Dia꞉mesi 2:7 - Panake Pi La: Ula: Buka pita: Kine Pieke Buka

⁷ Koto haliwekima꞉ hande Koda꞉ma꞉ iki pa꞉ta꞉ ka꞉la꞉ biki epeketa꞉ pa hoke biki laa hoeyao halememe.

Dia꞉mesi 2:7 ပူးပေါင်းရင်းမြစ်များ

Ma꞉tiu 1:23

Mo potopede halima꞉ta꞉ dupa leekeme. Mo halima꞉ na watake wandikina꞉ weleke pa꞉ta꞉ta꞉ weki weleke lombaata꞉ hali weki mendilieke. Koto wekina꞉ bikita꞉ Imanua꞉le lelieke leekeme. Koto bikina꞉ teketa꞉ Koda꞉ niki ame̱le̱ a꞉pa hala꞉me.

Ma꞉tiu 12:24

Do lota꞉ lota꞉ pimiki pimanu opua mo Pa꞉tisi haliwekima꞉ hombo peaaso alota꞉ Do somema꞉ hoke temokomanu tolu hala꞉ ekita꞉ mo hoke temoko paeyaona꞉ you temoko Bielisibuluna꞉ welema꞉ kone pia꞉ka꞉ta꞉me lemekeme.

Ma꞉tiu 27:63

Hande ya pi lo haya꞉ somema꞉ pa hande haya꞉ dina꞉ ipikana꞉ma꞉ alota꞉ Hoto tepo natena꞉ wiaata꞉ I̱ta꞉ paa mea tialieke leekeeki niminaasoma꞉me.

Aposolo 11:26

Kutupa handa꞉ wiata꞉ mo A꞉ndioko da pa꞉ta꞉ hatuku epeekeme. Bapi homeke koto pa꞉ta꞉ hata꞉ mo siosi tapake ame̱le̱ pi hotu haota꞉ wanda꞉hali wopu pi walo haepekeme. Koto da pa꞉ta꞉ pi mimiki wanda꞉hali ikita꞉ mo Ketiso wanda꞉halie laa mo koto bikita꞉ koto da pa꞉ta꞉ kini pu mimikime.

Aposolo 15:17

Kutupa mo mandane mandane wanda꞉hali paeyaoma꞉ta꞉ Tekehali weilimikie. Hande I̱ma꞉ wi lolo Diendaili wanda꞉halita꞉ ota꞉ yakaeki haena꞉ lolome leekeme.

Aposolo 26:11

Kutupa mo wanda꞉halita꞉ pi hotu haleme da paeyao pa꞉ta꞉ panisi wotu peatiki peaata꞉ Yesu pa꞉ta꞉ hoke pi lena꞉yeke la handetiki pua꞉me. Kutupa mo wanda꞉hali pa꞉ta꞉ mineke wotu pankolo hata꞉ mandane damanu pa꞉ta꞉ kone tolu lia꞉tiki pua꞉me.

Aposolo 4:12

Kutupa niki mea detemono pa꞉ta꞉la꞉la꞉ hali ma꞉nda꞉ na hala꞉me. Oli ya oto pa꞉ta꞉ta꞉ mo wanda꞉hali mea da꞉taasa꞉ halina꞉ biki ma꞉nda꞉ dia꞉ya꞉leke loa꞉me leekeme.

Epesese 3:15

Oli hepeni do kenke yaapo pa꞉ta꞉ haloma꞉ tapake wanda꞉hali paeyaoma꞉ta꞉ nika꞉ ota꞉ bikimanu paeyaota꞉ ipiki pa꞉ta꞉ minoloma꞉me.

1 Timodi 1:13

Amba꞉ta꞉ I̱ma꞉ ota꞉ Ketisona꞉ biki hoke pi pi alo hata꞉ make ipika꞉ wanda꞉hali ka꞉nda꞉ma꞉ homa꞉ tiao make iki tekipuleke laasa꞉ hali haowa꞉me. Kutu pua꞉ ekita꞉ I̱ma꞉ Ketiso pa꞉ta꞉ hone na tulao make mo pua꞉ ekina꞉ teketa꞉ hone wopu na wiki hata꞉ pueke handaa Koda꞉ma꞉ I̱ pa꞉ta꞉ a꞉ta꞉ma꞉ homeekeme.

1 Pida 4:16

koto ka꞉nda꞉ta꞉ mea꞉pa꞉peke na ya꞉la꞉pate mo Ketisona꞉ wanda꞉hali halemeke handa ka꞉nda꞉ mimika꞉na꞉ta꞉ koto ka꞉nda꞉ minelemeeki pa꞉ta꞉ yaala꞉ma꞉ na homeketa꞉ iki Ketisona꞉ biki miniki haleme ekina꞉ Koda꞉ pa꞉ta꞉ keiyae pi lo hapa꞉peke.

Peneme Yaeyekeeki 19:13

Ipika꞉ pambaeyeke aka꞉ hokuluta꞉ wema꞉ tote pia꞉me. Ipika꞉ bikita꞉ Koda꞉na꞉ Pie.

Peneme Yaeyekeeki 19:16

Ipika꞉ aka꞉ hokuluna꞉ make ipika꞉ palekena꞉ maketa꞉ biki dupa laeya꞉me. Kini paeyaona꞉ kinie laa Tekehali paeyaona꞉ Tekehalie.