2 Pida 2:5 - Panake Pi La: Ula: Buka pita: Kine Pieke Buka

⁵ Koda꞉ma꞉ta꞉ mo hande amba꞉ kenkena꞉ hoke yenkita꞉ na mina꞉pa꞉lae yekepate ipiki hoki walemeke wanda꞉halita꞉ ikali tala꞉ ekima꞉ mina꞉ leekeme. Ipikana꞉ma꞉ tamba꞉ mieke wanda꞉halita꞉ mo ota꞉ ekina꞉ pi walo hayeke hali Noa pita꞉ mandane watake hata꞉ wanda꞉hali pea tamba꞉ miekeme.

2 Pida 2:5 ပူးပေါင်းရင်းမြစ်များ

Kini Pieke 6:17

Pa ekipeke I̱ma꞉ta꞉ do kenkena꞉ haleme pa pitiki ale paeyao siki hoeyaaluekema꞉ yeke ikali tieke a꞉meina꞉ tapaaluekema꞉ loa꞉me. Kutupa do kenkena꞉ haleme aleta꞉ ota꞉ paeyao homilimikie.

Kini Pieke 6:9

Dota꞉ Noa tapakena꞉ pie. Ipikita꞉ weki tepo mondu wiekeme. Seme make Ha꞉me make Dieipedi make yekeme. Noa hayeke natena꞉ ipikita꞉ pu ata꞉ka꞉ peaya꞉eki ma꞉nda꞉ dia꞉yalo hata꞉ ipiki homeke homeke epeke some hayekeme. Ipikita꞉ Koda꞉ yaapo ta꞉ma꞉ni pea hayekeme.

Hibulu 11:7

Koda꞉ma꞉ wetepe epolo pieke hau manuta꞉ Noa pa꞉ta꞉ kinki piekeme. Koto hau manuta꞉ Noama꞉ handa꞉peke na yekepate kone ipika꞉ hone tulaaso hata꞉ Koda꞉na꞉ pi opiekeme. Koto leeke Koda꞉na꞉ kakena꞉ homolo mo wepie leeke kawaso tieke wepiekeme. Koto kawasoma꞉ta꞉ ipiki make ipika꞉ wekiwanda꞉ make peteleekeme. Noama꞉ mo hande Koda꞉ma꞉ leeke pi telia pieke handaa Koda꞉ma꞉ mo hone tulaasemeke hala꞉la꞉ tikitiki piki hauta꞉ Noa pa꞉ta꞉ haleekepate paa pa haemeke mandane wanda꞉hali paeyaota꞉ ota꞉ hoeyaeyekeme.

2 Pida 3:6

Kutupa make mo hande ikali tea꞉ ekima꞉ta꞉ hande amba꞉ kenke hoeyaeyekeme.