2 Timodi 4:3 - Panake Pi La: Ula: Buka pita: Kine Pieke Buka

³ Wanda꞉halima꞉ mo epeke mana꞉ pi wopu na opulu pa꞉la꞉ nate make ipilieke. Kutaa make wanda꞉halima꞉ ika꞉ hone pa꞉la꞉ ekimanu pitolo hata꞉ ika꞉ opulueke hone peleme pimanu la hala꞉peke yolo pa꞉la꞉ haliwekima꞉ iki handeteke haena꞉ handa꞉ mea꞉tiki pilimikie.

2 Timodi 4:3 ပူးပေါင်းရင်းမြစ်များ

Luku 20:19

Koto leeke ekina꞉ mo yeni peao haemeke haliwekina꞉ you haliweki make hande pi ula꞉eki walo haemeke haliwekima꞉ make Yesu koto kone minuluekema꞉ yeke taapemekeme. Ekipeke ika꞉ hone witolota꞉ Ipikana꞉ma꞉ lea꞉ onkoluma꞉ pita꞉ iki pa꞉ta꞉ kone lea꞉me hone witolo hata꞉ pimikime. Kutu puluekema꞉ pimikipate mo wanda꞉halima꞉ paala꞉ pieke handa paemekeme.

Luku 6:26

A꞉pei. Wanda꞉hali paeyaoma꞉ ika꞉ hauna꞉ pi laemeka꞉na꞉ta꞉ ka꞉nda꞉ tieke ipula꞉me. Ekipeke amba꞉ kiake koto wanda꞉halina꞉ apa꞉meima꞉ mo makeaaso potopede haliweki tonu pa꞉ta꞉ lo haemeke tupa꞉ kone alo alememe leekeme.

Dioni 8:45

I̱ma꞉ ota꞉ pi alo ekita꞉ ikana꞉ma꞉ na opitelememe.

Aposolo 17:21

Mo A꞉ta꞉ni da haliwekima꞉ make kimisu a꞉pa pitimiki haliwekima꞉ make koto pa꞉ta꞉ hata꞉ nate paeyao aleta꞉ ma꞉nda꞉ hone na wiki panake waleeke pi ombu opuluekema꞉ hotu haemekeme.

1 Kotindi 2:1

Ya kametitio. Iki pa꞉ta꞉ mo Koda꞉na꞉ a꞉mbao ula꞉ ota꞉ pi waluekema꞉ epoa꞉ dina꞉ta꞉ mo yaka waloa꞉ pi make yaka hone witoloeki make mo wanda꞉halima꞉ pa ana꞉na꞉ opua꞉peke ya꞉la꞉ pi kone waloa꞉me.

1 Kotindi 2:4

Kutupa I̱ma꞉ta꞉ pi walolo hata꞉ mo hone wopu witeme kenke haliwekima꞉ aleme tupa꞉ pi hokulu hokulu na loa꞉pate pa mo Koda꞉na꞉ Sipitidima꞉ mo ipika꞉ wele wopupiki honkopu peneme yaena꞉yeke waloa꞉me.

Ka꞉leisia 4:16

Pate ameta꞉ I̱ma꞉ iki pa꞉ta꞉ mo ota꞉ pi la kitolo ekima꞉ta꞉ ika꞉ a꞉nda꞉ tunkuliki hali halope.

1 Timodi 1:10

yola꞉la꞉ hau pu haleme wanda꞉hali pa꞉ta꞉ make mo wanda꞉ pa꞉ta꞉ pita꞉la꞉ hauta꞉ pa hali yankeke pa꞉ta꞉ kone pita꞉la꞉ wanda꞉hali pa꞉ta꞉ make mandane wanda꞉hali pake mina꞉la꞉ wanda꞉hali pa꞉ta꞉ make yayapiki pi lo haleme wanda꞉hali pa꞉ta꞉ make ya pi alo kone Tekehalina꞉ biki lo haleme wanda꞉hali pa꞉ta꞉ make kutu piki hau piteleme wanda꞉hali paeyao pa꞉ta꞉ hone witolo hata꞉ koto lo pimanu wia pa꞉la꞉me. Do lo pimanu ula꞉ ekita꞉ mo epeke tikitiki piki mana꞉ pimanu a꞉mbaasa꞉ hoke haumanu sa꞉sa꞉ puluekema꞉ ula꞉me.

2 Timodi 1:13

Nakana꞉ma꞉ pi epeke tupa꞉ waluekema꞉ta꞉ I̱ma꞉ neke pa꞉ta꞉ waloa꞉ pi kone hone wia wala꞉tiki pu hapeke. Kutu pitolo hata꞉ta꞉ mo Ketiso Yesu pa꞉ta꞉ hone tulao pukima꞉ homolo hata꞉ pea꞉peke.

Diudi 1:18

Ikana꞉ma꞉ iki pa꞉ta꞉ alota꞉ Hande paetolo natemanu epea꞉ka꞉na꞉ta꞉ iki ki taataa pea ika꞉ Koda꞉ kiaaseme hone pa꞉la꞉ haumanu tolu haleme wanda꞉hali opolo ipilimikie laa lemekeme.