2 Timodi 2:10 - Panake Pi La: Ula: Buka pita: Kine Pieke Buka

¹⁰ I̱ma꞉ mo Koda꞉ma꞉ ma̱leke lila꞉ wanda꞉hali tamba꞉ muluekema꞉ do ka꞉nda꞉ paeyaota꞉ na kiake mea tu halome. Mo wanda꞉halita꞉ Ketiso Yesu pa꞉ta꞉ yama꞉ a꞉pa꞉la꞉ na paelo pa꞉la꞉ pa̱a̱ tiekema꞉ wina꞉ la꞉la꞉ da꞉taasa꞉eki mina꞉yeke I̱ma꞉ do ka꞉nda꞉ tu moneao halome.

2 Timodi 2:10 ပူးပေါင်းရင်းမြစ်များ

Ma꞉tiu 24:22

Koto natena꞉ wanda꞉hali paeyao homolo poloma꞉pate Koda꞉ma꞉ koto nate mandane ekimanu tunkulina꞉ la꞉la꞉me. Pa ekipeke ipika꞉ talopu ma꞉la꞉ wanda꞉hali pa꞉ta꞉ hone wiaata꞉ koto natemanu tunkulina꞉ la꞉la꞉me.

Ma꞉tiu 24:24

Yayapiki Ketisomanu make yayapiki pi la꞉ mea halo hala꞉ haliweki make a꞉pa mo hande Koda꞉na꞉ ma̱leke lila꞉ wanda꞉hali pa nane hatuku mea puluekema꞉ yeke iki makeaapeke ya꞉la꞉o laa makea handuluekema꞉ na handeke hau tieke tiekemanu make wele pita꞉la꞉ ekimanu make walimikie.

Ma꞉tiu 24:31

Kutu pilia꞉ dina꞉ta꞉ bu kanake tieke homekema꞉ e̱ tieke alo haena꞉ta꞉ ipikana꞉ma꞉ oli nate pamba꞉la꞉ opa꞉la꞉ yaapo nane make olina꞉ onina꞉ yaapo paeyaona꞉ haleme ipika꞉ ma̱leke lila꞉ wanda꞉hali momba꞉lawaena꞉ ipika꞉ enisolo tonu tapaa tapaa pilieke.

Luku 18:7

Kota꞉ Koda꞉na꞉ wanda꞉halima꞉ iki tamba꞉ mina꞉ alo timba natena꞉ wi alo honke la꞉tiki pu haleme wanda꞉halina꞉ pota꞉ta꞉ Koda꞉ma꞉ tikitiki na yaalia꞉pe. Tamba꞉ muluekema꞉ kese kese pilia꞉pe. Dia꞉me.

Luku 22:57

Koto leekepate Pidama꞉ Dia꞉me laa honi mea baaso alota꞉ Wanda꞉o. Ipikita꞉ I̱ na handolome leekeme.

Dioni 11:52

Kutupa make mo Diu wanda꞉hali pa꞉ta꞉ homeke na homeke mo Koda꞉na꞉ weki wandikita꞉ pa hata꞉ pepi pea haena꞉ kone paeyao handa꞉ mea homeke tapake kone apa꞉tao haena꞉yeke Yesu homolo pa꞉la꞉eki la halolo hata꞉ leekeme.

Dioni 17:24

Apa꞉o. Do haliwekita꞉ nakana꞉ma꞉ I̱ pa꞉ta꞉ keleme. Koto pele ekina꞉ I̱ halo alena꞉ iki make koto pa꞉ta꞉ haena꞉ yaka pa̱a̱ piki biki tieke moloeki handena꞉yeke I̱ma꞉ hone pa꞉la꞉me. Koto biki tieketa꞉ nakana꞉ma꞉ keleekie. Do kenke a̱i̱ na wepieke dina꞉ kone I̱ pa꞉ta꞉ pukima꞉ homele ekina꞉ keleme.

Dioni 17:9

Do haliweki pa꞉ta꞉ hone witolo hata꞉ yeni pitolome. Kenke wanda꞉hali pa꞉ta꞉ hone witolo hata꞉ yeni na piki nakana꞉ma꞉ I̱ pa꞉ta꞉ ki haliwekita꞉ naka꞉eki kone koto haliweki pa꞉ta꞉ hone witolo hata꞉ yeni pitolome.

Loma꞉ 2:7

Mandane wanda꞉halima꞉ta꞉ epeke haumanu pu hatiki peaata꞉ ika꞉ biki epeke wina꞉ lolo pa꞉la꞉eki make Koda꞉ma꞉ ika꞉ pi lawalo pa꞉la꞉eki make homa꞉peke na yeke da꞉ta hao halo pa꞉la꞉eki make weiyu halememe. Kutu piki wanda꞉hali pa꞉ta꞉ Koda꞉ma꞉ da꞉ta hao halo pa꞉la꞉eki halieke.

Loma꞉ 9:23

Kutupa make ipika꞉ pa̱a̱ pa꞉la꞉eki tieke pu hala꞉eki waluekema꞉ hone piekeme. Koto ekita꞉ ipikana꞉ma꞉ a꞉ta꞉ma꞉ homa꞉la꞉ wanda꞉hali niki pa꞉ta꞉ teli teli peaala꞉me. Koto hande teli teli peaala꞉ pa̱a̱ pa꞉la꞉eki tieke pu hala꞉ ekita꞉ miomonoyeke niki amba꞉la tikitiki yao hamono la꞉la꞉me.

1 Kotindi 1:21

Koda꞉ma꞉ ipika꞉ hone wotu wita꞉la꞉ ekima꞉ta꞉ do kenkena꞉ hone wotu witeleme wanda꞉halima꞉ ipiki handaapa꞉na꞉ yeke sa꞉sa꞉ piekeme. Kutupa mo wanda꞉halima꞉ do nikana꞉ma꞉ walo haloma꞉ pi pa꞉ta꞉ Pa ekie alemepate pa mo opiteleme wanda꞉halita꞉ Koda꞉ma꞉ mea da꞉taasa꞉me.

1 Kotindi 9:22

Mandane detepiki hone tulaaseme wanda꞉hali ame̱le̱ hata꞉ I̱ma꞉ta꞉ iki muluekema꞉ pa detepiki hali leke halome. Koto ekina꞉ wanda꞉hali paeyao pa꞉ta꞉ hau paeyaoma꞉ iki muluekema꞉ iki haleme tupa꞉ kone I̱ make hatiki pu halome.

2 Kotindi 1:6

Tanda noma꞉ka꞉na꞉ta꞉ kota꞉ kotota꞉ ika꞉ tamba꞉ mina꞉la꞉eki make pa꞉ta꞉la꞉la꞉eki make minoloma꞉me. Nikita꞉ tamba꞉ mia꞉ka꞉na꞉ta꞉ kota꞉ iki make tamba꞉ mina꞉la꞉me. Do hau manuma꞉ta꞉ mo nikana꞉ma꞉ minoloma꞉ homeke haupiki tandamanu ikana꞉ma꞉ make minelemeeki pa꞉ta꞉ta꞉ mo homu pea hata꞉ kima꞉ na homa꞉la꞉eki anekema꞉ daena꞉ lelimikie.

2 Kotindi 12:15

Koto ekina꞉ yaka ta꞉na꞉ pa꞉la꞉ ekita꞉ iki tamba꞉ muluekema꞉ yeketa꞉ yaka wia halo ale paeyao make I̱ kone make pa baalueke laata꞉ I̱ hone wopu pa꞉la꞉me. I̱ma꞉ta꞉ iki pukima꞉ wopu homolo ekina꞉ yeke ikana꞉ma꞉ta꞉ I̱ta꞉ hosikima꞉ kone puki kilimikipe.

2 Kotindi 4:15

Doeki paeyaota꞉ ika꞉ ekina꞉ peaasa꞉me. Kutupa Koda꞉ ipika꞉ a꞉ta꞉ma꞉ homa tamba꞉ mina꞉la꞉ ekima꞉ wanda꞉hali paeyao pa꞉ta꞉ pulu hata꞉ta꞉ ikana꞉ma꞉ make Koda꞉ pata꞉ pa̱a̱ wopu mina꞉ keiyae ala꞉ yenimanu haka꞉ta꞉pao pu halimikie.

2 Kotindi 4:17

Kutupa do hosiki pa ta꞉ka꞉li minoloma꞉ ka꞉nda꞉ manuma꞉ta꞉ koto ka꞉nda꞉ ota꞉ lombeipiki pa u halopa꞉la꞉ seliapo piki pa̱a̱ mea ipilieke.

Epesese 3:13

Ika꞉ ekina꞉ I̱ma꞉ do tanda mea pilua꞉ ekita꞉ kota꞉ iki ka꞉nda꞉ma꞉ na homa꞉pa꞉peke laa I̱ma꞉ iki honke alome. Iki epeaalo pa꞉la꞉ ekina꞉ loa꞉me.

Kolosi 1:24

Koto ekina꞉ ameta꞉ I̱ta꞉ mo ikina꞉ tanda minolo ekina꞉ ta꞉na꞉ma꞉ homolome. Yaka lokema꞉ tanda minolo ekita꞉ mo hande Ketisoma꞉ ipika꞉ loke mo siosina꞉eki peaaso mieke tanda putupiliki u pelia hala꞉ ekita꞉ I̱ma꞉ paeyaaluekema꞉ tamba꞉ minolo loa꞉me.

Kolosi 1:27

Koda꞉na꞉ pulueke hone ula꞉ ekita꞉ ipika꞉ a꞉mbao ula꞉ ekita꞉ ipika꞉ wanda꞉halima꞉ hone wina꞉e hone wita꞉la꞉me. Do napeke wia seliapo piki a꞉mbao ula꞉ ekita꞉ paeyaoma꞉ hone wina꞉ ula꞉ ekina꞉ loa꞉me. Do a꞉mbao ula꞉ ekita꞉ Ketisota꞉ iki pa꞉ta꞉ hala꞉me. Koto ekina꞉ta꞉ ikita꞉ Koda꞉na꞉ pa̱a̱ pa꞉ta꞉ pua halimikie la ala꞉me.

1 Desalonaika 5:9

Koda꞉ma꞉ ipika꞉ mineke panka꞉la꞉eki niki pa꞉ta꞉ epena꞉yeke niki na talopu mea hamono lea꞉pate pa Tekehali Yesuma꞉ niki mea da꞉taowaena꞉ leekeme.

2 Desalonaika 2:14

Koda꞉ma꞉ koto tupa꞉ hamena꞉ mo Pi Seliapo waloma꞉ ekima꞉ta꞉ iki wi lea꞉me. Nika꞉ Tekehali Yesu Ketisona꞉ pa̱a̱ pita꞉la꞉eki putu piliki ikana꞉ma꞉ muemena꞉ wi lea꞉me.

2 Timodi 1:1

Polo I̱ta꞉ mo Ketiso Yesuna꞉ aposolo hali halome. Koda꞉ma꞉ la꞉ wieke deto hala꞉eki Ketiso Yesu pa꞉ta꞉ yama꞉ nikana꞉ma꞉ moloma꞉ ekina꞉ pi walono yeke Koda꞉ma꞉ I̱ ma̱leke lia tapaala꞉me.

2 Timodi 2:1

Ya weki neke pa꞉ta꞉ dupa alome. Mo Koda꞉na꞉ a꞉ta꞉ma꞉ homa꞉la꞉ ekita꞉ mo nika꞉ Ketiso Yesu ame̱le̱ ta꞉ma꞉ni pitolo hata꞉ minoloma꞉me. Koto a꞉ta꞉ma꞉ homa꞉la꞉eki nakana꞉ma꞉ minele ekina꞉ta꞉ honkopu hao hapeke.

2 Timodi 2:3

Ketiso Yesuna꞉ epeke a꞉nda꞉ peaasa꞉ hali hata꞉ mo ipika꞉ wanda꞉halina꞉ ka꞉nda꞉ma꞉ homa꞉la꞉ ekina꞉ ka꞉nda꞉ mandaneeki nakana꞉ma꞉ mea꞉peke.

Taitasi 1:1

I̱ta꞉ Poloma꞉ Koda꞉na꞉ e pokaasa꞉ hali hata꞉ make Yesu Ketisona꞉ aposolo hali hata꞉ make do wape wapitolome. I̱ta꞉ mo Koda꞉ma꞉ ma̱leke lila꞉ wanda꞉halina꞉ hone tulalemeeki daeyaena꞉ lono ipikana꞉ma꞉ I̱ mea tapaeya꞉me. Kuta make ika꞉ pi miniki haasa꞉ hauna꞉ ota꞉ pita꞉ miniki haena꞉ walonoyeke I̱ tapaeya꞉me.

1 Pida 2:10

Amba꞉ta꞉ iki Koda꞉na꞉ wanda꞉hali na haemepate ameta꞉ ipika꞉eki halememe. Amba꞉ta꞉ iki Koda꞉na꞉ a꞉ta꞉ma꞉ homa꞉la꞉ hau hone na wimipate ameta꞉ ipika꞉ a꞉ta꞉ma꞉ homa꞉la꞉ hau a꞉pa꞉leke melememe.

1 Pida 5:10

Koda꞉ma꞉ta꞉ pa a꞉ta꞉ma꞉ homa꞉la꞉ Tekehali hata꞉ iki Ketiso ame̱le̱ ta꞉ma꞉ni pea hamena꞉ ipika꞉ nate paeyao pa̱a̱ pu hala꞉eki muemena꞉yeke iki amba꞉ wi la꞉la꞉me. Kutupa iki pa꞉ta꞉ tanda peaasa꞉eki hosiki hao paeya꞉ka꞉na꞉ta꞉ Koda꞉ma꞉ kone wetepe iki epeaota꞉ ota꞉ honkopu hao da̱o̱la hamena꞉ lelieke.