2 Pida 1:1 - Panake Pi La: Ula: Buka pita: Kine Pieke Buka

¹ I̱ta꞉ Saimono Pida mo hande Yesu Ketisona꞉ e pokaasa꞉ make aposolo halima꞉ loa꞉me. Mo hande niki da꞉taasa꞉ Koda꞉ Yesu Ketisona꞉ tikitiki hau pita꞉la꞉eki pa꞉ta꞉ yama꞉ hone tulaala꞉eki hala꞉la꞉ ekita꞉ nika꞉ hande ota꞉ seliapo piki ekima꞉ handekeeki meleme wanda꞉hali pa꞉ta꞉ do tameiya꞉ tapaasome.

2 Pida 1:1 ပူးပေါင်းရင်းမြစ်များ

Ma꞉tiu 10:2

Koto 12 Aposolo haliwekina꞉ biki manuta꞉ doe. Titina꞉ta꞉ Saimono biki ma꞉nda꞉ta꞉ Pida kutupata꞉ Pida ipika꞉ hameke A꞉ndutu make Sepedina꞉ eiyeke Dia꞉mesi Dioni hama̱la̱꞉ make

Ma꞉tiu 4:18

Yesuma꞉ mo hande Ka꞉lili ikali leke houna꞉ pulu hata꞉ta꞉ ta꞉peli mu haepeke hama̱la̱꞉ yaapo Saimono biki ma꞉nda꞉ta꞉ Pida make hameke A꞉ndutu yaapoma꞉ mo hande ikali leke pa꞉ta꞉ tenki nuna꞉ ta꞉peli minolo haepekeeki handeekeme.

Luku 1:47

I̱ Mea Da꞉taasa꞉ Hali Koda꞉ma꞉ta꞉ I̱ta꞉ ipika꞉ e pokaaso wanda꞉siki pa꞉ta꞉ kone hone ula꞉ ekina꞉ yaka temokoma꞉ta꞉ ta꞉na꞉ma꞉ homa꞉la꞉me.

Luku 11:49

Doeki tekena꞉ta꞉ Koda꞉na꞉ epeke hone wotu wita꞉la꞉ ekima꞉ta꞉ do la꞉la꞉me. I̱ma꞉ta꞉ yaka potopede haliweki make pi mea pomuao haleme haliweki tapaalo polopate mandaneta꞉ lu baalimiki make mandaneta꞉ tanda tanda wopu halimikie laa la꞉la꞉me.

Dioni 1:42

Koto pi laata꞉ ipikana꞉ma꞉ Yesu pa꞉ta꞉ Saimono hatuku peekeme. Yesuma꞉ Saimono handolo alota꞉ Neketa꞉ Dionina꞉ eiyeke Saimonoe. Wetepena꞉ta꞉ naka꞉ biki Sipasi lelimikie. Koto bikita꞉ Pida kone homeke niki Toopi la kone leekeme.

Dioni 12:26

Hali epima꞉ yaka e pokaaluekema꞉ hone pia꞉ka꞉na꞉ta꞉ ipikana꞉ma꞉ ya hoki nane telia꞉ mea epena꞉e. Yaka e pokaasa꞉ halita꞉ I̱ halo alena꞉ kone diki mandakena꞉ halupekema꞉ loa꞉me. Yaka e pokaasa꞉ halita꞉ yaka Apa꞉ma꞉ koto halina꞉ biki tieke wina꞉ lelieke leekeme.

Dioni 20:21

Kutupa Yesuma꞉ iki pa꞉ta꞉ paa alota꞉ Ika꞉ puki lopa꞉niao hape laa Hande Apa꞉ma꞉ I̱ epono tapaala꞉ tupa꞉ iki make pomina꞉ koto tupa꞉ tapaasome leekeme.

Aposolo 15:14

Koda꞉ma꞉ mo Diendaili wanda꞉hali pa꞉ta꞉ mandane ekimanu ota꞉ ipika꞉ wanda꞉hali talopu mea haena꞉ la꞉la꞉ ekima꞉ iki pa꞉ta꞉ ipika꞉ epeke hone wita꞉la꞉eki niki wala꞉la꞉me. Saimonoma꞉ koto la ka꞉la꞉me.

Loma꞉ 1:1

Do wapeta꞉ I̱ Poloma꞉ pua꞉me. Yesu Ketiso ipika꞉ e pokaaso hali halome. Koda꞉ ipika꞉ Pi Seliapo walonoyeke ipikana꞉ma꞉ I̱ wi la꞉ meaata꞉ aposolo hali hano la꞉la꞉me.

Loma꞉ 1:12

Do alo ekita꞉ dupae. Yaka hone tulaalo ekima꞉ iki tamba꞉ mina꞉ make ika꞉ hone tulaaleme ekima꞉ I̱ tamba꞉ mina꞉ make niki paeyaoma꞉ tamba꞉ mu alualu pumana꞉yeke loa꞉me.

Loma꞉ 1:17

Mo hande Pi Seliapoma꞉ doeki wala꞉leke handa loa꞉me. Koda꞉ma꞉ wanda꞉hali ipiki pa꞉ta꞉ tiki tiki haena꞉ ala꞉eki wala꞉la꞉me. Mo Koda꞉ma꞉ do pita꞉la꞉ ekita꞉ wanda꞉halima꞉ hone tulao hatiki puo pu hao paeyaalo pulu make pilieke. Mo Baibolo bukana꞉ wape pea ula꞉ tupa꞉ Hali epima꞉ Koda꞉ pa꞉ta꞉ hone tulao haya꞉ka꞉na꞉ta꞉ Koda꞉ma꞉ ipiki pa꞉ta꞉ mo hali tiki tiki haena꞉ lelieke. Kutupa mo halita꞉ da꞉ta halieke.

1 Kotindi 1:30

Koda꞉ma꞉ iki mea Yesu Ketiso yaapo ta꞉ma꞉ni peala꞉me. Kutupa ipikana꞉ma꞉ Ketisota꞉ nika꞉ hone wopu wita꞉la꞉eki haena꞉ la꞉la꞉me. Kutupa make Ketisoma꞉ nikita꞉ Koda꞉ yaapo tikitiki yao hamono laata꞉ nikita꞉ yakopiki wanda꞉hali hamono la꞉la꞉me. Kutupa ipikana꞉ma꞉ make niki pa ka꞉la꞉pa꞉ tapaala꞉me.

1 Kotindi 15:9

Mo aposolo haliweki ame̱le̱ hata꞉ I̱ta꞉ ota꞉ hosiki halisiki halome. Koto biki muluekema꞉ epeke hali na haowa꞉me. I̱ma꞉ta꞉ Koda꞉na꞉ siosi wanda꞉hali pa꞉ta꞉ tanda tieke haloa꞉ ekina꞉ loa꞉me.

1 Kotindi 9:1

I̱ta꞉ ka꞉la꞉pa꞉ ta꞉pao halo hali na halope. I̱ta꞉ aposolo hali na halope. Nika꞉ Tekehali Yesu na handoa꞉pe. Ikita꞉ mo I̱ma꞉ Tekehalina꞉ e pokaaso ekina꞉ na halemepe.

2 Kotindi 4:13

Mo Baiboloma꞉ alota꞉ I̱ma꞉ pi loa꞉ ekina꞉ teketa꞉ I̱ma꞉ hone tulaowa꞉ ekina꞉ pua꞉me la꞉la꞉me. Nikana꞉ma꞉ make homeke hone tulaasa꞉ hauma꞉ dupa aloma꞉me. Mo loma꞉eki manuna꞉ teketa꞉ nika꞉ hone tulaoma꞉ ekina꞉ puma꞉me.

2 Kotindi 5:21

Ketiso pa꞉ta꞉ hoke hau ma꞉nda꞉ na wia꞉pate kone nika꞉ epeke hau peaaso hata꞉ Koda꞉ma꞉ ipikita꞉ nika꞉ hoke hau putupa꞉ mina꞉ leekeme. Pa ekipeke nikana꞉ma꞉ ipiki ame̱le̱ tunaasota꞉ mo Koda꞉na꞉ tikitiki pa꞉la꞉eki putu pomono yeke pa꞉la꞉me.

Ka꞉leisia 2:8

Pida mo hande Diu wanda꞉halina꞉ aposolo hali mea haena꞉ lea꞉ tupa꞉ kone I̱ make Koda꞉ ipika꞉ welema꞉ mo hande Diu na hake ta꞉ta꞉ piki wanda꞉halina꞉ aposolo hali hano mea haya꞉me.

Epesese 3:5

Amba꞉ hata꞉ta꞉ koto hande a꞉mbao u hayeke honeta꞉ haliwekima꞉ na opimikipate ame Koda꞉ma꞉ta꞉ ipika꞉ yakopiki aposolo haliweki pa꞉ta꞉ make potopede haliweki pa꞉ta꞉ make Sipitidima꞉ peneme yao la kina꞉ la꞉la꞉me.

Epesese 4:11

Ipikana꞉ma꞉ kone wanda꞉hali pa꞉ta꞉ hala꞉la꞉ alemanu dupa haleekeme. Mandaneeki aposolo haliweki haena꞉ laata꞉ mandaneeki hande Pi Seliapo wala꞉la꞉ haliweki haena꞉ laata꞉ mandaneeki Koda꞉na꞉ pi la꞉ mea hala꞉la꞉ haliweki haena꞉ laata꞉ mandaneeki pasida haliweki make disa haliweki make haena꞉ la꞉la꞉me.

Epesese 4:5

Tekehali homeke make hone tulaasoma꞉eki homeke make bapitaisi pita꞉la꞉eki make homekee.

Pilipai 1:1

I̱ Polo make Timodi dikana꞉ma꞉ Yesu Ketisona꞉ e pokaaso hata꞉ mo Pilipai nane haleme Koda꞉na꞉ wanda꞉hali ika꞉ siosi you haliweki pa꞉ta꞉ make ika꞉ dikoni haliweki pa꞉ta꞉ make iki Yesu Ketiso pa꞉ta꞉ haleme wanda꞉hali paeyao pa꞉ta꞉ do wape pea tapaasopa꞉me.

Pilipai 1:29

Ikana꞉ma꞉ Ketisona꞉ e pokawamena꞉ yeke Koda꞉ma꞉ iki pa꞉ta꞉ epeke waleke ka꞉la꞉me. Do e pokawaluekema꞉ pa ika꞉ hone tulaaso ombu halo peleme ekima꞉ dia꞉ ya꞉la꞉pate pa Ketiso ipika꞉ hauna꞉ ka꞉nda꞉ make meawaso ombu halimi ekima꞉ tonka꞉na꞉ ipika꞉ e pokalimikie.

Pilipai 3:9

Koto ekina꞉ mo tikitiki yao hala꞉ ekita꞉ ya kone na polome. Hande Mosesima꞉ mieke Lo Pimanu opua pu hao mea꞉peke ya꞉la꞉ ekima꞉ na polome laa loa꞉me. Mo Koda꞉ma꞉ Yesu Ketiso pa꞉ta꞉ hone tulaasome wanda꞉hali pa꞉ta꞉ ku hala tikitiki yao hala꞉ ekita꞉ ame molome. Do tikitiki yao haasa꞉ ekina꞉ teketa꞉ hone tulaasa꞉ekie.

2 Timodi 1:5

Mo naka꞉ ota꞉ hone tulale ekita꞉ I̱ma꞉ niminao halome. Naka꞉ aeya꞉ Loisi pita꞉ naka꞉ ama꞉ Yunisi yaapoma꞉ make do mandake hone tulaepe ekita꞉ ya honema꞉ta꞉ neke pa꞉ta꞉ make taa ula꞉me.

Taitasi 1:1

I̱ta꞉ Poloma꞉ Koda꞉na꞉ e pokaasa꞉ hali hata꞉ make Yesu Ketisona꞉ aposolo hali hata꞉ make do wape wapitolome. I̱ta꞉ mo Koda꞉ma꞉ ma̱leke lila꞉ wanda꞉halina꞉ hone tulalemeeki daeyaena꞉ lono ipikana꞉ma꞉ I̱ mea tapaeya꞉me. Kuta make ika꞉ pi miniki haasa꞉ hauna꞉ ota꞉ pita꞉ miniki haena꞉ walonoyeke I̱ tapaeya꞉me.

Taitasi 1:4

Koto ekina꞉ do wapeta꞉ mo Taitasi pa꞉ta꞉ wape tapaasome. Mo dika꞉ hone tulaalope ekina꞉ ipikita꞉ ota꞉ ya weki hala꞉me. Mo Apa꞉ hala꞉ Koda꞉ma꞉ make mo nika꞉ da꞉taasa꞉ Ketiso Yesuma꞉ make neke pa꞉ta꞉ a꞉ta꞉ma꞉ homa tamba꞉ mina꞉la꞉eki pita꞉ puki lopao haasa꞉eki yaapo kina꞉e la alome.

Taitasi 2:13

mo hande ota꞉ ipilie nate opolo epena꞉e laa hone tulaasa꞉ hata꞉ yu wia haloma꞉me. Koto epolo pa꞉la꞉ nateta꞉ mo nika꞉ Koda꞉ tieke make da꞉taala꞉ hali Yesu Ketiso make ipilika꞉ pa̱a̱ tieke peneme yaasa꞉eki opolo ipilieke.

Dia꞉mesi 1:1

I̱ta꞉ Dia꞉mesi Koda꞉ make Tekehali Yesu Ketiso yaapona꞉ e pokaaso hali halome. Do wape pitolo ekita꞉ hande ika꞉ kenke nane mina꞉pa꞉lao pemeke Isulai 12 tapake ika꞉ wanda꞉hali pa꞉ta꞉ tapaasome. Iki pa꞉ta꞉ keiyae pi alome.

1 Pida 1:1

I̱ Pida Yesu Ketisona꞉ Aposoloma꞉ iki Koda꞉ma꞉ ma̱leke lia mea hala꞉ wanda꞉hali mo a꞉nda꞉ma꞉ ta꞉la꞉leke da yoka tankulupu mea pua iki ta Pondasi kenke o Ka꞉leisia kenke o Ka꞉padosia kenke o Eisia kenke kutupa make mo Bidinia do kenke paeyao pa꞉ta꞉ panka꞉ halo peleme wanda꞉hali iki pa꞉ta꞉ do wape pitolome.

1 Pida 1:7

Mo tekipuleke laasa꞉ haumanu ipula꞉ ekina꞉ teketa꞉ mo ikana꞉ma꞉ Koda꞉ pa꞉ta꞉ hone tulaleme ekita꞉ ota꞉eki yaaluekema꞉ ipu hala꞉me. Kenke pa꞉ta꞉ awa mina꞉la꞉ kolota꞉ hoeyaapeke ya꞉la꞉pate kone haliwekima꞉ ota꞉ kolope o hoke ekipe laa pa handuluekema꞉ tima꞉ yanka hando halememe. Koto piteleme tupa꞉ kone ika꞉ hone tulaaseme ekina꞉ taka꞉lao hamena꞉ la handilieke. Mo kolota꞉ ota꞉ epeke ale ya꞉la꞉pate kone ikana꞉ma꞉ Koda꞉ pa꞉ta꞉ hone tulaleme ekima꞉ta꞉ mo kolo make ota꞉ lombei pa꞉la꞉me. Taka꞉lao haemeka꞉na꞉ta꞉ mo Yesu Ketisona꞉ opolo ipilie natena꞉ ikita꞉ yeiya꞉ laasa꞉eki mu pa̱a̱ peaasa꞉eki mu titina꞉ amba꞉la haasa꞉eki mu pilimikie.

1 Pida 2:7

Iki hone tulaleme wanda꞉halima꞉ Ketisota꞉ ota꞉ a꞉pa꞉la꞉me hone u halemepate mo hone na tulaleme wanda꞉hali pa꞉ta꞉ta꞉ do la꞉la꞉me. Da a꞉eta꞉la꞉ haliwekima꞉ kiaemeke toopita꞉ wetepena꞉ tumiki toopi kone wiekeme.

1 Pida 5:1

Iki ame̱le̱ hala꞉ you hali weki pa꞉ta꞉ I̱ make you hali hata꞉ iki pa꞉ta꞉ tikitiki yaasa꞉ pi alome I̱ta꞉ Ketisona꞉ tanda miekeeki handoa꞉ halie. Kutupa mo epolo pa꞉la꞉ pa̱a̱ pita꞉la꞉ ekita꞉ I̱ma꞉ make mulueke.

2 Pida 1:4

Dupita꞉la꞉ hauma꞉ta꞉ ipikana꞉ma꞉ mo la꞉ ula꞉ ota꞉ aneke make seliapo piki pa hameke hala꞉la꞉ alemanu ka꞉la꞉me. Pa ekipeke. Dupiki pa hameke hala꞉la꞉ ale manuma꞉ta꞉ mo hande do kenkena꞉ ula꞉ hoeyaasa꞉ puki tiaasa꞉ hau mea paka꞉lao mo Koda꞉na꞉ ota꞉ hau pa꞉ta꞉ a꞉pa apa꞉taalimikie.

Diudi 1:1

I̱ta꞉ Diudi Dia꞉mesina꞉ hameke hande Yesu Ketisona꞉ e pokaaso halima꞉ loa꞉me. I̱ma꞉ do tameiya꞉ta꞉ mo hande Koda꞉na꞉ wi la꞉la꞉eki opeleme wanda꞉hali iki pa꞉ta꞉ tapaasome. Dota꞉ mo hande Apa꞉ Koda꞉na꞉ pukima꞉ homa꞉la꞉eki oto pa꞉ta꞉ haleme make Yesu Ketisona꞉ handeteke hala꞉eki pa꞉ta꞉ haleme wanda꞉hali iki pa꞉ta꞉ loa꞉me.