2 Timodi 2:3 - Panake Pi La: Ula: Buka pita: Kine Pieke Buka

³ Ketiso Yesuna꞉ epeke a꞉nda꞉ peaasa꞉ hali hata꞉ mo ipika꞉ wanda꞉halina꞉ ka꞉nda꞉ma꞉ homa꞉la꞉ ekina꞉ ka꞉nda꞉ mandaneeki nakana꞉ma꞉ mea꞉peke.

2 Timodi 2:3 ပူးပေါင်းရင်းမြစ်များ

Aposolo 23:31

Koto ekina꞉ mo ami haliwekima꞉ koto ika꞉ you halina꞉ mana꞉ pi opuata꞉ Polo meaata꞉ timba kone mo A꞉ndipatisi da pa꞉ta꞉ hatuku pemekeme.

1 Kotindi 13:7

Pukima꞉ homa꞉la꞉ hau pu hala꞉ somema꞉ta꞉ soka꞉la꞉ma꞉ na homilieke. Dia꞉me. Ipika꞉ hone tulao hao haasa꞉eki make hone ti lao haasa꞉eki make kutupa ipika꞉ kima꞉ na homeke Koda꞉ pa꞉ta꞉ yu wia haasa꞉eki make kutupiki haumanu pea꞉tiki pu haluekema꞉ta꞉ ana꞉na꞉ honkopu hao halieke.

1 Kotindi 9:7

Hali epima꞉ mo ami hali hata꞉ ipika꞉ manima꞉ kone ipika꞉ ne dau hamba꞉peke ya꞉la꞉pe. Dia꞉me. Kutupa mo e teke halima꞉ ipika꞉ noka꞉pa꞉la꞉ ne kone napeke na ya꞉la꞉pe. Kutupa make mo sipisipi ma꞉na꞉manu handeteke hala꞉ hali epima꞉ ipika꞉ ma꞉na꞉ andu yupa napeke na ya꞉la꞉pe.

2 Kotindi 1:6

Tanda noma꞉ka꞉na꞉ta꞉ kota꞉ kotota꞉ ika꞉ tamba꞉ mina꞉la꞉eki make pa꞉ta꞉la꞉la꞉eki make minoloma꞉me. Nikita꞉ tamba꞉ mia꞉ka꞉na꞉ta꞉ kota꞉ iki make tamba꞉ mina꞉la꞉me. Do hau manuma꞉ta꞉ mo nikana꞉ma꞉ minoloma꞉ homeke haupiki tandamanu ikana꞉ma꞉ make minelemeeki pa꞉ta꞉ta꞉ mo homu pea hata꞉ kima꞉ na homa꞉la꞉eki anekema꞉ daena꞉ lelimikie.

1 Timodi 1:18

Ya weki Timodio. I̱ma꞉ amba꞉ neke hone witolo hata꞉ la꞉ wia꞉ pita꞉ koto la꞉ wia꞉ tupa꞉ kone ame nakana꞉ma꞉ pea꞉peke alome. Koto la꞉ wia꞉ pi manuta꞉ naka꞉ a꞉nda꞉ pita꞉la꞉ ale leke miniki hata꞉ a꞉nda꞉ epeke tupa꞉ pea꞉peke.

2 Timodi 1:1

Polo I̱ta꞉ mo Ketiso Yesuna꞉ aposolo hali halome. Koda꞉ma꞉ la꞉ wieke deto hala꞉eki Ketiso Yesu pa꞉ta꞉ yama꞉ nikana꞉ma꞉ moloma꞉ ekina꞉ pi walono yeke Koda꞉ma꞉ I̱ ma̱leke lia tapaala꞉me.

2 Timodi 1:8

Mo nika꞉ Tekehalina꞉ pi walawasa꞉ ekina꞉ta꞉ nakana꞉ma꞉ yaala꞉ma꞉ na homa꞉peke. Kutaa make I̱ mo Ketisona꞉ e pokawa꞉ ekina꞉ dipula mea pitaalemeke pilu ekina꞉ neke yaala꞉ma꞉ na homa꞉peke. Kotoeki na pikita꞉ mo Koda꞉ma꞉ ka꞉la꞉ wele tapu hata꞉ mo Pi Seliapo wala꞉la꞉ ekina꞉ ka꞉nda꞉ta꞉ I̱ yaapo mandake mea tia hapana꞉e.

2 Timodi 2:10

I̱ma꞉ mo Koda꞉ma꞉ ma̱leke lila꞉ wanda꞉hali tamba꞉ muluekema꞉ do ka꞉nda꞉ paeyaota꞉ na kiake mea tu halome. Mo wanda꞉halita꞉ Ketiso Yesu pa꞉ta꞉ yama꞉ a꞉pa꞉la꞉ na paelo pa꞉la꞉ pa̱a̱ tiekema꞉ wina꞉ la꞉la꞉ da꞉taasa꞉eki mina꞉yeke I̱ma꞉ do ka꞉nda꞉ tu moneao halome.

2 Timodi 2:9

I̱ma꞉ do Pi Seliapo walo halo ekina꞉ ka꞉nda꞉ tieke mu halome. Kutaa make I̱ta꞉ pi yamba꞉la꞉la꞉ hoke hali leke seni puma꞉ tonkao uleke halome. I̱ta꞉ koto pa꞉leke halopate pa Koda꞉na꞉ pita꞉ kutupe seni puma꞉ na tonkao ula꞉me.

2 Timodi 3:11

Mandane haliwekima꞉ I̱ lu yombu moneao halemeke make tanda wopuna꞉ moneao haloeki make handeme. Mo hande A꞉ndioko da pa꞉ta꞉ make Aikoniomo da pa꞉ta꞉ make kutaa Lisita da pa꞉ta꞉ make do da tepo haliwekima꞉ I̱ ota꞉ hoeya꞉ hau lu yombu haena꞉ kone pa taka꞉lao haowa꞉ ekita꞉ naka꞉ hone wilime. Kutu pimipate kone mo Tekehalima꞉ do koto hau paeyaona꞉ tukiki pa꞉ta꞉ kone I̱ wopu pa꞉ta꞉la꞉ moneao haya꞉me.

2 Timodi 4:5

Kutu pina꞉ kone neke pa꞉ta꞉ ekipiki haumanu epena꞉ kone kota꞉ koto ekima꞉ neke hoeyaama꞉na꞉ naka꞉ hone lu tombua tombua pitolo hata꞉ hapeke. Ka꞉nda꞉manu epena꞉ kone da̱o̱la hata꞉ka꞉na꞉ mo Pi Seliapo wala꞉la꞉ hali hata꞉ e poko hapeke. Kutupa neketa꞉ Koda꞉na꞉ e pokaasa꞉ hali hata꞉ naka꞉ ka꞉la꞉ e poko hapeke.

Pailimono 1:2

Kutupa mo naka꞉ da pa꞉ta꞉ mombolo haleme siosi wanda꞉hali make nika꞉ ana꞉ Apia make nika꞉ ame̱le̱ Ketisona꞉ a꞉nda꞉ peawaasoma꞉ hali Akipasi make iki pa꞉ta꞉ do wape epena꞉ alopa꞉me.

Hibulu 10:32

Mo hande iki amba꞉ haeme ekimanu niminaapa꞉peke. Koto pita꞉ma꞉ta꞉ mo Koda꞉na꞉ pa̱a̱ma꞉ ika꞉ puki pa꞉ta꞉ pa̱a̱ peaya꞉ hoki naneta꞉ ka꞉nda꞉manu wopu mimipate pa koto hau manuma꞉ iki bepolaena꞉ na leke ota꞉ honkopu hao haememe.

Hibulu 11:27

Mosesima꞉ ipika꞉ hone tulao hayeke ekima꞉ta꞉ mo kini halina꞉ mineke pankekeeki pa꞉ta꞉ paala꞉ma꞉ na homeke Idiepi kenke mina꞉pa꞉layekeme. Ipikana꞉ma꞉ mo handa꞉peke na yeke Koda꞉ handeke nono pea pa hone ma꞉nda꞉ na wiki da̱o̱la hayekeme.

Hibulu 6:15

Eipoloha꞉ma꞉ mo pi la꞉ wieke ale muluekema꞉ yu wia hayeke handaata꞉ koto pi la꞉ wieke ekita꞉ ota꞉ miekeme.

Dia꞉mesi 1:12

Hali epima꞉ mo la handa꞉la꞉ ekimanu epena꞉ kone da̱o̱la haya꞉ka꞉na꞉ta꞉ ta꞉na꞉ma꞉ homilieke. Do ekina꞉yeke loa꞉me. Mo halima꞉ta꞉ mo la handa꞉la꞉ ekimanu paeyao bepolaeya꞉ka꞉na꞉ta꞉ Koda꞉ma꞉ ipiki pa꞉ta꞉ yenki halolo hata꞉ta꞉ deto hala꞉eki kone halieke. Koto yenkita꞉ Koda꞉ma꞉ amba꞉ pi la꞉ witolo hata꞉ I̱ pa꞉ta꞉ pukima꞉ homa꞉la꞉ wanda꞉hali pa꞉ta꞉ deto hala꞉eki halueke laa pi la꞉ ula꞉me.