2 Timodi 4:2 - Panake Pi La: Ula: Buka pita: Kine Pieke Buka

² Koda꞉na꞉ pi walo hapeke. Kutu polo halena꞉ wanda꞉halima꞉ opuluekema꞉ ta꞉na꞉ma꞉ na homolo haena꞉ make o ta꞉na꞉ma꞉ homa opitolo haena꞉ make na kiaake pa walolo walolo ombu hapeke. Nakana꞉ma꞉ mo puki nala꞉ pima꞉ make mineke pima꞉ make kutupa mo hone u tiaasa꞉ pima꞉ make koto pi manuma꞉ ikana꞉ma꞉ epeke honemanu wina꞉ loluekema꞉ ta꞉na꞉ma꞉ homa꞉ tiaaso handeteke hao hapeke.

2 Timodi 4:2 ပူးပေါင်းရင်းမြစ်များ

Luku 7:23

I̱ pa꞉ta꞉ hone yaapo yaapo lo na wimika꞉na꞉ta꞉ kota꞉ koto wanda꞉halita꞉ ta꞉na꞉ma꞉ homo halememe laa lapa꞉peke leekeme.

Luku 7:4

Koto tondiki haliwekima꞉ Yesu pa꞉ta꞉ a꞉pa ota꞉ meme piki honke alo hata꞉ alota꞉ Do halita꞉ nakana꞉ma꞉ epeke tamba꞉ mia꞉peke ya꞉la꞉ halie. Pa ekipeke.

Luku 9:60

Yesuma꞉ alota꞉ Homeeke wanda꞉halima꞉ kone ika꞉ homa꞉la꞉ wanda꞉hali toko mea hoina꞉ma꞉ neketa꞉ Koda꞉na꞉ Kilu Tombuao Hala꞉ ekina꞉ pi pua wala꞉tiki pu hae leekeme.

Aposolo 13:5

Kutupa Salamisa da nane opolo puaata꞉ Diu haliwekina꞉ pi hotu haemeke damanu pa꞉ta꞉ Koda꞉na꞉ pi ale waloendi pu haepekeme. Dioni Makama꞉ make ipiliki petoloendi pu hayekeme.

Aposolo 16:13

kutupa Hoto Pila꞉ Nate nina꞉ mo daonina꞉ pota꞉ kake tieke pa꞉ta꞉ tunkulupa pua ikali tea꞉ nane poma꞉me. Nika꞉ honema꞉ta꞉ koto alena꞉ta꞉ yeni pu hala꞉ alena꞉ hone wiaata꞉ kutupa pitiniao koto pa꞉ta꞉ a꞉pa mombelemeke wanda꞉weki pa꞉ta꞉ pi pi loma꞉me.

Aposolo 20:7

Mo Sande natena꞉ nikita꞉ palaowa pindi pindi puluekema꞉ momba꞉la hamono Poloma꞉ mo wanda꞉hali pa꞉ta꞉ pi walea꞉me. Ipikana꞉ma꞉ da ka꞉la꞉paaso polueke hone wiaata꞉ timba buta꞉hokina꞉ make pi ombu walea꞉me.

Aposolo 28:16

Kutupa mo Loma꞉ daoni pa꞉ta꞉ opolo poma꞉pate pa Polota꞉ ipika꞉ kone honumake haena꞉ mo ami hali homekema꞉ ipiki handeteke haena꞉ lememe.

Loma꞉ 10:15

Kutupa hande pi mea pua walaaseme wanda꞉hali na tapaemeka꞉na꞉ta꞉ kota꞉ ekipa pi walaalimikipe. Mo hande Baibolo bukana꞉ wape pa꞉la꞉ ekita꞉ dupa. Mo ota꞉ epeke pi seliapo mea a꞉paaseme wanda꞉halina꞉ anke manuta꞉ ota꞉ yole pea ula꞉me laa la꞉la꞉me.

Loma꞉ 12:12

Tekehalima꞉ pulu pa꞉la꞉ ekina꞉ handeteke hata꞉ ta꞉na꞉ma꞉ homa hapa꞉peke. Ka꞉nda꞉piki haumanu iki pa꞉ta꞉ epea꞉ka꞉na꞉ta꞉ kota꞉ honkopu hao hata꞉ handeteke hapa꞉peke. Hoto paeyao yeni pea꞉tiki pu hapa꞉peke.

Ka꞉leisia 6:6

Koda꞉na꞉ pi wala꞉la꞉eki opua mina꞉la꞉ somema꞉ ipika꞉ mina꞉la꞉ alemanu ipika꞉ wala꞉la꞉ hali yaapo putupa alu pia꞉pa꞉peke ya꞉la꞉me.

Kolosi 1:25

Kutupa Koda꞉ma꞉ I̱ta꞉ siosina꞉ pa hameke e pokaaso hali hano laa ipikana꞉ma꞉ dupiki e ika꞉ epeke hauna꞉ peano la꞉la꞉me. Do eta꞉ mo hande ipika꞉ pi anekema꞉ walawano ala꞉ekie.

Kolosi 4:3

Kutu pitolo hata꞉ta꞉ Koda꞉ma꞉ mo hande Ketisona꞉ a꞉mbaala꞉ ekina꞉ pimanu walamono epeke walekemanu kina꞉ yeni pu hapa꞉peke. Kotoeki tekena꞉ I̱ta꞉ ameta꞉ dipula pilume.

1 Desalonaika 1:6

Nikana꞉ma꞉ puma꞉ hau make Tekehalina꞉ hau make ikana꞉ma꞉ telia꞉ mea ipulu hata꞉ pimime. Kutupa tanda tieke minolo hata꞉ kone hande Holi Sipitidima꞉ iki ta꞉na꞉ma꞉ homa tiaaso haena꞉ ikana꞉ma꞉ pi mimime.

1 Desalonaika 5:14

Kametitio. Iki sutiaasoma꞉me dupa. Pa pitu haleme wanda꞉halita꞉ mana꞉ laka꞉na꞉ mo pututuma꞉ homeleme wanda꞉hali sa꞉tiaaso hata꞉ mo damakopiki wanda꞉hali pa꞉ta꞉la꞉ mea꞉tiki pea iki paeyao wotu handeteke hatiki pea꞉pa꞉peke.

1 Desalonaika 5:20

Koda꞉na꞉ pi la꞉ mea hala꞉ halina꞉ wala꞉la꞉ pita꞉ ikana꞉ma꞉ hoki walo honditi na pea꞉pa꞉peke.

1 Timodi 4:13

I̱ a꞉pono mo̱lu̱ hata꞉ta꞉ naka꞉ natemanu wiaata꞉ paeyaoma꞉ opina꞉ mo Baibolo pimanu yata꞉pa꞉la꞉eki make mo pi wala꞉la꞉eki make wala꞉ tiaaso la hala꞉la꞉eki make koto hau manuta꞉ ota꞉ honkopu hao putia pua꞉peke.

1 Timodi 5:20

You halima꞉ a꞉nda꞉ hoke hau pia꞉ka꞉na꞉ta꞉ kota꞉ mandane you haliwekima꞉ handolo hata꞉ hone wina꞉ ika꞉ leke potopoto kone ipika꞉ hoke hau pa꞉la꞉eki laa la halaata꞉ sa꞉sa꞉ pea꞉peke.

2 Timodi 2:21

Hali ma꞉nda꞉ epima꞉ mo hoke hau paeyaona꞉ ha̱i̱ a꞉nda꞉ ipiki pa꞉ta꞉ na ta̱le̱na꞉ lea꞉ka꞉na꞉ta꞉ kota꞉ ipikita꞉ ipika꞉ Tekehalima꞉ ta꞉ta꞉ piki hau tieke ma꞉nda꞉ peaena꞉ mea haena꞉ lelieke. Pa ekipeke. Mo somema꞉ ipika꞉ Tekehalima꞉ hala꞉la꞉ epeke emanu pokaaluekema꞉ tikitiki yao ula꞉ ale manuma꞉ handa hala꞉me.

2 Timodi 2:25

Ipikana꞉ma꞉ mo pi tunkuleleme wanda꞉hali tikitiki yaasota꞉ kimelema꞉ hauma꞉ta꞉ yopu pu halieke. Koto hau a꞉nda꞉ pu haya꞉ka꞉na꞉ta꞉ kota꞉ ikita꞉ Koda꞉ma꞉ iki pa꞉ta꞉ waleke wiaya꞉ka꞉na꞉ta꞉ ika꞉ pukimanu topo pea mo ota꞉ pina꞉ hone ti laemeka꞉na꞉ta꞉

2 Timodi 3:10

Pate nakana꞉ma꞉ I̱ yaapo neke mandake pomi pita꞉ma꞉ta꞉ mo hande wanda꞉hali pa꞉ta꞉ waloa꞉ pi manuta꞉ nakana꞉ma꞉ amba꞉ opua hone wilime. Kutaa ya hau pita꞉ ya pua꞉eki yaapota꞉ nakana꞉ma꞉ hone wilime. Kutaa I̱ma꞉ ya hone tulaaloeki make wanda꞉halima꞉ pi mina꞉ soka꞉la꞉ma꞉ homa na kiake pa handeteke haloeki make ya a꞉ta꞉ma꞉ homa pukima꞉ homoloeki make ka꞉nda꞉manu epena꞉ kone I̱ma꞉ honkopu hao da̱o̱la haloeki make nakana꞉ma꞉ handeleme.

Taitasi 1:13

Koto pita꞉ ota꞉ pi yeke handaata꞉ mo Ketiso wanda꞉halina꞉ hone tulalemeeki taka꞉laena꞉ nakana꞉ma꞉ pima꞉ hando lolena꞉e.

Taitasi 2:15

Do mana꞉ pimanu walo hapeke. Kutu puluekema꞉ta꞉ naka꞉ pi opita꞉la꞉ wanda꞉halina꞉ hone u tia tia puluekema꞉ make hoke haumanu peaama꞉na꞉ sa꞉sa꞉ pulu pika꞉na꞉ make naka꞉ biki ula꞉ ekina꞉ hata꞉ pea꞉peke.

Hibulu 13:22

Ya kame tonuo. I̱ma꞉ ika꞉ hone u tialuekema꞉ wape polo pimanu yopu opua꞉pa꞉peke laa honke alome. Pa ekipeke. Do I̱ma꞉ wape polo ekita꞉ ota꞉ hokulu na wape polome.

Peneme Yaeyekeeki 3:19

I̱ma꞉ta꞉ yaka pukima꞉ homolo wanda꞉hali paeyaota꞉ pima꞉ hando laa panisi peao halome. Koto ekina꞉ ika꞉ hoke hau manuta꞉ ota꞉ hone witolo hata꞉ hoki wala꞉pe.