2 Pida 2:1 - Panake Pi La: Ula: Buka pita: Kine Pieke Buka

¹ Makeaaso potopede haliwekita꞉ amba꞉ hande haemeke wanda꞉hali tukiki pa꞉ta꞉ opa꞉liaemeke tupa꞉ kone yayapiki pi wala꞉la꞉ haliwekita꞉ iki tukiki pa꞉ta꞉ make opa꞉lialieke. Koto haliwekima꞉ta꞉ iki hoeyaapeke yayapiki mana꞉ pimanu mea a꞉pa make mo hande iki ka꞉la꞉pa꞉ tapaala꞉ Tekehali hoki walolo hata꞉ ika꞉ kone iki hoeyaasa꞉ haumanu mea ipilimikie.

2 Pida 2:1 ပူးပေါင်းရင်းမြစ်များ

Ma꞉tiu 10:33

Pate ma꞉nda꞉hali epima꞉ wanda꞉halina꞉ leke poto poto hata꞉ yaka biki na leke I̱ hoki wala haya꞉ka꞉na꞉ta꞉ kota꞉ I̱ma꞉ make mo ya hepeni hala꞉ Apa꞉na꞉ leke poto poto hata꞉ ipiki pa꞉ta꞉ make kutu pulueke.

Ma꞉tiu 24:11

Koto mandake dina꞉ koneta꞉ yayapiki pi walaasa꞉ potopede haliweki wopu tiaaso hata꞉ wanda꞉hali wopu makealieke.

Ma꞉tiu 24:24

Yayapiki Ketisomanu make yayapiki pi la꞉ mea halo hala꞉ haliweki make a꞉pa mo hande Koda꞉na꞉ ma̱leke lila꞉ wanda꞉hali pa nane hatuku mea puluekema꞉ yeke iki makeaapeke ya꞉la꞉o laa makea handuluekema꞉ na handeke hau tieke tiekemanu make wele pita꞉la꞉ ekimanu make walimikie.

Ma꞉tiu 24:5

Hali wopuma꞉ ya biki la꞉ paleke ipulu alota꞉ I̱ta꞉ ota꞉ Ketisoe lelimikie. Koto lelimi ekima꞉ta꞉ wanda꞉hali wopu makealimikie alome.

Ma꞉tiu 7:15

Mo yayapiki potopede haliwekima꞉ iki makeaama꞉na꞉ leke leke lo hapa꞉peke. Ikana꞉ma꞉ iki makealuekema꞉ta꞉ ika꞉ lokena꞉ manda hau manuma꞉ta꞉ sipisipi nono pilimipate ika꞉ puki tukiki naneta꞉ hali lu no hala꞉ tikene kikamanu leke kone halememe.

Maka 13:22

Yayapiki Ketiso haliweki make yayapiki potopede haliweki make a꞉paata꞉ iki penkilipulu peleme alemanu make wele pita꞉la꞉ ekimanu make walaata꞉ mo hande Koda꞉na꞉ talopu ma꞉la꞉ wanda꞉hali kone kutu pea꞉peke ya꞉ka꞉na꞉ta꞉ hatuku pu hoeyaaluekema꞉ walimikie.

Luku 12:9

Pate ma꞉nda꞉ hali epima꞉ wanda꞉halina꞉ leke pototona꞉ hata꞉ yaka biki na leke kiaeya꞉ka꞉na꞉ta꞉ kota꞉ mo Wanda꞉halina꞉ Eiyekema꞉ta꞉ Koda꞉na꞉ enisolo manuna꞉ leke pototona꞉ hata꞉ ipika꞉ biki make na leke kiaalieke.

Luku 21:8

Yesuma꞉ alota꞉ Ma꞉nda꞉ma꞉ iki makeaama꞉na꞉ wotu handeteke hapa꞉peke. Hali wopuma꞉ ya biki la꞉paleke ipulu alota꞉ I̱ta꞉ ipikie alo hata꞉ hande nate a꞉pa꞉la꞉mee lolo pelemepate ikana꞉ma꞉ iki na ta꞉lia꞉pa꞉peke.

Luku 6:26

A꞉pei. Wanda꞉hali paeyaoma꞉ ika꞉ hauna꞉ pi laemeka꞉na꞉ta꞉ ka꞉nda꞉ tieke ipula꞉me. Ekipeke amba꞉ kiake koto wanda꞉halina꞉ apa꞉meima꞉ mo makeaaso potopede haliweki tonu pa꞉ta꞉ lo haemeke tupa꞉ kone alo alememe leekeme.

Loma꞉ 16:18

Kutupiki haumanu pu haleme wanda꞉halima꞉ta꞉ Tekehali Yesu Ketisona꞉ e na pokaake ika꞉ loke manuna꞉ na꞉na꞉ pa꞉la꞉ ekimanu homeke hone u halememe. Ikana꞉ma꞉ mo tendepiki nonopiki pa imeke piki pimanu aleme ekima꞉ mo hokeeki wopu na handeleme wanda꞉hali makeao halememe.

1 Kotindi 11:19

Kutupa make mo mandane tekilipa ta꞉ta꞉ ta꞉ta꞉ pea halemeeki manuta꞉ ota꞉ hau piteleme wanda꞉hali peneme yaluekema꞉ pea꞉peke ya꞉la꞉ haue laa loa꞉me.

1 Kotindi 6:20

Ipika꞉eki kone hamina꞉yeke ipikana꞉ma꞉ ikita꞉ yenki tiekema꞉ amba꞉ hamba꞉la꞉me. Koto pa꞉la꞉ ekina꞉ ika꞉ loke manuma꞉ Koda꞉na꞉ biki mea a꞉meiyaena꞉ alo hata꞉ handeteke hapa꞉peke.

1 Kotindi 7:23

Koda꞉ma꞉ yenki tiekema꞉ iki hamba꞉la꞉me. Koto ekina꞉ mo haliwekina꞉ pa hameke e pokaaseme haliweki na hapa꞉peke.

Ka꞉leisia 2:4

Koto Taitasi sekemesaisi hau pina꞉e lemeke tapaketa꞉ yayapiki pi mimiki haliweki hata꞉ nika꞉ mombololoma꞉eki handoma꞉ tiaaluekema꞉ a꞉mbao epemekeme. Nikana꞉ma꞉ Yesu Ketiso ame̱le̱ hata꞉ mo Diu wanda꞉halina꞉ nindi peaasa꞉ pi wimiki ekimanu nindi na piki ka꞉la꞉pa꞉ tapaleke haloma꞉eki handuluekema꞉ kutu pimikime. Ikana꞉ma꞉ niki mo koto pi ula꞉ ekimanu paa nindi wopu peomono loluekema꞉yeke hone pimikime.

Ka꞉leisia 3:13

Hali epima꞉ ti manda endiaeya꞉ka꞉na꞉ta꞉ kota꞉ koto halita꞉ Koda꞉na꞉ esihou pi la꞉la꞉eki oto pa꞉ta꞉ hala꞉me mo Baibolona꞉ wape pea ula꞉ tupa꞉ Ketisoma꞉ mo pi ula꞉ ekina꞉ esihou pi niki pa꞉ta꞉ a꞉paama꞉na꞉yeke ipikana꞉ma꞉ nika꞉ anketeke mieke handaata꞉ mo esihou pita꞉ ipiki pa꞉ta꞉ yapeekeme.

Ka꞉leisia 4:17

Mo hande iki pa꞉ta꞉ homu pea hake nono peleme haliwekima꞉ta꞉ iki pa꞉ta꞉ hone wopu u halemepate ika꞉ wetepe pulueke hone u haleme ekita꞉ ota꞉ epekeeki dia꞉me. Ika꞉ hone pa꞉la꞉ ekita꞉ I̱ iki ame̱le̱ haloeki tekili peaaluekema꞉ taapelememe. Kota꞉ mo ikana꞉ma꞉ I̱ pa꞉ta꞉ hone witemeeki pao iki pa꞉ta꞉ homeke hone uemena꞉yeke pitememe.

Ka꞉leisia 5:20

o toopi ti wepia ula꞉ ale pa꞉ta꞉ yeni pita꞉la꞉ hau o peteke peteke hau o a꞉nda꞉ tunkula꞉la꞉ hau o mineke panka꞉la꞉ hau o ma꞉nda꞉ tombualuekema꞉ hoke hone wita꞉la꞉eki make o ma꞉nda꞉na꞉ ale pa꞉ta꞉ we pamba꞉la꞉eki make o ti teke yoka꞉la꞉ hau o ape ape lo tapake tekili pita꞉la꞉ hau

Epesese 1:7

Ketiso homeeke ekima꞉ nikita꞉ ka꞉la꞉pa꞉ tapao hamono laata꞉ nika꞉ hoke hau poloma꞉ ekimanu ipika꞉ wema꞉ pa paeyaala꞉me. Koda꞉ ipika꞉ pa hameke a꞉ta꞉ma꞉ homa꞉la꞉ ekita꞉ ota꞉ wopue.

Epesese 4:14

Koto tupa꞉ haoma꞉ka꞉na꞉ta꞉ nikita꞉ weki wandikisunu leke na halumeke. Hande poma꞉ dawala mea pominolo pita꞉la꞉ tupa꞉ mandane yayapiki pi aleme haliwekima꞉ ika꞉ ta꞉ta꞉ piki pi make ika꞉ hone wia makeaaseme ekimanu make wanda꞉hali walolo hata꞉ hao hoeyaena꞉ alememe.

Pilipai 3:19

Koto wanda꞉halima꞉ta꞉ ika꞉ lokena꞉ hone pa꞉la꞉ ekimanu teliolo hata꞉ panda꞉ puniao haleme ekina꞉ ikita꞉ ti to hala꞉ pa꞉ta꞉ pua hao halimikie. Mo ika꞉ yaaloma꞉ homa꞉pa꞉peke ya꞉la꞉ hau pu halemeeki pa꞉ta꞉ hakoko lu halememe. Kutupa ikana꞉ma꞉ pa do kenkena꞉ hau pu haleme wanda꞉halina꞉ hau leke pu halememe.

Kolosi 2:18

Ma꞉nda꞉ma꞉ ipiki ta꞉ta꞉ piki upamanu pa꞉la꞉ ekima꞉ ipikita꞉ ota꞉ handa ulu somee ala꞉ ekima꞉ iki bepolaena꞉ waleke na hala꞉pa꞉peke. Mo makeaaso homupiki hau pitolo hata꞉ enisolomanu pa꞉ta꞉ yeni pu hapa꞉peke lo hala꞉ somena꞉ loa꞉me. Dupiki someta꞉ teke na wiki ekina꞉ ipika꞉ kenke hauna꞉ hone ula꞉ ekima꞉ pa hameke pombei yaala꞉me.

Kolosi 2:8

Wopu handa꞉pa꞉peke. Ma꞉nda꞉ma꞉ do kenke halina꞉ napeke na wiki makeaasa꞉ hone lenkena꞉ pea wita꞉la꞉ hau manuma꞉ iki na handeteke haena꞉ lapa꞉peke. Do hau manuta꞉ Ketiso pa꞉ta꞉ yama꞉ na a꞉pa꞉la꞉pate pa mo apa꞉meina꞉ loma꞉loma꞉ pa꞉la꞉ pimanu make do kenkena꞉ teke na wiki mana꞉ pimanu pa꞉ta꞉ yama꞉ a꞉pa꞉la꞉me.

1 Timodi 5:8

Kutu pilipipate ma꞉nda꞉ hali epima꞉ ipika꞉ tapakemanu o ota꞉ ipika꞉ wekiwanda꞉ epeke tupa꞉ na handeteke haya꞉ka꞉na꞉ta꞉ kota꞉ koto someta꞉ mo Ketiso hau kiaaso toopi mea baasa꞉me. Kutu piki somena꞉ hoke hauma꞉ta꞉ mo pi na miki wanda꞉halina꞉ hoke hau lombei pea ota꞉ hoela꞉me.

2 Timodi 4:3

Wanda꞉halima꞉ mo epeke mana꞉ pi wopu na opulu pa꞉la꞉ nate make ipilieke. Kutaa make wanda꞉halima꞉ ika꞉ hone pa꞉la꞉ ekimanu pitolo hata꞉ ika꞉ opulueke hone peleme pimanu la hala꞉peke yolo pa꞉la꞉ haliwekima꞉ iki handeteke haena꞉ handa꞉ mea꞉tiki pilimikie.

Taitasi 1:11

Kutupiki yala꞉ mea꞉peke haumanu piteleme hauta꞉ pa yanaaso hata꞉ wanda꞉halina꞉ manimanu muluekema꞉ pitelememe. Mo wala꞉peke na yeke pimanu walemeke ekima꞉ta꞉ mandane haliwekina꞉ hone make ika꞉ wekiwanda꞉na꞉ hone make u hoeyaena꞉ lo halememe. Kutu paama꞉na꞉ ika꞉ lo haleme pimanu sa꞉sa꞉ pea꞉peke.

Taitasi 3:10

Mo Ketiso tapake tekili paaluekema꞉ taapa꞉la꞉ somema꞉ hoto homeke o yaapo tekili peaapeke lea꞉ka꞉na꞉ta꞉ hoto yaapo sa꞉sa꞉ pilipipate pi na opiki pa tepo peao paa pia꞉ka꞉na꞉ta꞉ kota꞉ koto someta꞉ nika꞉ tapake some dia꞉me laa hoki wala꞉peke.

Hibulu 10:29

Kutu piekeeki hone witolo hata꞉ nikana꞉ma꞉ mo hali homeke ma꞉nda꞉ma꞉ mo a꞉ta꞉ma꞉ homa tamba꞉ mina꞉la꞉ Sipitidi laasa꞉ pi alo make mo ipika꞉ hoke hau paeyaeyeke pi la꞉ ula꞉ weta꞉ pa ekie hone witolo hata꞉ make mo Koda꞉na꞉ Eiyeke hoki walaa paa pa alema꞉ handa ya꞉ka꞉na꞉ta꞉ kota꞉ koto hali pa꞉ta꞉ta꞉ eki hau opolo ipiliekee hone witemepe. Kutu pilie someta꞉ kota꞉ mo lita꞉la꞉eki ota꞉ lombei piki hoke yenki milieke hone wia꞉pa꞉peke.

1 Pida 1:8

Ipikita꞉ lekema꞉ na handemepate kone ipiki pa꞉ta꞉ ikana꞉ma꞉ pukima꞉ homelememe. Ameta꞉ ipiki lekema꞉ na handelemepate kone ikana꞉ma꞉ ipiki pa꞉ta꞉ hone tulao halememe. Ika꞉ temokona꞉ pa꞉ta꞉ la꞉la꞉ ekina꞉ muluekema꞉ hone tulaememe. Kutupa ameta꞉ minelemeke handa ikana꞉ma꞉ ta꞉na꞉ma꞉ homa꞉la꞉eki paeyao lombei pu pa pua ota꞉ pima꞉ make lapeke na yeke ta꞉na꞉ homo halememe.

2 Pida 2:3

Do yayapiki pi wala꞉la꞉ haliwekima꞉ta꞉ pasa꞉tei pitolo hata꞉ ika꞉ alemanu muluekema꞉ makeaaso la꞉la꞉ tamenimanu la kilieke. Ameta꞉ amba꞉ kiake kone iki pi yokaalu pulu pa꞉la꞉ halita꞉ tikitiki yao hata꞉ iki hoeyaalo pa꞉la꞉ halita꞉ u̱ na pa꞉ela꞉me.

1 Dioni 2:26

I̱ma꞉ta꞉ do laaso ekita꞉ mo iki makealuekema꞉ taapeleme wanda꞉halina꞉eki iki pa꞉ta꞉ do laaso handa꞉e.

1 Dioni 4:1

Yaka pukipiki ta꞉ma꞉ni sunuo. Mo Koda꞉na꞉ Sipitidi moloma꞉me aleme wanda꞉hali paeyao pa꞉ta꞉ hone na tulaake pa ika꞉ ekita꞉ Koda꞉ pa꞉ta꞉ yama꞉ a꞉pa꞉la꞉pe laa amba꞉la handaa handa꞉pa꞉peke. Pa ekipeke mo makeaaso potopede hali paeyaota꞉ mo kenke honiki paeyao pa꞉ta꞉ pelemeke loa꞉me.

Diudi 1:18

Ikana꞉ma꞉ iki pa꞉ta꞉ alota꞉ Hande paetolo natemanu epea꞉ka꞉na꞉ta꞉ iki ki taataa pea ika꞉ Koda꞉ kiaaseme hone pa꞉la꞉ haumanu tolu haleme wanda꞉hali opolo ipilimikie laa lemekeme.

Diudi 1:4

Pa ekipeke mo mandane Koda꞉ hoki waleleme wanda꞉halita꞉ niki honditi pea niki tukiki pa꞉ta꞉ a꞉mbao honda꞉ pambelememe. Ika꞉ hoke haumanu piteleme pota꞉ manuna꞉ waleke wiaaso mo nika꞉ Koda꞉na꞉ a꞉ta꞉ma꞉ homolo tamba꞉ mina꞉la꞉ pi ale hoeyaaluekema꞉ make Tekehali Yesu Ketiso nika꞉ you hali homeke kiaaseme wanda꞉halie. Ikita꞉ hoke hau pelememe laa ma̱leke lia wieke ekita꞉ mo Baibolo pi manuma꞉ amba꞉ kiake la꞉ wiekeme.

Peneme Yaeyekeeki 13:14

Kutupa ipikana꞉ma꞉ mo titina꞉ sayalena꞉ hau peaaso hata꞉ ipika꞉ leke popelekena꞉ hata꞉ mokoto na handeke haumanu pia꞉eki manuma꞉ta꞉ do kenke wanda꞉hali paeyao makeaaso hata꞉ yola꞉ mea pea꞉me. Ipikana꞉ma꞉ wanda꞉halima꞉ mo hande bainasima꞉ hoeyaeya꞉pate pa tiao hala꞉ titina꞉ sayale yeiya꞉ laaluekema꞉ koto ekima꞉ handekeeki ma꞉nda꞉ wepia꞉pe lea꞉me.

Peneme Yaeyekeeki 2:13

Ika꞉ haleme pa꞉ta꞉ta꞉ I̱ma꞉ hone ulume. Mo Sadanima꞉ ipika꞉ kilu tombuao hala꞉eki ula꞉ alena꞉e. Ikita꞉ I̱ pa꞉ta꞉ ota꞉ hau pu halememe. Kutupa mo Sadani hala꞉ alena꞉ yaka hande hone tulao hao hata꞉ e pokawao haya꞉ hali A꞉ntipa꞉si lu homaeya꞉ nate nina꞉ kone I̱ pa꞉ta꞉ hone tulao halemeeki hoki na walememe.

Peneme Yaeyekeeki 2:9

Ika꞉ ka꞉nda꞉ manuta꞉ I̱ma꞉ hone ulume. Ikita꞉ nate hali halemepate ikita꞉ ota꞉ hamoko halememe hone ulume. Diu wanda꞉hali dia꞉ya꞉la꞉pate kone ikita꞉ Diu wanda꞉halie lo haleme wanda꞉halima꞉ iki pa꞉ta꞉ hoke pimanu lo haleme ekita꞉ I̱ma꞉ hone ulume. Koto wanda꞉halita꞉ Sadanina꞉ tapakee.

Peneme Yaeyekeeki 3:8

I̱ma꞉ta꞉ ika꞉ pu haleme hau manuta꞉ hone ulume. Ikita꞉ honkopu hosikale siki halememe laa I̱ma꞉ hone ulume. Ikana꞉ma꞉ yaka waloloeki manuta꞉ opua kima꞉ na homeke I̱ pa꞉ta꞉ hone tulaalememe. Ma꞉nda꞉ma꞉ na poka꞉peke yolo pa꞉la꞉ tupa꞉ I̱ma꞉ta꞉ ika꞉ puki nanema꞉ pota꞉ lomba wialome.

Peneme Yaeyekeeki 5:9

Ikana꞉ma꞉ panake emeli homeke alota꞉ Neketa꞉ mo pi ula꞉ buka mea tonkaake ale yamba꞉lapeketa꞉ ota꞉ ana꞉ pa꞉la꞉me. Pa ekipeke neketa꞉ limikime. Kutupa nakana꞉ma꞉ naka꞉ wema꞉ mo wanda꞉halita꞉ Koda꞉na꞉ wanda꞉hali haena꞉yeke hambeleme. Ikita꞉ tapake ta꞉ta꞉ ta꞉ta꞉ make pi ta꞉ta꞉ ta꞉ta꞉ make kapomani manuma꞉ handeteke hala꞉ da ta꞉ta꞉ ta꞉ta꞉ make tutu ta꞉ta꞉ ta꞉ta꞉ paeyao pa꞉ta꞉ hambeleme.

Peneme Yaeyekeeki 6:10

Koto temoko manuma꞉ anekema꞉ e̱ wi alota꞉ Yako pea ota꞉ hau pu hale wele wopu piki Tekehalio. Mo niki limi tapake panisi pealuekema꞉ do kenke wanda꞉hali pi yokaalu pulu pele nateta꞉ handima꞉pe lememe.