ tupa꞉ pilieke. Ipikana꞉ma꞉ta꞉ Yesu Ketisoma꞉ wanda꞉halima꞉ a꞉mbao u haeme hone manuna꞉ pi yokaalu pina꞉ lelieke.

Loma꞉ 2:5

Koto pelemepate ikita꞉ pi na opiki puki taka꞉lao halememe. Koto ekina꞉ Koda꞉ma꞉ta꞉ hande Natena꞉ hoke hau peleme wanda꞉hali pa꞉ta꞉ mineke pankolo hata꞉ pi yokaalu tikitikina꞉ pia꞉ka꞉na꞉ta꞉ kota꞉ mo iki panisi tieke peaalia꞉ ekita꞉ ika꞉ kone ame pa haka꞉ta꞉paasememe.

1 Kotindi 4:5

Koto ekina꞉ mo Tekehalina꞉ pi yokaalu pulu pa꞉la꞉ Nate epena꞉yeke handeteke hata꞉ta꞉ ikana꞉ma꞉ ma꞉nda꞉na꞉eki amba꞉la pi yokaalu na peke pa handeteke hapa꞉peke. Tekehalima꞉ epena꞉ yu wia hapa꞉peke. Ipikana꞉ma꞉ mo timba꞉ lekeeki pa꞉ta꞉ a꞉mbao ula꞉eki paeyaota꞉ pa̱a̱na꞉ mea wilieke. Kutupa wanda꞉halima꞉ puki nane panka꞉ ula꞉ honemanu ipikana꞉ma꞉ peneme yaalieke. Koto dina꞉ta꞉ Koda꞉ma꞉ wanda꞉hali paeyaoma꞉ pimi ekina꞉ yenkita꞉ ana꞉na꞉ mea꞉peke ekimanu handolo hata꞉ ikina꞉ pi la wilieke.

1 Kotindi 5:13

Hande Baibolo bukana꞉ wape pa꞉la꞉ pi ma꞉nda꞉ta꞉ dupa. Hande hoke halita꞉ ika꞉ mombeleme pa꞉ta꞉ na pitina꞉ leke pa yokaa ta꞉ta꞉ haena꞉ lapa꞉peke laa wape pa꞉la꞉me.

1 Timodi 1:9

pa dupiki hone make witoloma꞉me. Mo lo pi manuta꞉ mo epeke wanda꞉hali tikitiki yaaluekema꞉ na ula꞉pate pa mo ika꞉ you hali pa꞉ta꞉ homu na piki pa pi yambolo haleme wanda꞉hali pa꞉ta꞉ ula꞉me. Dupae. Koda꞉ hoki walaa hoke hau pu haleme wanda꞉hali pa꞉ta꞉ make Koda꞉ hone ma꞉nda꞉ na wiki kenke alemanu pa꞉ta꞉ homeke hone u haleme wanda꞉hali pa꞉ta꞉ make inkiki ateke kone lu make mandane wanda꞉hali lu homao haleme wanda꞉hali pa꞉ta꞉ make kutupa mo

Diudi 1:16

Do wanda꞉halita꞉ hoto paeyao hambilikima꞉ hambilikima꞉ pea ma꞉nda꞉ la꞉mea tiao halememe. Kutupa ikana꞉ma꞉ta꞉ ika꞉ lokena꞉ hone pa꞉la꞉ ekimanu tolu hata꞉ ika꞉ kone hakoko lu halememe. Kutupa ika꞉ pota꞉ pilaluekema꞉ ma꞉nda꞉ pa꞉ta꞉ pukineke pimanu lo halememe.

Peneme Yaeyekeeki 13:11

Koto hoki naneta꞉ mo sayale hombeleke ma꞉nda꞉ mo kenke pa꞉ta꞉ yama꞉ opa꞉liaeyeke handoa꞉me. Do sayaleta꞉ sipisipi ma꞉na꞉ ekekema꞉ handeke ekeke yaapo haya꞉me. Kutupa ipika꞉ pita꞉ mo popake itiki hake sima꞉ ala꞉ tupa꞉ lea꞉me.

Peneme Yaeyekeeki 22:20

Do wape pa꞉la꞉ pi manuta꞉ ota꞉ pie laa la꞉ wita꞉la꞉ somema꞉ alota꞉ Aowe. Ota꞉ a꞉pa꞉la꞉me. I̱ta꞉ teke pa꞉ta꞉ ipulume lea꞉me. Koto ekina꞉ta꞉ kutu pia꞉peke. Tekehali Yesuo. Epoe.