2 Timodi 4:7 - Panake Pi La: Ula: Buka pita: Kine Pieke Buka

⁷ I̱ta꞉ mo hotoneli kita꞉la꞉ ekina꞉ta꞉ ya wele paeyaoma꞉ epeke tupa꞉ a̱i̱ya pua mo tombo epeke tupa꞉ watao halome. Kutupa make mo ya Koda꞉ pa꞉ta꞉ hone tulaalo ekita꞉ na mina꞉pa꞉lalome.

2 Timodi 4:7 ပူးပေါင်းရင်းမြစ်များ

Luku 11:28

Koto leeke Yesuma꞉ alota꞉ Dia꞉me. Koda꞉na꞉ pi opua pu haleme wanda꞉hali ikana꞉ma꞉ta꞉ ta꞉na꞉ma꞉ wotu homa꞉peke ya꞉la꞉me leekeme.

Luku 8:15

Kutupa mo epeke kenkena꞉ lopa꞉la꞉ wae ale manuta꞉ pi opua homu pu haleme wanda꞉hali ikana꞉ma꞉ honkopu hao epeke tupa꞉ minaata꞉ ika꞉ kiliki aneke a꞉eluekema꞉ pa putia pelimikie leekeme.

Dioni 17:6

Nakana꞉ma꞉ do kenke pa꞉ta꞉ mea ki haliweki pa꞉ta꞉ neke haleeki peneme yaowa꞉me. Koto haliwekita꞉ naka꞉ eki haena꞉ I̱ pa꞉ta꞉ mea kime. Kutupa naka꞉ pi make opimime.

Dioni 4:34

Yesuma꞉ iki pa꞉ta꞉ alota꞉ Yaka neta꞉ dupae. I̱ tapaala꞉ halina꞉ hone pa꞉la꞉eki puluekema꞉ make ipikana꞉ma꞉ I̱ pa꞉ta꞉ walea꞉ e make pokao paeyawaaluekema꞉ loa꞉me leekeme.

Aposolo 13:25

Kutupa Dionima꞉ ipika꞉ e poko paeyaaluekema꞉ hata꞉ wanda꞉hali pa꞉ta꞉ alota꞉ Ika꞉ honema꞉ I̱ halo ekita꞉ epi hone witelemepe. Ikana꞉ma꞉ yu wia haleme halita꞉ I̱ dia꞉ya꞉la꞉pate handa꞉pe. Yaka hoki nane ipula꞉me. Koto ipula꞉ halina꞉ anke daketa꞉ I̱ma꞉ holawaapeketa꞉ ana꞉ na pa꞉la꞉me laa leekeme.

Aposolo 20:24

Kutu pa꞉la꞉pate ya lokena꞉ hau hone na witolome laa tombona꞉ opolo puaata꞉ ya Tekehali Yesuma꞉ walea꞉ hau amba꞉la paeyaalueke lea꞉me. Hande Koda꞉na꞉ pa hameke a꞉ta꞉ma꞉ homo hala꞉ Pi Seliapo la kitoloeki loa꞉me lea꞉me.

Ka꞉leisia 2:2

I̱ ponoyeke Koda꞉ma꞉ pue leeke handa poa꞉me. Kutupa mo siosi you haliweki niki honumake mombela pita꞉ I̱ma꞉ mo Diendaili wanda꞉hali pa꞉ta꞉ pi seliapo dupa walolome laa la haloa꞉me. Ya amba꞉ pokoa꞉ e make ame do pokolo e make pa pahameke pokaama꞉na꞉ laa iki pa꞉ta꞉ loa꞉me.

Pilipai 1:30

Ameta꞉ ikana꞉ma꞉ I̱ ame̱le̱ mandakena꞉ ta꞉ma꞉ni pea mo a꞉nda꞉ lita꞉la꞉ ekina꞉ tunao hapa꞉peke ya꞉la꞉me. Mo amba꞉ hande pueke handeme a꞉nda꞉ kone alome. Kutupa ikana꞉ma꞉ ame mo opiteleme a꞉nda꞉ta꞉ koto mandake a꞉nda꞉ kone pa pu halome.

1 Timodi 1:18

Ya weki Timodio. I̱ma꞉ amba꞉ neke hone witolo hata꞉ la꞉ wia꞉ pita꞉ koto la꞉ wia꞉ tupa꞉ kone ame nakana꞉ma꞉ pea꞉peke alome. Koto la꞉ wia꞉ pi manuta꞉ naka꞉ a꞉nda꞉ pita꞉la꞉ ale leke miniki hata꞉ a꞉nda꞉ epeke tupa꞉ pea꞉peke.

1 Timodi 6:12

Wanda꞉halima꞉ hoto neli kita꞉la꞉ nate nina꞉ mo hande tombo muluekema꞉ honkopu hao a̱i̱ya pu halememe. Koto tupa꞉ nakana꞉ma꞉ make Koda꞉ pa꞉ta꞉ hone tulaaso hata꞉ naka꞉ deto hala꞉ ekita꞉ mo tombo wataasa꞉ tupa꞉ muluekema꞉ ota꞉ honkopu hao a̱i̱ya pu hapeke. Koto deto hala꞉ ekita꞉ nakana꞉ma꞉ wanda꞉hali wopuna꞉ leke popelekena꞉ Koda꞉ pa꞉ta꞉ hone tulaasome alo hata꞉ peneme yaeketa꞉ kota꞉ Koda꞉ma꞉ muelena꞉yeke neke wi lea꞉me.

1 Timodi 6:20

Timodio. Do Koda꞉ma꞉ neke pa꞉ta꞉ ka꞉la꞉ eta꞉ ota꞉ wopu handeteke hapeke. Mo epe na piki Koda꞉ mataake pimanu la kiteme pi manuta꞉ kiaapeke. Mandane wanda꞉halima꞉ makeaaso hata꞉ Do aloma꞉ pi manuta꞉ ota꞉ tumiki pie lo halememe.

2 Timodi 1:14

Mo neke pa꞉ta꞉ ka꞉la꞉ epeke epeke hau manuta꞉ ota꞉ wopu handeteke ke haluekema꞉ kota꞉ nakana꞉ma꞉ mo nika꞉ puki pa꞉ta꞉ pila꞉ Holi Sipitidina꞉ wele peaasa꞉ ekina꞉ welema꞉ wopu handeteke hapeke.

2 Timodi 3:10

Pate nakana꞉ma꞉ I̱ yaapo neke mandake pomi pita꞉ma꞉ta꞉ mo hande wanda꞉hali pa꞉ta꞉ waloa꞉ pi manuta꞉ nakana꞉ma꞉ amba꞉ opua hone wilime. Kutaa ya hau pita꞉ ya pua꞉eki yaapota꞉ nakana꞉ma꞉ hone wilime. Kutaa I̱ma꞉ ya hone tulaaloeki make wanda꞉halima꞉ pi mina꞉ soka꞉la꞉ma꞉ homa na kiake pa handeteke haloeki make ya a꞉ta꞉ma꞉ homa pukima꞉ homoloeki make ka꞉nda꞉manu epena꞉ kone I̱ma꞉ honkopu hao da̱o̱la haloeki make nakana꞉ma꞉ handeleme.

Peneme Yaeyekeeki 3:10

Mo kenkena꞉ haleme wanda꞉hali paeyao la handuluekema꞉ ipula꞉ ka꞉nda꞉manu pa꞉ta꞉ta꞉ I̱ma꞉ iki handeteke halueke. Pa ekipeke ikana꞉ma꞉ta꞉ mo ka꞉nda꞉ pa꞉la꞉eki pa꞉ta꞉ hata꞉ kone kima꞉ na homeke honkopu hao hapa꞉peke laa la꞉ ua꞉ ekita꞉ na mina꞉pa꞉lake pa pea꞉tiki peleme ekina꞉ loa꞉me.

Peneme Yaeyekeeki 3:8

I̱ma꞉ta꞉ ika꞉ pu haleme hau manuta꞉ hone ulume. Ikita꞉ honkopu hosikale siki halememe laa I̱ma꞉ hone ulume. Ikana꞉ma꞉ yaka waloloeki manuta꞉ opua kima꞉ na homeke I̱ pa꞉ta꞉ hone tulaalememe. Ma꞉nda꞉ma꞉ na poka꞉peke yolo pa꞉la꞉ tupa꞉ I̱ma꞉ta꞉ ika꞉ puki nanema꞉ pota꞉ lomba wialome.

Peneme Yaeyekeeki 6:11

Mo haliweki homeke homeketa꞉ hake piki dau hale hale pea alota꞉ Mo iki litolo pia꞉ tupa꞉ ika꞉ e pokeleme yankeke titi paeyao ana꞉na꞉ lu paeyaena꞉ hosiki siki hoto pita꞉pee lea꞉me.