2 Timodi 1:4 - Panake Pi La: Ula: Buka pita: Kine Pieke Buka

⁴ Mo naka꞉ leke pa꞉ta꞉ e̱ pankeke lopo haya꞉eki handoa꞉eki niminaaso hata꞉ neke handuluekema꞉ I̱ma꞉ ta꞉na꞉ pa꞉la꞉me. Kutu pua꞉ka꞉na꞉ta꞉ I̱ma꞉ ta꞉na꞉ tiekema꞉ homulueke.

2 Timodi 1:4 ပူးပေါင်းရင်းမြစ်များ

Dioni 16:22

Iki make koto tupa꞉e. Ikita꞉ ame ka꞉nda꞉ma꞉ homelemepate I̱ma꞉ iki paa handulueke. Kutu pua꞉ka꞉na꞉ta꞉ ika꞉ pukima꞉ ta꞉na꞉ma꞉ homilimikie. Kutupa koto ika꞉ ta꞉na꞉ma꞉ homolo peleme ekita꞉ hali ma꞉nda꞉ma꞉ yokuluekema꞉ na bepolalieke.

Dioni 16:24

Amba꞉ make ame do make yaka bikina꞉ ala꞉ta꞉ ma꞉nda꞉ a꞉nda꞉ honke na lememe. Honke lemeka꞉na꞉ta꞉ milimikie. Kutupa make ika꞉ ta꞉na꞉ma꞉ homolo peleme ekita꞉ tumbulu bao halieke.

Aposolo 20:19

I̱ma꞉ta꞉ e̱ alo hata꞉ homu peaata꞉ Tekehalina꞉ hau peaaso hano hande Diu haliwekima꞉ I̱ luekema꞉ taapolo hata꞉ ka꞉nda꞉ma꞉ homaemeeki manuta꞉ handememe lea꞉me.

Aposolo 20:31

Koto ekina꞉ ikita꞉ handeteke hao hapa꞉peke. Kutupa I̱ma꞉ta꞉ bapi tepona꞉ u pelia꞉la꞉eki yolao da ka꞉la꞉pa꞉la꞉eki yolao iki paeyao pa꞉ta꞉ e̱ alo hata꞉ pi walo haowa꞉ ekita꞉ hone wia꞉pa꞉peke lea꞉me.

Loma꞉ 1:11

Iki handuluekema꞉ I̱ma꞉ hone wotu pa꞉la꞉me. Mo hande Holi Sipitidina꞉ epeaasa꞉eki ma꞉nda꞉ iki pa꞉ta꞉ teli teli pealuekema꞉ ika꞉ puki taka꞉lao hamina꞉yeke loa꞉me.

Pilipai 1:8

Yesuma꞉ wanda꞉hali pa꞉ta꞉ pukima꞉ homa꞉la꞉ tupa꞉ kone iki pa꞉ta꞉ I̱ma꞉ make mandake tupa꞉ pukima꞉ homolo hata꞉ iki ame̱le̱ a꞉pa haowee hone u halome. I̱ma꞉ do alo pita꞉ ota꞉ pi aloeki Koda꞉ma꞉ handa꞉la꞉me.

Pilipai 2:26

Ipikana꞉ma꞉ iki a̱i̱ handuluekema꞉ hone wotu u hala꞉me. Kutupa ipiki yeni haasa꞉me pi opelemeeki opitolo hata꞉ ipikana꞉ma꞉ puki tandama꞉ homa꞉la꞉me.

1 Desalonaika 2:17

Kametitio. Nikana꞉ma꞉ iki ame̱le̱ hosiki ma꞉nda꞉ a꞉nda꞉ na haoma꞉pate iki pa꞉ta꞉ nika꞉ hone pu haya꞉me. Nikana꞉ma꞉ iki ame̱le̱ haluekema꞉ hone wopu witolo hata꞉ a꞉pa꞉peke pota꞉ wopu weima꞉me.

2 Timodi 4:21

Mo kosa꞉ ki a̱i̱ na epeke haena꞉ kone I̱ pa꞉ta꞉ a̱i̱ ipuluekema꞉ taapo hapeke. Yubulisi Pudenisi Linusi Kolodia make mo mandane Ketiso tapake paeyaoma꞉ ika꞉ a꞉talo pi neke pa꞉ta꞉ tapaasememe.

2 Timodi 4:9

Nakana꞉ma꞉ koto kone I̱ pa꞉ta꞉ a̱i̱ ipuluekema꞉ taapo hapeke.

1 Dioni 1:4

Nikana꞉ma꞉ doeki laasoma꞉ ekita꞉ mo nika꞉ ta꞉na꞉ pa꞉la꞉eki ota꞉ anekema꞉ tumbulu baena꞉yeke pitoloma꞉me.

Peneme Yaeyekeeki 21:4

Ipikana꞉ma꞉ta꞉ ika꞉ e̱ pankekemanu honialieke. Koto pa꞉ta꞉ta꞉ homa꞉la꞉eki pa na handilimikie. Kutupa puki tanda pitolo a꞉ta꞉ma꞉ homa꞉la꞉eki make e̱ ala꞉eki make tanda mina꞉la꞉eki make ota꞉ dia꞉ya꞉lieke. Mo amba꞉ haumanu paeyaota꞉ alu paeya꞉me laa lea꞉me.

Peneme Yaeyekeeki 7:17

Pa ekipeke mo kini sea tukikina꞉ hala꞉ Sipisipi Ma꞉na꞉ Ikikita꞉ ika꞉ handeteke hala꞉ hali halieke. Kutupa ikita꞉ mo da꞉ta꞉la꞉eki kita꞉la꞉ tunkulu pa pitumu pitumu pa꞉la꞉ ikalimanu pa꞉ta꞉ hatuku pelieke. Kutupa Koda꞉ma꞉ ika꞉ leke pa꞉ta꞉ e̱ pankekemanu paeyao honu baalieke.