2 Kotindi 9:1 - Panake Pi La: Ula: Buka pita: Kine Pieke Buka

¹ Mo Diudia da kenke pa꞉ta꞉ haleme Koda꞉na꞉ wanda꞉hali pa꞉ta꞉ tapaala꞉ tamba꞉ mina꞉la꞉ ekita꞉ iki pa꞉ta꞉ do laaso tameiya꞉ tapapeketa꞉ ti na pa꞉la꞉me.

2 Kotindi 9:1 ပူးပေါင်းရင်းမြစ်များ

Kini Pieke 27:42

Pate Lepekama꞉ Isona꞉ pulueke leeke ekimanu amba꞉ opu hao Dieikope epoa꞉ la alota꞉ Opie. Naka꞉ kame Isoma꞉ta꞉ hombo peaaso hata꞉ neke lu homalueke ala꞉me.

Ma꞉tiu 22:31

Kutupa Yesuma꞉ pi ma꞉nda꞉ alota꞉ Mo hande homemeke wanda꞉hali paa tiaalo pelemeeki pa꞉ta꞉ Koda꞉ma꞉ ipika꞉ wape pea ula꞉ pina꞉ iki pa꞉ta꞉ lea꞉ pita꞉ na yata꞉pemepe. Ipikana꞉ma꞉ alota꞉

Aposolo 24:17

Diutuseleme da nane mandane bapi manuna꞉ I̱ na poa꞉ ekina꞉ numaneke a꞉nda꞉ poa꞉pita꞉ta꞉ yaka wanda꞉hali pa꞉ta꞉ mani mea pua halaota꞉ Koda꞉ pa꞉ta꞉ haluekema꞉ ma꞉na꞉ make lia haloa꞉me.

Loma꞉ 11:28

Diu wanda꞉hali ikana꞉ma꞉ hande Pi Seliapo kiao haleme ekina꞉ ikita꞉ Koda꞉na꞉ a꞉nda꞉ tunkuliki wanda꞉hali halememe. Kutu peleme ekima꞉ Diendaili wanda꞉hali ikana꞉ma꞉ tamba꞉ mina꞉la꞉ hau minelememe. Kutu pitelemepate Koda꞉ma꞉ amba꞉ ika꞉ apa꞉mei ameda pa꞉ta꞉ pi la꞉ witolo alota꞉ Ikana꞉ma꞉ mendilimi wekiwandiki manuta꞉ yaka yankeketonu halimikie laa leeke handaata꞉ Diu wanda꞉hali ikita꞉ Koda꞉na꞉ yankeketonu halememe.

Loma꞉ 12:13

Mandane Ketiso yankeke manuma꞉ ota꞉ mea꞉peke yelia꞉ alemanu mea꞉peke na ya꞉ka꞉na꞉ta꞉ kota꞉ ikana꞉ma꞉ ika꞉ wia haleme ekimanu kone telipa ma꞉nda꞉ hala꞉pa꞉peke. Da ma꞉nda꞉ nane haleme Ketiso wanda꞉hali kimisu a꞉pa pitimika꞉na꞉ta꞉ kota꞉ ika꞉ da pa꞉ta꞉ handa꞉ mea peliaapa꞉peke.

Loma꞉ 15:31

Doeki yaapona꞉ yeni peaapa꞉peke. Ma꞉nda꞉ta꞉ Diudia nane haleme pi na miki haliwekima꞉ I̱ hoeyaama꞉na꞉ loa꞉me. Ma꞉nda꞉ make dupa. Mo Diutuseleme da nane haleme Koda꞉na꞉ wanda꞉halima꞉ I̱ma꞉ iki tamba꞉ mulu poloeki mina꞉yeke loa꞉me.

Ka꞉leisia 2:10

Kuta ikana꞉ma꞉ niki pa꞉ta꞉ honke lemeke pi homeke ma꞉nda꞉ta꞉ dupa. Mo niki ame̱le̱ haleme natehali wanda꞉hali hone na yonka꞉lapa꞉peke lemekeme. Koto honke lemeke hauta꞉ I̱ma꞉ honkopu hau pua꞉tiki pu halo hau homekena꞉ kone lemekeme.

Ka꞉leisia 6:10

Wanda꞉hali paeyao pa꞉ta꞉ epeke hau pia꞉peke ekina꞉ waleke a꞉nda꞉ opolo epea꞉ka꞉na꞉ta꞉ kota꞉ iki pa꞉ta꞉ epeke hau ota꞉ pia꞉peke ya꞉la꞉me. Kutu pia꞉peke yolo pa꞉la꞉pate mo nika꞉ Ketiso tapakena꞉ haleme wanda꞉hali pa꞉ta꞉ta꞉ hone ota꞉ wopu witolo hata꞉ tamba꞉ mea꞉tiki pea꞉peke ya꞉la꞉me.

1 Desalonaika 5:1

Kametitio. Mo hande haumanu pulu pa꞉la꞉ hau manuna꞉ di o natemanu iki hone wilimi ekina꞉ I̱ma꞉ iki pa꞉ta꞉ wape pea la kia꞉peke na ya꞉la꞉me.

1 Dioni 2:27

Koto pa꞉la꞉pate iki pa꞉ta꞉ta꞉ Ketisoma꞉ ipika꞉ Sipitidi amba꞉ ka꞉la꞉me. Koto ekina꞉ ipika꞉ Sipitidi iki pa꞉ta꞉ a꞉nda꞉ pita꞉ pelia haena꞉ta꞉ iki wala꞉peke some ma꞉nda꞉ta꞉ weiya꞉peke na ya꞉la꞉me. Pa ekipeke mo Sipitidima꞉ta꞉ iki pa꞉ta꞉ hau paeyao walieke. Kutupa ipikana꞉ma꞉ wala꞉la꞉ ekita꞉ yayapikieki dia꞉ya꞉la꞉pate ota꞉ekie. Koto ekina꞉ kota꞉ mo Sipitidima꞉ wala꞉la꞉eki opua pitolo hata꞉ make Ketiso pa꞉ta꞉ ta꞉ma꞉ni pu pelia hapeke ya꞉la꞉me.