2 Kotindi 8:9 - Panake Pi La: Ula: Buka pita: Kine Pieke Buka

⁹ Ikana꞉ma꞉ta꞉ nika꞉ Tekehali Yesu Ketisona꞉ a꞉ta꞉ma꞉ homa tamba꞉ mina꞉la꞉ ekita꞉ hone wilimime. Ipikita꞉ hamoko tieke hayekepate iki tamba꞉ muluekema꞉ yeke ipikita꞉ nate hali au leekeme. Kotota꞉ ipika꞉ natehali au leeke ekima꞉ iki hamoko hawaluekema꞉ pa꞉la꞉me.

2 Kotindi 8:9 ပူးပေါင်းရင်းမြစ်များ

Ma꞉tiu 17:27

Pateta꞉ do wanda꞉halima꞉ niki pa꞉ta꞉ hoke hone wiaama꞉na꞉ mo ikali leke pa꞉ta꞉ pua naka꞉ kimai lopaapeke. Kutaata꞉ ota꞉ titina꞉ endilipi ta꞉pelita꞉ yola꞉ mea ipika꞉ kake ankoto peaata꞉ koto kake pa꞉ta꞉ta꞉ silipa mani homeke handa꞉ wilimikie. Koto manima꞉ta꞉ mo ya tembolo dakisi make naka꞉eki make ana꞉ pilieke. Kotoeki mea pua dika꞉ dakisi hala꞉peke leekeme.

Ma꞉tiu 20:28

Pa ekipeke Wanda꞉halina꞉ Eiyeketa꞉ mo wanda꞉halima꞉ ipika꞉ e pokaena꞉ loluekema꞉ yeke na epeeke yekepate ipikana꞉ma꞉ pa ika꞉ e pokaaluekema꞉ make ipika꞉ da꞉ta꞉la꞉ ekima꞉ta꞉ iki wopuna꞉ hoke hauna꞉ yenki haluekema꞉ yeke epea꞉me leekeme.

Ma꞉tiu 8:20

Yesuma꞉ ipika꞉ pi hombo peaaso alota꞉ Keao hala꞉ kika manuma꞉ kone ika꞉ polu peleme ale ula꞉me. Kutaa ba manuma꞉ make ika꞉ pelia꞉pa꞉peke dakemanu hao hala꞉me. Pate mo Wanda꞉halina꞉ Eiyekema꞉ ipika꞉ you wia pelia꞉peke da panda꞉ ma꞉nda꞉ na ula꞉me.

Maka 6:3

Do halita꞉ kapenda hali dia꞉ya꞉ka꞉ta꞉pe laa Metina꞉ eiyeke dia꞉ya꞉ka꞉ta꞉pe. Dia꞉mesi Diosepe Diudasi make Saimono make ipika꞉ hameke titi dia꞉ya꞉ka꞉ta꞉pe laa Ipika꞉ beliki titi do pa꞉ta꞉ niki ame̱le̱ na halemepe lemekeme. Kutupa ipiki pa꞉ta꞉ honditi pitolo hata꞉ lemekeme.

Luku 16:11

Koto ekina꞉ta꞉ nakana꞉ma꞉ do kenkena꞉ ula꞉ hamoko alemanu a꞉nda꞉ tikitikina꞉ na handeteke haeka꞉na꞉ta꞉ kota꞉ epima꞉ Neketa꞉ mo deto hala꞉ ekina꞉ hamoko alemanu epeke tupa꞉ handeteke hapeke laa hone tulao kilia꞉pe.

Luku 2:7

Kutupa ipika꞉ mupeke weki mendiata꞉ hokulupeke dau manuma꞉ ambulata꞉ kimisu wanda꞉halima꞉ hambo haemeke da pa꞉ta꞉ pelia꞉peke da dia꞉yeke handa kao ma꞉na꞉na꞉ ne halo haemeke u̱lu̱ pa꞉ta꞉ mea pua wiekeme.

Luku 8:3

Kutupa mo Hetodina꞉ da handeteke hayeke ami you hali Tiusana꞉ weteke bikita꞉ Dioa꞉na make Susa꞉na make mandane wanda꞉wekima꞉ make yeekeme. Mo wanda꞉wekima꞉ ika꞉ mani manuta꞉ Yesu make ipika꞉ disaipolo haliweki tonka꞉na꞉ tamba꞉ mutia pomu hatiki pimikime.

Luku 9:58

Yesuma꞉ mo hali pa꞉ta꞉ alota꞉ Tikene kika manuma꞉ta꞉ ika꞉ kenke ka꞉ka꞉na꞉ wiaata꞉ ba manuma꞉ make ika꞉ dakemanu hala꞉pate pa mo Wanda꞉halina꞉ Eiyeketa꞉ ipika꞉ hoto minolo pelia꞉peke da ota꞉ ma꞉nda꞉ siki make dia꞉me leekeme.

Dioni 1:10

Kutupa mo hande Pita꞉ kenkena꞉ a꞉pa hayekeme. Koda꞉ma꞉ leeke handa ala꞉ta꞉ ala꞉ta꞉ paeyao ipikana꞉ma꞉ wepia wina꞉ leekepate kenke wanda꞉halima꞉ta꞉ ipiki hone na wimikime.

Dioni 1:14

Mo hande Pita꞉ hali au la a꞉pa niki ame̱le̱ haya꞉me. Ipika꞉ pa̱a̱ pu hala꞉eki pa a꞉ta꞉ma꞉ homa꞉la꞉eki make ota꞉ hau pita꞉la꞉eki make tumba pitia꞉eki nikana꞉ma꞉ handoma꞉me. Koto hande pa̱a̱ pu hala꞉ ekita꞉ ipikita꞉ Atekena꞉ Eiyeke homeke kone hata꞉ miekeme.

Dioni 1:17

Koda꞉ma꞉ta꞉ mo hande Lo Pimanu niki pa꞉ta꞉ la kina꞉yeke Mosesi pa꞉ta꞉ la haleekeme. Kutu piekepate pa a꞉ta꞉ma꞉ homa꞉la꞉eki make ota꞉ hau pita꞉la꞉eki make Yesu Ketisoma꞉ mea a꞉paeyekeme.

Dioni 12:30

Yesuma꞉ iki pa꞉ta꞉ alota꞉ Oli la꞉niaeya꞉ pita꞉ I̱ pa꞉ta꞉ dia꞉me. Iki pa꞉ta꞉ hone witolo hata꞉ la꞉niaaso lea꞉me.

Dioni 16:15

Ala꞉ta꞉ ala꞉ta꞉ paeyao yaka Apa꞉ma꞉ wia hala꞉ ekita꞉ ya ekie. Koto polo ekina꞉ I̱ma꞉ mo Temoko pa꞉ta꞉ halolo ekita꞉ ipikana꞉ma꞉ meaata꞉ iki pa꞉ta꞉ la kilieke loa꞉me.

Dioni 17:19

I̱ma꞉ do haliweki pa꞉ta꞉ hone witolo hata꞉ I̱ ya kone neke pa꞉ta꞉ kitolome. Kutupa do haliweki make ota꞉ naka꞉eki haena꞉yeke pitolome.

Loma꞉ 11:12

Mo Diu wanda꞉halima꞉ hoke hau pimiki handaata꞉ mandane kenke wanda꞉halima꞉ta꞉ wamo wamo pea pita꞉la꞉ ekimanu minelememe. Koda꞉na꞉ hau pu hoeyaemeke handaata꞉ Diendaili wanda꞉halima꞉ta꞉ wamo wamo pea pita꞉la꞉ ekimanu minelememe. Mo Diu da꞉ta꞉la꞉eki meleme wanda꞉hali ame̱le̱ apa꞉tao Diu wanda꞉hali paeyaoma꞉ make mimika꞉na꞉ta꞉ kota꞉ mo hande wamo wamo pea pita꞉la꞉ ekimanu daeyalieke.

Loma꞉ 15:3

Ketisoma꞉ta꞉ ipika꞉ hone pa꞉la꞉eki na pu hayeke ekina꞉yeke loa꞉me. Dia꞉me. Hande Baibolo bukana꞉ wape pa꞉la꞉ ekita꞉ dupae. Wanda꞉halima꞉ neke pa꞉ta꞉ pi la la pimikieki manuta꞉ I̱ pa꞉ta꞉ kone pi la la pitolo pimikime laa wape pa꞉la꞉me.

Loma꞉ 5:8

Kutu pulu pa꞉la꞉pate Koda꞉ma꞉ niki pa꞉ta꞉ ipika꞉ pukima꞉ wopu homa꞉la꞉ ekita꞉ peneme yao yaala꞉ ekita꞉ dupa. Nikita꞉ hoke hau pu haloma꞉ wanda꞉hali hamono kone Ketisota꞉ nika꞉eki peaaso hata꞉ homeekeme.

Loma꞉ 8:32

Koda꞉ma꞉ ota꞉ ipika꞉ Eiyeke sa꞉sa꞉ na piki kone niki paeyaona꞉eki peaaso homena꞉ kiekeme. Ipika꞉ Eiyeke niki ka꞉la꞉ ekina꞉ koto tupa꞉ ala꞉ta꞉ ala꞉ta꞉ paeyao make ipikana꞉ma꞉ kiki tindipao na kiliepe. Dia꞉me. Ota꞉ kilieke.

1 Kotindi 1:4

Koda꞉ma꞉ iki pa꞉ta꞉ mo Yesu Ketiso pa꞉ta꞉ yama꞉ pa a꞉ta꞉ma꞉ homa tamba꞉ mina꞉la꞉eki handolo hata꞉ I̱ma꞉ ipiki pa꞉ta꞉ keiyae pi lo halome.

1 Kotindi 15:47

Titina꞉ A꞉da꞉ma꞉ta꞉ kenke dokoloma꞉ wepia haena꞉ leeke halie. Namba 2 A꞉da꞉ma꞉ta꞉ hepeni nane hao epeeke halie.

2 Kotindi 6:10

Nikita꞉ puki hoeyao halemepate hoto paeyao ta꞉na꞉ma꞉ homoloma꞉me. Nikita꞉ nate hali hake nono poloma꞉pate nikana꞉ma꞉ta꞉ mandane wanda꞉hali wopu hamoko haena꞉ aloma꞉me. Nikita꞉ ala꞉ta꞉ ma꞉nda꞉ na wia hake nono poloma꞉pate nikita꞉ ala꞉ta꞉ ala꞉ta꞉ paeyao ana꞉na꞉ kone wia haloma꞉me.

Epesese 2:7

Koto hande Koda꞉ma꞉ pieke hauta꞉ ipikana꞉ma꞉ pukima꞉ homolo hata꞉ Yesu Ketiso niki pa꞉ta꞉ ka꞉la꞉ ekima꞉ wetepena꞉ halo peleme wanda꞉halima꞉ ipikana꞉ma꞉ ota꞉ pa hameke a꞉ta꞉ma꞉ wopu homo hala꞉eki nate paeyao handa꞉tiki pina꞉ piekeme.

Epesese 3:19

Ketiso ipika꞉ pukima꞉ homa꞉la꞉ ekita꞉ hando paeyaapeke na ya꞉la꞉eki kone ikana꞉ma꞉ handemeka꞉na꞉ta꞉ epelieke. Kutupa mo hande epeke epeke ale paeyao Koda꞉ ipiki pa꞉ta꞉ tumbulu bao hala꞉eki kone iki pa꞉ta꞉ make tumbulu bao halieke.

Epesese 3:8

Koda꞉na꞉ wanda꞉hali paeyao titina꞉ haena꞉ I̱ta꞉ ota꞉ wetepe nane halopate Koda꞉ma꞉ta꞉ mo Diendaili wanda꞉hali pa꞉ta꞉ hande Pi Seliapo I̱ma꞉ walo ponoyeke I̱ pa꞉ta꞉ kia꞉me. Hande Pi Seliapo pa꞉ta꞉ta꞉ Ketiso ipika꞉ paelo pua꞉peke na ya꞉la꞉ hamoko hala꞉eki pila꞉me.

Kolosi 1:24

Koto ekina꞉ ameta꞉ I̱ta꞉ mo ikina꞉ tanda minolo ekina꞉ ta꞉na꞉ma꞉ homolome. Yaka lokema꞉ tanda minolo ekita꞉ mo hande Ketisoma꞉ ipika꞉ loke mo siosina꞉eki peaaso mieke tanda putupiliki u pelia hala꞉ ekita꞉ I̱ma꞉ paeyaaluekema꞉ tamba꞉ minolo loa꞉me.

1 Timodi 6:18

Koto wanda꞉hali ikana꞉ma꞉ mandane wanda꞉hali pa꞉ta꞉ epeke hau pipe laata꞉ mo ika꞉ tamba꞉ mina꞉la꞉ hau piteme ekima꞉ hamoko hapa꞉peke laa lapeke. Ikana꞉ma꞉ epeke moke pita꞉la꞉ wanda꞉hali hata꞉ ika꞉ hamoko ale manuta꞉ mandane wanda꞉hali pa꞉ta꞉ pa teli pealuekema꞉ tikitiki yao hapa꞉peke lapeke.

Hibulu 1:2

Kutu pieke pateta꞉ pa ame do wetepe naneta꞉ Koda꞉ma꞉ ipika꞉ Eiyeke pa꞉ta꞉ yama꞉ ipika꞉ pi niki pa꞉ta꞉ la kina꞉ la꞉la꞉me. Kutaata꞉ Koda꞉ma꞉ koto Eiyekena꞉ kikima꞉ta꞉ do kenke ya yaapona꞉ ula꞉ alemanu paeyao wepia wina꞉ laa ipikana꞉ma꞉ mo paelo pa꞉la꞉ naneta꞉ ala꞉ta꞉ ala꞉ta꞉ paeyao kilu tombuao haena꞉ Koda꞉ma꞉ ipiki mea hayekeme.

Dia꞉mesi 2:5

Ya kametitio. Opua꞉pe. Kenke wanda꞉halima꞉ta꞉ aleta꞉ ma꞉nda꞉ na wiki natehali wanda꞉halio laa alemepateta꞉ Koda꞉ma꞉ koto wanda꞉hali talopu meata꞉ ika꞉ hone tulaaleme ekina꞉ta꞉ iki hamoko mea yaasa꞉me. Kutupa make ipiki pa꞉ta꞉ pukima꞉ homeleme wanda꞉hali pa꞉ta꞉ pi la꞉ wieke tupa꞉ koto wanda꞉hali ipika꞉ Kilu Tombuao Hala꞉ ekina꞉ mea haena꞉ lelieke.

Peneme Yaeyekeeki 2:9

Ika꞉ ka꞉nda꞉ manuta꞉ I̱ma꞉ hone ulume. Ikita꞉ nate hali halemepate ikita꞉ ota꞉ hamoko halememe hone ulume. Diu wanda꞉hali dia꞉ya꞉la꞉pate kone ikita꞉ Diu wanda꞉halie lo haleme wanda꞉halima꞉ iki pa꞉ta꞉ hoke pimanu lo haleme ekita꞉ I̱ma꞉ hone ulume. Koto wanda꞉halita꞉ Sadanina꞉ tapakee.

Peneme Yaeyekeeki 21:7

Ma꞉nda꞉ epima꞉ a꞉nda꞉ peaa bepolaasa꞉ hali haya꞉ka꞉na꞉ta꞉ I̱ pa꞉ta꞉ doeki mina꞉e. I̱ta꞉ ipika꞉ Koda꞉ halueke. Kutupa ipikita꞉ yaka weki au lalueke.

Peneme Yaeyekeeki 3:18

Koto ekina꞉ I̱ma꞉ iki mana꞉ alo ekita꞉ mo ota꞉ ala꞉ta꞉ ma꞉nda꞉ na taleke kolo I̱ pa꞉ta꞉ hambemeka꞉na꞉ta꞉ kota꞉ hamoko halo peleme tupa꞉ loa꞉me. Kutupa make mo hakepiki aka꞉ ika꞉ yaala꞉ piki pa tia haleeki a꞉mbao yamoemena꞉ hamba꞉pee. Kutupa handolo peleme tupa꞉ mandane mulamula ika꞉ lekena꞉ liamena꞉ hamba꞉pee.