Dia꞉mesi 5:5 - Panake Pi La: Ula: Buka pita: Kine Pieke Buka

⁵ Ikita꞉ nate paeyao kenkena꞉ hata꞉ epeke epeke alemanu minolo hata꞉ta꞉ ta꞉na꞉ma꞉ homa ne wopu no halememe. Kutupu halemepate ika꞉ imeke wopu pa꞉la꞉ ekima꞉ta꞉ iki lia꞉peke nate ipula꞉me.

Dia꞉mesi 5:5 ပူးပေါင်းရင်းမြစ်များ

Luku 16:19

Amba꞉ hamoko hali ma꞉nda꞉ma꞉ yenki tiekema꞉ hambeeke dau seliapo pikieki pambatiki peata꞉ nate paeyao epeke epeke nemanu na꞉tiki pu hayekeme.

Luku 16:25

Koto leekepate Eipoloha꞉ma꞉ma꞉ alota꞉ Ya wekio. Hone niminae. Neketa꞉ hande kenkena꞉ hae natena꞉ta꞉ kota꞉ epeke alemanu wotu wia haepate La꞉satesita꞉ ota꞉ hoke alemanu homeke mia꞉me. Kutu piekepate ameta꞉ ipikita꞉ ta꞉na꞉ma꞉ homo haena꞉ta꞉ neketa꞉ tanda naleme.

Loma꞉ 13:13

Nikita꞉ natena꞉ pominoloma꞉ wanda꞉hali leke hata꞉ta꞉ popeke pa꞉la꞉ haumanu pumana꞉e. Hoke ikali naa keaaso hata꞉ yaala꞉ma꞉ na homeke haumanu make suseke haasa꞉ hau pamba na piki haumanu make a꞉nda꞉ pita꞉la꞉eki honditi pita꞉la꞉eki make kutupiki haumanu ikana꞉ma꞉ pea꞉peke na ya꞉la꞉me.

1 Timodi 5:6

Pate kosa꞉piki wanda꞉ ma꞉nda꞉ma꞉ ipika꞉ lokena꞉ namonamo pita꞉la꞉ ekimanu homekena꞉ hone u haya꞉ka꞉na꞉ta꞉ kota꞉ koto wanda꞉ ipikita꞉ pa hala꞉pate kone ipika꞉ temokota꞉ homa ula꞉me.

2 Timodi 3:4

Kutaa make ikana꞉ma꞉ yankeke kone lina꞉ ma꞉na꞉ yapa꞉ mu a꞉nda꞉ lombo make homa꞉la꞉ ale teke na hake haumanu pu make ika꞉ honema꞉ ikita꞉ tieke haloma꞉me hone witolo hata꞉ Koda꞉ pukima꞉ na homeketa꞉ pa ika꞉ loke ta꞉na꞉ peaasa꞉ alemanu pa꞉ta꞉ pukima꞉ homo halememe.

2 Pida 2:13

Kutupa ikana꞉ma꞉ ma꞉nda꞉ pa꞉ta꞉ tanda piki haumanu peleme ekina꞉ iki make koto tupa꞉ kone tanda piki yenki kilieke. Ika꞉ ta꞉na꞉ma꞉ homa꞉la꞉ ekita꞉ ika꞉ lokena꞉ na꞉na꞉ pa꞉la꞉eki tumbaaluekema꞉ mo pa̱a̱na꞉ hata꞉ yaala꞉ma꞉ na homeke anemone hau pu halememe. Ika꞉ yayapiki pota꞉ manuna꞉ ta꞉na꞉ma꞉ homo hata꞉ iki ame̱le̱ ne mandakena꞉ apa꞉tao nalemeketa꞉ iki tukiki pa꞉ta꞉ ha̱i̱ peao hondo pilake nono pelememe.

Diudi 1:12

Ika꞉ yaala꞉ma꞉ na homeke kikana꞉ hau leke piteleme ekima꞉ta꞉ ikita꞉ mo hande ika꞉ epeke ne noluekema꞉ mombolo haleme ale pa꞉ta꞉ ha̱i̱piki alemanu taleke nono pa꞉la꞉me. Ikana꞉ma꞉ta꞉ iki homeke handeteke haluekema꞉ ika꞉ kone hone u halememe. Ikita꞉ mo hande lako na epeke alena꞉ pa poma꞉ tita꞉la꞉ koama꞉ handelememe. Ikita꞉ mo hande bapi paena꞉ kone kiliki na a꞉eta꞉la꞉ tima꞉ handaa ika꞉ teke tonka꞉na꞉ yoka꞉pa wia ota꞉ homeke nono piki ti manuma꞉ handelememe.

Peneme Yaeyekeeki 18:7

Ipika꞉ kone mo pa̱a̱ pa꞉la꞉eki make ta꞉na꞉ tieke pa꞉la꞉eki make halolo pia꞉ tupa꞉ kone paa mo tanda tiekemanu make homena꞉ tupa꞉ tanda mina꞉la꞉eki make hala꞉pe. Pa ekipeke ipika꞉ kone alota꞉ Kini wanda꞉ do pilu handa꞉e. I̱ta꞉ kineke wanda꞉ dia꞉me. I̱ma꞉ta꞉ hamono tupa꞉ tanda mina꞉la꞉ ekita꞉ ota꞉ na handulueke laa ala꞉me.