Dia꞉mesi 3:9 - Panake Pi La: Ula: Buka pita: Kine Pieke Buka

⁹ Nikana꞉ma꞉ nika꞉ kekekema꞉ nika꞉ Apa꞉ Tekehali pa꞉ta꞉ keiyae pi lo haloma꞉pate hande Koda꞉ma꞉ ipiki tupa꞉ haena꞉yeke wepia haena꞉ la꞉la꞉ wanda꞉hali pa꞉ta꞉ kone hoke pimanu lo haloma꞉me.

Dia꞉mesi 3:9 ပူးပေါင်းရင်းမြစ်များ

Kini Pieke 5:1

Dota꞉ mo hande A꞉da꞉ma꞉na꞉ tapakena꞉ biki ula꞉ ekie. Koda꞉ma꞉ hande wanda꞉hali wepieke dina꞉ta꞉ ipikima꞉ kone handeke wanda꞉hali wepitolota꞉

Kini Pieke 9:6

Halita꞉ Koda꞉ leke wepieke ekina꞉ta꞉ ma꞉nda꞉ma꞉ hali ma꞉nda꞉ homena꞉ lia꞉ka꞉na꞉ta꞉ kota꞉ koto someta꞉ hali tonuma꞉ kone lilimikie.

Ma꞉tiu 26:74

Koto lemekepate Pidama꞉ alota꞉ Do alo pita꞉ Koda꞉ma꞉ opitolo haena꞉ alome. Ya pi loa꞉ka꞉na꞉ta꞉ ipikana꞉ma꞉ I̱ hoeyaena꞉e. Koto aleme halita꞉ I̱ ota꞉ na handolome leekeme. Koto pi alo haena꞉ta꞉ koto kone koka꞉la꞉ tiaeyekeme.

Ma꞉tiu 5:44

Pate ame I̱ma꞉ iki pa꞉ta꞉ la kitolo ekita꞉ dupa. Ika꞉ a꞉nda꞉ tunkuliki haliweki pa꞉ta꞉ pukima꞉ homo make mo iki tanda kiteme wanda꞉hali epeaena꞉ Koda꞉ pa꞉ta꞉ yeni peao hapa꞉peke.

Aposolo 2:26

Koto ekina꞉ yaka pukima꞉ ta꞉na꞉ma꞉ homolo hata꞉ ya kakema꞉ make ta꞉na꞉piki pimanu lo halome. Kutupa make I̱ta꞉ pa kenke hali halopate kone mo epekeeki muluekema꞉ handeteke halueke.

Loma꞉ 3:14

Ika꞉ kake manuta꞉ hali tetoma꞉ homaasa꞉ma꞉ pi manuma꞉ tumba halememe.

1 Kotindi 11:7

Halima꞉ta꞉ you aka꞉ na pambao halieke. Pa ekipeke ipikita꞉ Koda꞉na꞉ biki ula꞉ ekina꞉ pita꞉ wele pikieki yaapona꞉ su̱a̱su̱a̱ wala꞉la꞉me. Koto pa꞉la꞉pate wanda꞉ma꞉ta꞉ ipika꞉ halina꞉ biki ula꞉ ekina꞉ pita꞉ wele pikieki yaapona꞉ su̱a̱su̱a̱ wala꞉la꞉me.

Epesese 1:3

Tekehali Yesu Ketiso ipika꞉ Apa꞉ Koda꞉na꞉ pi nikana꞉ma꞉ laamana꞉e. Nikita꞉ Ketiso yaapo hamonota꞉ Koda꞉ma꞉ niki ota꞉ epeaala꞉ ekina꞉ loa꞉me. Hepeni nane hala꞉ ekimanu paeyaota꞉ nika꞉ temoko tamba꞉ mina꞉yeke amba꞉ ka꞉la꞉me.

Dia꞉mesi 1:27

Hoe ma꞉nda꞉ na piki ota꞉ Ketiso tikitiki hauta꞉ nika꞉ Apa꞉ Koda꞉ma꞉ta꞉ dupae ala꞉me. Pa haleme weki wandiki make kineke wanda꞉sunu make ika꞉ ka꞉nda꞉ma꞉ homelemeeki handaata꞉ tamba꞉ mina꞉la꞉eki mea꞉peke ya꞉la꞉me. Kutupa make mo kenke hauma꞉ na hoeyaena꞉ aloma꞉ ekina꞉ ala꞉me.

Dia꞉mesi 3:10

Keiyae pi aloma꞉eki make hoke pi aloma꞉eki make homeke kake pa꞉ta꞉ kone ipu hala꞉me. Ya kametitio. Do ekita꞉ na pumana꞉ pea꞉pa꞉peke aleo.

1 Pida 1:3

Nika꞉ Tekehali Yesu Ketisona꞉ Apa꞉ Koda꞉ pa꞉ta꞉ keiyae pi lomana꞉e. Ipikana꞉ma꞉ a꞉ta꞉ma꞉ homa tamba꞉ mieke handa Yesu Ketiso homa paa tiaeyeke ekima꞉ta꞉ niki pa꞉ta꞉ panake da꞉ta꞉la꞉eki kia꞉me. Koto pa꞉la꞉ ekima꞉ta꞉ nika꞉ hone pa꞉ta꞉ deto hala꞉ hone ti laasa꞉eki tumbao hala꞉me.