2 Kotindi 8:7 - Panake Pi La: Ula: Buka pita: Kine Pieke Buka

⁷ Ikita꞉ ika꞉ wia halemeeki paeyao pa꞉ta꞉ta꞉ hamoko halememe. Ika꞉ hone tulaasemeeki pa꞉ta꞉ make pi aleme pa꞉ta꞉ make hone witelemeeki pa꞉ta꞉ make ika꞉ a̱i̱ koto kone tamba꞉ muluekema꞉ hone witeleme pa꞉ta꞉ make kutupa niki pa꞉ta꞉ pukima꞉ homeleme ekima꞉ make loa꞉me. Koto ekina꞉ta꞉ nika꞉ hone pa꞉la꞉ ekita꞉ ikana꞉ma꞉ do pukima꞉ homa꞉la꞉ ekina꞉ e poka꞉la꞉ pa꞉ta꞉ ta꞉na꞉ma꞉ homolo hata꞉ haka꞉ta꞉pao mandaneeki pa haloemena꞉yeke loa꞉me

2 Kotindi 8:7 ပူးပေါင်းရင်းမြစ်များ

Ma꞉tiu 25:22

Koto somena꞉ hoki naneta꞉ mo hande 2 daoseni kina mieke halima꞉ a꞉pa koto 2 daosenima꞉ e poka meayeke 2 daoseni ma꞉nda꞉ halolo hata꞉ alota꞉ You halio. Nakana꞉ma꞉ I̱ pa꞉ta꞉ 2 daoseni kipateta꞉ pa I̱ma꞉ e pokaaso hata꞉ mealo 2 daoseni ma꞉nda꞉ doma꞉ mie leekeme.

Loma꞉ 15:14

Yaka kame titio. Ikana꞉ma꞉ epeke haumanu putia pulu hata꞉ mo piteleme ekimanu make wotu handelememe. Kutupa ika꞉ ika꞉ kone mana꞉ la alualu pea꞉pa꞉peke ekita꞉ I̱ma꞉ ota꞉ handa꞉ ulume.

1 Kotindi 1:5

Ikana꞉ma꞉ Ketiso yaapo ta꞉ma꞉ni pea hata꞉ ala꞉ta꞉ ala꞉ta꞉ paeyaoma꞉ hamoko halememe. Pi alemeeki paeyao make hone witelemeeki paeyao make apa꞉taaso hata꞉ paeyaona꞉ hamoko halememe.

1 Kotindi 12:13

Koto tupa꞉ kone niki paeyaota꞉ Diu wanda꞉hali pita꞉ Diendaili wanda꞉hali yaapo make ma꞉nda꞉na꞉ e pa hameke pokaaseme wanda꞉hali pita꞉ ka꞉la꞉pa꞉ ta꞉pao haleme wanda꞉hali yaapo make niki paeyao mo homeke Sipitidima꞉ kone bapitaisi pea homeke loke tunao haloma꞉me. Kutupa nikana꞉ma꞉ ikali no haloma꞉ tupa꞉ mo homeke Sipitidi kone na꞉tiki pu haloma꞉me.

1 Kotindi 12:8

Hande Sipitidima꞉ hali homeke pa꞉ta꞉ epeke hone wiki pi ala꞉eki halolo hata꞉ mo homeke Sipitidima꞉ kone hali ma꞉nda꞉ pa꞉ta꞉ make epeke handaasa꞉eki hala꞉la꞉me.

1 Kotindi 13:2

I̱ma꞉ta꞉ mo Koda꞉na꞉ pi la꞉ mea hala꞉la꞉ hauta꞉ wotu handolo hata꞉ pa mo Koda꞉ma꞉ a꞉mbao ula꞉ ekimanu make handa꞉ witolo hata꞉ mo hau paeyaona꞉ pea꞉peke ekimanu make handaata꞉ kutupa ya Koda꞉ pa꞉ta꞉ hone tulaaso ekima꞉ta꞉ mo potemanu kone pendilaapeke ya꞉la꞉ hali hata꞉ kone pa pukima꞉ homa꞉la꞉ hau na piki haowa꞉ka꞉na꞉ta꞉ kota꞉ I̱ta꞉ pa alema꞉ handeke hali halueke.

1 Kotindi 13:8

Pukima꞉ homa꞉la꞉ hauta꞉ ota꞉ na paelieke. Mo wanda꞉hali pa꞉ta꞉ Koda꞉na꞉ pi la꞉ mea hala꞉la꞉ hauta꞉ wetepena꞉ paelieke. Kutupa da ta꞉ta꞉ ta꞉ta꞉ pi ala꞉eki make wetepena꞉ta꞉ paelieke. Kutupa mo pita꞉la꞉eki manuna꞉ handa꞉la꞉ hau make wetepena꞉ paelieke.

1 Kotindi 14:12

Koto ekina꞉ ikana꞉ma꞉ mo Sipitidima꞉ kita꞉la꞉ ekimanu muluekema꞉ hone wopu peleme ekina꞉yeke kota꞉ mo hande siosi wanda꞉hali daena꞉ lapeke ekimanu ota꞉ titina꞉ epeke tupa꞉ mea puluekema꞉ honkopu hao hapa꞉peke.

1 Kotindi 4:7

Neketa꞉ wanda꞉hali ankulao tieke halena꞉ epima꞉ mea haena꞉ la꞉la꞉pe. Naka꞉ wia haleeki paeyaota꞉ Koda꞉ma꞉ na kia꞉pe. Koto pa꞉la꞉eki ya꞉ka꞉na꞉ta꞉ kota꞉ nakana꞉ma꞉ta꞉ ya kone poloma꞉ ala꞉ halima꞉ laata꞉ naka꞉ biki kone ekipeke mea a꞉meiyaasepe.

2 Kotindi 7:7

Mo ipiki epolo pia꞉ ekima꞉ homeke niki ta꞉na꞉ma꞉ na homa꞉ tiaya꞉pate pa mo ikana꞉ma꞉ ipiki honkopu hawaemeeki a꞉pa la kia꞉ ekima꞉ make niki ta꞉na꞉ma꞉ homa꞉ tiaya꞉me. Ipikana꞉ma꞉ta꞉ ikana꞉ma꞉ I̱ handawee laa we pambelememe laata꞉ ikana꞉ma꞉ ota꞉ hokeeki puma꞉me laa kelepeleme ekina꞉ make mo I̱na꞉ ta̱luekema꞉ tikitiki yao halemeeki make paeyao a꞉pa la kia꞉me. Koto ekina꞉ ameta꞉ I̱ta꞉ ta꞉na꞉ tieke ota꞉ wopu pa꞉la꞉me.

2 Kotindi 8:6

Koto ekina꞉ nikana꞉ma꞉ do e kini pia꞉ some Taitasi pa꞉ta꞉ do ta꞉ta꞉ ma꞉nda꞉ piki pukima꞉ homa꞉la꞉ e ikana꞉ma꞉ paeyamena꞉yeke tamba꞉ mu hapeke laa honke loma꞉me.

2 Kotindi 9:14

Koto ekina꞉ta꞉ ikana꞉ma꞉ta꞉ pukima꞉ homa꞉la꞉eki tiekema꞉ ikina꞉ yeni peaalimikie. Pa ekipeke mo Koda꞉ma꞉ iki pa꞉ta꞉ ota꞉ anekema꞉ haka꞉ta꞉pake a꞉ta꞉ma꞉ homa꞉la꞉eki ka꞉la꞉ ekina꞉ loa꞉me.

2 Kotindi 9:8

Kutupa Koda꞉ma꞉ta꞉ ika꞉ dia꞉ya꞉ tupa꞉ta꞉ ota꞉ haka꞉ta꞉pao wopu kuluekema꞉ aneke hali hala꞉me. Pa ekipeke iki dia꞉ya꞉la꞉ ale ana꞉na꞉ wia hamena꞉yeke make mo mandane epeke haumanu pa꞉ta꞉la꞉la꞉eki ota꞉ haka꞉ta꞉pao wia hamena꞉yeke make loa꞉me.

Epesese 4:29

Hoke pi homeke a꞉nda꞉ ika꞉ kakema꞉ na leke wanda꞉hali epeaalo peleme pimanu lapa꞉peke. Kutupa ika꞉ pita꞉ wanda꞉halima꞉ opitolo hata꞉ Koda꞉ ipika꞉ pa a꞉ta꞉ma꞉ homa꞉la꞉eki mina꞉yeke loa꞉me.

Pilipai 1:11

Kutu pilie ekima꞉ta꞉ ika꞉ halemeeki tukiki pa꞉ta꞉ta꞉ mo Yesu Ketiso homekema꞉ puemena꞉ lapeke ya꞉la꞉ hau manuma꞉ iki tukiki pa꞉ta꞉ tumbaalieke. Iki tumbaeya꞉ka꞉na꞉ta꞉ kota꞉ koto hauma꞉ta꞉ Koda꞉na꞉ pi lao yeiya꞉ laalieke.

Pilipai 1:9

I̱ma꞉ iki pa꞉ta꞉ dupiki yeni peao halome. Mo yeni peao halo ekita꞉ ikana꞉ma꞉ ota꞉ epeke titina꞉ hau ma̱leke lia꞉peke ya꞉la꞉ ika꞉ pukima꞉ homa꞉la꞉eki make ika꞉ ota꞉eki homeke hone wita꞉la꞉eki make ika꞉ honema꞉ teli pita꞉la꞉eki make mandakena꞉ daeyolo daeyolo ombu haena꞉ I̱ma꞉ do yeni peaasome. Koto haumanu iki tukiki pa꞉ta꞉ daeya꞉ka꞉na꞉ta꞉ mo Ketiso ipilie natena꞉ ikita꞉ haumanu na pu hoeyao aleta꞉ na piki wanda꞉hali halimikie.

2 Desalonaika 1:3

Nika꞉ kametonuo. Iki pa꞉ta꞉ hone witolo hata꞉ Koda꞉ pa꞉ta꞉ keiyae pi lo hamonoe. Ota꞉ dupiki pi lo haloma꞉ ekina꞉ teketa꞉ ika꞉ hone tulaleme ekita꞉ ota꞉ anekema꞉ daela꞉me. Kutupa mo ika꞉ pukima꞉ homa꞉ alualu pelemeeki make daeya tieke ya꞉la꞉me.

2 Timodi 2:1

Ya weki neke pa꞉ta꞉ dupa alome. Mo Koda꞉na꞉ a꞉ta꞉ma꞉ homa꞉la꞉ ekita꞉ mo nika꞉ Ketiso Yesu ame̱le̱ ta꞉ma꞉ni pitolo hata꞉ minoloma꞉me. Koto a꞉ta꞉ma꞉ homa꞉la꞉eki nakana꞉ma꞉ minele ekina꞉ta꞉ honkopu hao hapeke.

Hibulu 12:28

Koto pa꞉la꞉pate nikana꞉ma꞉ mo la꞉wa꞉ la꞉wa꞉ peaapeke na yolo pa꞉la꞉ kilu tombuao hala꞉eki moloma꞉me. Koto poloma꞉ ekina꞉ta꞉ Koda꞉ma꞉ ta꞉na꞉ma꞉ homena꞉ nikana꞉ma꞉ ipika꞉ biki mea a꞉meiyaaso hata꞉ keiyae pi lomana꞉e.

1 Pida 1:22

Koda꞉na꞉ ota꞉ pi opua pu haleme ekima꞉ta꞉ ika꞉ temoko yako pina꞉ lelememe. Ame ika꞉ Ketiso yankeke ota꞉ pukima꞉ homa halememe. Koto pelemepate ika꞉ puki paeyaoma꞉ pukima꞉ ota꞉ homa꞉ alualu pu hapa꞉peke.

2 Pida 3:18

Kotoeki na pikita꞉ nika꞉ Pa꞉ta꞉la꞉la꞉ Tekehali Yesu Ketisona꞉ hone ula꞉eki make a꞉ta꞉ma꞉ homolo tamba꞉ mina꞉la꞉eki pa꞉ta꞉ daeyatia pu hapa꞉peke. Ipiki pa꞉ta꞉ pa̱a̱ pa꞉la꞉eki ame make wetepe nina꞉ make wina꞉e. Kutu pina꞉e.

Peneme Yaeyekeeki 3:17

Ikana꞉ma꞉ alota꞉ I̱ta꞉ hamoko hata꞉ ala꞉ta꞉ ala꞉ta꞉ paeyao ana꞉ pa꞉la꞉me. I̱ dia꞉ya꞉la꞉ ale manuta꞉ ma꞉nda꞉ dia꞉yalo hata꞉ I̱ ana꞉ pa꞉la꞉me alememe. Pate ikita꞉ ta꞉na꞉ na pea ota꞉ a꞉ta꞉ pambeleme ekita꞉ hone na wilimime. Ikita꞉ natehali hao aka꞉ na yameke pa tia hata꞉ leke holu peleme.