Dioni 17:8 - Panake Pi La: Ula: Buka pita: Kine Pieke Buka

⁸ Nakana꞉ma꞉ I̱ pa꞉ta꞉ la ki pimanu paeya꞉ tapao iki pa꞉ta꞉ waloa꞉me. Kutu pua꞉peke handaa ikana꞉ma꞉ opua mimime. I̱ta꞉ neke yaapo epoloeki make ota꞉ekie laa nakana꞉ma꞉ I̱ tapaeeki make opitelememe.

Dioni 17:8 ပူးပေါင်းရင်းမြစ်များ

Ma꞉tiu 13:11

Yesuma꞉ ika꞉ pi hombo peaaso alota꞉ Mo hepenina꞉ Kilu Tombuao Hala꞉ ekina꞉ a꞉mbao ula꞉ hone manuta꞉ ikita꞉ opua hone wilimipate mo wanda꞉halita꞉ hone na wina꞉yeke onkoluma꞉ pi alome.

Dioni 12:49

I̱ma꞉ ya hone wia na loa꞉me. I̱ tapaeya꞉ hali yaka Apa꞉ma꞉ I̱ma꞉ lolo pua꞉ ekimanu paeyao ipikana꞉ma꞉ lapeke leeke handaa pua꞉me.

Dioni 14:10

Yaka Apa꞉ma꞉ I̱ yaapo hala꞉eki make I̱ma꞉ make yaka Apa꞉ yaapo haloeki make hone na witelepe leekeme. Koto laa Yesuma꞉ mo disaipolo haliweki pa꞉ta꞉ alota꞉ Iki pa꞉ta꞉ loa꞉ pi manuta꞉ ya hone wia na loa꞉me laa hande I̱ yaapo hala꞉ Apa꞉ma꞉ ipikana꞉ma꞉ kone ipika꞉eki pita꞉la꞉me.

Dioni 15:15

Pa e pokaasa꞉ halima꞉ta꞉ ipika꞉ teke halima꞉ hone wita꞉la꞉ ekita꞉ handa꞉peke na ya꞉la꞉ ekina꞉ ameta꞉ iki pa꞉ta꞉ pa e pokaaseme haliwekio pi na lolueke. Pa ekipeke yaka Apa꞉ma꞉ I̱ pa꞉ta꞉ la kita꞉la꞉ pi paeyao iki pa꞉ta꞉ la kitolo ekina꞉ iki pa꞉ta꞉ yaka yankeke titio alome laa leekeme.

Dioni 16:27

Pa ekipeke yaka Apa꞉ma꞉ kone iki pa꞉ta꞉ pukima꞉ homa꞉la꞉ ekina꞉ loa꞉me. Ikana꞉ma꞉ I̱ pa꞉ta꞉ pukima꞉ homa I̱ta꞉ Koda꞉ yaapo hao epoloeki opimiki handaa pita꞉la꞉me.

Dioni 16:30

ameta꞉ nikana꞉ma꞉ handoloma꞉me laa hali ma꞉nda꞉ma꞉ neke pa꞉ta꞉ amba꞉la lota꞉ pina꞉yeke na handeteke haleme. Nakana꞉ma꞉ hau paeyao handeleme. Koto pa꞉la꞉ ekina꞉ neketa꞉ Koda꞉ yaapo hao epele ekita꞉ opoloma꞉me.

Dioni 17:14

Naka꞉ pita꞉ I̱ma꞉ iki pa꞉ta꞉ amba꞉ la haloa꞉me. Koto polo ekina꞉ do kenke wanda꞉halima꞉ta꞉ iki pa꞉ta꞉ honditi pu halememe. I̱ta꞉ do kenkena꞉eki na halo tupa꞉ koto haliweki make do kenkena꞉eki na haleme ekina꞉ pitelememe.

Dioni 17:18

Nakana꞉ma꞉ I̱ do kenkena꞉ tapae tupa꞉ta꞉ I̱ma꞉ do haliweki kenke ta꞉ta꞉ ta꞉ta꞉ pa꞉ta꞉ tapaowa꞉me.

Dioni 17:21

Paeyaota꞉ homekeeki haena꞉yeke yeni pitolome. Apa꞉o. Neketa꞉ I̱ yaapo haleeki make I̱ neke yaapo haloeki make iki make koto tupa꞉ diki ame̱le̱ haemeka꞉na꞉ta꞉ epelieke. Kenke wanda꞉halima꞉ nakana꞉ma꞉ I̱ tapaaleeki hone wina꞉yeke ikita꞉ homekeeki haemeka꞉na꞉ta꞉ epelieke.

Dioni 17:23

I̱ta꞉ iki pa꞉ta꞉ haloeki make neketa꞉ I̱ pa꞉ta꞉ haleeki make ikita꞉ ota꞉ homekeeki haena꞉yeke loa꞉me. Kenke wanda꞉halima꞉ta꞉ nakana꞉ma꞉ I̱ tapaaleeki make I̱ pa꞉ta꞉ pukima꞉ homele tupa꞉ do haliweki pa꞉ta꞉ koto homeke pukima꞉ homeleeki make hone wina꞉yeke loa꞉me.

Dioni 17:3

Deto hala꞉ ekita꞉ dupae. Neke homeke ota꞉ Koda꞉ haleeki make nakana꞉ma꞉ tapaale hali Yesu Ketiso hala꞉eki make telipina꞉ handa꞉la꞉ekie.

Dioni 3:17

Koda꞉ma꞉ta꞉ ipika꞉ Weki kenke wanda꞉halina꞉ pi yokaalu peaalo pa꞉la꞉ hali haena꞉yeke na tapake ika꞉ mea da꞉taalo pa꞉la꞉ hali haena꞉yeke tapaeyekeme.

Dioni 3:33

Hali epima꞉ ipika꞉ pi opua miniki haya꞉ka꞉na꞉ta꞉ Koda꞉ma꞉ ota꞉eki ala꞉me laa lelieke.

Dioni 6:68

Saimono Pidama꞉ ipika꞉ pi hombo peaaso alota꞉ Tekehalio. Epi pa꞉ta꞉ pomonope. Naka꞉ pi manuta꞉ da꞉tao hala꞉ pimanue.

Dioni 8:42

Yesuma꞉ iki pa꞉ta꞉ alota꞉ Koda꞉ta꞉ ika꞉ Apa꞉ haya꞉ka꞉na꞉ yoluta꞉ I̱ pa꞉ta꞉ pukima꞉ homolo pimime. I̱ta꞉ Koda꞉ pa꞉ta꞉ hao a꞉pa ame do halo ekina꞉ loa꞉me. Ya hone wia na epeke ipikana꞉ma꞉ I̱ tapaeyeke a꞉pa halo ekina꞉ loa꞉me.

1 Kotindi 11:23

I̱ma꞉ hande waloa꞉ ekita꞉ mo Tekehalima꞉ I̱ pa꞉ta꞉ la kia꞉me dupa. Tekehali Yesuma꞉ta꞉ hande timba ipiki pa꞉ta꞉ a꞉nda꞉ lombeeke natena꞉ta꞉ hande palaowa mea mina hata꞉

1 Kotindi 15:1

Ya kametitio. Ame I̱ma꞉ iki pa꞉ta꞉ waloa꞉ Pi Seliapota꞉ ika꞉ hone u tiaaluekema꞉ alome. Koto pima꞉ta꞉ ikana꞉ma꞉ meata꞉ hone tulao honkopu hao hamina꞉ iki mea da꞉taala꞉me.

1 Desalonaika 2:13

Ikana꞉ma꞉ pimi hau ma꞉nda꞉ make nikana꞉ma꞉ Koda꞉ pa꞉ta꞉ keiyae pi la꞉tiki pu haloma꞉me. Kota꞉ hande nikana꞉ma꞉ iki pa꞉ta꞉ Koda꞉na꞉ pi mea epoma꞉ pita꞉ta꞉ ikana꞉ma꞉ kenke halina꞉ pi leke na opimikipate ota꞉ Koda꞉na꞉ pi kone opua mimime. Kotota꞉ ota꞉ koto lataa. Pa ekipeke Koda꞉ma꞉ iki hone tulaaleme wanda꞉hali pa꞉ta꞉ ipika꞉ e wopu poka꞉la꞉ ekina꞉ loa꞉me.

1 Desalonaika 4:1

Kametitio. Ameta꞉ paeyaaso hata꞉ ikana꞉ma꞉ Koda꞉ ta꞉na꞉ma꞉ homa꞉ tiaaso hata꞉ halo peleme tupa꞉ta꞉ nikana꞉ma꞉ amba꞉ waloma꞉me. Koto waloma꞉ tupa꞉ kone hata꞉ pelememe. Kutupa ameta꞉ iki honke alo hata꞉ ikana꞉ma꞉ Tekehali Yesu ipika꞉ bikina꞉ ikana꞉ma꞉ mo hande hau mandaneeki wopu pu hamina꞉ iki sutiaasoma꞉me.

1 Dioni 4:14

Kutupa nikana꞉ma꞉ handoloma꞉ ekita꞉ pa mo Atekema꞉ ipika꞉ Eiyeketa꞉ do kenke wanda꞉halina꞉ pa꞉ta꞉la꞉la꞉ some tapaala꞉me laa ma꞉nda꞉ ma꞉nda꞉ pa꞉ta꞉ la hala꞉tiki pu haloma꞉me.

Peneme Yaeyekeeki 1:1

Do bukata꞉ mo Yesu Ketisona꞉ peneme yaeyeke haumanu lao ula꞉ bukae. Koda꞉ma꞉ do peneme yaasa꞉ haumanu haleeke ekita꞉ ipika꞉ e pokaasa꞉ wanda꞉hali pa꞉ta꞉ koto kone pulu piekeeki waluekema꞉ piekeme. Ketisoma꞉ta꞉ ipika꞉ e pokaasa꞉ hali Dioni pa꞉ta꞉ ipika꞉ enisolo tapao dupiki haumanu walena꞉ leekeme.