2 Timodi 2:8 - Panake Pi La: Ula: Buka pita: Kine Pieke Buka

⁸ Nakana꞉ma꞉ mo hande homa paa tiaeyeke yeke Deipidina꞉ tapake hali Yesu Ketiso hone u hapeke. I̱ma꞉ mo Pi Seliapo waloa꞉ka꞉na꞉ta꞉ kota꞉ koto pi kone walo halome.

2 Timodi 2:8 ပူးပေါင်းရင်းမြစ်များ

Ma꞉tiu 1:1

Dota꞉ mo hande Yesu Ketisona꞉ apa꞉meina꞉ bikimanu wape pa꞉la꞉ekie. Deipidita꞉ Yesuna꞉ meiyeke hayekeme. Kutupa Eipoloha꞉ma꞉ta꞉ Deipidina꞉ meiyeke hayekeme.

Luku 24:46

iki pa꞉ta꞉ alota꞉ Dupa wape pea ula꞉me. Hande Ketisota꞉ tanda amba꞉la ota꞉ mea homaata꞉ hoto tepo peaasota꞉ ota꞉ paa tialieke laa wape pa꞉la꞉me. Kutupa make

Aposolo 13:23

Hande Deipidina꞉ tapake hali Yesuta꞉ Koda꞉ma꞉ la꞉ wieke tupa꞉ Isulai wanda꞉halina꞉ Da꞉taala꞉ Hali haena꞉ la꞉la꞉me.

Aposolo 2:24

Kutu pimipate Koda꞉ma꞉ mo hande toopi ka꞉ka꞉na꞉ pa꞉ta꞉ Yesu paa mea tiaeyekeme. Mo hande lapa꞉ pimiki toopima꞉ta꞉ Yesu miniki pita꞉peke ana꞉ na pitolo hata꞉ mo hande homaasa꞉ ekima꞉ Yesu tonkaeyeke ekita꞉ Koda꞉ma꞉ ka꞉la꞉pa꞉ tapawaeyekeme.

Aposolo 2:30

Deipidima꞉ta꞉ potopede hali hata꞉ta꞉ hande Koda꞉ma꞉ ipiki pa꞉ta꞉ pi la꞉ wiekeeki piekeme. Koda꞉ma꞉ ipiki pa꞉ta꞉ pi la꞉ witolo alota꞉ Naka꞉ hoki nane halo pa꞉la꞉ hali homeketa꞉ neke kini hali hale tupa꞉ mea haena꞉ lolueke laa la꞉la꞉me.

Loma꞉ 16:25

Nikana꞉ma꞉ Koda꞉na꞉ pi laamana꞉e. Koda꞉ma꞉ mo amba꞉ kiake kone a꞉mbao wieke pa ame I̱ma꞉ walolo hande Yesu Ketisona꞉ Pi Seliapo pa꞉ta꞉ yama꞉ Koda꞉ma꞉ ika꞉ hone tulao haleme ekita꞉ ana꞉na꞉ taka꞉lao hamina꞉ lelieke. Koto walolo pita꞉ mo amba꞉ kiaake kone a꞉mbao wieke ota꞉ pie.

Loma꞉ 2:16

Koto ekina꞉ Koda꞉ma꞉ta꞉ hande Natena꞉ pi yokaalu pia꞉ka꞉na꞉ta꞉ I̱ma꞉ hande Pi Seliapo loa꞉ tupa꞉ pilieke. Ipikana꞉ma꞉ta꞉ Yesu Ketisoma꞉ wanda꞉halima꞉ a꞉mbao u haeme hone manuna꞉ pi yokaalu pina꞉ lelieke.

1 Kotindi 15:1

Ya kametitio. Ame I̱ma꞉ iki pa꞉ta꞉ waloa꞉ Pi Seliapota꞉ ika꞉ hone u tiaaluekema꞉ alome. Koto pima꞉ta꞉ ikana꞉ma꞉ meata꞉ hone tulao honkopu hao hamina꞉ iki mea da꞉taala꞉me.

1 Kotindi 15:4

Kutupa ipiki toko toopi ka꞉ka꞉na꞉ pa꞉ta꞉ lapa꞉ pimikipate hoto tepona꞉ Koda꞉ma꞉ ipikita꞉ paa mea tiaeyekeme. Kutu pieke ekimanu make mo Baibolo bukana꞉ wape pa꞉la꞉ tupa꞉ piekeme.

2 Desalonaika 2:14

Koda꞉ma꞉ koto tupa꞉ hamena꞉ mo Pi Seliapo waloma꞉ ekima꞉ta꞉ iki wi lea꞉me. Nika꞉ Tekehali Yesu Ketisona꞉ pa̱a̱ pita꞉la꞉eki putu piliki ikana꞉ma꞉ muemena꞉ wi lea꞉me.

1 Timodi 1:11

Koto wala꞉peke mana꞉ pi epeketa꞉ mo pa̱a̱ pita꞉la꞉ ta꞉na꞉ piki Koda꞉ma꞉ I̱ma꞉ la halonoyeke ka꞉la꞉ Pi Seliapo pa꞉ta꞉ ula꞉me.

1 Timodi 2:7

Koto pi walono yeke Koda꞉ma꞉ I̱ aposolo hano la꞉la꞉me. I̱ma꞉ yaa pi na alome. Ota꞉ pi alo loa꞉me. Ipikana꞉ma꞉ I̱ta꞉ mo Diendaili wanda꞉halina꞉ moka꞉la꞉ tiaasa꞉ hali hata꞉ta꞉ ipika꞉ ota꞉ pi make mo hone tulaasa꞉eki make walaano yeke hano la꞉la꞉me.

2 Timodi 1:8

Mo nika꞉ Tekehalina꞉ pi walawasa꞉ ekina꞉ta꞉ nakana꞉ma꞉ yaala꞉ma꞉ na homa꞉peke. Kutaa make I̱ mo Ketisona꞉ e pokawa꞉ ekina꞉ dipula mea pitaalemeke pilu ekina꞉ neke yaala꞉ma꞉ na homa꞉peke. Kotoeki na pikita꞉ mo Koda꞉ma꞉ ka꞉la꞉ wele tapu hata꞉ mo Pi Seliapo wala꞉la꞉ ekina꞉ ka꞉nda꞉ta꞉ I̱ yaapo mandake mea tia hapana꞉e.

2 Timodi 2:7

I̱ma꞉ alo pita꞉ hone wopu wia꞉peke. Koto pi hone uelena꞉ta꞉ Tekehalima꞉ neke tamba꞉ milieke.

Peneme Yaeyekeeki 5:5

Mo hande you hali homeke ma꞉nda꞉ma꞉ I̱ pa꞉ta꞉ alota꞉ E̱ na lapee. Handa꞉e. Hande Diudana꞉ tapake laeonota꞉ hande Deipidina꞉ eiyekema꞉ monduma꞉ monduma꞉ pea a꞉pa ota꞉ biki wiki hali mendieke somema꞉ homeke bepolao hala꞉me. Ipikana꞉ma꞉ ana꞉na꞉ mo watake hata꞉ tonkaakemanu ula꞉eki yamba꞉la mo pi ula꞉ buka lumba꞉peke ya꞉la꞉me.