2 Timodi 3:4 - Panake Pi La: Ula: Buka pita: Kine Pieke Buka

⁴ Kutaa make ikana꞉ma꞉ yankeke kone lina꞉ ma꞉na꞉ yapa꞉ mu a꞉nda꞉ lombo make homa꞉la꞉ ale teke na hake haumanu pu make ika꞉ honema꞉ ikita꞉ tieke haloma꞉me hone witolo hata꞉ Koda꞉ pukima꞉ na homeketa꞉ pa ika꞉ loke ta꞉na꞉ peaasa꞉ alemanu pa꞉ta꞉ pukima꞉ homo halememe.

2 Timodi 3:4 ပူးပေါင်းရင်းမြစ်များ

Aposolo 19:36

Koto ekimanu tunkula paapeke na ya꞉leke handaata꞉ ikita꞉ pa hau na piki yopu hapa꞉peke aleo leekeme.

Aposolo 7:52

Ika꞉ apa꞉mei amedama꞉ta꞉ potopede hali homeke pa꞉ta꞉ kone tanda na halemekepe. Hande Koda꞉ ipika꞉ tikitiki yao hala꞉ e pokaasa꞉ Hali epolo piekeeki la haleeke haliwekita꞉ Koda꞉ma꞉ tapaeyeke haliweki kone ika꞉ apa꞉mei amedama꞉ limikime. Ame make ikana꞉ma꞉ koto Hali a꞉nda꞉ lomba limime.

Loma꞉ 11:20

Koto make ota꞉eki ya꞉la꞉pate Diu wanda꞉hali ikana꞉ma꞉ hone na tulaemeke handaa ipikana꞉ma꞉ tonda꞉pa꞉ mepi pea pa꞉la꞉me. Diendaili wanda꞉hali ikana꞉ma꞉ hone tulaaseme ekina꞉ tunao halememe. Kutupa halemepate ikana꞉ma꞉ I̱ handaena꞉ haumanu hone na wiki ika꞉ loke tonkao paala꞉ma꞉ homa yopu hapa꞉peke.

Loma꞉ 16:18

Kutupiki haumanu pu haleme wanda꞉halima꞉ta꞉ Tekehali Yesu Ketisona꞉ e na pokaake ika꞉ loke manuna꞉ na꞉na꞉ pa꞉la꞉ ekimanu homeke hone u halememe. Ikana꞉ma꞉ mo tendepiki nonopiki pa imeke piki pimanu aleme ekima꞉ mo hokeeki wopu na handeleme wanda꞉hali makeao halememe.

1 Timodi 3:6

Handaena꞉ hau pea lopaama꞉na꞉ ipikita꞉ Tekehalina꞉ pi panake mina꞉la꞉ hali na halieke. Mo hande Sadani lopeeke tupa꞉ lopaama꞉na꞉ loa꞉me.

1 Timodi 5:6

Pate kosa꞉piki wanda꞉ ma꞉nda꞉ma꞉ ipika꞉ lokena꞉ namonamo pita꞉la꞉ ekimanu homekena꞉ hone u haya꞉ka꞉na꞉ta꞉ kota꞉ koto wanda꞉ ipikita꞉ pa hala꞉pate kone ipika꞉ temokota꞉ homa ula꞉me.

1 Timodi 6:17

Mo kenke ala꞉ta꞉ ala꞉ta꞉na꞉ hamoko haseme wanda꞉hali pa꞉ta꞉ta꞉ dupiki pi la wia꞉peke. Ika꞉ hakoko na lu make mo a̱i̱ paelo pa꞉la꞉ kenke ale manuna꞉ hone na ti lao hao hapa꞉peke. Kotoeki na pikita꞉ niki ta꞉na꞉ma꞉ homomono epeke alemanu ku hala꞉ Koda꞉ pa꞉ta꞉ hone ti lao hapa꞉peke lapeke.

Diudi 1:19

Do ika꞉ lokena꞉ hone pa꞉la꞉ hau manuma꞉ handeteke hata꞉ mo hande ka꞉taasa꞉ hau pu halememe. Ikita꞉ mo hande Sipitidi na pila꞉ wanda꞉halie.

Diudi 1:4

Pa ekipeke mo mandane Koda꞉ hoki waleleme wanda꞉halita꞉ niki honditi pea niki tukiki pa꞉ta꞉ a꞉mbao honda꞉ pambelememe. Ika꞉ hoke haumanu piteleme pota꞉ manuna꞉ waleke wiaaso mo nika꞉ Koda꞉na꞉ a꞉ta꞉ma꞉ homolo tamba꞉ mina꞉la꞉ pi ale hoeyaaluekema꞉ make Tekehali Yesu Ketiso nika꞉ you hali homeke kiaaseme wanda꞉halie. Ikita꞉ hoke hau pelememe laa ma̱leke lia wieke ekita꞉ mo Baibolo pi manuma꞉ amba꞉ kiake la꞉ wiekeme.