2 Timodi 2:7 - Panake Pi La: Ula: Buka pita: Kine Pieke Buka

⁷ I̱ma꞉ alo pita꞉ hone wopu wia꞉peke. Koto pi hone uelena꞉ta꞉ Tekehalima꞉ neke tamba꞉ milieke.

2 Timodi 2:7 ပူးပေါင်းရင်းမြစ်များ

Luku 21:15

Pa ekipeke I̱ma꞉ iki pa꞉ta꞉ kutupiki pimanu make epeke hone make kua꞉ka꞉na꞉ta꞉ ika꞉ a꞉nda꞉ tunkuliki haliweki homeke a꞉nda꞉ma꞉ make na tumbalimikie. Kutupa ika꞉ pi na yoko baalimikie.

Luku 24:45

Kutupa Yesuma꞉ mo wanda꞉halina꞉ honemanu lumbao mo Baiboloma꞉ leeke ekimanu opina꞉ laa

Luku 9:44

Ikana꞉ma꞉ I̱ma꞉ la kulu polo pi opua hone na yonka꞉lapa꞉peke. Wanda꞉halina꞉ Eiyeketa꞉ mo mandane haliwekina꞉ kiki pa꞉ta꞉ hala꞉ monealieke leekeme.

Dioni 14:26

Kutu pitolopate hande iki Tamba꞉ Mulu pa꞉la꞉ Hali yaka Apa꞉ma꞉ yaka bikina꞉ tapaalo pa꞉la꞉ halita꞉ Holi Sipitidi kone ala꞉ta꞉ paeyao ipikana꞉ma꞉ walieke. Kutupa make I̱ma꞉ hande iki pa꞉ta꞉ walo ekimanu paeyaota꞉ ikana꞉ma꞉ hone uemena꞉yeke ipikana꞉ma꞉ ika꞉ hone u tiaalieke.

Dioni 16:13

Kutu polopate wetepe hande ota꞉ pi la wala꞉la꞉ Temoko epea꞉ka꞉na꞉ta꞉ ota꞉ pimanu paeyao opuemena꞉ iki tikitiki yao hatuku pelieke. Ipika꞉ hone wia na leke eki pi opia꞉ka꞉na꞉ta꞉ ipikana꞉ma꞉ koto pi kone la kilieke. Kutupa wetepena꞉ pulu peleme ekimanu make la kilieke.

Aposolo 7:10

ipika꞉ ka꞉nda꞉ pa꞉la꞉ ekimanu paeyao minolo haena꞉ kone Koda꞉ma꞉ ana꞉na꞉ handeteke hayekeme. Diosepeta꞉ mo Idiepi you hali Petou pa꞉ta꞉ pua hayeke dina꞉ta꞉ Koda꞉ma꞉ ipikita꞉ kipa baake hone wiki hali make hone lenkena꞉ pea wiki hali make haena꞉ leekeme. Kutu pieke ekima꞉ Petouma꞉ Diosepeta꞉ Idiepi nane kapomani you hali pitina꞉ laata꞉ ipika꞉ da kenkemanu paeyao make handeteke haena꞉ leekeme.

1 Kotindi 12:8

Hande Sipitidima꞉ hali homeke pa꞉ta꞉ epeke hone wiki pi ala꞉eki halolo hata꞉ mo homeke Sipitidima꞉ kone hali ma꞉nda꞉ pa꞉ta꞉ make epeke handaasa꞉eki hala꞉la꞉me.

Pilipai 4:8

Ya yankeke tonuo. Ya paeyaaso pita꞉ dupa alome. Ika꞉ honema꞉ mo epeke hau pita꞉la꞉ haumanu make mo yeiya꞉ lapeke ya꞉la꞉ haumanu make kota꞉ haumanu homeke hone u moneao hapa꞉peke. Dupiki hauna꞉ loa꞉me. Ota꞉ hau pita꞉la꞉eki leke tendepiki hau pita꞉la꞉eki tikitiki hau pita꞉la꞉eki aleta꞉ ma꞉nda꞉ na ta̱leke hau pita꞉la꞉eki hau seliapo seliapo pita꞉la꞉eki yole hau pita꞉la꞉ ekimanu make koto haumanu paeyao homeke hone u hamena꞉ alome.

Kolosi 1:9

Do ekina꞉ yeke ikina꞉ ota꞉ opua mupa꞉ natena꞉ kone kini pea a꞉pa ame make hoto paeyao yeni peao ombu halopa꞉me. Koda꞉na꞉ hone pa꞉la꞉ tupa꞉ hone wita꞉la꞉ ekita꞉ ipika꞉ Sipitidima꞉ ku hala꞉ hone lenkena꞉ pea wita꞉la꞉eki pita꞉ hone wopu wita꞉la꞉eki yaapona꞉ hau paeyao pa꞉ta꞉ yama꞉ iki pa꞉ta꞉ tumbaena꞉yeke Koda꞉ pa꞉ta꞉ yeni peaatiki pu halopa꞉me.

1 Timodi 4:15

Paeyaoma꞉ naka꞉ Ketiso hau daeyaaso piteleeki handena꞉ do I̱ma꞉ la kitolo ekimanu nakana꞉ma꞉ hone wopu wia moka꞉la꞉ hande hande pu hapeke.

2 Timodi 2:6

E handeteke hala꞉ halima꞉ ipika꞉ e tieke wopu poko hala꞉ ekina꞉ta꞉ mo ena꞉ ne tanu ekita꞉ ipika꞉ amba꞉la milieke.

2 Timodi 2:8

Nakana꞉ma꞉ mo hande homa paa tiaeyeke yeke Deipidina꞉ tapake hali Yesu Ketiso hone u hapeke. I̱ma꞉ mo Pi Seliapo waloa꞉ka꞉na꞉ta꞉ kota꞉ koto pi kone walo halome.

Hibulu 12:3

Ipikana꞉ma꞉ a꞉pa mieke ka꞉nda꞉ tiekemanu hone umana꞉e. Mo hoke hau pu haemeke wanda꞉halima꞉ ipiki pa꞉ta꞉ honditi pimikieki manuta꞉ pa hone yonka꞉latiki piekeme. Koto piekeeki hone witolo hata꞉ soka꞉la꞉ma꞉ homo pututuma꞉ na homo hapa꞉peke. Pa ekipeke.

Hibulu 13:7

Amba꞉ mo iki pa꞉ta꞉ Koda꞉na꞉ pi walao haeme siosi you haliweki hone na yonka꞉lapa꞉peke. Ika꞉ pu haeme haumanu make hone na yonka꞉lake niminatiki pitolo hata꞉ ika꞉ hone tulaeme hau honda꞉ mea pu hapa꞉peke.

Hibulu 3:1

Koda꞉ma꞉ wi la꞉ mea haena꞉ la꞉la꞉ ya Ketiso kame tonuo nika꞉ hone tu lao haloma꞉ ekina꞉ yeni peao hala꞉ You hali pita꞉ Koda꞉ma꞉ tapaeyeke hali Yesu peneme yaaso hata꞉ta꞉ ipiki pa꞉ta꞉ hone wopu u hapa꞉peke.

Hibulu 7:4

Nika꞉ tapakena꞉ kini peala꞉ biki tieke ula꞉ hali Eipoloha꞉ma꞉ma꞉ mo hande a꞉nda꞉na꞉ bepolao mieke alemanu paeyao kiki yaapo yeketa꞉ homeke Melekisedeke hondo hala꞉tiki hala꞉tiki piekeme. Eipoloha꞉ma꞉ma꞉ koto pieke ekima꞉ta꞉ Melekisedekena꞉ lombei piki biki tieke wieke yekeeki taa peneme yao ula꞉ handa꞉e.

Dia꞉mesi 1:5

Iki pa꞉ta꞉ hali homekema꞉ epeke hone wita꞉la꞉eki yonka꞉laeya꞉ka꞉na꞉ta꞉ kota꞉ Koda꞉ pa꞉ta꞉ honke lea꞉ka꞉na꞉ta꞉ epelieke. Koda꞉ma꞉ta꞉ haliweki paeyao pa꞉ta꞉ ipika꞉ kiki tindipao hata꞉ haka꞉ta꞉pao halo hala꞉me. Kutupa mo hali pa꞉ta꞉ halieke.

Dia꞉mesi 3:15

Dupiki hone wita꞉la꞉ ekita꞉ hepeni naneeki dia꞉me. Kenkena꞉ ula꞉ ekima꞉ kenke lokena꞉eki make hoke temokona꞉eki make kotoeki tepoma꞉ pita꞉la꞉me.

Dia꞉mesi 3:17

Kutu pita꞉la꞉pateta꞉ oli ya nanema꞉ ipula꞉ hone epekeeki dupae. Titina꞉ amba꞉la kipabaake hone wita꞉la꞉ekie. Kutupa make puki lopa꞉niao pila꞉eki make yopu hala꞉eki make homu pea hala꞉eki make a꞉ta꞉ma꞉ wopu homolo hata꞉ epeke haumanu pita꞉la꞉eki make paeyao ya nanema꞉ ipula꞉pateta꞉ honditi pita꞉la꞉eki make yayapiki hau pita꞉la꞉eki make apa꞉tao na ipula꞉me.

1 Dioni 5:20

Nika꞉ hone uluma꞉ ekita꞉ mo Koda꞉na꞉ Eiyeketa꞉ niki hone lenkipa wita꞉la꞉eki kulu a꞉pa꞉la꞉me. Pa ekipeke nikana꞉ma꞉ mo ota꞉ Koda꞉ hone ulu poloma꞉ tupa꞉ pa꞉la꞉me. Ipiki ame̱le̱ hone homeke witolo hata꞉ pa ipika꞉ Eiyeke Yesu Ketiso kone hone homeke wia haloma꞉me. Ipikita꞉ mo ota꞉ Koda꞉e. Kutupa ipikita꞉ deto hala꞉ ekina꞉ tekee.