Dia꞉mesi 5:19 - Panake Pi La: Ula: Buka pita: Kine Pieke Buka

¹⁹ Ya kametitio. Iki pa꞉ta꞉ hali ma꞉nda꞉ma꞉ hande ota꞉ pimanu yonka꞉lao haya꞉ka꞉na꞉ta꞉ kutupa hali homekema꞉ mo hali la꞉ka꞉la pa hatuku epea꞉ka꞉na꞉ta꞉ kota꞉ do tupa꞉ hone wia꞉pa꞉peke.

Dia꞉mesi 5:19 ပူးပေါင်းရင်းမြစ်များ

Ma꞉tiu 18:15

Naka꞉ kamema꞉ neke hoeyaasa꞉ hoke hau pia꞉ka꞉na꞉ta꞉ kota꞉ ipiki teke pa꞉ta꞉ puaata꞉ ipika꞉ pia꞉ hokeeki wala꞉peke. Pate peneme na piki ipilika꞉ honema꞉ pea꞉pa꞉peke. Ipikana꞉ma꞉ naka꞉ pi opua telia pia꞉ka꞉na꞉ta꞉ kota꞉ mo kameta꞉ neke nane epena꞉ lelipikie.

Luku 22:32

Koto pa꞉la꞉pate I̱ma꞉ Saimono neke pa꞉ta꞉ yeni pealo ekita꞉ naka꞉ hone tulale ekita꞉ na lopena꞉yeke polome. Kutupa nakana꞉ma꞉ I̱ pa꞉ta꞉ paa la꞉ka꞉la epeka꞉na꞉ta꞉ kota꞉ naka꞉ kametonu wele pu tiaapeke leekeme.

Ka꞉leisia 6:1

Ya kametonuo. Ma꞉nda꞉ma꞉ hoke hau pitolo haena꞉ handemeka꞉na꞉ta꞉ kota꞉ iki epita꞉ mo Holi Sipitidima꞉ tumbiki some hombo ikana꞉ma꞉ mo some mea tiao haena꞉ alota꞉ ota꞉ yopu siki pia꞉pa꞉peke. Kuta make mo hande ipiki mea lopaeya꞉ hauma꞉ iki make yola꞉ mea lopaama꞉na꞉ wopu handeteke hata꞉ pia꞉pa꞉peke.

1 Timodi 6:10

Mo mani we pamba꞉la꞉ ekima꞉ta꞉ ta꞉ta꞉ ta꞉ta꞉ piki hoke haumanu pu tialo pa꞉la꞉ ekina꞉ teke ula꞉me. Mandane wanda꞉halima꞉ mani muluekema꞉ hone wopu witolo hata꞉ ika꞉ hone tulao halemeeki mina꞉pa꞉lao hoke ka꞉nda꞉ manuma꞉ ika꞉ puki tandama꞉ homo haememe.

1 Timodi 6:21

Kutupa mandane wanda꞉halima꞉ Koto aleme tumiki pita꞉ nikana꞉ma꞉ ota꞉ hone uluma꞉me laa lemeke handaata꞉ ikana꞉ma꞉ mo hande ota꞉ hone tulaasa꞉ hauna꞉ pota꞉ta꞉ mina꞉pa꞉laememe. Koda꞉na꞉ a꞉ta꞉ma꞉ homa tamba꞉ mina꞉la꞉ ekita꞉ Timodi iki pa꞉ta꞉ hao haena꞉e.

2 Timodi 2:18

Koto hali yaapoma꞉ta꞉ mo ota꞉ haumanu mina꞉pa꞉laepeme. Kutu polo hata꞉ mo nika꞉ homa paa tialo poloma꞉ ekina꞉ ipilikana꞉ma꞉ alota꞉ Nikita꞉ amba꞉ homa tiao haloma꞉me alepeme. Koto alepe ekima꞉ta꞉ mo mandane pi mina꞉la꞉ wanda꞉halina꞉ hone tulaaseme ekita꞉ hoeyaasepeme.

Hibulu 5:2

Mo someta꞉ ipika꞉ hau manuma꞉ make detepiki hali hata꞉ kone mo pi ula꞉eki manuna꞉ pi ula꞉ ekimanu mataalo hata꞉ pu hoeyao haleme wanda꞉halita꞉ yopu kimelema꞉ tamba꞉ mu hapeke ya꞉la꞉me.

Dia꞉mesi 1:16

Ota꞉ ya kametitio. Yayapikieki na opua꞉pa꞉peke.

Dia꞉mesi 1:19

Ota꞉ ya kametitio. Do pimanu hone wipe. Iki paeyao pi opuluekema꞉ tikitiki yao hapeke ya꞉la꞉pate pa pi pi a̱i̱ na leke make mineke a̱i̱ na panka꞉pa꞉peke. Do alo pi manuta꞉ do ekina꞉yeke loa꞉me.

Dia꞉mesi 3:14

Kutu piliepate honditi wotu pita꞉la꞉eki make pasa꞉tei hau puluekema꞉ taapa꞉la꞉eki make ika꞉ puki pa꞉ta꞉ pitaemeka꞉na꞉ta꞉ kota꞉ ika꞉ pi ika꞉ kone na laake yayapiki hau na pea꞉pa꞉peke.

Dia꞉mesi 5:20

Hali epima꞉ hoke hau pita꞉la꞉ some ma꞉nda꞉ ipika꞉ hokeeki yonka꞉lao epena꞉ lea꞉ka꞉na꞉ta꞉ mo halima꞉ta꞉ Koda꞉ma꞉ mo hoke hau pita꞉la꞉ some na homeke mea da꞉taena꞉ lata꞉ ipika꞉ hoke hau pa꞉la꞉ ekimanu paeyao make pa paeyaena꞉ lelieke.

2 Pida 3:17

Pate iki yaka yankeke tonuo. Ikana꞉ma꞉ta꞉ koto ekita꞉ amba꞉ hone wilimime. Koto ekina꞉ta꞉ wopu handeteke hapa꞉peke. Pa ekipeke mo lo pi yambolo haleme wanda꞉halina꞉ yayapikieki manuma꞉ iki hatuku pua ika꞉ epeke haleme alena꞉ mea lopaama꞉na꞉ loa꞉me.

Diudi 1:11

A꞉pa꞉e. Iki pa꞉ta꞉ epolo pa꞉la꞉eki I̱ paala꞉e. Ikana꞉ma꞉ta꞉ mo hande Keinima꞉ mieke pota꞉ ta꞉elememe. Kutupa manina꞉ hauna꞉ mo hande Beilamema꞉ ata꞉ka꞉ peaeyeke tupa꞉ ikana꞉ma꞉ make ika꞉ kone koto pelememe. Ikana꞉ma꞉ta꞉ hande Kotaama꞉ pi na opiki ipika꞉ hone pa꞉la꞉ hau pea homeeke tupa꞉ iki make homeke hau kone pea homelememe.